ئەڤرۆ نیوز، نەوزاد هلۆری:
ب رەنگەكێ گشتی ل سنورێ پارێزگەها دهۆكێ دو جۆرێن سەیان يێن ههين ، ئەو ژی سەیێن ناڤمالا و سەیێن بەرەلا ، 650 سەیێن نافمالا و زێدەتری سێ هزار سەیێن بەرەلا ل پارێزگەها دهوكێ يێن ههين، ژبەر نەبوونا چو قانونان بۆ پاراستنا وان ، سەیێن بەرەلا ب چەند شێوازێن جوداجودا دهێنە كوشتن و قانوونێ ژی رێ ب كوشتنا وان يا داى.
هیوا دارتاش، ئێكە ژ وەلاتێن پارێزگەها دهۆكێ كو دمالا خودا دو سە يێن ههين بۆ ئەڤرۆ نیوز گۆت” ب خودانكرنا سەى دناڤمالان دا بۆ مرۆڤی مفایەكێ باش يێ ههى و سە دشێت ببیتە هەڤال ل گەل مرۆڤی و سەبر و ئارامیەكا باش بدەت ماڵی و كەیفا زارۆيان بینیت”.
زێدەتر گۆت” ئێك ژ وان سەیێن كو ئەز ل مال ب خودان دكەم سەیێ هاوشارە كو ئێكە ژ سەیێن كوردی و بناڤ و دەنگیەكا مهزن يا هەی و دبیتە سەیێ سێیێ ل سەر ئاستێ جیهانێ ، نێزیكێ 800 سەیێن ژ جۆرێ هاوشار كو سەیەكێ كوردی یە دناڤ رێزێن لهشكرێ ئەمریكا دا يێن ههين و نها توركیا بزاڤێ دكەت كو سەیێ هاوشار ب مولكێ خوە بدانیت هەتا كو وى وهلاتى بودجەیەكا زێدە و تایبەت بۆ درۆستكرنا پرۆژێن ب كۆم بۆ ب خودانكرنا سەیێ هاوشار تەرخانكریە و نها سەیێ هاوشار هەلگرێ پاسپورتا تایبەتە و ب گۆرەی بەرنامەیەكێ رێكخستی ژ روویێ ساخلەمیێ ڤە دهێتە پاراستن”.
دارتاشی دیاركر ژی كو سە تاكە گیانەوەرە ل سەر روویێ عەردی دشێتە گورگی و گۆت “من مۆلەتا ب خودانكرنا سەى يا هەی و باشترین شێواز بۆ ب خودانكرنا سەی ئەوە كو ب بچووكی بهێتە بخودانكرن و پێدڤیە ئەو كەسێ سەی ب خودان دكەت يێ شارەزا بیت و گرنگیێ ب ساخلەمیا سەی بدەت ، بەلێ خەلكێ كوردستانێ رەخنەیێن توند ژ بۆ وان كەسان هەنە ئەوێن كو سەیان دناڤمالان دا ب خودان دكەن”.
سلێمان تەمهر، سەرۆكێ رێكخراوا كوردستان بۆ پاراستنا مافێن ئاژەلی بۆ ئەڤرۆ نیوز گۆت” ل هەرێما كوردستان و پارێزگەها دهوكێ ب رەنگەكێ گشتی دو جۆرێن سەیان يێن هەين ، ئەو ژی سەیێن ناڤمالا و سەیێن بەرەلا ، دنهادا ل سنوورێ پارێزگەها دهۆكێ 650 جۆرێن سەیێن نافمالێ يێن ههين و زێدەتری سێ هزار سەیێن بەرەلا ژی يێن ههين، هندەك سەیێن بەرەلا ژلایی خەلكێ گوندان ڤه دهێنە ب خودانكرن ب تایبەتی بۆ مەرەمێن شڤانیێ”.
زێدەتر گۆت” ب گۆرەی قانوونا 48 یا سالا 1986 كوشتن و ژەهركرنا سەی ب مەرەما كوشتنا وی درۆستە و كوردستان ژی دكەڤیتە ژێر ڤێ قانونێ ، بەلێ ئهڤه تشتەكێ شاشە و پێدڤیە ل كوردستانێ قانوونەكا تایبەت بۆ پاراستنا مافێن ئاژەلان ههبيت ، ژبەركو ب رەنگەكی بەرەلا سە دهێنە كوشتن و ب گۆرەی هندەك ئاماران سالانە نێزیكێ شەش هزار سەیان دهێنە كوشتن و نها ئەڤ ئامارە گورانكاری ب سەردا هاتینە و رەنگە كێمتر و پتر ژی بهێنە كوشتن”.
ناڤبری دیاركر ژی كو هژمارا سەیێن بەرەلا و سەیێن ناڤمالێ ل هەرێما كوردستانێ و پارێزگەها دهۆكێ رۆژ بۆ رۆژێ بەر ب زێدەبوونە و گۆت ” كوشتنا سەی ل هەموو جیهانێ هاتیە قەدەغەكرن و حوكمەت و لایەنێن شولەژێ ههكه بخوازن سەیەك زیانێ نەگەهینیت مرۆڤی، بلا ژ ژینگەها مرۆڤی دوور دكەن ، شەر و ئالوزیێن عیراقێ بوویە ئەگەر كوهژمارا سەیان كێم ببیت ب تایبەتی ل عیراقێ كو گەلەك جاران هەوێن مەزن بۆ كوشتا وان دهێنەكرن ، هەر بۆ نموونە دهەوەكێ دا ل بەغدا 130 هزار سە د ئێك رۆژ دا هاتنە كوشتن”.
ئهڤرۆنيوز:
فراكسيۆنهكا دناڤ جڤاتا نوونهرێن عيراقێ دا ئهڤرۆ دوشهمبى 19/2/2018 راگههاند ئهمريكا بزاڤا دانانا مهزنترين بنگههێ لهشكرى ل ههرێما كوردستانێ دكهت وعهباجى نهشێت هێزێن ئهمريكى دهربكهت ومانا وان هێزان دبهرژهوهنديا كورد وسونان دايه.
حهسهن سالم، سهرۆكێ فراكسيۆنا (صادقون) ل جڤاتا نوونهرێن عيراقێ بۆ مالپهرێ (خهبهر نێت) يێ عيراقى گۆت” ئهمريكا بزاڤا چهسپاندنا ههبوونا خوه ل عيراقێ دكهت ب رێيا دانانا ههشت بنگههێن لهشكرى ل دهڤهرێن جودا جودا ژ عيراقێ ومهزنترين بنگههێ لهشكرى دێ ل ههرێما كوردستانێ هێته دانان”.
گۆت ژى” سهرۆك وهزيرێن عيراقێ، حهيدهر عهبادى نهشێت هيزێن ئهمريكى ژ عيراقێ دهربكهت، ههرچهنده عيراقێ شارهزاييا لهشكرى يا ههى كو بشێت وهلاتى بپارێزين وتيرۆرێ ژناڤ ببهت، بێ هاريكاريا ئاليهكێ بيانى”.
دياركر” ههبوونا ئهمريكى ل عيراقێ دبهرژهوهنديا كوردان دايه ب پله ئێك، ديسا ئهڤ چهنده دخزمهتا سونهيان ژى دايه”.
ئاماژه دا ژى كو 20 هزار سهربازێن ئهمريكى يێن ل عيراقێ ههين كو دبهلاڤكرينه ل سهر ههشت بنگههێن لهشكرى ل عيراقێ وچهندين جاران جڤاتا نوونهرين عيراقێ و لژنا ئاسايشێ وبهرگريێ ل جڤاتا نوونهران ، ههبوونا ئهمريكى ل عيراقێ يا رهتكرى وداخواز ژ عهبادى ژى كريه رۆهنكرنان ل سهر بههانهيا ههبوونا هيزێن ئهمريكى ل عيراقێ بدهت.
ئەڤرۆ نیوز ، زنار تۆڤی :
حهیدهر عهبادى سهرۆك وهزیرێن عێراقێ دیارکریە،کو د چهند رۆژێن داهاتیدا فرۆکخانێن ههرێمێ دێ هێنە ڤەکرن و پهرلهمانتارەکێ گوتیە، ڤەكرنا فرۆكخانان دێ ل 28 ڤێ هەیڤێ بیت.
حهیدهر عهبادى سهرۆك وهزیرێن عێراقێ د چاڤپێکەفتنەکێ دا ل گەل کەنالێ dw یێ ئەلمانی گوتیە،د چهند رۆژێن داهاتیدا دێ فرۆكهخانێن ههرێمێ ڤەکەین.
ئهڤرۆ دوشهمبی ئهسكهندهر وهتووت ئهندامێ لیژنا تهناهى و بهرەڤانیێ ل پەرلەمانێ عێراقێ،د لێدوانەکا رۆژنامهڤانى دا ئاشكرا كریه،کو ڤەكرنا فرۆکخانێن ههولێر و سلێمانى دێ ل 28 ڤێ هەیڤێ بیت.
ئهسكهندهر وهتووت ئەو ژی گوتیە، فرۆكخانێن ههولێر و سلێمانیێ دێ هێنە ڤەکرن، ههر چهنده داخوازیێن بهغدا ل دەرگەهێن سنووری و فرۆكخانان نەهاتینە جێبهجێ كرن،هەروەسا ل رۆژا ئێکشەمبی بۆ ههمان مهبهست شاندەکێ ههرێما كوردستانێ بۆ ڤەكرنا فرۆكخانان سهرەدانا بهغدا كریە.
پشتی ریفراندۆما سهربهخۆیا كوردستانێ،حوکمهتا عێراقێ کۆمەکا رێکاران ل دژى ههرێما كوردستانێ گرتیهبهر كو ئێک ژ وان داخستنا فرۆكخانێن ههرێما كوردستانێ بوو، ل هەمبەری فرۆكێن ژ دهرڤە،لێ ل ڤان نێزیکان دێ هێنە ڤەکرن.
ئهڤرۆنيوز:
سهرۆك وهزيرێن عيراقێ، حهيدهر عهبادى، راگههاند، ل ڤان نێزيكان فرۆكخانێن ههرێما كوردستانێ بۆ گهشتێن نێڤدهولهتى دێ هێنه ڤهكرن وژ مهزاختنا مووچێ فهرمانبهرێن ههرێما كوردستانێ ئهم يێن نێزيك بووين.
حهيدهر عهبادى، سهرۆك وهزيرێن عيراقێ دديدارهكێ دا ل گهل كهنالێ (DW) يێ ئهلمانى ب زمانێ عهرهبى گۆت” ل ڤان نێزيكان فرۆكخانێن ههرێمێ بۆ گهشتێن نێڤدهولهتى دێ هێنه ڤهكرن ودانوستاندن يێن ههين ومه ڤيايه دهستههلاتا فيدرالى بزڤريته فرۆكخانان، ل دۆر مووچێ فهرمانبهران ژى، ئهم يێن ژ مهزاختنا وان نێزيك بووين وتنێ مه دڤێت پشت راست بين كو ئهو پاره بۆ حزبان ناچيت”.
عهبادى دوێ ديدارێ دا، ڤهكێشانا هێزێن ئهمريكى ژ عيراقێ ل سالا 2011 ب شاشيهكا ديرۆكى هژمارت وگۆت” مه نهڤێت ههمان شاشيا سالا 2011 دوباره بكهين، دهمێ هێزێن ئهمريكى ژ عيراقێ چووين، پشتى چهند ههيڤهكا گرۆپێن تيرۆرستى ل هندهك دهڤهران سهرهلدان وپاشى داعش هات وچهندين باژێرێن عيراقى ب تمامى كونترۆلكرين”.
ئەڤرۆ نیۆز، سەباح زوهێر:
ئەندازیار بەهزاد زێباری سەرۆکێ فراکسیونا ئێکگرتویا ئیسلامی ل پەرلەمانێ کوردستانێ ددەتەدیارکرن کو گرنگە قانونا چاکسازیێ ل لیستا موچەخوران ب زوترین دەم ل پەرلەمانی دەربکەڤیت و حکومەت ب رژدی جێبەجێ بکەت، بریاربوو ئەڤرۆ راپورتا هەڤبەش یا هەر شەش لیژنا تەمام بیت، کو هەتا نها بەردەوامیا هەی بۆ دروستکرنا راپورتا کودەنگیێ ل ناڤ ئەندامێن لیژنێ دا یا هەی، ئەم هیڤی خوازین پەرلەمان روژا چارشەمبا داهاتی ڤێ قانونێ دەربکەت و کودەنگیەکێ دروست بیت ل ناڤبەرا سەروکاتیا پەرلەمانی و فراکسیونان بۆ دەرکەفتنا ڤێ قانونێ، ب جێبەجێکرنا ڤێ یاسایێ 150ملیار دینار هەیڤانە دێ بۆ حکومەتێ زڤرن.
زێدەتر گۆت ژی کو دامەزراندێن سندوقا داهاتێ نەفتێ و گازێ بۆ شەفافیەتێ ل کەرتێ نەفتێ دا، ب ڤێ چەندێ 180ملیار دینار بۆ حکومەتێ دێ زڤرن، هەروەسا گوهرینا ژێدەرێ سوتەمەنیێ و وێستگەهێن کارەبێ ل گازوێلێ بۆ گازا سروشتی، ئەگەر حکومەتێ بڤێت ل دەمێ کێمتر ل شەش هەیڤا دێ هێتەکرن و هەیڤانە زێدەتر 160ملیار دینار بۆ حکومەتێ دێ زڤرن.
ئاماژە دا وێ چەندێ کو چاکسازی ل داهاتێ گومرکێن ناڤخۆی دا بهێتەکرن، ب ڤێ چەندێ زێدەتر ل 200ملیار دینار بۆ خزینا گشتی یا حکومەتێ دێ زڤرن، ب کوما گشتی یا هەیڤانە ل ڤان هەر چوار سێکتەراندا زێدەتر 640ملیار دینار دێ زڤریت، ل گەل داهاتێ نوکەیێ یێ حکومەتێ کو 485ملیار دینارە، کو هەمو دبیتە 1،125ئێک ترلیۆن و سەدو بیست و پێنج ملیار دینار، ب ڤێ چەندێ هەیڤانە موچێ تەمام دێ هێتەدان، دگەل دانا رێژەکا موچێن پاشەکەفت و قەرێن بیانی و کومپانیان ژی دێ هێنەدان.
ئهڤرۆ نيوز:
رێڤهبهريا گشتى يا سهقاناسى و بيڤهلهرزێ ل ههرێما كوردستانێ ههڤبهركيا باران بارينا ئهڤ ساله ل گهل سالا بۆرى ههتا نوكه راگههاند و ئاشكهرا كر كو ل چهند ويستگههێن ههرێما كوردستانێ پتر باران باريه.
ب گۆرهيى نڤيسارهكا رێڤهبهريا گشتى يا سهقاناسى و بيڤهلهرزێ ل ههرێما كوردستانێ كو دانهك ب دهست ئهڤرۆ نيوز كهفتيه، راگههانديه كو ل ههر ئێك ژ ههولێر و سلێمانى و ههلهبچه ژ سالا بۆرى پتر باران باريه و ل دهۆك و كهركووك ژى كێمتر.
ب گۆرهيى ڤێ راپۆرتێ پشكا شێرى يا باران بارينا ئهڤ ساله بهر ب پارێزگهها سلێمانيێ كهفيه كو ب رهنگهكى وهكو ههڤبهركى ل گهل سالا بۆرى ههتا ئهڤرۆ رۆژا دوشهمبى رێكهفتى 19ى شوباتا 2018ێ 169.1 ملم ژ سالا بۆرى پتر باران باريه و ل پارێزگهها ههلهبچه ژى 41ملم ژ سالا بۆرى پتر باريه و ل ههولێر ژى 23.2ملم ژ سالا بۆرى پتر باران باريه.
ل دووڤ ڤێ راپۆرتێ ل پارێزگههێن دهۆك و كهركووك كێمتر باران باريه ب رهنگهكى ل پارێزگهها دهۆكێ هێش 18.5ملم يێن ماين بگههيته رێژا سالا بۆرى و ل پارێزگهها كهركووك ژى 12.8ملم يێن ماين.
ئهڤرۆ نيوز:
رێڤهبهرێ ناحیا قهیرهوان ل قهزا بهعاج دیاركر كو ل قهیرهوان چو تهناهی نینه، نوكه دهمێ كهسهك گیانێ خوه ل كهمپێن ئاواران ژ دهست بدهت ههتا كهس و كارێن وی دگهنه شنگال بۆ ڤهشارتنێ د 16 بازگههێن گرۆپ و لایهنێن سیاسی را دچن، تووشی زۆر ئالوزیان دبن.
عهبدولحهمید یونس، رێڤهبهرێ ناحیا قهیرهوان ل قهزا بهعاج دیاركر كو ژ مووسل ههتا شنگال حهشدا شهعبی 16 بازگههـ داناینه ههتا بهعاج ژی چهندین بازگهه داناینه دهمێ كهسهك نوكه ل كهمپێن ئاواران گیانی خوه ژ دهست ددهت زۆر یا ب زهحمهته ههتا كهس و كارێن مری دشێن تهرمێ وی ببهنه شنگال و بن ئاخ بكهن، چونكو ل بازگههان خهلكی زۆر نهرهحهت دكهن. هندهك بازگههێن ههمهجۆر ل دهڤهرێ یێن هاتینه دانان د ناڤبهرا پهكهكه و حهشدا شهعبی و لهشكری و ههموو ب جلكێن لهشكری نه، كهس نوزانت كی كیه ل وان بازگههان.
ئاشكهرا كر كو ل دهڤهرا قهیرهوان كهس د كهسێ ناگههیت، نوكه حهشدا شهعبی ب كهیفا خوه كار دكهت چ جلكێن وان بڤێت ل بهر خوه دكهن، خهلك نهشێت ب زڤریته سهر مالێن خوه ژ بهر نهبوونا تهناهیێ ل دهڤهرێ.
ئهڤرۆ نيوز:
قوربانیانیێن كارهساتا كیمیابارانا ههلهبجه چهند داوخوازیهك ل حوكمهتا ههرێما كوردستانێ و سهرۆكێ كۆمهلا قوربانیێن كارهساتا ههلهبجهژی دبێژیت، ههگهر داخوازیێن مه نههێنه بجه ئینان دێ بایكۆتا بیرهوهریا زیندیكرنا كارهساتا ههلهبجه بكهین ل رۆژا 16ی ئادارێ.
لوقمان عهبدولقادر، سهرۆكێ كۆمهلا قوربانیانیێن كیمیابارانا ههلهبجه بۆ رۆژ ناما ئهڤرۆ گۆت” كۆمهلێ و كهس و كارێن قوربانیان یاداشتهك بلندكریه بۆ سهرۆكایهتیا جڤاتا وهزیران و وهزارهتا كاروبارێن شههیدان ههتا رۆژا 16ی ئادارێ بهرسیڤامه نههێتهدان دێ بایكۆتا بیرهوهریا كارهساتا ههلهبجه بكهین و رێكێژی نادهین حوكمهت ئهڤێ بیرهوهریێ زیندی بكهت، كو ئهوژی چوار خالێن سهرهكی نه، ژوانا چارهسهركرنا برینداران و ڤهكرنا نهخۆشخانه ههلهبجه تایبهت ب چارهسهركرنا بهركهفتیێن كیمیایی كو ههتانوكه نۆشدار و پێدڤی بۆ نهخۆشخانێ نههاتینه دابینكرن، ههروهسا مه داخوازكریه پارچێن ئهردی بسهر كهس و كارێن قوربانیان بهێنه بهلافكرن.
لوقمان عهبدولقادر گۆتژی” تنێ ل ههلهبجه 500 بریندارێن چهكێ كیمیایی ماینه و هندهك ژوانا پێدڤی ب دهرڤهی وهلاتی ههیه بۆ چارهسهركرنێ و پشكهكژی یا پێدڤی چاندنا رهشكا چاڤی ههیه، بهلێ لسهرتاسهری ههرێما كوردستانێ نێزیكی ئێك هزار بریندارێن چهكێ كیمیایی ههیه و فهره حوكمهت لهزێ بكهت ل چارهسهركرنا وان، چونكه رۆژ بۆ رۆژێ رهوشا وان یا ساخلهمی بهرهف خراپبوونێ دچیت.
نيشاندان