ئەڤرۆ نیوز ، زنار :
پەرلەمانتارەکی لیژنا دارایی ل پەرلەمانێ عێراقێ دەمێ هنارتنا مووچێ فەرمانبەران ژلایێ بەغداڤە ئاشکرا دکەت.
ئەحمەد حاجی رەشید بریاردەرێ لیژنا دارایی ل پەرلەمانێ عێراقێ ئەڤرۆ ئێکشەمبی 21 کانوونا دویێ 2018 دیارکریە،کو بەغدا هەتا دوماهیا ڤێ هەیڤێ دێ مووچەی هنێریت،هەکە نەهنارت دێ ل دەستپێکا هەیڤا شوواتێ هنێریت.
گوت ژی،پشتی وەزارەتا ساخلەمیێ و پەروەردێ دێ هووربینی د لیستێن مووچەی یێن وەزارەتێن دیتر ژی دێ دەستپێکەن.
ئه‌ڤرۆنيوز:
ئه‌ڤرۆ ئێكشه‌مبى 21/1/2018، سه‌رۆك بارزانى ل هه‌ولێرێ سه‌ره‌دانا كۆسره‌ت ره‌سول جێگرێ ئيكێ يێ سكرتێرێ گشتيێ ئێكه‌تى نيشتمانى كوردستان كر.
دوێ سه‌ره‌دانێ دا، سه‌رۆك بارزانى ب خێر هاتنا كۆسره‌ت ره‌سول كر وهيڤيا ساخله‌ميێ وسلامه‌تيێ بۆ خواست
د ديدارا هه‌ردولا دا، به‌حسێ ره‌وشا سياسى يا عيراقێ وده‌ڤه‌رێ ودووماهى پێشهات وپرۆسا سياسى ل هه‌رێما كوردستانێ كر.
كۆسره‌ت ره‌سول، ل ڤێ دووماهيێ تووشى نه‌خوه‌شيه‌كێ ببوو و بۆ ده‌مه‌كێ هاتبوو هنارتن بۆ نه‌خوه‌شخانه‌كا ئه‌لمانى ل به‌رلين.
ئه‌ڤرۆنيوز:
سه‌ركرده‌كێ بزاڤا گۆران ره‌خنێن توند ئاراسته‌ى شاسوار عه‌بدولواحدى دكه‌ت ودبێژيت ئه‌و كه‌سه‌كێ شكه‌ستيه وهه‌كه مه نه‌چار بكه‌ت ، دێ فايلێن وى به‌لاڤكه‌ين.
خه‌ليل سه‌ركانى، پێشمه‌رگێ دێرين وئه‌ندامێ جڤاتا گشتى يا گۆران گۆت” ده‌مه‌كه شاسوار عه‌بدولواحد سه‌رۆكێ بزاڤا نه‌وه‌ى نوو، بێ كو ئه‌ندامێ گۆران بيت، جلكێن نه‌وشيروان مسته‌فاى دكه‌ته به‌رخوه وچاڤ ل وى دكه‌ت، به‌لێ هه‌كه سنوره‌كى بۆ خوه نه‌دانيت، دێ نه‌چاربين فايلێن وى به‌لاڤكه‌ين”.
سه‌ركانى زێده‌تر بۆ باسنيوز گۆت” شاسوار ميراتگرى نه‌وشيروان مسته‌فاى نينه وهه‌موو كه‌سه‌ك دزانيت كا شاسوار كه‌سه‌كێ چاوايه وقه‌بوول ناكه‌ين جاره‌كادى چاڤ ل نه‌وشيروانى بكه‌ت”.
گۆت ژى” ئه‌و نه‌شێت بۆ به‌رژه‌وه‌نديا خوه وگرۆپا خوه وه‌كو نه‌وشيروانى خوه لێبكه‌ت”.
دياركر” شاسوارى پارێ هزاران وه‌لاتيان يێ خوارى ول بازرگانيا خوه ژى شكه‌ستن يا ئيناى، له‌وما هه‌كه سنوره‌كى بۆ خوه نه‌دانيت، دێ نه‌چاربين هه‌لويستي خوه بگوهۆرين وب شێوازه‌كى دى ره‌فتارێ دگه‌لدا بكه‌ين”.
ئه‌ڤرۆنيوز:
ئه‌ڤرۆ ئێكشه‌مبى 21/1/2018، ده‌ست ب پرۆسا به‌لاڤكرنا گازا سپى ل سه‌ر ئاكنجيێن باژێرێ دهۆكێ ده‌ستپێكر.
جه‌وهه‌ر عه‌لى، قايمقامێ قه‌زا دهۆكێ راگه‌هاند” وه‌كو قۆناغا ئێكێ يا پرۆسا به‌لاڤكرنا گازا سپى ل سه‌نته‌رێ باژێرێ دهۆكێ، ل تاخێن سه‌رهلدان وبه‌روشكێ ده‌ست ب به‌لاكرنێ هاتيه كرن ودوێ قۆناغێ دا دێ پێنج هزارو81 خێزان گازا سپى وه‌رگرن وبۆ قۆناغا ددووڤدا دێ پێنج هزار خێزان وه‌رگرن”.
ئه‌ڤرۆنيوز:
وه‌زيرێ دارايى وئابوورى ل هه‌رێما كوردستانێ دداخۆيانيه‌كێ دا به‌حسێ پرسا ڤه‌گه‌راندنا پاشكه‌فتێ مووچه‌ى بۆ مووچه‌خۆران دكه‌ت.
رێباز حه‌ملان وه‌زيرێ دارايى وئابوورى بۆ ده‌نگێ ئه‌مريكا دياركر كو وه‌زاره‌تا وى ليستێن هه‌موو مووچه‌خۆران يێن به‌رهه‌ڤكرين تاكو بۆ به‌غدا بهنێرن وگۆت” من هيڤيه‌كا مه‌زن يا هه‌ى كو ل گه‌ل حوكمه‌تا عيراقێ بگه‌هينه رێككه‌فتنێ وهه‌تا نوكه چو تشته‌كێ وه‌سا نه‌هاتيه پێش بۆ نه‌دانا مووچه‌ى”.
حه‌ملانى ئاماژه ب پاشكه‌فتێ مووچه‌ى كر وراگه‌هاند كو پاشكه‌فت ژ ئه‌گه‌رێ به‌رده‌ست نه‌بوونا داهاتى يه وهه‌كه هه‌ولێر وبه‌غدا رێككه‌فتن ل دۆر بودجه‌ى، وى ده‌مى چو به‌هانه بۆ پاشكه‌فتكرنێ نامينيت، مووچێ فه‌رمانبه‌ران ل دووڤ قانوونێ يه، له‌وما هه‌رده‌مێ داهاتێ پێدڤى ل به‌ر ده‌ست بوو، مافێ فه‌رمانبه‌رانه هه‌موو پاشكه‌فتێ مووچێن خوه وه‌ربگرن”.
وه‌زيرێ دارايى گۆت ژى” 700 مليۆن دۆلارێن حوكمه‌تا هه‌رێمێ يێن ل ده‌ف هنده‌ك وه‌به‌رهێنه‌ران كو ئه‌رد وپاره ب بێ به‌رامبه‌ر پێ هاتيه دان”.
ئاشكراكر ژى” هه‌كه پرۆژێ قانوونا چاكسازيێ ب تمامى بهێته بجهئينان، دێ كۆژمێ 150 مليار دينار بۆ گه‌نجينا حوكمه‌تا هه‌رێمێ ڤه‌گه‌ريت”.
ناڤبرى هيڤى خواست كو ئه‌و په‌رله‌مانتارێن بۆ ده‌مێ چار سالان دراگه‌هاندنێ وتۆرێن جڤاكى دا به‌حسێ دادپه‌روه‌ريێ ومافێ خه‌لكى دكه‌ن، به‌رگريێ ژڤى پرۆژه‌ى بكه‌ن”.
ئه‌ڤرۆنيوز:
حه‌سه‌ن رووحانى سه‌رۆكێ ئيرانێ دديداره‌كێ دا ل گه‌ل نێچيرڤان بارزانى سه‌رۆك وه‌زيرێن هه‌رێما كوردستانێ راگه‌هاند، پێدڤيه هه‌موو نه‌ته‌وه ل وه‌لاتێن ده‌ڤه‌رێ دچارچۆڤێ دستوور وئێك پارچه‌يا ئاخێ بگه‌هنه مافێن خوه يێن شه‌رعى ب تايبه‌تى كوردێن عيراقێ ودياركر كو سه‌رمايه‌دارين ئيرانى دبه‌رهه‌ڤن پشكداريێ دپرۆژێن ژێرخانه‌يا هه‌رێما كوردستانێ دا بكه‌ن.
ئه‌ڤرۆ ئێكشه‌مبى 21/1/2018، نێچيرڤان بارزانى سه‌رۆك وه‌زيرێن هه‌رێما كوردستانێ وحه‌سه‌ن رووحانى سه‌رۆك كۆمارا ئيرانێ ل ته‌هرانێ كۆمبوون ورووحانى دوێ كۆمبوونێ دا ب ئاماژه‌دان ب په‌يوه‌نديێن ديرۆكى يێن كۆمارا ئيسلامى يا ئيرانى ل گه‌ل (كوردێن عيراقێ) گۆت” دڤێت هه‌موو بزاڤ بۆ ب هێزكرنا زێده‌تر يا په‌يوه‌نديێن دناڤبه‌را گه‌لێن ئيرانێ وعرياقێ بهێنه كرن”.
سه‌رۆكێ ئيرانێ ئاماژه ب رۆل وكاريگه‌ريا هه‌رێما كوردستانێ بۆ ب هيزكرنا ئاسايشا عيراقێ كر وه‌كو پشكه‌كا گرنگ ژوى وه‌لاتى وگۆت” سه‌قامگيرى وئاسايش يا پێدڤيه بۆ گه‌هشتنێ ب گه‌شه‌كرن وخوه‌شگوزه‌رانيێ ونابيت رێ بهێته دان كو سه‌قامگيرى وئاسايشا وه‌لاتێن ده‌ڤه‌رێ ب هه‌ر بهانه‌كێ بهێته تێگدان”.
رووحانى دياركر” پێدڤيه هه‌موو نه‌ته‌وه ل وه‌لاتێن ده‌ڤه‌رێ ب تايبه‌تى كوردێن عيراقێ دچارچۆڤێ دستوورى وئێك پارچه‌يا ئاخا وان وه‌لاتان بگه‌هنه مافێن خوه يێن شه‌رعى وقانوونى”.
سه‌رۆكى ئيرانێ به‌رهه‌ڤيا سه‌رمايه‌دارێن ئيرانى بۆ ئه‌نجامدانا كارێن سه‌رمايه‌گوزارى ل هه‌رێما كوردستانێ ده‌ربرى وراگه‌هاند”سه‌رمايه‌دارێن ئيرانى دبه‌رهه‌ڤن ل پرۆژێن ستراتيژى يێن هه‌رێما كوردستانێ سه‌رمايه‌گوزاريێ بكه‌ن وپێشوازيێ ل بازرگانێن هه‌رێما كوردستانێ دكه‌ين بۆ پشكداريه‌كا چالاكانه‌تر دبازارێن ئيرانێ دا “.
ئه‌ڤرۆنيوز:
نێچيرڤان بارزانى سه‌رۆك وه‌زيرێن هه‌رێما كوردستانێ، ئه‌ڤرۆ ئێكشه‌مبى 21/1/2018،ل ته‌هرانێ ل گه‌ل عه‌لى شه‌مخانى سكرتێرێ جڤاتا بلند يا ئاسايشا نه‌ته‌وى ئيرانى كۆمبوو.
ل دووڤ ئاژانسا (فارس) يا سه‌ر ب پاسدارێن ئيرانێ ڤه، دوێ ديدارێ دا نێچيرڤان بارزانى دياركر كر” په‌يوه‌نديێن دناڤبه‌را هه‌رێما كوردستانێ وئيرانى شارستانى وديرۆكى نه وئه‌م شانازيێ پێ دكه‌ين”.
سه‌رۆك وه‌زيرێن هه‌رێمێ گۆت ژى” په‌يوه‌نديێن دناڤبه‌را هه‌رێما كوردستانێ وئيرانێ بۆ دابينكرنا ئاسايش وسه‌قامگيريا ئه‌منى دگرنگن وناكه‌ڤنه دبن كاريگه‌ريا نه‌ياران ڤه وبۆ رێگريێ ل گه‌فێن ئه‌منى بۆ سه‌ر ئيرانێ، هه‌موو شيانين خوه دێ ده‌ينه كارى”.
عه‌لى شه‌مخانى سكرتێرێ جڤاتا بلند يا ئاسايشا نه‌ته‌وى يا ئيرانى ژى گۆت”بزاڤێن ئيرانێ ل پێناڤى راكرنا به‌ربه‌ستان دناڤبه‌را هه‌رێمێ وبه‌غدا يێن زيده‌تر بووين وپێشڤه‌برنا هاريكاريێ دناڤبه‌را عيراقێ وهه‌رێما كوردستانێ ل سه‌ر بنه‌مايێ برايه‌تيێ وسه‌لماندنا راستگويێ بوو وهنده‌ك لڤينێن لايه‌نين دژى ئيرانێ كو ل ناڤ ئاخا هه‌رێمێ هێرشێ دكه‌نه سه‌ر ئيرانێ ودراگه‌هاندنێ دا به‌حس لێ دهێته كرن، بۆمه جهێ قه‌بوولكرنێ نينه”.
ئه‌ڤرۆنيوز:
دادگه‌ها فيدرالى يا عيراقى ئه‌ڤرۆ ئێكشه‌مبى 21/1/2018، بريارا خوه ڤه‌بر ل دۆر هه‌لبژارتنێن عيراقێ دياركر.
ئه‌ياس سامۆك په‌يڤدارێ دادگه‌ها فيدرالى يا عيراقى راگه‌هاند، ل دووڤ داخوازا جڤاتا نوونه‌ران، دادگه‌ها فيدرالى يا بلند برياره‌كا شرۆڤه‌كارى بۆ مادێ (56/دو) ژدستوورێ عيراقى ده‌ركر كو پێدڤيه پێگيرى ب ژڤانێ دياركرى دوێ مادێ دا بهێته كرن بۆ هه‌لبژارتنا ئه‌ندامێن جڤاتا نوونه‌رێن يا نوو وژڤان نه‌هێته گوهۆرين”.
برياره ل 12/5/2018 هه‌لبژارتنێن جڤاتا نوونه‌رێان وجڤاتێن پارێزگه‌هين عيراقى بهێنه ئه‌نجامدان
ئه‌ڤرۆ نيوز:
بەرپرسێ رێکخراوێن جەماوەری و پێشەیی یێ لقێ 17 پارتی ل شنگال دیار کر: “کارتێکرنا پەکەکێ ل خەلکێ شنگال کری کێمتر نەبوویە ژ وێ کارتیکرنا تیرۆرستێن داعش ل تەباخا سالا 2014ی ل خەلکێ شنگال کری، ھەکە بەروارد بکەین کەسێن تیرۆرستێن داعش رەڤاندین و کەسێن پەکەکێ رەڤاندین 400 ھەتا 450 کور و کچێن د بن ژیێ 18سالیێ دا پەکەکێ یێن برینە چیا ل سەر پەروەردەکا نەباش پەروەردە دکەن و کوشتن و مالوێرانکرن یێن کرینە ئارمانجا ڤان، پشتی ئەم ل شنگال نەماین و ھاتینە ڤەکێشان پەکەکێ خوە ل شنگال خورت کریە و یا گەھشتیە دام و دەزگەھێن میری“.
ئیدریس زۆزانی، بەرپرسێ رێکخراوێن جەماوەری و پێشەیی یێ لقێ 17 پارتی ل شنگالێ بۆ ئەڤرۆ دیار کر: “پشتی کاودانێن ڤێ دووماھیێ، رەوشا شنگال زۆر ئالوز بوویە، ئەو رەوشا نوکە خەلک تێدا زۆر بێزار بووینە، خەلک داخوازا ڤەگەراندنا زڤرینا دامودەزگەھێن حکومی و حزبی و ئەمنی یێن ھەرێما کوردستانێ دکەت، ئەو ئاستەنگێن بۆ خەلکێ شنگال پەیدا بوون ھوسا دەرنەکەڤت، ھندەک خەلکێ ھزر دکر دەمێ حکوومەتا عێراقی یان حەشدا شەعبی یا ئێزدی بھێتە شنگال دێ رەوشا وان باش بیت، لێ بەروڤاژی دەرکەڤت رەوشا خەلکێ خرابتر بوویە ب رەنگەکێ ھۆڤانە سەرەدەریێ دگەل خەلکێ ھاتە کرن.
زێدەتر دبێژیت: نوکە شنگال تووشی چەندین قەیرانان بووینە، ژ وانا ژی قەیرانا سیاسی و ئابۆری و کۆمەلایەتی، نوکە ئاریشێن کومەلایەتی بووینە ئاریشەکا مەزن ل شنگال، زێدەباری ڤێ چەندێ ژی گەلەک دامودەزگەھێن حکوومی و حزبی یێن ھاتینە دەستکاری کرن ژلایێ حەشدا شەعبی ڤە، نوکە ئەم چاڤەرێینە کا ئەو دێ چاوا ئاریشەیان چارەسەر کەن و بریار دێ بریارا خەلکێ شنگال بیت”.
زوزانێ ئەو ژی دیار کر: “ھندەک کەسان ھزر دکر دێ حەشدا شەعبی ھێتە شنگال دێ جادەیان و قوتابخانەیان و ئاڤێ و کارەبێ بۆ خەلکی دابین کەت، دێ خەلکی دامەزرینیت، دێ ژیانا خەلکێ خۆش کەت، لێ ئەڤە ھەموو ھۆسا دەرنەکەڤتن، حەشدا شەعبی ھەردەمێ ھاتیە شنگال ناکوکی و دووبەرەکێ ئێخستیە دناڤبەرا پێکھاتێن شنگالێ دا، حەشدا شەعبی یا شیعە دچن خەلکێ سۆنە دکوژن و ئینان دگۆتن ئەڤە حەشدا شەعبی یا ئیزدی یێ کوشتی ئەڤە بۆ تۆلڤەکرنی ھاتە کرن، ب تنێ مەرەما وان ئەوە شنگال ئارام نەبیت و پێکھاتێن دەڤەرێ ئێکدو بکوژن و ناکوکی ھەبیت بۆ بەرژەوەندیا حەشدا شەعبی”.
ئەو ژی دیار کر: “نوکە حەشدا شەعبی ب ئەجندا دەرەکی کارێ خوە دکەت، ھەکە مرۆڤ بچیتە دناڤ واقعێ وان دا، دێ بینیت حەشدا شەعبی ئەون یێن ژ ئیران و سووریا و لوبنان ھیچ تشتەکێ ژ واقعێ شنگال نزانن و بۆ وان نەیا گرنگە کی ئێزدیە و کی موسلمان.
ئاماژە دا وێ چەندێ ژی کو ل شنگال پەکەکێ کۆر ژ بابی یێ رەڤاندی و کچ ژ دایکی یا رەڤاندی، ب تنێ بۆ بەرژوەندیێن خوە، ھیچ رۆژەکێ ژی پەکەکە نەیا بەرھەڤە بھێت کور یان کچەکێ نێزیکی دایک و بابێن وان بکەت و ھەول ددەت کور و کچان ژ دایک و باب دوور بکەت، ب تنێ دا دناڤ رێزێن واندا بمینیت، ئەو کور و کچ چوون نکارن جارەکا دێ بزڤرن دناڤ خێزانێن خوە دا، چونکو پەکەکێ ل سەر پەروەردا شاش ل سوریا و قەندیل وان پەروەردە دکەت و ل دووڤ پلان و بەرنامێن خوە یێن سیاسی و نە حەزا باب و دایکێن خوە دچنە دبن ژیێ 18 سالیێ دانە و ب ھزارەھا ژی کەسان دەست ژ پەکەکێ بەرداینە”.
نيشاندان