ئه‌ڤرۆ نيوز:
فراكسيۆنا پارتى ديموكراتى كوردستان ل جڤاتا نوونه‌رێن عيراقێ راگه‌هاند كو ئه‌وان بڕيار دايه ڤه‌گه‌رنه به‌غدا و پشكدارى روونشتنێن جڤاتا نوونه‌رێن عيراقێ ببن.
نووترين نووچه
- سەرۆك بارزانی: داخوازێ ژ هەموو خەلكێ كوردستانێ دكەم ب گەرمی بچنە سەر سندووقێن دەنگدانێ و دەنگ بدەن
- مەحموود محەمەد: پارتی دوپاتیێ ل دەولەتەكا دیموكراسی ل ئیراقێ دكەت
- مەسرور بارزانی: دێ بەردەوام بین ل سەرئێخستنا پەیاما ئاشتیێ و پێكڤەژیانێ و رێزگرتنێ ل ئایینان
- چاڤدێرێن سیاسی: بهێزبوونا پارتی دێ بیتە ئەگەرێ بهێزبوونا کوردان ل بەغدا
- نێچیرڤان بارزانی و ئەردوگان ئاستێ هەڤپەندیێن توركیا و هەرێما كوردستانێ بلند هەلدسەنگینن
- سەرۆكاتییا هەرێما كوردستانێ سوپاسییا سەرۆككۆمارێ توركیا دكەت
- سەرۆكێ حوكمەتا هەرێمێ پێشوازی ل ئاگربەستا غەزە كر
- مەسرور بارزانی و قونسلێ هنگاریا دوپاتیێ ل بهێزكرنا هەڤبەندیێن دوقۆلی دكەن
- بارەگەهێ بارزانی ل دۆر دروستكرنا پاركەكێ ل هەلەبجە رۆهنكرنەك بەلاڤكر
- 65% ژ وی پارەیێ بۆ مووچەی دهێتە هنارتن ژ داهاتێ پەترۆلا هەرێمێ یە
سهرهكى نوچێن گرنگ
ب وێنه و ڤيديۆ: ئه‌ميندارێ گشتيێ ئێكگرتوو يێ ل زاخۆ
ئه‌ڤرۆ نيوز:
ئه‌ڤرۆ رۆژا چارشه‌مبى، سه‌لاحه‌دين محه‌مه‌د بهائه‌دين ئه‌ميندارێ گشتى يێ ئێكگرتوو ئيسلامى كوردستان و شانده‌كى سه‌ره‌دانا مه‌لبه‌ندێ 13 يێ ئێكگرتوو كر ل زاخۆ و ل گه‌ل به‌رپرس و كادرێن رێكخستنا وى سنورى كۆمبوو.
مه‌كته‌با ئه‌ميندارێ گشتى يێ ئێكگرتوو ئيسلامى كوردستان ل سه‌ر پێگه‌هێ خوه به‌لاڤكريه كو ئه‌ڤرۆ رۆژا چارشه‌مبى 15ى چريا دويێ 2017 سه‌لاحه‌دين محه‌مه‌د بهائه‌دين ئه‌ميندارێ گشتى يێ ئێكگرتوو ئيسلامى كوردستان و شانده‌كى سه‌ره‌دانا مه‌لبه‌ندێ 13 يێ ئێكگرتوو كر ل زاخۆ و ل گه‌ل به‌رپرس و كادرێن رێكخستنا وى سنورى كۆمبوو.
بەغدا دخوازيت سەنگا كوردان بۆ بن 17% كێم كەت
ئەڤرۆنیوز، سالار دۆسكی:
ئەندامەكا جڤاتا نوونه‌رين عیراقێ ژ فراكسیونا پارتی دیموكراتی كوردستان ئاشكراكر كو هنارتنا بۆدجا هەرێما كوردستانێ 17% یا بزحمەته وهه‌كه هەبیت ژی یا ب ساناهی نابیت.
نەجیبا نەجیب بۆ ئەڤرۆ نیوز گۆت: بۆدجا گشتی يا عيراقێ هێشتا ل جڤاتا وەزیرانە ونه‌هاتيه جڤاتا نوونه‌ران، دیسا دێ ل گەل سندوقا دراڤى يانيڤدەوله‌تی دانوستاندن ل سەر بۆدجێ هێتەكرن، دووڤ دا بۆ جڤاتا نوونه‌ران دێ هێتە رەوانەكرن.
نەجیبیایێ گۆتژی: هێشتا چو دەستكاری دبۆدجێ دا نەهاتیەكرن، هەر 12،67% يه و ناڤێ هەرێمێ تێدا هاتیە گوهۆرین بۆ پارێزگەهان، سێ سالە به‌غدا بۆدجە نەهنارتی، نابێژم ب چو رەنگان 17% ناهێتە هنارتن، لێ یا ب ساناهی ژی نینە، هەتا رازیبوون ل سەر بهێتەدان، دیسا مه‌زاختيێن سیادی گەلەك زێدەكرینە و ناگەهیتە وی ئاستی یا پێدڤی بۆ هەرێما كوردستانێ بهێتە رەوانەكرن.
نەجیبا نەجیب گۆت ، چونكە برێڤەبرنا عیراقێ ل سەر بنیاتێ زورینە یە ویا ب زحمەتە 17% بۆ كوردان ڤەگەریت، دیسا پێگەهێ كوردانێ یێ لاوازە، وەك داخویانی هەموو كورد دژی ڤێ چەندێ نە، لێ هەلویست هێشتا دیارنینە.
گۆت ژی: 17% بۆ كوردان گەلەك یا گرنگە، هه‌كه كێمترببیت، دێ سەنگا كوردان وەك پێگەهێ سیاسی كێم كەت، دڤێت ئەڤ هژمارە بزڤریت دا دانوستاندن ل سەر بهێتەكرن، هەتا بەلاڤەكرنا پۆستان ژی ل سەر ڤێ هژمارێ دهێتەكرن.
ژبه‌ر بێڤه‌له‌رزێ ئه‌ڤ پره يا ل به‌ر هه‌رفينێ
ئه‌ڤرۆنيۆز:
چالاكڤانێن عيراقى ل سه‌ر به‌رپه‌رێن تۆرێن جڤاكى وێنێن پره‌كێ ل (مه‌يدانا به‌يروت) ل جادا فلستينێ ل به‌غدا به‌لاڤ كريه كو تووشى زيانێ بووى ژئه‌نجامێ بيڤه‌له‌رزا رۆژا ئێكشه‌مبيا بۆرى.
چالاكڤانێن ئه‌و وێنه به‌لاڤكرين ترسا خوه ژ هه‌رفينا وێ پرێ نيشان دده‌ن وره‌خنێ ژى ل حوكمه‌تا عيراقێ دگرن كو چو تيمێن تابه‌تمه‌ند يێن حكومى بۆ پرا ناڤبرى ب مه‌ره‌ما سه‌خبێركرنێ نه‌هنارتينه.
ئه‌ڤرۆ ئه‌ڤ هه‌لبژارتيه ژى گه‌هشته مونديالا رۆسيا
ئه‌ڤرۆنيوز:
هه‌لبژارتيێ ئوستراليا ئه‌ڤرۆ سه‌ركه‌فت بۆ مونديالا رۆسيا 2018 پشتى ب سه‌ركه‌فتى ل سه‌ر هه‌لبژارتيێ هندۆراس ب سێ گۆلان به‌رامبه‌ر گۆله‌كێ ل باژێرێ سيدنى يێ ئوسترالى.
گێمێ ئێكێ بێ گۆل ب دووماهى هات ول گێمێ دويێ ئوستراليا سێ گۆل تۆماركرن ب رێيا هنرى فيگورا يێ هندۆراسى ب شاشى ڤه ل خۆله‌كا 54 وميلى جيديناك دۆ گۆل ل خۆله‌كێن 72 و 85 كو هه‌ردو ب لێدانا به‌نه‌لتيێ تۆماركرن وگۆلا ئێكانه يا هندۆراس ل خۆله‌كا 90 ودووماهيێ ژلايێ ياريكه‌رێ وێ ئه‌لبرت ئێليس.
ياريا ئێكێ دناڤبه‌را هه‌ردو هه‌لبژارتيان ل هندۆراس هاتبوو ئه‌نجامدان وتيدا وه‌كهه‌ڤ ببون بێ گۆل.
نه‌ته‌وێن ئێكگرتى به‌رهه‌ڤيا خوه بۆ هه‌ڤكاريێ ددانوستاندێن به‌غدا وهه‌رێمێ دا دياركر
ئه‌ڤرۆنيۆز:
سكرتێرێ گشتيێ نه‌ته‌وێن ئێكگرتى، نامه‌ك ئاراسته‌ى سه‌رۆكێ حوكمه‌تا هه‌رێما كوردستانێ كر وتێدا پشته‌ڤانيا خوه بۆ دانوستاندنان دناڤبه‌را به‌غدا وهه‌رێمێ ل دووڤ دستوورى كر.
ئه‌ڤرۆ نيچيرڤان بارزانى سه‌رۆكێ حوكمه‌تا هه‌رێمێ وقوباد تالبانى جێگرێ وى، ل گه‌ل يان كۆبيش نوونه‌رێ تايبه‌تێ سكرتێرێ گشتيێ نه‌ته‌وێن ئێكگرتى ل عيراقێ كۆمبوو.
كۆبيش ناما (ئه‌نتونيۆ گۆتيرێس) گه‌هانده نێچيرڤان بارزانى ول دووڤ راگه‌هاندنه‌كا جڤاتا وه‌زيرێن هه‌رێمێ، گۆتێريس خوه‌شحاليا خوه دياركر كو هه‌ريمێ وبه‌غدا چه‌ندين جاران به‌رهه‌ڤيا خوه بۆ دانوستاندنان دياركريه وئاماده‌بوونا نه‌ته‌وێن ئێكگرتى بۆ هه‌ڤكاريێ ددانوستاندندا دناڤبه‌را هه‌ردولا ده‌ربرى وگۆت، هه‌ردولا هان دده‌م كو پێنگاڤێن پێدڤى ب هاڤێژن بۆ دابينكرنا ده‌ليڤه‌كا گونجاى ل پێناڤى ده‌ستپێكرنا دانوستاندنه‌كا راسته‌قينه.
ژلايێ خوه‌ڤه نێچيرڤان بارزانى ئاماژه دا كو هه‌رێما كوردستانێ وه‌كو هه‌موو جاران، يا به‌رهه‌ڤه هه‌موو كێشان ل گه‌ل عيراقێ ب دانوستاندنێ دچارچۆڤێ دستوورى دا چاره‌سه‌ربكه‌ت.
وەزارەتا کارەبێ پرۆژەک بۆ ب ھەدەرنەدانا کارەبا گشتی بەرھەڤکریە
ئەڤرۆ نيوز، نيوار محه‌مه‌د سه‌ليم:
وەزارەتا کارەبا ھەرێما کوردستانێ گرێبەستەک ل گەل کۆمپانیەکا تورکی ب مەرەما “کۆنترۆلکرنا سیستەمێ کارەبا ھەرێمێ و کێمکرنا ب ھەدەردانا وزا کارەبێ” ئیمزا کر.
گرێبەست ئەڤرۆ رۆژا چارشەمبی رێکەفتی 15ی چریا دویێ 2017 د ناڤبەرا ھۆگر شالی بریکارێ وەزارەتا کارەبێ و نوونەرێ کۆمپانیا ئۆسکۆم یا تورکی ھاتە ئیمزا کرن کو ناڤێ “گرێبەستا منی سکادا” یە.
ب گۆرەی راگەھاندنا وەزارەتا کارەبا ھەرێما کوردستانێ، ھۆگر شالی، بریکارێ وەزارەتێ بەحس ل وێ چەندێ ھاتیە کرن کو پرۆژە بۆ جارا ئێکێ یە ل ھەرێما کوردستانێ دھێتە بجھئینان و “رۆلێ برێڤەبرنا سیستەمێ کارەبێ و کێمکرنا ب ھەروەدانا وزا کارەبێ و کێشا ژ کارکەفتنا یەکێن ویستگەھێن بەرھەمئینانا کارەبێ ھەیە”.
ئاماژە ب وێ چەندێ ژی کریە کو “منی سکادا” پرۆژەکە بۆ کونترۆلکرنا رێکخستنا سیستەمێ کارەبێ ل سەر قەرزێ جایکا یا یابانی ب کۆژمێ زێدەتر ژ چار ملیۆن و 500 ھزار یورۆیان، ژ رۆژا دەست ب کاربوونا پرۆژەی ھەتا 9 ھەیڤان دێ ھێتە بجھئینانا و پەیوەندی د ناڤبەرا 11 ویستگەھێن بەرھەمئینانا کارەبێ و 12 ویستگەھێن گوھۆڕینا کارەبێ رێک دئێخیت.
بيڤه‌له‌رزێ پێنج جاران ل ڤێ جهى دا
ئه‌ڤرۆنيۆز، عه‌زيز هه‌ورامى
بيڤه‌له‌رزه‌كێ ئه‌ڤرۆ سپێدێ پێنج جاران ل سه‌ر ئێك ل ده‌ڤه‌را به‌مۆ يا ب سه‌ر پارێزگه‌ها هه‌له‌بجه ڤه دا ودئه‌نجامدا پشكه‌ك ژچياى ئينا خار ورێيا هاتنوچوونێ راوه‌ستاند.
عادل مه‌لا سالح بۆ ئه‌ڤرۆنيۆز گۆت( ئه‌ڤرۆ ل ده‌مژمێر دويێ سپێدێ شه‌ش جاران بيڤه‌له‌رزێ ناحيا به‌مۆ يا سه ر ب پارێزگه‌ها هه‌له‌بجه ڤه هه‌ژاند وپشكه‌ك ژ چيايێ هنداڤى سه‌نته‌رێ ناحيێ روخاند ورێيا هاتنوچوونێ راوه‌ستاند).
رێڤه‌به‌رێ ناحيا به‌مۆ دبێژيت( سه‌ره‌راى گرتنا رێيا ناحيێ، ترس ژى ل سه‌ر گيانێ شۆفێرێن هاتنوچوونێ ل وێ رێ دكه‌ن يا هه‌ى).
نيڤده‌وله‌تيكرنا زانكۆيێن كوردستانێ چو دوارێ بجهئينانێ دا
ئه‌ڤرۆنيۆز:
وه‌زاره‌تا خواندنا بلند وڤه‌كۆلينێن زانستى ل هه‌رێما كوردستانێ راگه‌هاند، پرۆژێ ب نيڤده‌وله‌تيكرنا زانكۆيان ب گۆژمێ مليۆن يورۆيان كه‌فته دوارێ بجهئينانێ دا.
ل دووڤ راگه‌هاندنه‌كا وه‌زاره‌تا خواندنا بلند ل هه‌ريمێ، ل رۆژێن 8 هه‌تا 11 ڤێ مه‌هێ، شانده‌كێ بلندێ وه‌زاره‌تا ناڤبرى ل باژێرێ (گوتينگن) يێ ئه‌لمانى پشكدارى دكۆمبوونا ئێكێ يا پرۆژێ (TIGRIS) كو ب هه‌ڤكاريا پرۆگرامێ (+Erasmus) يێ ئێكه‌تيا ئورۆپى وزانكۆيا (Gottingen) يا ئه‌لمانى وچارزانكۆيێن دى يێن ئورۆپى وه‌كو پارتنه‌رى كه‌فتنه دوارێ بجهئينانێ دا.
دوى پرۆژه‌ى دا، وه‌زاره‌تا خواندنا بلند وده‌سته‌يا كوردستانى بۆ ڤه‌كۆلينێن ستراتيژى وزانستى وزانكۆيێن ( سه‌لاحه‌ددين، سلێمانى، چه‌رموو، راپه‌رين،هه‌له‌بجه،زانكۆيێن پۆليته‌كنيك ل هه‌ولێرێ وسلێمانيێ ودهۆكێ) د پشكدارن، كو پرۆژێ ناڤبرى دێ يێ تايبه‌ت بيت ب دروستكرن وب هێزكرنا شيانێن مامۆستايان وب نيڤده‌وله‌تيكرنا زانكۆيێن كوردستانێ.
وه‌زاره‌تا خواندنا بلند دوێ راگه‌هاندنا خوه‌دا خوياكر، بجهئينانا وى پرۆژه‌ى دێ ده‌رگه‌هه‌كێ دى ل به‌رده‌م زانكۆيێن كوردستانێ ڤه‌كه‌ت بۆ بلندكرنا شيانێن زانستى يێن مامۆستايان وئاشنابوون ب پێشكه‌فتنا جيهانێ، زێده‌بارى بده‌ستڤه‌ئينانا ده‌ليڤا خواندنا بلند (ماسته‌ر ودكتۆرايێ) بۆ قوتابيێن كورد ل زانكۆيێن ئه‌لمانيا وچيك.
پەرلەمانێ کوردستانێ يێ د کومبوونێ دا
ئەڤرۆ نیوز ، نەوزاد ھلۆری:
پەرلەمانێ کوردستانێ لسەر چەند پرسەکان د کوومبوونێ دایە ب تایبەتی لسەر پرسا بودجا عیراقێ و پشکا بودا ھەرێمی ، و پرژە قانونا لێبورینا گشتی و قانونا کرێدانا خانویان.
ل گورەی ئەوێ راگەھاندنا کو پەرلەمانێ کوردستانێ ل مالپەرا خوە بەلاڤکری ، ئەڤرۆ چوار شەمبی رێکەفتی 15 چریا دوویێ 2017 پەرلەمانێ کوردستانێ کو پرانیا فراکسوونا پشکدارن کومبوو ، سەروکاتیا پەرلەمانێ کوردستانێ رونشتنا ھژمار پێنج یا ئاسایی خوە یا خولا پایزی لسەر چوار خالان ئەنجام ددەت و د راگەھاندنا وان دا ھاتیە : ( خواندنا ئێکێ دێ بو پروژە قانونا ماددەیا 71 یا پەیرەوێ نافخوەیێ پەرلەمانێ کوردستانێ ھژمار 1 یا سالا 1992 یا ھەموارکری کەت کو تایبەتە ب کرێدانا خانویان یا ھژمار 87 یا سالا 1979 یا ھەموارکری ، پروژە قانونا لێبورینا گشتی یا ھەرێما کوردستانێ ، دیسان جێھگرتن و سوندخوارنا موستەفا ئەحمەد حەمەد ل شوونا ئەندامێ دەستکارکێشای گوران ئازاد محەمەد ل گورەی ماددەیا 31 یا پەیرەوێ نافخوە)
د راگەھاندنا پەرلەمانێ کوردستانێ ھاتیە ژی کو دێ چاڤ خشاندنەک ژی د دەستکارکێشانا ئاری محەمەد ھەرسین ژی دا ھێتەکرن ، و دی َدانوستاندنێ لسەر پرۆژە پێشنیازکریێ حکومەت فیدرالی یا عیراقێ بو سالا 2018 ژی و پشکا بودجا ھەرێما کوردستان و شایستەیێن دارایی ھێتەکرن)
نيشاندان
WP Facebook Auto Publish Powered By : XYZScripts.com