ئه‌ڤرۆ نیوز ، نه‌وزاد هلۆرى:

وه‌زیرێ ناڤخوه‌یێ حوكمه‌تا هه‌رێما كوردستانێ دیار كر كو ئه‌و نها مژولێ وێ یه‌كێ نه‌ كو هه‌موو كاروبارێن وه‌زاره‌تا ناڤخوه‌ یا حوكمه‌تا هه‌رێما كوردستانێ بكه‌نه‌ سیسته‌مه‌كێ ئه‌لیكترونى.

كه‌ریم شنگالى وه‌زیرێ ناڤخوه‌ یا حوكمه‌تا هه‌رێما كوردستانێ ئه‌ڤرۆ رۆژا پێنجشه‌مبى دچارچوڤێ كونفرانسها گه‌شه‌پێدانێ دا ل هه‌ولێر دیاركر كو كاروبارێن هه‌موو وه‌زاره‌تا نافخوه‌ دێ بنه‌ سیسته‌مه‌كێ ئه‌لیكترونى و گۆت: (پێنگاڤا ئێكێ یا هاڤێتنا سیسته‌مێ ئه‌لیكترونى ژى دێ ل رێڤه‌به‌ریێن هاتنوچونا هه‌رێما كوردستانێ ده‌ست پێ كه‌ین، ئێدى ئه‌ڤ سیسته‌م دێ داویێ ب فایل و كاروبارێن ب رێڤه‌برنا مامه‌له‌یێن ل سه‌ر كاغه‌زێ ئینیت، ژ هه‌موو وان كاروبارێن روتینى ده‌ركه‌ڤیت).

وه‌زیرێ ناڤخوه‌ راگه‌هاند ژى كو ئه‌و پێدڤى ب پشته‌ڤانیه‌كا دارایى یا زێده‌تر هه‌نه‌ ژ بو بكارئێخستنا ته‌ڤایا پشكێن سه‌ر ب وه‌زاره‌تا ناڤخوه‌ ب سیسته‌مێ ئه‌لیكترونى ڤه‌.

ئەڤرۆ نیوز:

رێڤەبەریا گشتی یا ساقاناسی و بیڤەلەرزێ ل هەرێما کوردستانێ راگەهاند کو ل ڤان جهێن ل خوارێ دیارکری بەفر باریە:

رواندز /هندرێن – کۆرەک- برادۆست -گەلالە-حسارۆست –
مێرگە سۆر /شاخى قەلەندەر – شاخى بێداران -شاخى مێرگەسۆر
زنجیرە چیاى سەفین /لوتکەى سەرشانە
ڕانیە/چیاى کارۆخ و زینى وەرتێ کێلاو مامناوەند
ئامیدى -کانى ماسى

 ئه‌ڤرۆنيۆز:

په‌يڤدارێ حوكمه‌تا هه‌رێما كوردستانێ به‌رسڤا ئاخڤتنێن حه‌يده‌ر عه‌بادى سه‌رۆك وه‌زيرێن عيراقێ دده‌ت.

دوهى سێشه‌مبى 5/12/2017، حه‌يده‌ر عه‌بادى، سه‌رۆك وه‌زيرێن عيراقێ دكۆنگرێ رۆژنامه‌ڤانيێ هه‌فتيانه‌ دا به‌حسێ هه‌رێما كوردستانێ كربوو، سه‌فين دزه‌يى په‌يڤدارێ حوكمه‌تا هه‌رێما كوردستانێ دداخۆيانيه‌كێ دا بۆ مالپه‌رێ حوكمه‌تا هه‌رێمێ راگه‌هاند” به‌رێز عه‌بادى چه‌ندين جاره‌ به‌حسێ وێ چه‌ندێ دكه‌ت كو مووچێن مووچه‌خۆرێن هه‌رێما كوردستانێ دێ هنێريت ونوكه‌ هووربينيێ دليستێن مووچه‌خۆرێن هه‌رێمێ دا دكه‌ن، به‌لێ وه‌كو مه‌ به‌رى نوكه‌ ژى گۆتى، حوكمه‌تا فيدرال هه‌تا نوكه‌ داخواز چو ليسته‌كێ ژ حوكمه‌تا هه‌رێمێ نه‌كريه‌، له‌وما ئه‌م دئاگه‌هدار نينين ونزانين وان كيش ليسته‌ هه‌يه‌ كو حوكمه‌تا به‌رێز عه‌بادى مژوولى هووربينيا وێ يه‌؟ خه‌لكێ كوردستانێ ئێدى باش ل وێ چه‌ندێ گه‌هشتيه‌ ئه‌وا ل ميديايى دهێته‌ به‌حسكرن، تنێ گۆتنن، له‌وما چو باوه‌ريه‌ك ب وان ئاخڤتنان نه‌مايه‌”.

ل دۆر بابه‌تێ ده‌رگه‌هێن سنورى وبه‌رده‌واميا داخستنا فرۆكخانێن هه‌رێمێ، په‌يڤدارێ حوكمه‌تا هه‌رێمێ گۆت ” ل دووڤ مادێ 114 ژدستوورێ عيراقێ، ب رێڤه‌برنا ده‌رگه‌هێن سنورى ده‌ستهه‌لاتا حوكمه‌تا فيدرال بتنێ نينه‌، به‌لكو ب هه‌ڤپشكى ل گه‌ل هه‌رێمێ دێ هێنه‌ ب رێڤه‌برن، بۆ ڤێ مه‌ره‌مێ ژى، مه‌ به‌رده‌وام يا راگه‌هاندى كو حوكمه‌تا هه‌رێمێ يا به‌رهه‌ڤه‌ بۆ هاريكاريێ وهه‌ماهه‌نگيێ وداخستنا فرۆكخانان ژى، ئه‌و سزادانا وه‌لاتيێن هه‌رێما كوردستانێ يه‌، سزادانا وان نه‌خوه‌ش وپێشمه‌گايه‌ كو ل ده‌مێ به‌رگريێ ژ هه‌رێما كوردستانێ وژ عيراقێ ل شه‌رێ دژى داعشێ دا برينداربووين وپێدڤى ب چاره‌سه‌ريێ ل ده‌رڤه‌ى وه‌لاتى هه‌يه‌، گه‌شتكرن ب رێيا فرۆكخانا به‌غدا، يان باژێرێن دى يێن عيراقێ وه‌سا يا ب ساناهى نينه‌ وه‌كو به‌رێز عه‌بادى به‌حس دكه‌ت، مه‌زاختنا گه‌شتێ ل سه‌ر وه‌لاتيان زێده‌ دبيت وده‌مه‌كێ زێده‌ ژى ڤه‌دگريت، پرسيار ئه‌وه‌: بۆچى وه‌لاتيێن به‌غدا، يان نه‌جه‌ف، يان به‌سرا مافێ وێ چه‌ندێ هه‌يه‌ ژباژێرێن خوه‌ راسته‌وخوه‌ بچنه‌ ده‌رڤه‌ى وه‌لاتى، به‌لێ وه‌لاتيه‌كێ هه‌رێمێ ئه‌و ماف نينه‌؟ ئه‌ڤه‌ ژكيڤه‌ وه‌لاتيبوونه‌؟!!

سه‌باره‌ت حوكمه‌تا هه‌رێمێ وكيشێن سياسى يێن هه‌رێما كوردستانێ كو عه‌بادى به‌حس كرى، په‌يڤدارێ حوكمه‌تا هه‌رێمێ، رۆهنكر” مه‌ ده‌مێ هندێ نينه‌ به‌حسێ وان هه‌موو كێشه‌ وكه‌موكوريان بكه‌ين كو هه‌ر ل ده‌ستپێكا ده‌ست بكاربوونا كابينا به‌رێز عه‌بادى تووشى حوكمه‌تا وى بووين، ئه‌ڤه‌ بابه‌تێ مه‌ نينه‌ وچو مفايه‌ك بۆ ڤێ ره‌وشێ نينه‌، ل دۆر حوكمه‌تا هه‌رێما كوردستانێ ژى، شه‌رعيه‌ت ژ په‌رله‌مانى وگه‌لێ كوردستانێ يا وه‌رگرتى وچو پێدڤيه‌ك ب شه‌رعيه‌ت پێدانا خه‌لكى دى نينه‌، ب شێوه‌كێ قانوونى ژى ب دو خۆلێن ته‌شريعى ل گه‌ل په‌رله‌مانێ كوردستانێ دێ به‌رده‌وام بيت وده‌ستهه‌لاتا تمام ل سه‌ر هه‌موو هه‌رێما كوردستانێ يا هه‌ى”.

په‌يڤدارێ حوكمه‌تا هه‌رێما كوردستانێ دياركر ژى كو”هه‌رێما كوردستانێ وه‌كو به‌رده‌وام راگه‌هاندى، راستگۆيانه‌ وب نيازپاكى داخواز دانوستاندنێ بۆ چاره‌سه‌ركرنا كێشان دكه‌ت، به‌لێ ئه‌وێ به‌رسڤێ نه‌ده‌ت وتنێ ب رێيا ميديايێ وكۆنگرێن رۆژنامه‌ڤانى بۆ پرۆپاگندێ، نه‌كو بۆ چاره‌سه‌ريێ، به‌رده‌وام به‌حسێ چاره‌سه‌ريێ ولێك تێگه‌هشتنێ ووه‌لاتيبوونێ ووان ده‌سته‌واژان دكه‌ت، به‌رێز عه‌بادى يه‌، ئه‌ڤه‌ ژى بێگومان چو خزمه‌ته‌كێ بۆ ره‌وشێ ناكه‌ت ونابيته‌ ئه‌گه‌رێ چاره‌سه‌ريه‌كا جدى بۆ كێشان، به‌رۆڤاژى دێ بيته‌ ئه‌گه‌رێ به‌رده‌واميا نه‌ساقامگيريێ.