ئه‌ڤرۆ نیوز ، نه‌وزاد هلۆرى:

ئه‌ڤرۆ ل چه‌ندین به‌نزیخانه‌یێن سنوورێ پارێزگه‌ها دهۆك بهایێ به‌نزینا محه‌سه‌ن گه‌هشتیه‌ 800 دیناران ، و ئه‌ڤه‌ زێده‌بارى كو به‌نزیخا نورمال ل به‌نزیخانه‌یان نه‌مایه‌.

ئینزار خودانێ به‌نزیخانه‌یا گولان ل شێلادزێ دیاركر كو ئه‌ڤرۆ لیترا به‌نزینا محه‌سه‌ن ل ده‌ف وان ب 800 دیناران دهێته‌ فروتن و بۆ ئه‌ڤرۆ نیوز گۆت: ( زێده‌بارى كو په‌نزینا محه‌سه‌ن گرانبویه‌ و 100 بو 50 دیناران چوینه‌ سه‌ر هه‌ر لیتره‌ به‌رامبه‌ر روژانێن بورى د هه‌مان ده‌م دا په‌نزینا نورمال ژى نه‌مایه‌ ، و هه‌تا نها ئه‌م نوزانین ئه‌گه‌ر چى یه‌ ، و مه‌ پرسیار ژى كریه‌ به‌لێ چوو به‌رسڤێن درۆست نینن)

ژلایێ خوڤه‌ جێگرێ عه‌بدولواحد جێگرێ رێڤه‌به‌رێ سوته‌مه‌نیا دهۆكێ دیاركر كو ئه‌وى چوو زانیارى لسه‌ر گرانبوونا بهایێ په‌نزینێ نینن و بۆ ئه‌ڤرۆ نیوز گۆت: ( یا ئه‌ز دزانم ئه‌ڤرۆ په‌نزینا محه‌سه‌ن لیتر ب 800 دیناران دهێته‌ فروتن )

زێده‌تر گۆت: ( رۆژانه‌ رێژا پێدڤى یا په‌نزینێ دگه‌هیته‌ دهۆك به‌لێ ئه‌گه‌را بلندبوونا ئه‌ڤى بوهایى به‌رامبه‌ر روژێن بورى نوزانم )

ئه‌ڤرۆ نيوز:

بڕياره‌ حه‌فتيا داهاتى به‌رهه‌م سالح جێگرێ سكرتێرێ گشتيێ ئێكه‌تى نشتيمانى كوردستان قه‌واره‌كا سياسى بۆ هه‌لبژارتنێن داهاتى يێن په‌رله‌مانێ كوردستانێ راگه‌هينيت.

قه‌وارێ سياسى يێن به‌رهه‌م سالح هه‌ڤپه‌يمانيه‌كه‌ و دێ پشكدارى هه‌لبژارتنان كه‌ت.

سلێمان عه‌بدولا يونس، كادرێ پێشكه‌فتيێ ئێكه‌تيێ، كو هه‌ڤده‌م كه‌سه‌كێ نێزيكى به‌رهه‌م سالح دهێته‌ نياسين، راگه‌هاند ليستا وى دێ ل حه‌فتيا بهێت هێته‌ راگه‌هاندن.
ده‌رباره‌ى ناڤه‌رۆكا هه‌ڤپه‌يمانيێ سلێمان عه‌بدولا يونس چ تشت بۆ رووداو ئاشكه‌را نه‌كر، گۆت: “حه‌فتيا بهێت دكتور به‌رهه‌م ب خوه‌ دێ هه‌موو هورده‌كاريان ئاشكه‌را كه‌ت”.

ئه‌ڤرۆ نيوز:

سه‌رۆكێ ليستا برايه‌تى ل كه‌ركووك محه‌مه‌د كه‌مال راگه‌هاند كو جڤاتا پارێزگه‌ها كه‌ركووك پێگريێ ب بڕيارا په‌رله‌مانێ عيراقێ ناكه‌ن ل دۆر ژ كارلادانا پارێزگارێ كه‌ركووك.

ئاشكه‌را ژى كر كو بڕيارا عه‌بادى نه‌يا قانوونى بوو، بڕياره‌كا سياسى بوو، “ئه‌ڤ بڕياره‌ ئارمانجگرتنا پارێزگارى ئه‌وێ ب شه‌ڤ و رۆژ كار دكه‌ت ژ بوو دابينكرنا ئه‌من و خزمه‌تگۆزاريان ل پارێزگه‌هێ”.

محه‌مه‌د كه‌مال خۆيا ژى كر كو ئه‌ڤ بڕياره‌ ژ وێ چه‌ندێ هات ژ ئه‌گه‌رێ بلندكرنا ئالايێ كوردستانێ ل كه‌ركووك و پشته‌ڤانيكرنا پارێزگارى ل سه‌ر ريفراندۆمێ.

بێى ئاماده‌نه‌بوونا فراكسيۆنێن كوردى، په‌رله‌مانێ عيراقێ بڕيارا ژ كارلادانا نه‌جمه‌دين كه‌ريم پارێزگارێ كه‌ركووك دا. بڕيار ب پتريا ده‌نگان هاته‌ په‌سه‌ند كرن، به‌لێ نوكه‌ كوردان ماف هه‌يه‌ تانێ ل وێ بڕيارێ بده‌ن.

نڤيسينگه‌ها سه‌ليم جبۆرى، سه‌رۆكێ په‌رله‌مانێ عيراقێ راگه‌هاند كو حه‌يده‌ر عه‌بادى سه‌رۆك وه‌زيرێن عيراقێ داخوازيه‌ك بۆ لابرنا نه‌جمه‌دين كه‌ريم ئاراسته‌ى په‌رله‌مانێ عيراقێ كريه‌.

نڤيسينگه‌هێ د به‌ياننامه‌كێ دا ئاماژه‌ ب وێ چه‌ندێ كريه‌ كو ئه‌ڤرۆ داخوازيه‌ك ژ نڤيسينگه‌ها سه‌رۆك وه‌زيرێن عيراقێ گه‌هشتيه‌ وان كو تێدا داخواز كريه‌ په‌له‌مان ده‌نگى ل سه‌ر كارلادانا نه‌جمه‌دين كه‌ريم پارێزگارێ كه‌ركووك بده‌ت.

ئه‌ماژه‌ ب وێ چه‌ندێ ژى كريه‌ كو داخوازى ب گۆره‌ى مادێ حه‌فت يێ سالا 2008ێ يا قانوونا پارێزگه‌هان كو نه‌يا گرێدايه‌ هه‌رێمێ يه‌ كريه‌.

كازم سيادى ئه‌ندامێ په‌له‌مانێ عيراقێ رۆژا 29ى ته‌باخێ داخوازا ژ كار لادانا پارێزگارێ كه‌ركووك ژ پۆستێ وى كربوو بۆ ڤێ مه‌ره‌مێ ژى 128 ئه‌ندامێن په‌رله‌مانێ عيراقێ ئيمزا كريه‌ بۆ ڤێ مه‌ره‌مێ كۆم كرينه‌.

پێشتر د به‌رنامه‌كێ ته‌له‌ڤزيۆنى دا نه‌جمه‌دين كه‌ريم پارێزگارێ كه‌ركووك راگه‌هاند كو په‌رله‌مانێ عيراقێ باوه‌ريێ نه‌دايێ هه‌تا ژێ وه‌ربگريت، ئه‌وى باوه‌رى يا ژ جڤاتا پارێزگه‌هێ وه‌رگرتى و گۆت: “زێده‌ترى نيڤا خه‌لكێ كه‌ركووك ده‌نگێ دايه‌ من و هندى من ب هه‌لبژێرن، دێ هه‌ر وه‌كو پارێزگار مينم”.