ئه‌ڤرۆ نيوز:
به‌رى ده‌مه‌كێ كێم كۆمبوونا نێچيرڤان بارزانى سه‌رۆك وه‌زيرێن هه‌رێما كوردستانێ ل گه‌ل ئه‌نگێلا مێركل شيره‌تكارا ئه‌لمانيا ل به‌رلين ب دووماهى هات.
كۆمبوونا نێچيرڤان بارزانى ومێركلێ ب دووماهى هات
نووترين نووچه
- هیڤیدارین دادگەها فیدرال د بەرسڤا نامەیا مە دا بڕیارەكا ئەرێنی و د بەرژەوەندییا خەلكێ كوردستانێ دا دەربكەت
- ژ بەر پشتگوهـ ئێخستنێ مە پرسا ئاوارەیان گەهاندیە UNێ
- ئەڤرۆ دادگەها فیدرال ل سەر پرسا مووچەیێن فەرمانبەرێن كوردستانێ دێ كۆمبیت
- پێدڤییە ئالیێن سیاسی یێن كوردستانی د شەڕێ ئیسرائیلێ و ئیرانێ دا د بێلایەن بن
- سەرۆك بارزانی و رێكخەرا كۆنسلخانەیا ئیماراتێ دوپاتی ل دۆستایەتی و پەیوەندیێن دو قولی كر
- سەرۆكێ هەرێمێ و كاربرێكەرا قونسلخانەیا ئیماراتێ دووماهی پێشهاتێن دەڤەرێ گەنگەشەكرن
- پێدڤییە جڤاكێ نێڤدەولەتی رۆلێ خوە بۆ راوەستاندنا كریارێن سەربازی بگێڕیت
- حوكمەتا ئیراقێ ئاستەنگان دروست دكەت
- ب بەرهەڤبوونا سوودانی مە كۆمبوونەكا باش ل دۆر مووچەی ئەنجامدا
- گوهۆڕین دێ هەموو دەڤەرێ و ئیراقێ ڤەگریت
سهرهكى نوچێن گرنگ
پارتى: هنده‌ك لايه‌ن وكه‌سايه‌تيێن سياسى دخوازن پارتى بكه‌نه ئارمانج
ئه‌ڤرۆنيوز:
په‌يڤدارێ جڤاتا سه‌ركردايه‌تيا پارتى ديموكراتى كوردستان ل سلێمانيێ- هه‌له‌بجه راگه‌هاند، ئه‌و ل گه‌ل خوه‌نيشادانێن مه‌ده‌نى نه، به‌لێ هنده‌ك هێز وكه‌سايه‌تيێن سياسى دخوازن ده‌ستێ خوه بێخنه دناڤ خوه‌نيشادانان دا وب وێ رێ پارتى بكه‌نه ئارمانج.
ئه‌ڤرۆ ل هنده‌ك ده‌ڤه‌رێن سنورێ پارێزگه‌ها سلێمانيێ خوه‌نيشادان هاتن ئه‌نجامدان ول هنده‌ك جهان ئاراسته‌يا خوه‌نيشادانێ به‌ر ب توندوتيژيێ ڤه چو ول هنده‌ك ده‌ڤه‌ران ژى نيازا هێرشكرنێ ل سه‌ر باره‌گايێن پارتى يا هه‌ى.
عه‌تا شێخ حه‌سه‌ن، په‌يڤدارێ جڤاتا سه‌ركردايه‌تيا پارتى ديموكراتى كوردستان ل سلێمانيێ- هه‌له‌بجه گۆت” خوه‌نيشادانێن مه‌ده‌نى مافێ خه‌لكى يه وئه‌م دگه‌لداينه، به‌لێ مه ل ده‌ستپێكێ هوشدارى دا كو هنده‌ك لايه‌ن وكه‌سايه‌تيێن سياسى دێ ده‌ستێ خوه كه‌نه دناڤ وان خوه‌نيشادانان دا، له‌وما نوكه ره‌وش ب وى ئاراسته‌يه كو ده‌ستێ خوه بكه‌نه دناڤ خوه‌نيشادانان دا وپارتى ديموكراتى كوردستان بكه‌نه ئارمانج”.
عه‌تاى زێده‌تر بۆ مالپه‌رێ پارتى گۆت” ئه‌م ب هه‌موو شيانێن خوه دێ شكويێ پارتى پارێزين وراگرين ودێ رێگريێ ل هه‌ر بزاڤه‌كێ كه‌ين، چونكى ديرۆكا پارتى هه‌رده‌م ب مه‌زنى يا ماى وهه‌ر ب وى شێوه‌ى ژى دێ مينيت وئه‌وين وى كارى ژى دكه‌ن، تنێ دێ شه‌رمزارى بۆ مينيت”.
ل سه‌يد سادق ئاراسته‌يا خوه‌نيشادانان بۆ هێرشكرنێ ل سه‌ر باره‌گايێن پارتى هاته گوهۆرين
ئه‌ڤرۆنيوز:
ئه‌ڤرۆ ئاراسته‌يا خوه‌نيشادانان ل پيره‌مه‌گروون وسه‌يد سه‌دق ل پارێزگه‌ها سلێمانيێ بو به‌رده‌م باره‌گايێ پارتى هاته گوهۆرين وهێرش هاته كرن ل سه‌ر باره‌گايێن پارتى، به‌رپرسێن پارتى ل سليمانيێ ئاگه‌هداريا ده‌زگه‌هين ئه‌منى كر ل پاراستنا گيانێ كادران وباره‌گايێن پارتى.
ئه‌ڤرۆ ل باژێر وباژێركێن پارێزگه‌ها سلێمانيێ، خونيشادانێن نه‌رازيبوونێ ده‌ست پێ كرن، پشتى نيڤرۆ ئاراسته‌يا خوه‌نيشادانان هاته گوهۆرين بۆ به‌رده‌م باره‌گايێن پارتى ديموكراتى كوردستان.
فازل به‌شاره‌تى، به‌رپرسێ لقێ 12 پارتى بۆ مالپه‌رێ فه‌رميێ پارتى گۆت” ل سه‌يد سادق هێرش ل سه‌ر باره‌گايێ لژنا ناوچا پارتى ب به‌ران هاته كرن، هه‌موو ژى ئه‌و كه‌س بوون كو پێشتر هاتبوو به‌رهه‌ڤكرن بۆ هێرشكرنێ ل سه‌ر باره‌گايان، دئه‌نجامدا زيانێن مادى يێن مه‌زن ب ئاڤاهيێ ناوچێ كه‌فتن ومه ئاگه‌هداريا ده‌زگه‌هين ئه‌منى كر ل پاراستنا گيانێ كادر وباره‌گايێن مه”.
فازل ره‌ئووف، به‌رپرسێ لقێ 21 ده‌وروبه‌رێ سلێمانيێ يێ پارتى گۆت” مخابن پشتى نيڤرۆيا ئه‌ڤرۆ ژلايێ هنده‌ك كه‌سان ڤه هێرش هاته كرن ل سه‌ر باره‌گايێ لژنا ناوچا پارتى ل پيره‌مه‌گروون، دده‌مه‌كى دا باره‌گايێن حزبێن دى دپاراستى نه ودئه‌نجامدا به‌رپرسێ ناوچێ ب سڤكى برينداربوو”.
عه‌تا شێخ حه‌سه‌ن، په‌يڤدارێ جڤاتا سه‌ركردايه‌تيا پارتى ل سليمانيێ وهه‌له‌بجه گۆت” ئه‌ڤرۆ دو شه‌مبى 18/12/2017، باره‌گايێ لژنا ناوچا پارتى ل پيره‌مه‌گروون سه‌ر ب قه‌زا دوكان ڤه هاته سۆتن”.
عه‌تاى گۆت ژى” ڤه‌كۆلين دوێ روودانێ دا دێ هێته كرن وپێدڤيه ده‌زگه‌هێن ئه‌منى بهێنه سه‌رخه‌ت وب جدى ئێمناهيا باره‌گايێن پارتى بپارێزن”.
دياركر” ل ده‌ستپێكێ هنده‌ك ژ خوه‌نيشانده‌ران ب درووشمێن جۆراوجۆر خه‌لك هاندان بۆ هێرشكرنێ ل سه‌ر باره‌گايێن پارتى”.
پارتى به‌رهه‌ڤيا خوه بۆ هه‌لبژارتنێن پێشوه‌خت ديار دكه‌ت
ئه‌ڤرۆنيوز:
پارتى ديموكراتى كوردستان به‌رهه‌ڤيا خوه بۆ هه‌بژارتنێن پێشوه‌خت رادگه‌هينيت وب ئێك ژ رێ چاره‌يێن رزگاربوونێ ژ موزايه‌دێن سياسى دزانيت.
خسرۆ گۆران، به‌پرسێ ده‌زگه‌هێ هه‌لبژارتنێن پارتى ديموكراتى كوردستان راگه‌هاند”ره‌وشه‌ك ل كوردستانێ يا په‌يدابووى كو ژئه‌گه‌رێ 16 ئوكتۆبه‌رێ، پشكه‌كا مه‌زن ژئاخا كوردستانێ هاته ژده‌ستدان، ل ئاستێ ناڤخوه‌يى ژى گه‌له‌ك پرۆژه يێن هه‌ين بۆ حوكمه‌تا رزگاريا نيشتمانى، يان هه‌لوه‌شاندنا كابينا حوكمه‌تێ، به‌لێ هه‌موو ئه‌و پێشنيار وپرۆژانه ل ده‌مێ خوه پارتى ددانوستاندناندا به‌رسڤا وان دا، ب نڤيساروگفتوگويێ ژى بۆ وان هاته رۆهنكرن، ئه‌وا ماى كو باشترين بژارده‌يه وسه‌رۆكێ حوكمه‌تێ ژى د دووماهى په‌ياما خوه‌دا دووپاتى ل سه‌ر كرى، هه‌لبژارتنێن پێشوه‌خته”.
خسرۆى دياركر” پارتى يا به‌رهه‌ڤه بۆ ده‌ربازبوونێ ژ قه‌يرانان، په‌نايێ بۆ هه‌لبژارتنا پێشوه‌خت ببه‌ت ول گه‌ل ئه‌نجامدانا هه‌لبژارتنايه” گۆت ژى” پارتى چو جاران ژوێ بژارده‌يێ نه‌ترسايه، ب ديتنا من خه‌لكێ كوردستانێ ژى ب هه‌موو ته‌خ وچينێن خوه‌ڤه ل گه‌ل وێ بۆچوونێ نه كو دڤێت بۆ رزگاربوونێ ژڤێ قه‌يرانێ، هه‌لبژارتنێن پێشوه‌خت بهێته ئه‌نجامدان”.
به‌رپرسێ ده‌زگه‌هێ هه‌لبژارتنێن پارتى زێده‌تر بۆ باسنيوز گۆت” هه‌لبژارتنێن پێشوه‌خت هه‌موو موزايه‌دێن سياسى ناهێليت وسه‌نگا هه‌موو لايه‌نان دياردكه‌ت، هه‌ر لايه‌نه‌كێ پشته‌ڤانيێ بكه‌ت، دڤێت پێشوازيێ ل وێ په‌ياما پارتى ونێچيرڤان بارزانى بكه‌ت، ل مه‌كته‌با سياسى يا پارتى ژى به‌حس هاتهيه كرن كو ئه‌ڤه باشترين بژارده‌يه”.
یۆنانێ هه‌ولا تیرۆركرنا ئه‌ردۆغانى ژناڤبر
ئەڤرۆ نیۆز،زنار تۆڤی:
ل دووڤ نووچەکێ رۆژنامه‌ڤانی یێ یۆنانی،وەلاتێ یۆنانێ پلانا تیرۆركرنا ئه‌ردۆغانى سه‌رۆكێ توركیا پووچ كریه،کو ژ لایێ به‌ره‌یێ پارتا رزگاریا گه‌ل یا توركی نه‌خشه بۆ هاتبوو كێشان. ئاژانسا ئانادۆل یا توركى نووچەیەک ژ رۆژناما توفیما یڵ یۆنانى ڤەگۆهاستیە کو وێ رۆژناما یۆنانی ئاشكرا كریه،کو به‌ره‌یێ پارتا رزگاریا گه‌ل کو ب dhkp/c ئاماژه بۆ دهێتەدان،ل بەربوو ل وەلاتێ یۆنانێ ئه‌ردۆغانێ سه‌رۆكێ توركیا تیرۆر بكەت،لێ ده‌ستهەلاتدارێن یۆنانێ رۆژا 28 هەیڤا بوری 9 كه‌سێن ب ره‌گه‌ز تورك گرتینه کو پلان بۆ تیرۆركرنا ئه‌ردۆغانی دانابوو.
هەروەسا وان 9 كه‌سا پلانا خۆ وەسا دارشتبوو کو ژ سێ قۆلان ڤە هێرشێ بكه‌نه سه‌ر ئه‌ردۆغانی،ژ دو لایان ڤە ب موشه‌كان لێ بده‌ن و گرووپەكێ دیتر ژی ژ پشتێ ڤە هێرشێ بكه‌نه سه‌ر،دیسا پۆلیسێن یۆنانى ئاشكرا دکەن،کو وان كه‌سان ل بەربوو ل ئه‌سینا یا پایته‌ختێ یۆنانێ ل دەمێ سه‌رەدانا ئه‌ردۆغانی پلانا خۆ ئه‌نجام بده‌ن.
لێ پۆلیسان ده‌ست ب سه‌ر هێلكاریا وێ پلانێدا گرتیه،د وێ پلانێدا ئه‌ردۆغان ب دووپشك ب ناڤکریە،ئێک ژ وان کەسێن گرتی ناڤێ وی حه‌سه‌نه كو پێشتر ل سالا 2013 ب تۆمه‌تا هێرشكرنا سه‌ر وه‌زاره‌تا داد یا توركیا و باره‌گەهێ ئاكپارتى ل ئه‌نقه‌ره یێ تۆمه‌تباره.
داخوازا ئه‌نجامدانا هه‌لبژارتنێن جڤاتێن پاريزگه‌هێن هه‌رێمێ دهێته كرن
ئه‌ڤرۆنيوز:
ده‌سته‌يا سه‌رۆكاتيا جڤاتا پارێزگه‌ها هه‌ولێرێ پشته‌ڤانيا خوه بۆ حوكمه‌تا هه‌رێما كوردستانێ دياركر ل دۆر هه‌لبژارتنين سه‌رۆكاتيا هه‌رێمێ وپه‌رله‌مانێ كوردستانێ دده‌مێ سێ هه‌يڤێن بهێت دا.
ده‌سته‌يا سه‌رۆكاتيا جڤاتا پارێزگه‌ها هه‌ولێرێ دبه‌ياننامه‌كێ دا كو ئه‌ڤرۆ دوشه‌مبى 18/12/2017 هاتيه ده‌ركرن، داخوازێ ژ په‌رله‌مانێ كوردستانێ وحوكمه‌تا هه‌رێمێ دكه‌ت كو هه‌لبژارتن، هه‌ر ئێك ژجڤاتێن پارێزگه‌هان وجڤاتێن قه‌زا وناحيان ژى ب خوه‌ڤه بگريت.
ل دووڤ وێ به‌ياننامێ” بريارا ئه‌نجامدانا هه‌لبژارتنان رێ چاره‌يا كێشێن هه‌رێما كوردستانێ يه”.
سەرۆکێ ئێکەتیا ماموستایێن کوردستانێ:ئەم چاڤه‌رێی بریارا جڤاتا وه‌زیراینە بۆ دابه‌شكرنا پارچێن ئه‌ردی
ئه‌ڤرۆ نیوز،ره‌مه‌زان هه‌رنى :
سه‌رۆكێ ئێكه‌تیا ماموستایێن كوردستانێ دیاركر، ده‌مێ دو سالایه وه‌زاره‌تا باژێرڤانیێ به‌رهه‌ڤى كرینه بۆ دابه‌شكرنا پارچێن ئه‌ردی ب سه‌ر ماموستایان و فه‌رمانبه‌رێن حكومه‌تێ،لێ هه‌تا نوكه چۆ پارچهێن ئه‌ردی نه‌هاتینه دابه‌شكرن، ل سالێن بورى 30% ماموستایان پارچه ئه‌رد وه‌گرتینه نوكه چاڤه‌رێ دكه‌ین ئه‌و ماموستایێن مایی پارچێن ئه‌ردی وه‌رگرن.
ئه‌حمه‌د گه‌رمیانى سه‌رۆكێ ئێكه‌تیا ماموستایێن كوردستانێ بۆ ئه‌ڤرۆ نیوز خویاكر، ئێكه‌تیا ماموستایان ب رێیا وه‌زیرێ په‌روه‌ردێ پێشنیارا دابه‌شكرنا پارچه ئه‌ردان بلند كریه بۆ جڤاتا وه‌زیرێن هه‌رێمێ بۆ وان ماموستایێن هه‌تا نوكه مفادار نه‌بۆین ژ وه‌رگرتنا پارچه ئه‌ردان بۆ وێ چه‌ندێ ل ڤێ ره‌وشێ دا مفا بگه‌هیتە ماموستایان .
ئه‌حمه‌د گه‌رمیانى خویاكر ژى، هژماره‌كا باش ماموستایان پارچه ئه‌در وه‌گرتینه كو رێژا وان دگه‌هیته 30% ئه‌وێن مایێ كو رێژا 70 % پێك دئینت ب تنێ چاڤه‌رێ بریارى جڤاتا وه‌زیران دكه‌ین بۆ دابه‌شكرنا پارچه ئه‌ردا تایبه‌ت ماموستایێن سه‌نته‌رێن پارێزگه‌هان هه‌رده‌مێ جڤاتا وه‌زیران بریارپه‌سه‌ند كر دێ ده‌ست ب دابه‌شكرنێ كه‌ین.
هێرۆيێ ژڤانێ كۆنگرێ ئێكه‌تيێ دياركر
ئه‌ڤرۆ نيوز:
هێرۆ ئيبراهيم ئه‌حمه‌د 7ى ئادارا 2018ێ وه‌كو رۆژا گرێدانا كۆنگرێ ئێكه‌تى نشتيمانى كوردستان دياركر.
هێرۆ ئيبراهيم ئه‌حمه‌د ئه‌نداما مه‌كته‌با سياسى يا ئێكه‌تى نشتيمانى كوردستان و هه‌ڤژينا سكرتێرێ گشتى يێ وه‌غه‌ركرى يێ وێ حزبێ 7ى ئادارا 2018ێ وه‌كو رۆژا گرێدانا كۆنگرێ ئێكه‌تى نشتيمانى كوردستان دياركر.
ده‌قێ كۆنگرێ رۆژنامه‌ڤانى يێ نێچيرڤان بارزانى و وه‌زيرێ ژ ده‌رڤه يێ ئه‌لمانيا
ئه‌ڤرۆ نيوز:
به‌رى ده‌مه‌كێ كێم كۆنگرێ رۆژنامه‌ڤانى يێ وه‌زيرێ ژ ده‌رڤه يێ ئه‌لمانيا و سه‌رۆك وه‌زيرێن هه‌رێما كوردستانێ ب رێڤه چوو.
زيگمار گابرێل وه‌زيرێ ژ ده‌رڤه يێ ئه‌لمانيا ته‌كست ل سه‌ر وێ چه‌ندێ كر كو ئه‌و پشته‌ڤانيا دانوستاندنێ د ناڤبه‌را هه‌رێما كوردستانێ و عيراقێ دا دكه‌ن.
نێچيرڤان بارزانى سه‌رۆك وه‌زيرێن هه‌رێما كوردستانێ ژى سۆپاسيا گه‌لێ ئه‌لمانيا كر بۆ هاريكاريێن وان ژ بوو هه‌رێما كوردستانێ د هه‌موو واران دا.
ئاشكه‌را ژى كر كو ئه‌و وه‌كو هه‌رێما كوردستانێ ل گه‌ل عيراقه‌كا ئێكگرتى نه ب گۆره‌ى دستوورى كو ب ره‌نگه‌كێ دروست بهێته ب كار ئينان.
بيڤه‌له‌رزه‌كێ ل ڤى باژێرێ كوردستانێ دا
ئه‌ڤرۆنيوز:
سپێده‌يا ئه‌ڤرۆ دوشه‌مبى 18/12/2017، بيڤه‌له‌رزه‌كێ ل باژێرێ خانه‌قين دا وچو زيان ل دووڤ خوه نه‌هێلان.
رێڤه‌به‌ريا گشتى يا كه‌شناسيێ وبيڤه‌له‌رزان ل هه‌رێما كوردستانێ دبه‌رپه‌رێ خوه دا ل سه‌ر تۆرا فه‌يسبووكى، به‌لاڤكر”ئه‌ڤرۆ دوشه‌مبى بيڤه‌له‌رزه‌كێ ل باژێرێ خانه‌قينێ دا، به‌لێ چو زيان په‌يدا نه‌كرن”.
دياركر ژى” هێزا وێ بيڤه‌له‌رزێ 3.7 بوو ل دووڤ بيڤه‌رێ ريخته‌ر يێ جيهانى”.
نيشاندان
WP Facebook Auto Publish Powered By : XYZScripts.com