ئه‌ڤرۆنيۆز:
ژۆرێن بازرگانى وپيشه‌سازى يێن هه‌رێما كوردستانێ داخوازا ئه‌نجامدانا كۆمبوونه‌كێ ل گه‌ل سه‌رۆكێ حوكمه‌تا هه‌رێمێ دكه‌ن ب مه‌ره‌ما چاره‌كرنا كێشا بازرگانان.
ئه‌و داخوازه هاته ئاراسته‌كرن بۆ حوكمه‌تێ دكۆمبوونه‌كێ دا ب پشكداريا ژۆرێن بازرگانى وپيشه‌سازى كو ل هه‌ولێرێ ب رێڤه‌چووى بۆ به‌حسكرنا ره‌وشا ئابوورى وبازرگانى وپيشه‌سازى، ئه‌ڤ چه‌ندده ل دووڤ مالپه‌رێ ژۆرا بازرگانى وپيشه‌سازيا سلێمانيێ.
سيروان محه‌مه‌د جێگرێ سه‌رۆكێ ئێكه‌تيا ژۆرێن بازرگانى وپيشه‌سازى ل هه‌رێما كوردستانێ بۆ وى مالپه‌رى گۆتيه، گه‌له‌ك رسۆمات يێن ل سه‌ر بازرگانان هاتينه زێده‌كرن ل ده‌رگه‌هێن سنۆرى، ئه‌ڤه چه‌نده ژى دبيته ئه‌گه‌رێ خاڤبوونا كارێ بازرگانى وگه‌هاندنا زيانێ ب كارێ حوكمه‌تێ.
گۆت ژى، داخواز دكه‌ين ب زووترين ده‌م كۆمبوونه‌ك ل گه‌ل سه‌رۆك وه‌زيرێن هه‌رێما كوردستانێ ئه‌نجام بده‌ين وژنێزيك ڤه راپۆرتا خوه پێ بده‌ين كو ئه‌و راپۆرته هه‌موو كێشان وچاره‌سه‌ريێن وان بخوه‌ڤه دگريت بۆ باشتركرنا ره‌وشا كارێ بازرگانێ ووه‌لاتيان ل كوردستانێ.
ل دووڤ سيروان محه‌مه‌د، دكۆمبوونا ژۆرێن بازرگانى وپيشه‌سازيێن هه‌رێمێ، رێگريێن حوكمه‌تا عيراقێ ل نه چوونا به‌رهه‌مێن پيشه‌سازيێن كوردستانێ بۆ عيراقێ هاته به‌حسكرن. دووپاتكر ژى كو دێ بزاڤێ كه‌ن ل گه‌ل وه‌زاره‌تێن په‌يوه‌نديدارێن عيراقێ دانوستاندنێ ژبۆ چاره‌سه‌ركرنا كێشان بكه‌ن.
نيشاندان
