ئه‌ڤرۆ نيۆز:

ئه‌ڤرۆ پێنج شه‌مبى 30/11/2017 ل پيرمام، سه‌رۆك بارزانى ل گه‌ل پارت ولايه‌نێن سياسى يێن توركمانى كۆمبوو.

سه‌رۆك بارزانى، هه‌لويست وپشكداريا پێكهاتێ توركمانى دپرۆسا ريفراندۆمێ دا ب بلند نرخاند ودووپاتى ل به‌رده‌وامبوونا پێكڤه‌ژيانێ وبه‌رگريكرنێ ژ ماف ويه‌كسانيێ دناڤبه‌را هه‌موو پێكهاتێن نه‌ته‌وى وئايينى يێن كوردستانێ كر. ل دۆر باژێرێ كه‌ركووكێ ژى، سه‌رۆك بارزانى دياركر كه‌ركووك يا كوردستانيه‌، به‌لێ مولكێ چو پێكهاته‌كى ب تنێ نينه‌ وپێدڤيه‌ ببيته‌ نموونا پێكڤه‌ژيانا ئايينى ونه‌ته‌وى.

دپشكه‌كا دى يا كۆمبوونێ دا، سه‌رۆك وسكرتێر ونوونه‌رين پارتێن توركمانى يێن كوردستانێ، سوپاسيا ههلويست وخه‌مخۆريا سه‌رۆك بارزنى كر دپاراستن وبه‌رچاڤ وه‌رگرتنا مافێ پێكهاتێ توركمانى ل سالێن بۆرى ول ده‌مێ نڤيسينا دستوورێ عيراقێ وهه‌روه‌سا پشته‌ڤانيكرنا به‌رده‌وام يا سه‌رۆك بارزانى ل پێكهاتێ توركمانى.

به‌رهه‌ڤبوويێن كۆمبوونێ دووپاتى ل وێ چه‌ندێ كر كو ريفراندۆم ده‌ستكه‌فته‌كێ ديرۆكى يێ هه‌موو پێكهاتێن كوردستانێ يه‌ ودياركرن كو توركمان ل گه‌ل گه‌لێ كورد وپێكهاتێن دى يێن كوردستانێ چاره‌نڤيس وپاشه‌رۆژه‌كا هه‌ڤپشك يا هه‌ى.

هه‌ر دوێ كۆمبوونێ دا، به‌حس ل پرۆسا سياسى ل هه‌رێما كوردستانێ وعيراقێ وبابه‌تێ هه‌لبژارتنان هاته‌ كرن ودووپاتى ل پاراستنا ده‌ستكه‌فت ومافێ پێكهاتان دپرۆسا هه‌لبژارتنان وئيستيحقاقێن سياسى وهه‌لبژارتنان يا  پێكهاتێن نه‌ته‌وى وئايينى ل كوردستانێ هاته‌ كرن.

ھەڵبژاردن و ئیستحقاقاتی سیاسی و ھەڵبژاردنی پێکھاتە نەتەوەیی و ئایینییەکانی کوردستان کرایەوە.

ئه‌ڤرۆ نيۆز:

پێشكێشكارا كه‌نالێ كه‌ركووك يێ ئه‌سمانى، نێرگز قادر، پشتى به‌رنامه‌ك ل كه‌نالێ كه‌ركووك يێ ئه‌سمانى ب جلكێن كوردى وئالايێ كوردستانێ پێشكێشكرى، تووشى گه‌فان ببو ژلايێ هيزا دژه‌ تيرۆر يا عيراقى.

نێزگز قادر دبێژيت، ئالايێێ كوردستانێ دێ ل سه‌ر سه‌رێ خوه‌ دانم.

نێرگزێ زێده‌تر بۆ باسنيۆز گۆت، ژبه‌ر پێشكيشكرنا من بۆ به‌رنامه‌كێ ب جلكێن كوردى وئالايێ كوردستانێ ڤه‌، ئه‌فسه‌ره‌كێ ده‌زگه‌هێ دژه‌ تيرۆر يا عيراقى ل كه‌ركووكێ گه‌ف ل من كرن. دياركر ژى، شانازيێ ب ئالايێ نه‌ته‌وا خوه‌ دكه‌م ويا به‌رهه‌ڤم ئالايێ كوردستانێ ل سه‌ر سه‌رێ خوه‌ دانم.

پشتى له‌شكرێ عيراقى وحه‌شدا شه‌عبى ده‌ست ب سه‌ر كه‌ركووكێ دا گرتى، ئالايێ كوردستانێ ژ هه‌موو جهێن وى باژێرى راكرن وئالايێ عيراقێ بلندكرن.

ئەڤرۆ نیۆز، سالار دۆسکی:
ئەندامەکێ مەکتەبا سیاسی یا ئێکگرتوویا ئیسلامی یا کوردستانێ دیارکر کو کا چەوا رێکخستنا ناف مالا کوردی یا گرنگە بۆ کوردان، ئا ب وی رەنگی پەیوەندیێن کوردستانێ ل گەل وەلاتێن جیران ژی دگرنگن ئاسایی ببنەڤە.

نسره‌دین سندی ئەندامێ مەکتەبا سیاسی یا ئێکگرتوو ئیسلامی کوردستانی بۆ ئەڤرۆ نیۆز دیارکر کو پەیوەندیێن ئێکگرتوو ئیسلامی ل گەل وەلاتێن ھەڤ سنوری کوردستانێ تایبەت تورکیا و ئیران دئاستەکێ بەرزدانە و ھەر دەم ئێکگرتوو ڤیایە ئەڤان پەیوەندایان دخزمەتا خەلکێ کوردستانێ دا بکاربینت.

سندی ئەو ژی گۆت: ل سالا 2006 ژی دەمێ پەیوەندیێن کوردستانێ و بەغدا تێک چووین ھەر شاندەک ب سەرۆکاتیا مامۆستا سەلاحەدین سەردانا بەغداکر و پەیوەندی ئاسایی بوونە ڤە، ھیڤی خوازین ھەر سەردانا وی بۆ تورکیا ب ھەمان مەرەم بیت.

نسرەدین سندی ئەو ژی ئاشکراکر کو سەردانا ئەمیندارێ گشتیێ ئێکگرتوویا ئیسلامی یا کوردستانێ بۆ تورکیا چەندین کومبوون ل گەل مەزنە بەرپرسێن پارتا دەست ھەلادارا تورکی داد و گەشەپێدانێ ئەنجام داینە و دیسا ل گەل چەندین کەساتیێن وی وەلاتی کومبوون ئەنجام داینە.

ھەمان بەرپرسێ ئێکگرتوو ئیسلامی گۆت: ل سەر خواستا پارتی دیموکراتی کوردستان نەچوویە تورکیا، بەلکو ئەمیندارێ گشتی ھندەک کار ھەبووینە وی وەلاتی و باشترە ھەر ئالیەکێ شیاین ھەبن پەیوەندیێن کوردستانێ ل گەل تورکیا ئاسایی بکەتە ڤە دێ باش بیت چونکە بەرژەوەندیا ھەر دو ئالیان دانە.

ئه‌ڤرۆ نيۆز:

فه‌رماندێ ئۆفيسا هه‌ماهه‌نگيا ئاسايشا هه‌ڤپشك ل عيراقێ راگه‌هاند، ئه‌مريكا دێ به‌رده‌وام بيت ل سه‌ر پرچه‌ككرنا پێشمه‌رگه‌ى وكۆنگرسێ ئه‌مريكى برياردايه‌ بۆ سالا داهاتى 364 مليۆن دۆلاران وه‌كو هاريكارى پێشكێشى وه‌زاره‌تا پێشمه‌رگه‌ى بكه‌ت.

ئه‌ڤرۆ چار شه‌مبى 29/11/2017 ل هه‌ولێرێ، كه‌ريم شنگالى وه‌زيرێ پێشمه‌رگه‌ى ب وه‌كاله‌ت پێشوازى ل جه‌نه‌رال برادلى بێكه‌ر فه‌رماندێ ئۆفيسا هه‌ماهه‌نگيا ئاسايشا هه‌ڤپشك ل عيراقێ وشانده‌كێ دگه‌لدا كر.

ل دووڤ به‌ياننامه‌كا وه‌زاره‌تا پێشمه‌رگه‌ى، دكۆمبوونێ دا فه‌رماندێ ئۆفيسا هه‌ماهه‌نگيا ئاسايشا هه‌ڤپشك ل عيراقێ گۆت، ئه‌مريكا دێ به‌رده‌وام بيت ل سه‌ر پرچه‌ككرنا پێشمه‌رگه‌ى وكۆنگرسێ ئه‌مريكى بريار دايه‌ بۆ سالا داهاتى 2018 گۆژمێ 364 مليۆن دۆلاران وه‌كو هاريكارى پێشكێشى وه‌زاره‌تا پێشمه‌رگه‌ى بكه‌ت. دووپاتى ل سه‌ر وێ چه‌ندێ ژى كر كو ئه‌مريكا پشته‌ڤانيێ ل هه‌رێما كوردستانێ يا ب هيز دكه‌ت.ديسا سوپاسيا هيزێن پێشمه‌رگه‌ى كر دشه‌رِێ دژى داعشێ دا.

وه‌زيرێ پێشمه‌رگه‌ى ب وه‌كاله‌ت، سوپاسيا هێزێن ئه‌مريكا ووه‌لاتێن هه‌ڤپه‌يمان كر بۆ وێ هاريكارى وپشته‌ڤانيا پێشكێشى هێزێن پێشمه‌رگه‌ى كرى وهه‌ڤده‌م داخوازكر هێزێن هه‌ڤپه‌يمانان ل هه‌رێما كوردستانێ بمينن بۆ به‌رده‌واميدان ب پێشخستنا هێزێن پێشمه‌رگه‌ى وپيشكێشكرنا مه‌شق وراهينانان.

به‌يانناما وه‌زاره‌تا پێشمه‌رگه‌ى ئاماژه‌ دا كو دوێ كۆمبوونێ دا دووپاتى ل سه‌ر دانوستاندنێ دناڤبه‌را هه‌رێمێ وحوكمه‌تا عيراقێ بۆ چاره‌كرنا كێشێن دناڤبه‌را هه‌ردولا هاته‌ كرن.

شاندێ ئه‌مريكى ته‌ئكيد ل پرۆسا ريفۆرم وپێگه‌هاندنا ئه‌فسه‌رێن پێشمه‌رگه‌ى ل ناڤخوه‌ وده‌رڤه‌ى هه‌رێما كوردستانێ كر وئاماژه‌ كر كو هه‌ماهه‌نگيا وان ل گه‌ل وه‌زاره‌تا پێشمه‌رگه‌ى دێ به‌رده‌وامبيت.