ئه‌ڤرۆ نيوز:

سپێده‌هيا ئه‌ڤرۆ حه‌شدا شه‌عبى به‌رده‌وامى دا وان پێشڤه‌چوونێن خوه‌ بۆ داگيركرنا ده‌ڤه‌رێن كوردستانى يێن ده‌رڤه‌ى ئيدارا هه‌رێما كوردستانێ و ئه‌ڤرۆ ژى و بێ ى شه‌ر چوو ناڤ شنگال.

فه‌رمانده‌كێ پێشمه‌رگه‌ى راگه‌هاند كو هێزێن پاراستنا ئێزديخانێ بێ ى شه‌ر شنگال راده‌ستى چه‌كدارێن حه‌شدا شيعى كرن كو ژ لايێ فه‌رماندێ فه‌رماندا شنگال، قاسم شه‌شۆ، ڤه‌ دهێنه‌ پشته‌ڤانيكرن.

ئه‌ڤى فه‌رماندێ پێشمه‌رگه‌ى يێ كو كو پاراستن ل سه‌ر گۆتنا ناڤێ خوه‌ كرى ئاشكه‌را ژى كر كو ژماره‌كا زۆر يا چه‌كدارێن حه‌شه‌د شه‌عبى ده‌ست ژ حه‌شدێ به‌ردابوو و چووبوونه‌ ناڤ رێزێن ڤێ هێزێ و دياره‌ وه‌كو رێكه‌فتنه‌كێ بوويه‌ و نوكه‌ ژى ئه‌وان هه‌موويان شنگال راده‌ستى ڤێ هێزا چه‌كدارى كر.

ئه‌ڤى فه‌رماندێ پێشمه‌رگه‌ى خويا ژى كر كو هێشتا ئه‌و ده‌ڤه‌رێن ل بن كونترۆلا پێشمه‌رگه‌ى ل سنورێ شنگال د ئارامن و چو كێشه‌ ل سه‌ر وێ ده‌ڤه‌رێ نينن.

ئەڤرۆ نیوز ، هلوری

پشتی کو هێزێن پێشمەرگێن سەر ب ئێکەتیا 70ێ یا ئێکەتیا نیشتمانیا کوردستانێ سەنگەرێن خوە چولکرین بو حەشد شەعبی و سوپایێ عیراقێ ، حەشد شەعبی سوپاسیا سەرکردێن ئێکەتی کر.

ل گۆرەی راگەهاندنەکا حەشد شەعبی کو دەست ئەڤرۆ نیوز کەفتیە هێزێن میلشیاتێن حەشد شەعبی سوپاسیا هندەک ژ بەرپرسێن ئێکەتی کر بەرامبەر رادەستکرن و چولکرنا سەنگەرێن خوە ل کەرکوکێ بو هێزێن وان.

سوپایێ عراقێ گەهشتیە ناڤا سەنتەرێ پارێزگەها کەرکوک و دەستگرتیە لسەر بارەگایێ پارێزگەه و هندەک ژ بیرێن  پەترۆلێ و کارگەها غازا باشوور و هژمارەکا زور یا وەلاتیێن کەرکوکێ ژی بەر ب پارێزگەها سلێمانیێ و دەڤەرێن دەردورا وێ ئاوارە بوینە.