ئه‌ڤرۆ نیوز:

پشتى كو پشكه‌ك ژ هێزێن پێشمه‌رگێن كوردستانێ یێن فه‌وجا دوو یا لیوایا ئێك یا ئێه‌یا 70ێ یا سه‌ر ب ئێكه‌تیا نیشتمانیا كوردستانێ سه‌نگه‌رێن خوه‌ ل ته‌لوه‌رد چولكرین بێى كو شه‌ر و ته‌قه‌ درۆست ببیت كه‌فته‌ ده‌ست حه‌شد شه‌عبى و د پشترا شه‌ر دناڤبه‌را هێزێن پێشمه‌رگه‌ى و حه‌شد شه‌عبى درۆست بوو.

دنهادا پرسیار دهێته‌كرن كێ به‌رپرسیار بوو ژ چولكرنا سه‌نگه‌رێن پێشمه‌رگه‌ى ل باشوورێ رۆژئاڤایێ كه‌ركوك ، ل گوره‌ى زانیاریێن ئه‌ڤرۆ نیوز كو ژ هێزێن پێشمه‌رگه‌ى ده‌ست كه‌فتیه‌ دیاركر كو فه‌رمانده‌یێن وان ب وا راگه‌هاند بوو كو ده‌ڤه‌رێ چول بكه‌ن و پاشڤه‌ بزڤرن و د به‌رامبه‌ر دا مه‌ پرسیار ژ فه‌رمانده‌یان كر چه‌وا سه‌نگه‌ران چول بكه‌ین و بده‌ین ده‌ست دوژمن و پاشان چ بێژین دایكێن شه‌هیدان و مه‌ نه‌ڤیا سه‌نگه‌ران چول بكه‌ین.

ل گوره‌ى زانیاریان هه‌ر ئێك ژ قاسم سوله‌یمانى و كوره‌كى مام جه‌لال و به‌رپرسێ ده‌زگه‌هێ زانیاریان سه‌ر ب ئێكه‌تى تومه‌تبارن ب فه‌رمانا چولكرنا سه‌نگه‌رێن پێشمه‌رگه‌ى  دنهادا هژماره‌كا زور یا خه‌لك و پێشمه‌رگێن خوبه‌خش ل دهوك و هه‌ولێر و ده‌ڤه‌رێن دن چوینه‌ كه‌ركوك ب مه‌ره‌ما به‌ره‌ڤانیكرن و هه‌ڤكاریكرنا هێزێن پێشمه‌رگه‌ى.

ئه‌ڤرۆ نيوز:

بۆ پشته‌ڤانى و جهگرتنا وان هێزێن خوه‌ ڤه‌كێشاين، زێده‌تر ژ دو ليوايێن پێشمه‌رگه‌ى ب هه‌موو پێدڤيێن له‌شكرى ڤه‌ بۆ كه‌ركووك هاتنه‌ ره‌وانه‌كرن.

سه‌يد هه‌ژار، جێگرێ فه‌رماندا پێشمه‌رگێ زێره‌ڤانى بۆ رووداو راگه‌هاند كو سپێده‌هيا ئه‌ڤرۆ رۆژا دوشه‌مبى 16ى چريا ئێكێ 2017ێ زێده‌تر ژ دو ليوايێن پێشمه‌رگه‌ى “سۆپايێ چار و پێنج يێ پێشمه‌رگه‌ى و هنده‌ك ژ سۆپايێ ئێك و دو و سێ يێ پێشمه‌رگێ زێره‌ڤانى” ب هه‌موو پێدڤى ڤه‌ هاتنه‌ ره‌وانه‌كرن بۆ كه‌ركووك.

سه‌يد هه‌ژار گۆتژى: “هه‌موو ئه‌و هێزێن چووين، هه‌موو پێدڤيێن له‌شكرى و يێن يه‌ده‌گ ژى ل گه‌ل هه‌نه‌ و هێزێن ده‌ڤه‌رێن دژى يێن ل جهێ خوه‌”.

ئێك ژ وان ده‌ڤه‌رێن بێ شه‌ر هاتيه‌ چۆلكرن ته‌لوه‌رد بوو، لقێ سێ يێ پارتى ل كه‌ركووك راگه‌هاند: “سۆپايێ چار يێ زێره‌ڤانى و ليوا دو يا پێشمه‌رگه‌ى گه‌هشتنه‌ ته‌لوه‌رد”. هه‌ڤده‌م په‌يامنێرێ رووداو راگه‌هاند كو پێشمه‌رگه‌ى ده‌ست ب هێرشا هه‌ڤدژى كريه‌ و روو ب روويێ حه‌شه‌د شه‌عبى بوويه‌.

د سه‌ر ڤێ هه‌موويێ را هێزێن ئاسايشا هه‌ولێر و خه‌لكه‌كێ زۆر ژ هه‌ولێر و سلێمانى و دهۆك ب چه‌ك ڤه‌ بۆ به‌ره‌ڤانيكرنێ گه‌هشتنه‌ كه‌ركووك.

پشتى چه‌ندين رۆژان ژ گه‌فێن ل دووڤ ئێك، سپێده‌هيا رۆژا دو شه‌مبى 16ى چريا ئێكێ 2016 سۆپايێ عيراقێ و حه‌شدا شه‌عبى ل باشوورێ كه‌ركووك و خورماتۆ ژ چه‌ندين به‌ره‌يان ڤه‌ هێرش كره‌ سه‌ر پێشمه‌رگه‌ى، پشكه‌ك ژ هێزێن پێشمه‌رگه‌ى ژى ل وێ ده‌ڤه‌رێ خوه‌ ڤه‌كێشا.

ئه‌ڤرۆ نیوز، هلورى:

پشتى كو سه‌روك وه‌زیرێن عیراقێ لسه‌ر په‌یچى خوه‌یێ تورا جڤاكى یا فێسبوكێ دیاركرى كو هه‌رێما كوردستانێ هێزێن په‌كه‌كێ ئینایه‌ كه‌ركوكێ و ئه‌ڤ یه‌ك ژى دێ عیراقێ به‌ر ب شه‌ره‌كێ نافخوه‌ى به‌ت ، حكومه‌تا هه‌رێما كوردستانێ ره‌تكر كو چوو هێزێن په‌كه‌كێ ل كه‌ركوك هه‌بن.

ژێده‌ره‌كێ ژ حكومه‌تا هه‌رێما كوردستانێ نه‌ڤیا ناڤێ خوه‌ بێژیت بو ئاژانسا رویته‌رز نوچه‌یێ هاتنا په‌كه‌كێ بو كه‌ركوك ره‌تكر و دیاركر كو ژبلى هێزێن سه‌ر ب وه‌زاره‌تا پێشمه‌رگه‌ى چوو هێزێن دن نه‌هاتینه‌ كه‌ركوكێ و گۆت: ( چوو هێزه‌كان دن ژبلى هه‌موو وان هێزێن كو سه‌ر ب وه‌زاره‌تا پێشمه‌رگه‌ى نه‌هاتینه‌ كه‌ركوك و وان ده‌ڤه‌رێن كو هاتینه‌ رزگاركرن و وان ده‌ڤه‌رێن كو ئاریشه‌ لسه‌ر هه‌یى)

ئه‌وى ژێده‌رى دیاركر ژى كو حكومه‌تا عیراقێ هێزێن دن ئیناینه‌ سنوورێ كه‌ركوكێ مینا پاسدارێن سوپایێ ئیرانێ بو ناڤ وان جهێن كوه ێزێن حه‌شد شه‌عبى تێدا جێگیربوینه‌.

ئه‌ڤرۆ نیوز ، نه‌وزاد هلورى:
سه‌رۆكى َحكومه‌تا هه‌رێما كوردستان و جێگرێ پارتى دیموكراتى كوردستان ل داویا كومبوونا پشكا دناڤبه‌را ئێكه‌تى و پارتى د كونگره‌یه‌كێ رۆژنامه‌ڤانى دا دیاركر كو ب چوو شێوه‌یان ئه‌نجامێن ریفراندۆما هه‌رێما كوردستانێ ناهێته‌ هه‌لوه‌شاندن.

نێچیرڤان بارزانى سه‌رۆكى َحكومه‌تا هه‌رێما كوردستان و جێگرێ پارتى دیموكراتى كوردستان د كونگره‌یێ رۆژنامه‌ڤانى دا دیاركر كو كومبوونا وان یا سه‌ركه‌فتى و ئه‌رێنى بوویه‌ گۆت: ( كومارا ئیسلامیا ئیرانێ باش ل بارودوخێ ده‌ڤه‌رێ دگه‌هیت و ئابلویه‌قا ئیرانێ ژبلى كو زیان بو سه‌ر ئیرانێ هه‌یه‌ و دهه‌مان ده‌م ژى دا بو سه‌ر هه‌رێما كوردستانێ ژى هه‌یه‌ ، و نابیت ئیران مه‌سه‌لێن كوردستانێ بكه‌ت ئابلوقه‌ و د به‌رژه‌وه‌ندیا هه‌ردووان ژى دا نینه‌ كو ئابلوقه‌ بهێنه‌كرن ، و من دڤێت دوپات بكه‌ مكو هه‌ره‌شه‌ و ئابلوقه‌یێن ئیرانێ چوو گورانكاریان ناكه‌ت و تشته‌كێ ناگوهریت)

زێده‌تر گۆت: ( هه‌موو ئاریشه‌یێن كو دناڤبه‌را هه‌ولێر و به‌غدا بتنێ ب رێیا دانوستاندن دێ هێنه‌ چاره‌سه‌ركرن ئه‌و ژى ب رێیا ئه‌جێندا و دانوستاندنێن ڤه‌كرى ، نه‌ك ب رێیا چه‌كى و هه‌ره‌شه‌یان ، و عیراق نكاریت چوو هه‌ره‌شه‌یێن سه‌ربازى ل هه‌رێما كوردستانێ بكه‌ت و حكومه‌تا عیراقێ نابیت خوه‌ بێخیته‌ شاشیه‌كێ و ئه‌و چوو بكه‌ن ژ حكومه‌تا سه‌رده‌مێ رژێما به‌عس ب هێزتر نابن)

بارزانى دیاركر ژى كو ب چوو ره‌نگ و شێوه‌یان ئه‌نجامێن ریفراندۆمێ ناهێنه‌ هه‌لوه‌شاندن و دوپات ژى كر كو به‌رى نها چه‌ند جاران ئه‌وان لسه‌ر ڤێ یه‌كێ هه‌لویستێ خوه‌ راگه‌یاندیه‌ و ل بارا هه‌لبژاردنان ژى گۆت: ( لایه‌نێن سیاسى و كومسیوون و په‌رله‌مان دێ لسه‌ر ئه‌ڤێ مژارێ راوه‌ستن و ل وى ده‌مى دێ بریار لسه‌ر پاشێخستن یان ئه‌نجامدانا وێ هێـه‌دان)