ئه‌ڤرۆنيۆز:

 رۆژناما كه‌يهان يا ئيرانى كو ب سه‌ر رێبه‌رێ شۆره‌شا ئيسلامى ل ئيرانێ (عه‌لى خامه‌نه‌ئى) ڤه‌يه‌، داخواز ژ حوسيێن يه‌مه‌نێ كر، ئيماراتێ ب مۆشه‌كان توپباران بكه‌ن.

رۆژناما ناڤبرى دبابه‌ته‌كێ خوه‌ دا، حوسيێن يه‌مه‌نێ، ئه‌وێن ژلايێ ئيرانێ ڤه‌ دهێنه‌ پشته‌ڤانيكرن، هاندان كو كريارێن توپبارانكرنێ ب مۆشه‌كان دژى سعوديێ به‌رفره‌هتر بكه‌ن ووه‌لاتێ ئيماراتێ ژى ڤه‌گريت ب تايبه‌تى هه‌ردو مێرنشينێن دوبه‌ى و ئه‌بو زه‌بى.

دياركر ژى، حوسى دشێن وى ئه‌ركى ئه‌نجامبده‌ن وگه‌فێن حوسيان يا دوپاتكرى كو ره‌وش ل ده‌ڤه‌رێ يێ هاتيه‌ گوهۆرين و نه‌ تنێ سعوديێ دبن گه‌فێن مۆشه‌كێن حوسيان دايه‌.

ئەڤرۆ نیۆز،زنار تۆڤی:

رۆژناما گاردیان یا ئنگلیزی ب تەمەنترین مرۆڤێ سەر روویێ ئەردی ل وەلاتێ چیلی ل ئەمریكا باشۆر دیتییە و وی کەسی وێنەیێ خۆ و ناسناما خۆ بەلاڤکریە،کو تەمەنێ وی 121 سالە.

وێ رۆژنامێ راگەهاندیە کو ناڤێ وی زەلامی (ئین سیلینۆ ڤیلانۆیڤا گارامیلۆ)یە نوکە ب گورەی ناسناما وی تەمەنێ وی 121 سالن، چونكی ل 1896 ژ دایك بوویە.

بەری 22 سالان، پیرەژنەکا چیلی د ژیێ 63 سالان دا ب ناڤێ مارتا رامیرێز، دەرگەهێ مالا خۆ بۆ وی پیرە مێری ڤەکریە و نوکە ل مالا وێ دژیت،ئەڤە ژی ژبەر وێ چەندێ هات،کو دەمێ تەمەنێ وی زەلامی 99 سال بوون و ب ئەگەرێ روودانەکی مالا وی هاتبوو سوتن و هەموو تشت ژ دەست داینە،وێ پیرەژنێ وەسا هزر دکر کو ئەڤ پیرەمێرە دێ چەند هەیڤان ژیت و ب ئەگەرێ پیریێ دێ گیانێ خۆ ژ دەست دەت،ئەڤە 23 ئەو پیرەمێرە ل گەل وێ پیرەژنێ دژیت و نوکە ژیێ وی 121 سالە و تەمەنێ پیرەژنێ ژی گەهشتیە 85 سالان.

گارامیلۆی د ژیانا خۆدا ژن نە ئینایە، بەلێ قەدەرا وی وهسا بوویە،کو ئەڤە 23 سالە ل گەل وێ پیرەژنێ دژیت.

ئەڤرۆ نیوز، نەوزاد زادە:

په‌یوه‌ندیه‌كا سیكسى یا دناڤبه‌را مه‌رگورك و كچه‌كا رۆژنامه‌ڤان ل عیراقى ، نه‌هێلا ئه‌و ببیته‌ بالیوزێ ئه‌مریكا ل عیراقێ
ل سالا 2012 ئه‌و ده‌ما كو باراك ئوباماى فه‌رمانا وه‌رگرتنا پوستێ بالیوزیێ ئه‌مریكا ل عیراقێ بو برێت مه‌رگورك ده‌ركرى ، دوڤدا ئێكسه‌ر ل میدیایێن ئه‌مریكى و جیهانى په‌یوه‌ندیا سێكسى یا دناڤبه‌را وى و كچه‌ رۆژنامه‌ڤانه‌كا بیانى ل عیراقێن هاته‌ ئاشكراكرن و به‌لاڤكرن ، ئه‌ڤ یه‌ك ژى بویه‌ سه‌ده‌م كو مه‌رگوركى ژ وه‌رگرتنا پوستێ بالیوزێ ئه‌مریكا ل عیراقى َدویر بكه‌ت ، دنها ژى دا مه‌رگورك راستیێن ئیرانێ ژ بو ئه‌مریكا ناڤه‌گوهێزیت و ئه‌ڤ یه‌ك ژى بویه‌ سه‌ده‌م كو ناڤبرى ده‌رفه‌ته‌كا زێرین بو ئیرانێ بده‌ت بو هێرشكرنا لسه‌ر كوردستانێ و هه‌موو عیراقێ ژى بێخیته‌ ژێر كونترولا خوه‌.

چێروكا مه‌رگورك چه‌وا بوو؟

برێت مه‌رگورك ل سالا 2003 ل سه‌رده‌مێ سه‌روكاتیا جورج بوش و باراك ئوبامای ل بالیوزخانا ئه‌مریكا ل عیراقێ كاركریه‌ ، به‌لێ ئه‌وى شاشیه‌كا مه‌زن ل عیراقێ ئه‌نجام دا ، شاشیا وى ژى د ده‌مه‌كێ دا بوو كو نێزیك بوو ئه‌و پوستێ بالیوزا ئه‌مریكا ل عیراقێ وه‌ربگریت ، ژبه‌رڤێ وه‌زاره‌تا ده‌رڤه‌یا ئه‌مریكا و كوچكا سپى دوپات ل وێ یه‌كێ كر كو مه‌رگورك كه‌سه‌كێ ژ هه‌ژى نینه‌ كو پوستێ بالیوزێ ئه‌مریكا ل عیراقێ وه‌ربگریت ، و ژبه‌رڤێ ژ به‌ربژێریا وه‌رگرتنا پولیستێ بالیوزیێ ئه‌مریكا ل عیراقێ ل سالا 2012 هاته‌ دورئێخستن.
ئه‌گه‌را دویرئێخستنا وى ژى ئه‌و بوو كو ناڤبرى كومه‌كا ئیمێلێن ئه‌ڤینداریێ و ته‌ژى ئاخفتنێن سێكسى و رومانسى ب ئیمێلێ فه‌رمیێ وه‌زاره‌تا ده‌رڤه‌یا ئه‌مریكا بو كچه‌كا روژنامه‌ڤان كو په‌یامنێر بوو ل ئێك ژ كه‌نالێن بیانى ل عیراقێ هنارتبوون ، ئه‌و ئیمێل دوپات ل وێ یه‌كێ دكر كو مه‌رگوركى په‌یوه‌ندیه‌كا نهێنیا ئه‌ڤیندارى و سێكسى د سه‌ر خێزانا خوه‌ دا ل گه‌ل ئه‌وێ په‌یامنێرێ هه‌بوویه‌ و ڤێ یه‌كێ ژى ل میدیایێن ئه‌مریكا ده‌نگڤه‌دانه‌كا زور هه‌بوویه‌ و ب كاره‌كێ هه‌تكبه‌رى بناڤ دكر ، بویه‌ سه‌ده‌م وى كو وى ژ پوستێ بالیوزێ ئه‌مریكا ل عیراقێ دویر بكه‌ت و بتنێ ئه‌و كارێن كو پێشتر دكرن به‌رده‌وامیێ لسه‌ر بده‌ت.

ڤه‌كولین چ دبێژن؟
پشتى كو به‌لگه‌یێن لسه‌ر ڤێ یه‌كى َهاتینه‌ ئێكلایكرن ، مه‌زنه‌ به‌رپرسێن ئه‌مریكا ب ره‌نگه‌كێ خراپ ره‌فتار لسه‌ر وان به‌لگه‌یان كرن ، و ب له‌كه‌داركرنا سیاسه‌تا راستگیانه‌یا ئه‌مریكا و سه‌رپێچیكرنا به‌رامبه‌ر ئه‌مریكا هاته‌ بناڤكرن ، ژبه‌رڤێ نڤیسینگه‌ها ده‌وله‌تا ئه‌مریكا بو ئاسایشا دبلوماسى ده‌ست ب ڤه‌كولینان ل كارێن مه‌رگورك كر ، دوڤدا نڤیسینگه‌ها پشكنینا گشتى یا ده‌وله‌تێ ب دوسیێن ناڤبرى دا چوو ، به‌لێ دوڤدا ده‌ست ژ ڤه‌كولینێ به‌ردا و ناڤبرى سزا نه‌دا ، پاشى بو جارا سێیێ نڤیسینگه‌ها ناڤبرى ده‌ست ب ڤه‌كولینا وان دوسیان كره‌ڤه‌ ، ڤێجارێ ڤه‌كولین لسه‌ر ئیمێلێن مه‌رگكورك كر یێن سالا 2008 و د ئێكه‌م كار ژى بریارهاته‌دان كو مه‌رگكورك ژ كاندیدبوونا بالیوزێ ئه‌مریكا ل عیراقێ بهێته‌ دویرئێخستن ، سزایێ ناڤبرى ب ڤێ یه‌كێ داوى هات ، ئه‌گه‌ر ژى ئه‌و بوو ژ ئه‌گه‌را ده‌ستێوه‌ردانێن سوپا سالارێ وى ده‌مى و راوێژكارێ ئاسایشا نه‌ته‌وه‌یى ” شیریل میلز ” ، و هاریكارێ وه‌زیرى َده‌رڤه‌ و به‌رپرسێ نڤیسینگه‌ها ئاسایشا دبلوماسیێ ئه‌مریكا ” ئریك بوزویل ” بو ده‌ما چوار هه‌ڤیان دوسیێن مه‌رگوركى هاتنه‌ دائێخستن ، و ڤه‌كولین ل هه‌ڤیا ته‌مووزا 2013 ڤه‌كولین ب شێوه‌یه‌كێ ده‌مكى هاتنه‌ راگرتن و مه‌رگورك هاته‌ دویرئێخستن ژ به‌ربژێریا ژ پوستێ بالیوزێ ئه‌مریكا ل عیراقێ.
پێگه‌هێ wemeantwell راپورتا مه‌رگورك به‌لاڤكریه‌ و نڤیسیه‌ كو ، نها مه‌رگوركى پشكداریه‌كا كارا د شه‌رێ ئه‌مریكا و هه‌ڤپه‌یمانێن وان ل دژى داعش هه‌یه‌ ، به‌رده‌وامبوونا مه‌رگورك ل پوست و به‌رپرسیاره‌تیان ، ئه‌رێنیان لسه‌ر سیاسه‌تێن ئه‌مریكا و چه‌وانیا ب رێڤه‌برنا وێ بجهدهێلیت ، نها ژى مه‌رگورك روله‌كێ ئه‌رێنى هه‌یه‌ و ئه‌و كچ ژى لسه‌ر كارێ خوه‌ یا به‌رده‌وامه‌ ، ئه‌ڤ یه‌ك ژى رامانا رازیبوونا ئه‌مریكا ب وێ خیانه‌تا هه‌ڤژینیا مه‌رگورك و به‌رده‌وامبوون لسه‌ر په‌یوه‌ندیا سوزداى و ئه‌ڤینیا وان دده‌ت ، ئه‌ڤ یه‌ك ژى هه‌موو ئاریشه‌نه‌ به‌رامبه‌ر باوه‌رى و راستگویا گه‌لێن ئه‌مریكا به‌رامبه‌ر واشنتون درۆست دبن.

جهێ ئاماژه‌ پێكرنێ یه‌ كو برێت مه‌رگورك نها نونه‌رێ سه‌رۆكێ ئه‌مریكا و هه‌ڤپه‌یمانێن نیڤده‌وله‌تى یه‌ بو شه‌رى َدژى تیرورستێ، داعش ل عیراق و سوریا ، ناڤبرى روله‌كێ به‌رچاڤ هه‌بوو د گه‌هاندنا په‌یامێن ئه‌مریكا بو هه‌رێما كوردستانێ كو ریفراندۆم نه‌هێته‌ ئه‌نجامدان و مه‌رگورك ب ئێك ژ وان كه‌سان دهێته‌ تومه‌تباركرن كو سیاسه‌تا ئه‌مریكا به‌رامبه‌ر هه‌رێما كوردستانێ هاتیه‌ گوهرین و لسه‌ر بنپێكرنێن ئیرانى و عیراقى به‌رامبه‌ر كوردستان و ده‌ڤه‌رێ بێده‌نگه‌.