ئەڤرۆ نیوز:
گۆمرکا هەرێما کوردستانێ راگەهاند کو وەلاتێ ئیرانێ دەرگەهێ سنوری یێ پاشماغ ب روویێ هەرێما کوردستانێ دا ڤەکر.
شڤێدی د راگەهاندنەکا حوکمەتا هەرێما کوردستانێ دا سێ پێشنیاز هاتنەکرن، ئێک ژ وان راگرتنا ئەنجامێن ریفراندۆمێ بوون.
نووترين نووچه
- پێشوازی ل قونسلێن ئوردنێ و هندستانێ ل هەولێرێ كر
- دیپلۆماسییا كوردستانێ ئەم ژ چریسكێن شەڕێ ئیرانێ و ئیسرائیلێ پاراستین
- بڕیارا راگرتنا مووچەیێن هەرێما كوردستانێ هەلوەشینە
- ئیراق هێزەكا مەزن ل دەوروبەرێن بنگەهێ (عەینولئەسد) یێ لەشكرێ ئەمریكی بەلاڤ دكەت
- ب فەرمانا مەسرور بارزانی كێشەیا ڤەگەڕاندنا 13 هزار وەلاتییێن هەرێمێ ژ20 وەلاتان هاتە چارەسەركرن
- سەرۆكێ حوكمەتا هەرێمێ سەرەخوەشیێ ل مالباتا مەتران مار پۆلس سابت حەبیب دکەت
- ناكۆكییێن د ناڤبەرا هەردو دەستهەلاتێن دادوەری دا پرسا هنارتنا مووچەی گیرۆكر
- هەر دەزگەهەكێ راگەهاندنێ دەنگوباسێن بێ بنەما بۆ تێكدانا ئاسایشا كوردستانێ بەلاڤ بكەت دێ روو ب روویێ قانوونێ بیت
- دەست ژ كار كێشانا ئەندامێن دادگەها فیدرال ژ بەر بابەتێ خۆر عەبدوللا بوو
- دادگەها فیدرال ل بن فشارا سیاسی هاتە هەلوەشاندن
سه‌ره‌كى نوچێن گرنگ
حكومه‌تا هه‌رێما كوردستانێ پێشنیارا سركرنا ئه‌نجامێن ریفراندۆمێ دكه‌ت
ئه‌ڤرۆ نیوز ، نه‌وزاد هلۆرى:
حكومه‌تا هه‌رێما كوردستانێ ل بارا ره‌وشا نهایا دناڤبه‌را هه‌رێما كوردستان و عیراقێ راگه‌هاندنه‌ك به‌لاڤكر و دیاركر كو هه‌ره‌شه‌یێن عیراقێ لسه‌ر كوردستانێ دێ ره‌وشێ به‌ر ب ئالوزتر به‌ت و چه‌ند پێشنیار ژى ده‌ركرن ژ وانا هەلپساردن ( سركرنا ) ئه‌نجامێن ریفراندۆمێ.
ئه‌ڤا ل خوارێ ده‌قا وێ یه
ئه‌ڤ بارودوخ و ئالوزى و مه‌ترسیێن كو روو ب روویێ عیراق و كوردستانێ بوین ، مه هه‌مووان نه‌چار دكه‌ت كو ل ئاسته‌كێ به‌رپرسیاره‌تیه‌كا دیروكى بین و رێكێ نه‌ده‌ین كو بارودوخ زێده‌تر به‌ر ب شه‌ر و پێكدانان بچیت دناڤبه‌را هێزێن عیراقێ و پێشمه‌رگه‌ى.
هێرش و به‌ر ئێك كه‌فتنا هێزێن عیراقى و پێشمه‌رگه‌ى ل رێكه‌فتى 16/10/2017 هه‌تا ئه‌ڤرۆ زیانان ب هه‌ردوو لایان گه‌هاندینه ، دبیت ژى ببیته سه‌ده‌ما خون رشتنه‌كا به‌رده‌وام و ئه‌نجام دا تێكدانا په‌یوه‌ندیێن جڤاكیێن دناڤبه‌را پێكهاته‌یێن عیراقێ.
بێگومان شه‌ر دناڤبه‌را هه‌ردوو لایان دا نابیته سه‌ده‌ما سه‌ركه‌فتنا چو لایان ، به‌لكو د هه‌موو وارێن ژیانێ دا وه‌لاتى به‌ر ب هه‌لدرێریێن گشتى ڤه دبه‌ت ، ژبه‌رڤێ ب دیتنه‌كا هه‌ستكرن ب به‌رپرسیاره‌تیێ به‌رامبه‌ر گه‌لێ كوردستان و عیراقێ ، پێشنیار بو حكومه‌ت و رایا گشتى یا عیراق و جیهانێ دكه‌ین :
1- راگرتنا ده‌ملده‌ست یا ته‌قه و هه‌موو جورێن كریارێن سه‌ربازى ل هه‌رێما كوردستانێ.
2- هەلپسارتن ( سركرنا ) ئه‌نجامێن ریفراندۆمێ كو ل كوردستانا عیراقێ هاتیه ئه‌نجامدان.
3- ده‌ستپێكرنا دانوستاندنان دناڤبه‌را حكومه‌تا هه‌رێم و حكومه‌تا فیدرالى لسه‌ر بنه‌مایێن ده‌ستورێ عیراقێ.
حكوومه‌تا هه‌رێما كوردستانێ
24/10/2017
نه‌ته‌نیاهو: پێدڤییه جیهان خه‌مه‌كێ ژ پاشه‌رۆژا كوردان بخوه‌ت
ئه‌ڤرۆ نیوز:
بینامێن نه‌ته‌نیاهۆ، سه‌رۆكوه‌زیرێن ئسرائیلێ ئه‌ڤرۆ د گۆتاره‌كێ دا ژ جیهانێ خواست چاڤێ خوه بده‌ته پاشه‌رۆژا كوردان.
نه‌ته‌نیاهو ل مه‌راسیمێ بیرئینانا رێڤاهام زیڤی، وه‌زیرێ گه‌شتیاری یێ ئسرائیلێ كو ل سالا 2001يَ وه‌غه‌ركربوو، گۆتاره‌ك پێشكێش كر و گۆت: زیڤی ل سالێن شێستا دا د ئه‌ركه‌كیيَ نهێنی دا سه‌ره‌دانا هه‌رێما كوردستانێ كربوو، ل وێرێ پێشوزاییه‌كا گه‌رم لێ هاتبوو كرن و گه‌له‌ك كاریگه‌ری ل سه‌ر وی كربوو، هه‌تا نها ژی هه‌لوه‌ستێ گه‌رمێ خه‌لكێ وێ هه‌رێمێ هه‌مبه‌ری مه به‌رده‌وامه.”
نه‌ته‌نیاهۆ گۆت ژی: كوردان نیشان دایه كو ل سه‌ر ئاستێ نه‌ته‌وه‌یی و نێڤده‌وله‌تی ل سه‌ر خوه و مه‌زنن، مه هه‌ڤسۆزییه‌كا مه‌زن بۆ خواستێن وان هه‌یه، پیدڤییه جیهان خه‌مه‌كێ ژ سلامه‌تی و پاشه‌رۆژ وان بخوه‌ت.”
ناڤهاتی به‌ری نها ژی پشته‌ڤانییا وه‌لاتێ خوه بۆ ده‌وله‌تبوونا كوردستانێ نیشان دابوو.
ناڤێن قوتابیێن ل زانكو و په‌یمانگه‌ها هاتینه وه‌رگرتن ، هاتنه راگه‌هاندن
ئه‌ڤرۆ نیوز ، هلورى:
وه‌زاره‌تا خواندنا بلند و ڤه‌كولینێن زانستى یا حكومه‌تا هه‌رێما كوردستانێ دیاركر كو بو سالا خواندنا 2017-2018 دێ حه‌فت هزار و 273 قوتابى ل زانكو و په‌یمانگه‌هێن حكومێ ب رێیا زانكولاین هێنه وه‌رگرتن.
عه‌باس ئه‌كره‌م ئاخفتنكه‌رێ وه‌زاره‌تا خواندنا بلند و ڤه‌كولینێن زانستى ئه‌نجامێن وه‌رگرتنا قوتابیێن 12ێ ئاماده‌یى ل هه‌ردوو پشكێن زانستى و وێژه‌یى راگه‌هاند كو ب رێیا سیسته‌مێ زانكولاین هاتینه وه‌رگرتن بو خواندنا سالا 2017-2018.
زێده‌تر گۆت : ( ئه‌ڤ ساله دێ حه‌فت هزار و 273 قوتابى هێنه وه‌رگرتن ل زانكو و په‌یمانگه‌هێن حكومه‌تێ ، و پێشتر ژى 18 هزار و 437 قوتابى ب رێیا سیسته‌مێ ئێكسه‌ر هاتینه وه‌رگرتن ، و دیسان قوتابى دكارن دماوه‌یێ پێنج رۆژان دا تانێ و سكالایێ لسه‌ر ئه‌نجامان دیار بكه‌ن)
ئه‌ڤ شه‌ڤه پشتى ده‌مژمێر 8:00ێ دێ مالپه‌را www.regayzanko.com دێ هێنه راگه‌هاندن و قوتابى د كارن ب هه‌مان ناڤێن خوه‌یێن لسه‌ر پێناسا پشكداریا د تاقیكرنێن رێزا 12ێ ب رێیا ناڤێ بكارهێنه‌ر و وشه‌یا تێپه‌ر بچنه ناڤا مالپه‌رى ناڤێ خوه ببینن كا ل كیژان زانكو و پشك هاتیه وه‌رگرتن.
پێشمه‌رگه‌ى هێرشه‌كا حه‌شد شه‌عبى ل تلسقوف ب زیان ڤه ژ ناڤبر
ئه‌ڤرۆ نیوز ، نه‌وزاد هلۆرى:
ده‌مه‌ك به‌ریا نها هێزێن پێشمه‌رگه‌ى ل مێحوه‌رێ تلسقوف هێرشه‌كا حه‌شد شه‌عبى ب زیان ڤه ژناڤبر و ل گوره‌ى زانیاریێن ناڤا هێزێن پێشمه‌رگه‌ى دنهادا هێزێن حه‌شد شه‌عبى د ره‌ڤن و ده‌ڤه‌ر چولكر.
دڤى واریدا ” ره‌مه‌زان هه‌رنى ” ژ راگه‌هاندنا فه‌رمانده‌یا سپیلك یا هێزێن پێشمه‌رگه‌ى بو ئه‌ڤرۆ نیوز گۆت: ( ده‌مه‌ك به‌ریا نها هێزێن پێشمه‌رگه‌ى شیان هێرشه‌كا حه‌شد شه‌عبى و سوپایێ عیراقێ ژ ناڤ ببه‌ن و زیانێن زور ژى ب وان بگه‌هینن )
زێده‌تر گۆت: ( ژ ئه‌نجامێ شكاندن و ژناڤبرنا ئه‌وێ هێرشێ ، هژماره‌كا چه‌كدارێن حه‌شد كوشتینه و برینداركرینه ، دیسان سێ هه‌مه‌ر و تانجه‌ك و ترومبێله‌كا مێگزه‌مین ژناڤبرن ، و دنهادا هێزێن وان د ره‌ڤن و ده‌ڤه‌ر چولكر)
سه‌رۆكاتيا په‌رله‌مانێ كوردستانێ ژڤانێ كۆمبوونا بهێت يا په‌رله‌مانى دياركر
ئه‌ڤرۆ نيوز:
جێگرێ سه‌رۆكێ په‌رله‌مانێ كوردستانێ د نڤيساره‌كێ دا، داخوازێ ژ ئه‌ندامێن په‌رله‌مانێ كوردستانێ دكه‌ت كو رۆژا پێنجشه‌مبى رێكه‌فتى 26ى چريا ئێكێ 2017 ئاماده‌ى روونشتنا بهێت يا په‌رله‌مانێ كوردستانێ ببن.
جه‌عفه‌ر ئيبراهيم، جێگرێ سه‌رۆكێ په‌رله‌مانێ كوردستانێ د نڤيساره‌كێ دا داخواز ژ ئه‌ندامێن په‌رله‌مانێ كوردستانێ دكه‌ت كو ب گۆره‌ى برگا 01) ژ ماددێ (5) و برگا (2) ژ مادێ (17) و برگا (1) ژ مادێ (18) ژ په‌يره‌وێ ناڤخۆ يێ په‌رله‌مانێ كوردستانێ يێ ژماره (1) سالا 1992 يێ راستڤه‌كرى بۆ روونشتنا په‌رله‌مانى يا ژماره چار يا خولا پايزێ يا سالا چارێ يا خولا هه‌لبژارتنێن چارێ يا په‌رله‌مانێ كوردستانێ ل ده‌مژمێر 11:00ى به‌رى نيڤرۆ.
ناکۆکی د ناڤبەرا حەشدێ و لەشکرێ عیراقی دا پەیدابووينه
ئه‌ڤرۆ نيوز، نيوار محه‌مه‌د سه‌ليم:
فه‌رمانده‌كى ژ فه‌رمانده‌يا دهۆك يا پێشمه‌رگێ كوردستانێ راگه‌هاند كو ناکۆکی د ناڤبەرا حەشدێ و یەکەێن لەشکری یێن عیراقی ل رۆژئاڤایێ دیجلە پەیدابوونه.
عه‌قيد شێرزاد نايف ژ فه‌رماندا دهۆك يا پێشمه‌رگێ كوردستانێ بۆ ئه‌ڤرۆ نيوز گۆت: “دەمەکە ھندەک ناکۆکی د ناڤبەرا حەشدا شەعبی و یەکەیێن سەر ب حوکمەتا عیراقێ ڤە پەیدابووینە”.
زێده‌تر گۆت: “ئەڤ ناکۆکیە ل دووڤ پێزانینێن گەھشتینە مە ئەڤرۆ ل پشتی شەرێ ل رۆژئاڤایێ دیجلە 24ى چريا ئێكێ2017 ل مەحموودیە دەڤەرا رەبیعە ھاتیە کرن و ھاتینە تێکشکاندن ناکۆکی پەیدابوون”.
ئه‌ڤى فه‌رمانده‌ى خۆيا ژى كر كو گه‌له‌ك ئه‌گه‌رێن دى يێن بابه‌تيانه ژى هه‌بووينه وه‌كو نەبوونا ھەڤاھەنگیێ کو ئەڤ چەندە بوویە ئەگەرەک پتر ھەماھەنگی لاوازتر بوویە، ل دەمەکی کو یەکەیێن لەشکری یێن عیراقی ھند حەزا بەرسنگگرتنی ل گەل پێشمەرگەی نینە.
ئه‌ڤرۆ ل ده‌ڤه‌را مه‌حموديه، ل نێزيك ره‌بيعه فه‌رمانده‌يا له‌شكرێ گۆلان ب سه‌رپه‌رشتيا فه‌رمانده مه‌نسۆر بارزانى، دربه‌كێ مه‌زن ل چه‌كدارێن حه‌شدا شيعى و له‌شكرێ عيراقێ دا پشتى ڤيايى پێشڤه‌چوونا به‌ر ب ئاخا كوردستانێ ڤه بكه‌ن.
جڤاتا نوونه‌رێن عيراقێ ئيمزا بۆ لادانا ئه‌ندامێن جڤاتا پارێزگه‌ها كه‌ركووك كۆم دكه‌ت
ئه‌ڤرۆ نيوز:
ئه‌ندامه‌كێ جڤاتا نوونه‌رێن عيراقێ راگه‌هاند كو نوكه ئيمزا بۆ لادانا جڤاتا پارێزگه‌ها كه‌ركووك دهێنه كۆمكرن و د بڕياره بێخنه به‌رنامێ كارێ كۆمبوونا بهێت يا جڤاتێ.
نيازى مه‌عمارى ئۆغلۆ، ئه‌ندامێ جڤاتا نوونه‌رێن عيراقێ، د كۆنگره‌كێ رۆژنامه‌ڤانى دا راگه‌هاند كو 150 ئيمزا بۆ ژ كارلادانا جڤاتا پارێزگه‌ها كه‌ركووك هاتينه كۆمكرن و بڕياره د روونشتنا بهێت يا جڤاتێ دا بێخنه به‌رنامێ كارى.
ئاشكه‌را ژى كر كو ئه‌و ئه‌ندامێن جڤاتێ ئه‌ڤه 12 ساله چو كاره‌كێ باش بۆ پارێزگه‌هێ نه‌كريه، “ئه‌م ژى دێ بزاڤێ كه‌ين يان باوه‌ريێ ژێ وه‌ربگرين، يان ژى ئه‌ندامه‌تيا وان هه‌لپسێرين”.
ئێكه‌تى: به‌غدا كانديدێ مه بۆ پۆستێ پارێزگارێ كه‌ركووك ره‌تكر
ئه‌ڤرۆ نيوز:
حوكمه‌تا عيراقێ ره‌تكر كو رزگار عه‌لى كانديدێ ئێكه‌تى نشتيمانى كوردستان وه‌كو پارێزگارێ نوو يێ كه‌ركووك ده‌ستنيشان بكه‌ت.
ئارێز عه‌بدولا، سه‌رۆكێ فراكسيۆنا ئێكه‌تيێ ل جڤاتا نوونه‌رێن عيراقێ بۆ كوردستان 24 راگه‌هاند، رێكه‌فتنه‌ك د ناڤبه‌را ئێكه‌تى و به‌غدا دا هه‌بوويه بۆ دانانا رزگار عه‌لى، ل پۆستێ پارێزگارێ كه‌ركووك، به‌لێ رێكه‌فتنێ كێشه يێن كه‌فتينه ناڤ و به‌غدا داخواز كريه كو ئێكه‌تى ناڤێ سێ كانديدان بده‌ته به‌غدا و ئه‌و دێ ئێكى ده‌ستنيشان كه‌ن.
سه‌رۆكێ فراكسيۆنا ئێكه‌تيێ ل جڤاتا نوونه‌رێن عيراقێ دبێژيت: “كانديدێ ئێكه‌تيێ رزگار عه‌لى يه و به‌غدا ژى ب هه‌جه‌تێن جودا يا رازى نينه پۆستێ پارێزگارى بده‌ته ده‌ست ئێكه‌تيێ”.
ئارێز عه‌بدولا نه‌ڤه‌شارت ژى كو مه‌ترسيا دانا حاكمه‌كى بۆ پارێزگه‌ها كه‌ركووك د رێ دايه كو ئێكسه‌ر يێ گرێدايى به‌غدا بيت ئه‌ڤه ژى ژ ئه‌گه‌رێ وێ چه‌ندێ كو جڤاتا پارێزگه‌ها كه‌ركووك نه‌شێت كۆم ببيت.
خولا پەرلەمانێ کوردستانێ بو دوو وه‌رزێن دن هاتە درێژکرن
ئه‌ڤرۆ نیوز ، نه‌وزاد هلۆرى:
رونشتنا په‌رله‌مانێ كوردستانێ داوى هات و ئه‌ندامه‌كا په‌رله‌مانێ كوردستانێ ژى دیاركر كو دەما خولا پەرلەمانێ کوردستانێ بو دوو وەرزان هاتە درێژکرن ، ئانکو هه‌لبژاردنێن په‌رله‌مانێ كوردستانێ بو دوو وه‌رزان پاشئێخستن كو هه‌شت هه‌یڤن.
دڤى واریدا “ڤیان عه‌باس ” ئه‌نداما په‌رله‌مانێ كوردستانێ بو ئه‌ڤرۆ نیوز گۆت: (ئه‌ڤرۆ په‌رله‌مانێ كوردستانێ لسه‌ر چه‌ند پرسه‌كان كومبو و د كومبوونێ دا دانوستاندن لسه‌ر پرسا درێژکرنا ژیێ پەرلەمانێ کوردستانێ و پاشئێخستنا په‌رله‌مان و سه‌رۆكاتیا هه‌رێما كوردستانێ هاته‌كرن ، و ل داویێ ژیێ پەرلەمانی هات درێژکرن بو دوو خولێن دن ، ئانکو هه‌لبژاردن بو دوو وه‌رزان هاته پاشئێخستن )
زێده‌تر گۆت: ( هه‌ر د كومبوونا ئه‌ڤرۆ یا په‌رله‌مانێ كوردستانێ دا بێگه‌رد تاله‌بانى وه‌كو سكرتێرا هه‌میشه‌یى یا په‌رله‌مانێ كوردستانێ هاته هه‌لبژاردن ، و دیسان هنده‌ك په‌رله‌مانتارێن نو ده‌ستبكاربوونا وان هاته په‌سه‌ندكرن شوونا وان په‌رله‌مانتارێن ده‌ست ژ كاركێشایى)
ڤیان عه‌باس دیاركر ژى كو ژ سه‌رجه‌مێ 111 په‌رله‌مانتاران 68 په‌رله‌مانتار پكداربوون و ژ وانان ژى 60 په‌رله‌مانتاران ده‌نگ بو پاشئێخستنا هه‌لبژاردنان دا و 8 په‌رله‌مانتاران ژى ب نه‌خێر ده‌نگ بو دا.
دهێته زانین هه‌ر وه‌رزه‌كێ په‌رله‌مانێ كوردستانێ چوار هه‌یڤن ، ئانكو هه‌لبژاردنێن سه‌رۆكاتیا هه‌رێما كوردستان و په‌رله‌مانێ كوردستانێ دێ بو هه‌شت هه‌یڤێن دن هاتنه پاشئێخستن.
نيشاندان
WP Facebook Auto Publish Powered By : XYZScripts.com