ئهڤرۆ نيوز:
رێڤهبهريا هاتنوچوونا پارێزگهها دهۆكێ راگههاند كو ل 20ى كانوونا ئێكێ 2017 ل سهر رێيا سێمێل بۆ كۆمهلگهها خانكێ، روودانهكا وهرگهريانێ پهيدابوو و ژ ئهگهرێ روودانێ كهسهك ب گرانى بريندار بوو.
نووترين نووچه
- سنۆرەكی بۆ گرۆپێن ژ دەرڤەی قانوونێ دانن
- هێرشێن ل سەر هەرێما كوردستانێ دهێنە كرن پرۆتەستۆ دكەین
- هەرێما كوردستانێ نابیتە مەترسی ل سەر وەلاتێن دەوروبەر
- مالكی و فراكسیۆنا پارتی: پێدڤییە كێشەیێن هەلاویستی ل سەر بنەمایێ دەستووری و قانوونێ بهێنە چارەسەركرن
- بێدەنگییا دەزگەهێن فەرمی یێن ئیراقی بەرانبەر هێرشێن ل سەر هەرێما كوردستانێ جهێ حێبەتیێ یە
- هندەك ژ هێرشێن ل سەر هەرێما كوردستانێ ژ نەینەوا دهێنە ئاراستەكرن
- حوكمەتا ئیراقێ بودجەیا گرۆپێن هێرشان ل سەر كوردان دكەن دابین دكەت
- چاڤدێرەكێ سیاسی: گرۆپێن چەكدار نەچارن خوە ژ نەینەوا ڤەكێشن
- نابیت هێرشێن ل سەر بارەگەهێن پێشمەرگەی و شەڕ فرۆشتن ب هەرێما كوردستانێ بەردەوام بیت
- ئافرەتێن كوردستانێ هەردەم پشكەكا سەرەكی یا خەباتا گەلێ مە بوون
سهرهكى نوچێن گرنگ
گهرميان: تهقه ل هێزێن ئهمنى هاته كرن
ئهڤرۆ نيوز، عهزيز ههورامى:
بهرپرسێ ئهمنى ل كفرى راگههاند كو ژ ئهنجامێ تهقهكرن ل هێزێن ئهمنى دو كهس ژ هێزێن ئهمنى ژ لايێ چهند چهكداران ب فيشهكێ بريندار بووينه.
رائيد عهلى جهمال ئاخفتنكهرێ پۆليسێن گهرميان راگههاند ئهڤرۆ رۆژا چارشهمبى دو كهس ژ وێ هێزێ بريندار بووينه يا بۆ رێگريكرن ل خوهنيشاندهران ل كفرى هاتيه بنهجهكرن.
گۆتژى: “پشتى وێ چهندێ ئێكسهر ئهو ههردو كارمهند بۆ نهخۆشخانا ههژار ل كهلار هاتينه رهوانه كرن و ديار بوويه كو چار گوله ب لاشێ وان كهفتينه”.
ل سهر خوهنيشاندانان گۆڕان بوويه دو پشك
ئهڤرۆ نيوز، عهزيز ههورامى:
دو رۆژێن بۆرى ل ناڤهندێن سلێمانى و ههلهبچه و گهرمان خوهنيشاندانان دهسپێكرن و زيانێن مهزن گههاندنه مالێن گشتى و پارتيێن سياسى. بزاڤا گۆڕان ژى ل دۆر ڤان خوهنيشاندانان بوويه دو پشك.
ئهندامهكێ جڤاتا گشتى يا گۆڕان كو ژ بهر ههستياريا كاودانان نهڤيا ناڤێ خوه بێژيت بۆ ئهڤرۆ نيوز گۆت: “نوكه بزاڤا گۆڕان د ناڤ خوه دا بوويه دو پشك، كا پشتهڤانيا خوهنيشاندانان بكهت يان ژى نهكهت.
ئهڤى بهرپرسێ پله بلندێ گۆڕان گۆتژى: “ئهو پشكا ل گهل خوهنيشاندانان نهيى، پێكهاتى نه ژ عومهرێ سهيد قادر رێكخهرێ گشتى يێ بزاڤا گۆڕان و خانهيا راپهراندنێ كو كورێن نهوشيروان مستهقاى پشتهڤانيا ڤێ بهرهيێ دكهن.
ئاماژه ب وێ چهندێ ژى كر كو ئهو پشكا پشتهڤانيا خوهنيشاندانان ژى دكهن ئهو گهنجێن ناڤ گۆڕانن كو ب سهرۆكاتيا قادرێ حاجى عهلى نه ئهو بهرپرسێن سهرۆكايهتيا تايهكێ گرنگ يێ ناڤ گۆڕان دكهن.
خۆيا ژى كر كو عومهرێ سهيد عهلى ژ بهر وێ چهندێ پشتهڤانيا خوهنيشاندانان ناكهت ژ بهر كو نهوشروان مستهفا بهرى وهغهر كهت وهسيهتا وێ چهندێ كربوو كو خوه ژ حوكمهتێ ڤهنهكێشن، پشتهڤانيا خوهنيشاندانان نهكهن، ههكه دروست بوو د پاشهرۆژێ دا ب هاريكاريا ئێكهتى نشتيمانى و پارتى كار بكهن بۆ دروستكرنا حوكمهتهكا خزمهتگۆزار.
ب بۆچوونا شارهزايان د نوكه دا بزاڤا گۆڕأن ئهو هێزه كو نهشێت د چو قووناغێن خوه دا بڕيارێ بدهن ژ بهر ههبوونا كوتلهيان د ناڤ وێ بزاڤا سياسى دا.
ژ بهر ڤى ئهگهرى بهرپرسێ مهزنێ وهلاتێ خوه سێدارهدا
ئەڤرۆ نیوز، نەوزاد ھلوری:
سەرۆکێ کوریا باکوور کو ب کەسەکێ دکتاتور دھێتە نیاسین بەرپرسەکێ پلە بلند کو ب زەلامێ دوویێ دھاتە نیاسین ژ ئەگەرا پاشئێخستنا تاقیکرنا موشەکەکا ئەتومی سێدارەدا.
لدوڤ نوچەکێ روژنامەیا دەیلی مەیلی یا بەریتانی ئەڤرۆ روژا چوارشەمبی کیم جونگ ئون سەرۆکێ کوریا باکوور کو ژ ئەگەرا پاشئێخستنا تاقیکرنا موشەکەکا نوو ئەوی بەرپرسەکێ پلە بلند سێدارەدا.
ئاماژ ب وێ یەکێ ژی کریە کو ئەو بەرپرس کو ب زەلامێ دوویێ دھاتە نیاسین یێ سەرکەفتی نەبویە ژ تاقیکرنا موشەکا نوو ژ جورێ پونچی ری کو ئێکبویە ژ موشەکێن نوو یێن ئەتومی ، ئەو بەرپرس ژی رێڤەبەرێ نڤیسینگەھا 131 و بەرپرسێ ئێخستنەکار یا بنگەھێ ئەتومی بوویە ل کوریا باکوور.
ئەڤە د دەمەکێ دایە کو پێنج روژ بەریا نھا ژ ئەگەرەکا نەدیار بەرپرسەکێ دن ژی دیار نینە و دھێتە چاڤەرێکرن کو ئەو ژی ھاتیە سێدارەدان.
چاوا ئەمریکا ئەبوبەکر بەغدادی ژ عیراقێ ڤەگۆھاستە سووریێ؟
ئهڤرۆ نيوز، ئەیاد بەرواری:
رۆژنامەکا تورکی یا نێزیک ژ حزبا داد و گەشەپێدانا حوکمران، ھندەک پێزانینێن نوو ل دۆر چارەنڤیسێ سەرکردێ رێکخستیا داعش یا تیرۆرستی ” ئەبوبەکر بەغدادی” ئاشکرا دکەت و دبێژیت بەغدادی نوکە یێ ل بنگەھەکێ لەشکریێ ئەمریکی ل باژێرێ حەسەکە ل سووریێ.
رۆژناما” یێنی شەفەق” یا تورکی بەلاڤکر”ئەبوبەکر بەغدادی یێ کەفتیە د دەستێ ھێزێن ئەمریکی دا ل عیراقێ، بەلێ وان دەستەسەرکرنا بەغدادی ئاشکرا نەکریە و یێ ھاتیە ڤەگۆھاستن بۆ سووریێ ب رێیا باژێرکێ کەرامە یێ سنوری ل گەل عیراقێ”.
وێ رۆژناما تورکی ل سەر زارێ ژێدەرێن سووری، بەلاڤکریە ژی” ئەبوبەکر بەغدادی نوکە یێ ل بنگەھەکێ لەشکری یێ ئەمریکی ل دەڤەرا (رمێلان) ل پارێزگەھا حەسەکە یا سووری”.
دیارکر ژی” ھنارتیێ تایبەت یێ سەرۆکێ ئەمریکی بۆ ھەڤپەیمانیا نێڤدەولەتی یا شەرێ دژی داعشێ (برێت ماکگۆرک) پشتی ژ “پیساتیێن” خوە ل پارێزگەھا رەققە یا سووری تمام بووی، یێ بەرھەڤیان دکەت ژ بۆ ئەنجامدانا ئەرکەکێ “پیستر” بۆ تەمامبوونا پرۆژێ رێیا تیرۆرستی ئەوا ئەمریکا ل بەرە بجە بینیت، کو ماکگۆرکی دەست پێکری دەمێ چوویە پارێزگەھا ئەدلیبێ، ئارمانجا دویێ یا وی و رێکخراوا پەیەدێ کو لقێ سووریێ یە یا رێکخراوا پەکەکێ، ب رێیا ھنارتنا وان بۆ سەدان چەکدارێن داعشێ ژ رەققە بەر ب ئدلیبێ”.
ل ئالیێ دی پەیڤدارێ وەزارەتا بەرگیریا عیراقێ، عەمید (یەحیا رەسول) ل 1ى كانوونا ئێكێ 2017، راگەھاندبوو پێزانینێن ھەوالگیری ئاماژێ ددەن کو ئەبوبەکر بەغدادی ھێشتا یێ ساخە و ل نێزیک سنورێ عیراقێ و سووریێ خوە ڤەشارتیە.
پهياما ئێكهتيێ ل دور خونيشادانێن سلێمانيێ
ئهڤرۆ نيوز:
جڤاتا سهركردايهتيا ئێكهتيا نيشتيمانيا كوردستانێ د راگههاندنهكێ دا دياركريه: چهند گرۆپێن تێكدهر ب ناڤێ خونيشادانان هێرش كرينه سهر جهێن گشتى و سازيێن حكومى و حزبى، هوشداريێ ددهين كو ئهڤ جوره رهفتارێن نهشارستانى و تێكدهر ئهم قهبوول ناكهين و ب دژوارى رهت دكهين.
دهقێ راگههاندنێ
ئهلمانيا ل ههڤكاريكرنا پێشمهرگهى دێ يا بهردهوام بيت
ئهڤرۆ نيوز:
ئوسولا ڤون دێر لاين وهزيرا بهرهڤانيا ئهلمانيا رۆلێ پێشمهرگهى د شهرێ داعش دا بلند نرخاند و پهسنا وێ ههڤپشكى و ههماههنگيا ناڤبهرا پێشمهرگهى و هێزێن ئهلمانيا و ههڤپهيمانيا نێڤدهولهتى ل دژى داعش كر و دياركر كو ئهڤ ههڤكاريه دێ يا بهردهوام بيت و بهرههڤيا خوه بۆ هاريكاريكرنا پێشمهرگهى دووپات كر.
ئهڤ گوتنێن وهزيرا بهرهڤانيا ئهلمانيا د چارچوڤێ كومبوونا ل گهل نێچيرڤان بارزانى سهرۆك وهزيرێن ههرێمێ هاتن كو نوكه ب سهرۆكايهتيا شاندهكێ و ل سهر داخوازا ئهلمانيا سهرهدانا وى وهلاتى كريه.
له دوایین كۆبوونهوهكانیدا له ئهڵمانیا ئێوارهى ئهمڕۆ سێشهممه 19/12/2017 له بهرلین، شاندى باڵاى حكوومهتى ههرێمى كوردستان به سهرۆكایهتیى بهڕێز نێچیرڤان بارزانى سهرۆك وهزیران و به ئامادهبوونى بهڕێز قوباد تاڵهبانى جێگرى سهرۆك وهزیرانى ههرێمى كوردستان، لهگهڵ وهزیرى بهرگریى ئهڵمانیا خاتوو ئۆرسۆلا ڤۆن دێر لاین كۆبوونهوه.
نێچيرڤان بارزانى پهيامهكێ ئاراستهى خونيشادهران دكهت
ئهڤرۆ نيوز:
سهرۆك وهزيرێن ههرێما كوردستانێ پهيامهك ئاراستهى خونيشادهرێن باشوورێ كوردستانێ كرن و راگههاند: نوكه ههرێما مه يێ د رهوشهكا نازك دا دهرباز دبيت، ئهز ژ داخوازيێن وه تێدگههم و ههڤسوزم ل گهل وه، دهبرينا ئاشتيانه يا بيروبوچوونان مافهكێ شهرعى و ديموكراسى يه، بهلێ توندوتيژى چ دهمهكى يا پهسهند نينه، لهوما داخوازێ ژ ههوه دكهم ب ئاشتيانه داخوازيێن خوه دهرببرن.
هێزێن ئهمنى دهست ب ههوهكا دهستهسهركرنێ ل ههلهبجه دكهن
ئهڤرۆنيوز، عهزيز ههورامى
ئهڤرۆ ل ههلهبجه خوهنيشادان هاته ئهنجامدان وخوهنيشاندهر چوونه سهر هژمارهكا بارهگێن حزبى ژوان بارهگايێ ئێكهتى نيشتمانى كوردستان، بهلێ ههر زوو زێرهڤانێن مهلبهندێ 9 يێ شارهزوورێ ئێكهتيێ تهقه ل خوهنيشاندهران كر وبهلاڤهكرن، ئهڤ شهڤه ژى دهستهسهركرنا چالاكڤانان ل ههلهبجه ژلايێ دهزگههێن ئهمنى يێن وى سنورى دهستپێكر.
چالاكڤانێ مهدهنى (درهو مههدى) ئهندامێ گرۆپێ شهقام بۆ ئهڤرۆنيوز گۆت” ئهڤ شهڤه هێزهكا ئاسايشێ مال ب مالێن ئهندامێن گرۆپێ شهقام گهريان كو هاتن سهر مالا من ژى بهلێ ل وى دهمى ئهز ل مال نهبووم”.
وى چالاكڤانى گۆ ژى” نوكه ئێك ژ ئهندامێن گرۆپێ مه ب ناڤێ (شهمال محهمهد) يێ هاتيه دهستهسهركرن ژلايێ وێ هێزێ ڤه وئهم ههموو ئهندامێن دى يێن گرۆپێ ژترسێن دهستهسهركرنێ يێن ژمالێن خوه دهركهفتين”.
گۆت ژى” پاراستنا گيانێ مه د ستوويێ دهزگههێن ئهمنى ل ههلهبجه دايه”
بارهگايێ لقێ 11 يێ پارتى هاته سۆتن
ئهڤرۆنيوز:
ل رۆژا دويێ ژ خوهنيشادانان، ئهڤرۆ ل سنورێ پارێزگهها سلێمانيێ وئيدارا راپهرين وگهرميان هێرش هاتنه كرن ل سهر بارهگايێن پارتى وهندهك لايهنێن دى.
كوسرهت نهجات كادرێ پێشكهفتيێ پارتى دناڤ لقێ 11 پارتى ل رانيا بۆ مالپهرێ فهرميێ پارتى گۆت” هندهك چهكداران هێرش ب كلاشينكوف وبيكهيسيان كريه سهر بارهگايێ لقێ”.
پشتى وان چهكداران بارهگايێ لقێ 11 دۆرپێچكرى رابوون ب سۆتنا وى، عومهر خدر كارگێرێ لقێ 11 گۆت” ئهوا رووداى خوهنيشادان نهبوو، بهلكو ب شێوهكێ رێكخستى تهقه ل بارهگايێ پارتى هاته كرن”.
نيشاندان
WP Facebook Auto Publish Powered By : XYZScripts.com