ئه‌ڤرۆ نیۆز،تۆڤی:
سه‌ركرده‌كێ ئێكه‌تی نیشتمانی كوردستان ئاشكراكر،کو ئێكه‌تی دێ به‌ر ب ئه‌نجامدانا گوهۆرینێن ریشه‌یی ڤه چیت و كۆنگرێ چارێ دێ به‌ری هەیڤا شواتا 2018 هێته ئه‌نجامدان.
رۆژناما (شەرقولئەوسەت) د هژمارا خوه یا (14219) یا ئه‌ڤرۆ 2/11/2017 ژ زار ده‌ڤێ سه‌ركرده‌كێ ئێكه‌تیێ دبێژیت”جڤاتا سه‌ركردایه‌تیا ئێكه‌تیێ ل شه‌مبیا بهێت دێ كۆمبیت و تێدا دێ به‌حس ل پێكئینانا ده‌سته‌یه‌كا سه‌ركردایه‌تیا ده‌مكی بۆ ب رێڤه‌برنا كاران هێتەدان هه‌تا ئه‌نجامدانا كۆنگره‌ی”.
ئەڤرۆ نیۆز،زنار تۆڤی:
ئه‌ندامەکێ لێژنا نه‌فت و هێزێ ل جڤاتا پارێزگەها كه‌ركووكێ ئاشكرا كر،کو عێراق دێ كێلگەهێن نه‌فتا هاڤانا و باى حه‌سه‌ن ل كه‌ركووك دائێخیت،جه‌ختێ ل هندێ دکەت،کو هەکە هه‌ماهه‌نگى ل گه‌ل هه‌رێما كورستانێدا نه‌كەت،نەشێت نه‌فتا كه‌ركووكێ ب هنێریته ژ دەرڤە.
فوئاد حسێن، ئه‌ندامێ لێژنا نه‌فت و هێزێ ل جڤاتا پارێزگەها كه‌ركووكێ دیاردکەت:حوکمه‌تا عێراقێ هنارتنا نه‌فتا هه‌ر ئێک كێلگەهێن نه‌فتا بابه گور گور، زه‌مبوور،خه‌فازه بۆ ده‌رڤە راگرتینە و ب تنێ بۆ نافخۆ نهفتێ به‌رهه‌م دئینیت، ل گه‌ل هندێ رۆژانه نێزیكى 70 هزار به‌رمیلێن نهفتێ ل بیرێن نهفتێ ده‌ر دئینیت و سه‌ر ژنوو وێ نهفتێ د‌كەتە بیران و ئەڤێ ژی مه‌ترسی و كاریگه‌ریا نه‌رێنى بۆ داهاتوویێ وان بیرێن نهفتێ هه‌یه.
هەروەسا گوت ژی،حومه‌تا عێراقێ بێی ئاگەهداریا جڤاتا پارێزگەها كه‌ركووكێ هاتینە كه‌ركووكێ و ده‌ست ب سه‌ر كێلگەهێن نهفتێ دا گرتینه،هه‌ر چه‌نده ل دووڤ ماددێ 112 یێ د‌ستوورێ عێراقێ دڤێت هه‌ماهه‌نگی دناڤبەرا حوکمه‌تا عێراقێ و جڤاتا پارێزگەها كه‌ركووكێ دا بۆ شێوازێ رێڤەبرنا كێلگهەهێن نهفتێ هه‌بیت،بەلێ حوکمه‌تا عێراقێ بێی پرس، ده‌ست ب سه‌ر كێلگەهێن نهفتێ دا گرتینه، دبێژیت:دڤێت ماددێ 140 وه‌ك خۆ بهێتە جێبه‌جێ کرن.
فوئاد حسێنی دیارکر ژی، حوکمه‌تا عێراقێ ژ بلی بۆریێن هه‌رێما كوردستانێ نەشێت ب بۆریێن دیتر نه‌فتا كه‌ركووكێ بۆ ده‌رڤە ب هنێریت،لەورا دڤێت ل گه‌ل هه‌رێما كوردستانێ هه‌ماهه‌نگیێ بكەت،هەکە نەکەت،دڤێت نه‌فتا وان کێلگەهان رابگریت، گوت ژی: عێراق دێ كێلگەهێن نه‌فتا هاڤانا و بای حه‌سه‌ن ل كه‌ركووك دائێخیت.
ئه‌ڤرۆ نیۆز،زنار تۆڤى:
سترانبێژ بوله‌نت تۆران كو خه‌لكێ باكۆرێ كوردستانێ یه و نوكه ل وه‌لاتێ ئه‌لمانیا دژیت،د هه‌ڤپه‌یڤینه‌كێ دا بۆ ئه‌ڤرۆ نیۆز دیاركر:هه‌ر د زارۆكاتیا خوه دا من ده‌ست ب كارێ مۆزیكێ كریه،هه‌روه‌سا دایك و بابێن ژى گه‌له‌ك حه‌ز ژ مۆزیكێ دكرن و ئه‌و پشته‌ڤانێن ن بوون و بابێ من حه‌ز دكر ئه‌ز فێرى سازێ ببم،لێ ساز ب ده‌ست من نه‌كه‌فت و ئه‌ز فێرى جومبشێ بووم،دیسا ل سالا 1993 ل ناڤه‌ندا چاندا میزوپۆتامیا من ده‌ست ب كارێ سترانگوتنێ كریه،ئێكه‌م ستران ب ناڤێ”چیایێ بێزار” ل سالا 1995 من گوتیه،هه‌روه‌سا ل وى ده‌مى من د كۆما ره‌وشه‌ن دا كارێ مۆزیكێ دكر و ل سالا 1998 من ل گه‌ل كۆما ره‌وشه‌ن ئه‌لبۆمه‌ك چێكر،پشتى هنگێ ئه‌ز چوومه سته‌نبۆلێ و من ل گه‌ل كۆما گوله‌ن و كۆما خه‌رزان كاركر و ل وێرێ ژى من به‌ردوامى دا كارێ مۆزیكێ و سترانا كوردى.
هەروەسا گوت ژى:من سێ ئه‌لبۆم ب ناڤێ”شاهیا سترانا” بۆ كه‌نالێ “ته‌ره‌ته”چێكرینه و ل سالا 2006 من ئه‌لبۆما خوه یا ب ناڤێ”ئامه‌دێ” چێكر،هه‌تاكو نوكه من شه‌ش كلیپ چێكرینه،هه‌روه‌سا بۆ سالا 2018 ژى ئه‌لبۆمه‌كا نوو ل به‌ر ده‌ستێ من هه‌یه و تێدا كار دكه‌م،هه‌كه د لایێ ئابوورى دا ره‌وشا من باش بیت ئه‌ز دێ وێ ئه‌لبۆمێ به‌لاڤه كه‌م.
ناڤهاتى دیاركر ژى:نوكه ئه‌ز ئاستێ مۆزیك و ئافراندنا سترانا كوردى باش نابینم،چونكى قركرنا چاند و هونه‌رێ كوردى هه‌یه،ب تایبه‌تى د وارێ مۆزیكا كوردى دا،هندى وێڤه‌تر دچیت ره‌وشا مۆزیك و سترانا كوردى نه‌باشتر لێ دهێت،ژبه‌ركو هونه‌ر نه ژبۆ ئازادیێ و خزمه‌تا گه‌لێ كورد ب كار دهێت،به‌لكى ژبۆ ب ده‌ست خستنا ئابوورى و ناڤوده‌نگیا سترانبێژى دهێته ب كارئینان،هه‌ر چه‌نده هونه‌ر ئاڤاكه‌را جڤاكیه،لێ مخابن ئه‌و مۆزیكا نوكه دهێته چێكرن،مۆزیكه‌كا بێ فه‌لسه‌فه و ئستاتیكه،مۆزیكا ئارابێسك و پۆپ گه‌له‌ك زێده دهێته ب كارئینان و روحا سترانا كوردى مراندیه.
بوله‌نت تۆران هێشتا دبێژیت:نوكه ل باكۆرێ كوردستانێ گه‌له‌ك سانسۆر ل سه‌ر ستران و مۆزیكا كوردى هه‌یه،هه‌كه ب ڤى ره‌نگى بیت،ئێدى دێ زمانێ كوردى ژى هێته قه‌ده‌غه‌كرن،هه‌روه‌سا ئه‌و سازى و ده‌زگه‌هێن گرێدایى هونه‌رێ كوردى ژى هه‌موو یێن هاتینه گرتن،دیسا پرانیا ده‌زگه‌هێن راگه‌هاندنێ یێن كو خزمه‌تا هونه‌رێ كوردى ژى دكر،یێن هاتینه قه‌ده‌غه‌كرن.
ده‌رباره‌ى چێكرنا كلیپان ناڤهاتى دا دیاركرن:چێكرنا كلیپان گه‌له‌ك یا گرنگه بۆ سترانبێژان،چونكى سترانبێژ ب كلیپان دهێته نیاسین،دیسا نوکە كلیپ ئێك ژ وان ئالاڤێن گرنگه و مرۆڤ دشێت خوه زوو پێ بده‌ته نیاسین و نوكه كلیپێن كوردى د ئاسته‌كێ باش دانه.
ئه‌ڤرۆ نیۆز ، نه‌وزاد هلۆرى:
دادگه‌ها فیدرالى یا عیراقێ د به‌رسڤا حه‌یده‌ر عه‌بادى سه‌روك وه‌زیرێن عیراقێ دا رونكرنه‌ك به‌لاڤكر و تێدا دیاركر كو ئه‌و نكارن بێژن كو ریفراندۆما كوردستانێ نه‌یا ده‌ستوورى یه.
دادگه‌ها فیدرالى د رونكرنا خوه دا دیاركر ژى كو د ریفراندۆما كوردستانێ دا بوچونا به‌رامبه‌ر هاتیه وه‌رگرتن كو ئه‌و ژى حكومه‌تا هه‌رێما كوردستانێ یه، ژبه‌رڤێ ئه‌و نكارین بێژین كو نه‌یا ده‌ستوورى یه ، هه‌تا نها چوار داخوازى بو نه‌ده‌ستوورى ناساندنا ریفراندۆما كوردستانێ گه‌هشتینه دادگه‌ها فیدرالى یا عیراقێ.
دادگه‌ها فیدرالى ب رێیا ئاخفتنكه‌رێ خوه دیاركر ژى كو ئێكلایكرنه‌كا ده‌ستوورى بو ریفراندۆما كوردستانێ پێدڤى یه ، كو ئه‌و ژى بوچونا به‌رامبه‌ر و حكومه‌تا هه‌رێما كوردستانێ یه لسه‌ر ئه‌نجومه‌نا وه‌زیرێن عیراقێ ، د نهادا ئه‌م نكارین بوچونا خوه لسه‌ر نه ده‌ستورى یا ریفراندۆما كوردستانێ دیار بكه‌ین ، ژبه‌ركو بریاردانا تاكلایه‌نانه لسه‌ر پرسا ریفراندۆمێ به‌روڤاژى ده‌ستوورێ عیراقێ یه)
ئه‌ڤرۆ نيوز:
وه‌زاره‌تا خواندنا بلند، جاره‌كادى ناڤێ وان پشكێن زانستى به‌لاڤ كر كو بۆ خولا دوێ بۆ سيسته‌مێ راسته‌وخو قوتابيێن ناڤێن وان ده‌رنه‌چووى دشێت پێشكێش بكه‌ن پشك ژى ئه‌ڤه‌نه.
ئه‌ڤرۆ نيوز:
وه‌زاره‌تا دارايى خشته‌كێ نوو يێ مووچان راگه‌هاند كو ب ڤى ره‌نگى يه:
رۆژا ئێكشه‌مبی، مووچه‌یێ په‌روه‌رده‌یا ده‌رڤه‌یی باژاران، دگه‌ل یێن وه‌زاره‌تا دارایی و ئابووری دێ هێنه دان و هه‌روه‌سا ل رۆژا دوشه‌مبی، په‌روه‌رده‌یێن سه‌نته‌رێ باژاری دێ مووچه‌یی وه‌رگرن.
خویا ژی كرییه كو رۆژا سێ شه‌مب و چوارشه‌مبی، مووچه‌یێ وه‌زاره‌تا ناڤخوه دێ هێته به‌لاڤكرن و رۆژا پێنج شه‌مبی ژی، مووچه‌یێن وه‌زاره‌تا ته‌ندروستی دێ هێنه دابه‌شكرن.
ئەڤرۆ نیوز، ھلۆری:
شەڤا بوری دوو فرۆکێن ئیسرائیلێ ل دەڤەرا حسیا ل حمسێ لسەر سنوورێ دناڤبەرا سوریا و لوبنان دەست ب بومبەبارانکرنا حزبوللایێ کر ، بەلی َھەتا نھا چوو ژێدەران زیانێن ئەوێ بوردومانێ دیارنەکرینە.
کەنالێ ” ئەلئەخبار یا سووری ” دیارکرکو فروکێن ئیسرائیلێ ئاسمانێ سوریا بەزاند و ل دەڤەرا حسیا یا سەر ب پارێزگەھا حمس حزبوللا یا لوبنانی بومبەبارانکرن.
پەیامنێرێ “روسیا ئەلیەوم “ ل سوریا ژ ژێدەرەکێ ڤەگوھاستی دیارکر کو فرۆکێن ئیسرائیلێ کوگەھێن چەکی ل سنوورێ سوریا و لوبنانێ بومبەبارانکرن ، و ژلایێ ھێلا ئەسمانی یا سوریا ژی بەرسڤا وان ب چەند موشەکەکان ھاتیەدان.
کەنالێ i24news یێ ئیسرائیلی ژ ژێدەرەکێ ڤەگوھاستی دیارکر کو ئەو بوردومان ب دوو فروکان بو سەر حزبوللایا لوبنانی ل سنوورێ سوریا لسەر زنجیرەیا رۆژھەلاتا سنوورێ دناڤبەرا سوریا و لوبنانێ ھاتیەکرن.
ھەتا نھا میدیایێن جیھانی ئاماژە ب زیانێن ھەردوو لایان نەکرینە کا ژ ئەنجامێ ئەوێ بوردومانێ چ زیان ھەبوویە.
ئه‌ڤرۆ نيوز:
وه‌زيرێ په‌ترۆلا عيراقێ راگه‌هاند كو نوكه ل گه‌ل حوكمه‌تا توركيا د دانوستاندنان دانه بۆ ده‌سپێكرنا هنارتنا په‌ترۆلا كه‌ركووكێ.
جه‌بار لوعێبى، د داخۆيانيه‌كا رۆژنامه‌ڤانى دا، د چارچۆڤێ ڤه‌كرنا عه‌مباره‌كا تايبه‌ت ب به‌رهه‌مێ په‌ترۆلێ ل كه‌ربه‌لا ئاماژه ب وێ چه‌ندێ كر كو ئه‌وان ل گه‌ل ئه‌نقه‌ره دانوستاندن ده‌سپێكرينه ده‌رباره‌ى هنارتنا په‌ترۆلا زه‌ڤيێن كه‌ركووك، د رێيا به‌نده‌رێ جيهان را، “به‌لێ هه‌تا نوكه نه‌گه‌هشتينه رێكه‌فتنا دووماهيێ”.
هه‌يڤا بۆرى، حوكمه‌تا عيراقێ، وه‌كو قه‌ره‌بوو بۆ په‌ترۆلا زه‌ڤيێن كه‌ركووك، رۆژانه 200 هزار به‌رميلێن په‌ترۆلێ زێده‌تر ژ زه‌ڤيێن په‌ترۆلێ ژ ناڤه‌راست و باشوورێ عيراقێ ره‌وانه كرينه.
نيشاندان