فوتو و زانیارى ، نه‌وزاد هلۆرى:
ئه‌ڤرۆ د رێورسمه‌كێ دا گه‌نجێن هه‌ر چوار پارچێن كوردستانێ په‌یاما سه‌ركه‌فتنا ریفراندۆم بو سه‌ربخوه‌ى یا كوردستانێ گه‌هانده‌ بارزانى نه‌مر ل ده‌ڤه‌را بارزان و ریفراندۆمه‌كا دى ل ده‌ڤه‌را بارزان ئه‌نجام دا و تێداده‌وله‌تا كوردستانێ راگه‌هاند وه‌كو ئااماژه‌یه‌ك بو ته‌مامكرنا پرۆسه‌یا ریفراندۆما باشوورێ كوردستانێ كو ئه‌و ژى ده‌وله‌تبوونه‌.
دڤى واریدا ” نه‌نجمه‌ددین حه‌سه‌ن ” رێكخه‌رێ گه‌نجێن هه‌رچوار پارچێن كوردستانێ بو ئه‌ڤرۆ نیوز گۆت: ( ب مه‌ره‌ما گه‌هاندنا په‌یاما گه‌نجێن هه‌ر چوار پارچێن كوردستانێ لسه‌ر سه‌ركه‌فتنا ریفراندۆما هه‌رێما كوردستانێ كو بو سه‌ربخوه‌ى یا كوردستانێ هاتبویه‌ ئه‌نجامدان ئه‌ڤرۆ مه‌ گه‌هانده‌ بارزانى نه‌مر ل گوندێ بارزان وه‌كو هێزه‌كا مه‌عنه‌وى یا زێده‌تر بو پرۆسه‌یا ریفراندۆمێ ژ به‌ركو بارزانى نه‌مر هه‌موو خه‌بات و قوربانیدان و شوره‌ش و راپه‌رینه‌ك بو سه‌ربخوه‌ى یا كوردستانێ كریه‌)
زێده‌تر گۆت: ( گه‌نجێن باشوورێ كوردستانێ ژى كو ژ هه‌ر هه‌ر پێنج پارێزگه‌هێن هه‌رێمێ پێكدهاتن ، پشدارێ رێورسمان ببون و هه‌ر ئێك ژ وان پارچێن كوردستانێ په‌یامه‌كا تایبه‌ت پێشكێشكر)
ل گوره‌ى ئاخفتنێن رێكخه‌رێ گه‌نجێن هه‌ر چوار پارچێن كوردستانێ د رێورسمه‌كێ دا وه‌كو كه‌ڤال رێورسمێن هه‌لبژاردنان بو سه‌ربخوه‌ى یا كوردستانێ ب ده‌نگێ هه‌رچوار پارچێن كوردستانێ هاته‌ ئه‌نجامدان و پاشان ناڤێ ده‌وله‌تا كوردستانێ ژ سندوقێ هاته‌ ده‌رئینان وه‌كو رامانه‌ك بو ریفراندۆم بو سه‌ربخوه‌ى یا كوردستانا مه‌زن ب گشتى و پشكا باشوورا كوردستانێ ب تایبه‌تى.
دهێته‌ زانین كو گه‌نجێن هه‌رچوار پارچێن كوردستانێ نێزیكێ 300 گه‌نجان پێكدهاتن.

ئه‌ڤرۆ نیوز:
سه‌رۆككۆمارێ توركیا و سه‌رۆكێ رۆسیا پشتی ل توركیا كۆم بووی د پرێسكۆنفرانسه‌كی دا ئاماژه‌ كره‌ رێفراندۆما سه‌رخوه‌بوونا كوردستانێ و دیار كر كو هه‌ردو ئالییان ئه‌و مژار گۆتوبێژ كر، لێ ڤلادیمێر پۆتینی چ گۆتنین راسته‌راست و ره‌تكرنێ نه‌گۆتن.
ره‌جه‌ب ته‌یب ئه‌ردۆغانی گۆت: توركیا د گه‌ل ئێكپارچه‌ییا ئیراقێ یه‌.
ڤلادیمێر پۆتین ژی گۆت: هه‌لوه‌ستی رۆسیا ل دۆر ریفراندۆمێ یێ دیاره‌ و هه‌مان ئه‌و هه‌لوه‌سته‌ یێ وه‌زاره‌تا مه‌ یا ده‌رڤه‌ ئاشكرا كری.
وه‌زاره‌تا ده‌رڤه‌ یا رۆسیا راگه‌هاند بوو: هه‌رچه‌نده‌ ئه‌و دخوازن كورد د چارچووڤه‌یێ ئیراقێ دا بمینن لێ د هه‌مان ده‌م دا رێزێ ل خواستا نه‌ته‌وه‌یی یا كوردان دگرن.

ئەڤرۆ نیوز ، نەوزاد ھلۆری:
ئەڤرۆ ئەنجومەنا وەزیران کومبوو و د 13 خالان دا بەرسڤا بریارێن پەرلەمان و حکومەتا عیراقێ دا ، و د بەرسڤا وان دا ھاتیە بەری و کو ھەرێم ریفراندۆمێ بکەت عیراق و ھەموو وەلاتێن جیران پشتراستکرینە کو ریفراندۆم ھەرەشە نینە بو وان.

د بەیانناما حکومەتا ھەرێما دا ھاتیە ژی کو ئەو ھەموو بریارێن حکومەت و پەرلەمانێ عیراقێ رەت دکەن و گوت: ( ھەموو بریارێن پەرلەمان و حکومەتا عیراقێ نە قانونی و نە دەستووری نە و ب تەمام ھزر و رەفتار و عەقلیەتا ھەرەشەیانە بو سەر ھەرێما کوردستانێ و رامانە کو ب چو شێوەیان شەراکەت نەھاتیە قبولکرن ، بریارا دائێخستنا ئەسمانێ ھەرێمێ و گرتنا سنوران ب تەمام نەیا قانونی و دەستووری یە و بەروڤاژی قانون و رێسایێن نیڤدەولەتی و شیکاگوی نیڤدەولەتی یە ، کو ئەو ژی نابیت فروکە تێکەلی سیاسەتێ بھێنەکرن کو بو وەلاتیێن مەدەنی دھێنە بکارئینان)

بو خواندنا خالێن بەرسڤێن حکومەتا ھەرێما کوردستانێ ئەڤی لینکی کلیک بکە

ئەڤرۆ نیوز ، نەوزاد ھلۆری:
کومسیوونا بلند یا ھەلبژاردن و راپرسیێ ناڤێن ٢١ قەوارێن سیاسی راگەھاندن کو ناڤێن خوە بو ھەلبژاردنێن ھەرێما کوردستانێ تومارکرینە.
ل گورەی نڤیسارا کومسیوونێ ھەلا لایەنەکێ تانە ژ راگەھاندنا ناڤان ھەبن دکاریت دماوەیێ سێ رۆژان دا بدەتن.
دناڤا ھندەک ژ وان لیستا ندا ناڤێن لیستێن نوو ھەنە کو د ھەلبژاردنێن بوری دا نەبوینە وەکو بیستا ھەڤپەیمانیا دیموکراسی و دادپەروەری ، و لیستا نەڤیێن نوو و دوو لیستێن دن ب ناڤێن تاک ئەرمەنی

ئەڤرۆ نیوز ، نەوزاد ھلۆری:

ماموستایێن ئاینی و مەسیحی ل سنوورێ قەزا سوران خرڤەبونەکا رەزایبوونێ بەرامبەر بریارێن حکومەت و پەرلەمانێ عیراقێ ئەنجام دا و تێدا داخواز ل عیراقێ کر کو پێداچونێ د بریارێن خوە دا بکەت و رێزێ ل ئیرادا گەلێ کوردستانێ بگریت و د ھەمان دەم ژی دا داخواز ل جڤاکا نیڤدەولەتی ژی کر کو رێزێ ل ئیرادا گەلێ کوردستانێ بگرن.
وەیسی سەعید رێڤەبەرێ ئەوقاف و کاروبارێن ئاینی ل قەزا سوران بو ئەڤرۆ نیوز گۆت: ( ئەڤرۆ ئەم وەکو ماموستایێن ئاینی یێن موسلمان و مەسیحی وەکو نەرازیبون بەرامبەر بریارێن حکومەت و پەرلەمانێ عیراقێ خرڤەبووینە و تێدا ب توندی بریارێن وان شەمبزار دکەین و ھەموو بریارێن وان ب نەقانونی و دەستووری دبینیت)
زێدەتر گۆت: (پێدڤی یە سەرکردێن عیراقێ رێزێ ل ئیرادا گەلێ کوردستانێ بگرن و پێداچوونێ د بریارێن خوە دا بکەت و بزاڤێ بکەن وەکو دوو جیرانێن باش ل گەل کوردستانێ بژین ، و دیسان داخوازێ ل جڤاکێ نیڤدەولەتی ژی دگرین کو رێزێ ل ئیرادا گەلێ کوردستانێ بگرن)

ئەڤرۆ نیوز ، ھلوری:
ب ھەلکەفتا سەرکەفتنا پرۆسەیا ریفراندۆما سەربخوەبوونا کوردستانێ سەرۆکێ رابیتەیا ئیسلامی یا کوردی دیارکر کو ریفراندۆم مافەکێ سرۆشتیی گەلێ کوردستانێ یە و پێدڤی یە دانوستاندنێن ھێمنانە لسەر ئەنجامێن وێ بھێنەکرن.
دکتور عەلی قەرەداغی سەرۆکێ رابیتەیا ئیسلامی یا کوردی دیارکر کو گەلێ کوردستانێ دیرۆکەکا ھەڤپشک ھەیە ل گەل تورک و فارس و عەرەبان و ئاین و شارستانی ئەوان پێکڤە کوم دکەت و گۆت : (گەلێ کوردستانێ ل عیراقێ توشی گەلەک نەخوشیان بوینە و زور ھەرەشە ل وان ھاتینەکرن بەلێ گەلێ کوردستانێ ھەرمایە و ل ناڤ نەچوینە ، داخوازێ ل زانایێن عیراق ب سونە و شیعە و وەلاتێن جیران و جڤاکێ نیڤدەوەلتی و رێکخراوێن ئیسلامی دکەین کو بزاڤێن خوە رێکبێخن بو ڤەمراندنا ئاگرێ شەر و ئالوزیان ل عیراقێ ژبەرکو شەر د بەرژەوەندیا کەسێ نینە و تنێ دانوستاندن چارەسەریا وان دکەت )
زێدەتر گۆت: (دخوازم کو گەلێ کوردستانێ و سەرکرداتیا کوردستانێ ئێکرێزیا خوە بپارێزن و ھەموو ئاریشەیێن خوە بدەن لایەکێ ژبەرکو ئاریشەیا کوردستانێ یا چوو حزبان نینە بەلکو ئاریشەیەکا نیشتمانیە ، نەیا درۆستە چو لایەن ئیسلامێ بو بەرژەوەندیێن خوەیێن سیاسی بکاربینن بەلکو دڤێت وەکو بنەمایەک بو چارەسەرکرنا ئاریشەیان بکاربینن )

ئه‌ڤرۆ نيوز:

پارێزگارێ كه‌ركووك نه‌جمه‌دين كه‌ريم وه‌كو به‌رسڤ ل سه‌ر داخۆيانيێن جڤاتا نوونه‌ران بۆ ده‌ستێ هێزێن فيدرال، گۆت: “پارێزگه‌ها مه‌ نه‌ ل بن كۆنترۆلا سه‌رۆك وه‌زيرێن عيراقێ، حه‌يده‌ر عه‌بادى، يان سه‌رۆكێ جڤاتا نوونه‌ران، سه‌ليم جبۆرى، يه‌.

پێشتر جڤاتا نوونه‌رێن عيراقێ د بڕياره‌كا زۆرينه‌يا سياسى دا، باوه‌رى ژ نه‌جمه‌دين كه‌ريم پارێزگارێ كه‌ركووك وه‌رگرتبوو، به‌لێ ناڤبرى و سه‌رۆكاتيا هه‌رێما كوردستانێ ژى د وى ده‌مى دا ئه‌ڤ بڕياره‌ ره‌تكربوو ب واته‌يا و چه‌ندێ كو نه‌ د ده‌سته‌لاتێن وان دايه‌ كاره‌كێ ژ ڤى ره‌نگى ئه‌نجام بده‌ن.

ئه‌ڤ ئاريشه‌يا ناڤبه‌را پارێزگه‌ها كه‌ركووك و پارێزگارى ل گه‌ل حوكمه‌تا ناڤه‌ندى پشتى وێ چه‌ندێ هات كو كه‌ركووك و كه‌ركووكيان ل گه‌ل پارێزگارێ كه‌ركووك ب زۆرينه‌يا خوه‌ ڤه‌ پشكدارى د رێفراندۆمێ دا كر و رێژه‌يا هه‌ره‌ بلند يا ده‌نگێن وێ “به‌لێ بۆ ريفراندۆمێ” بوو.

ئه‌ڤ داخۆيانيا پارێزگارێ كه‌ركووك د ده‌مه‌كى دا هات كو سه‌ره‌دانا ئاڤاهيێ زانكۆيا كه‌ركووك كر بوو و په‌يڤه‌ك بۆ قوتابيان پێش كێش كر، بۆ به‌رسڤدانا ڤان بڕياران ژى جڤاتا وه‌زيران ل هه‌رێما كوردستانێ يا د كۆمبوونێ دا.