ئەڤرۆ نیوز ، هلوری.
هەر ئێک ژ مەسعود بارزانی سەروکێ هەرێما کوردستان و نێچیرڤان بارزانی سەڕۆکێ حکومەتا هەرێما کوردستانێ پێشوازی ل ڤەگەرا تەرمێ مام جەلال ل فروکخانا سلێمانیێ کر و پاشان تاجە گۆل پێشکێشی تەرمێ مام جەلالی کڕن.
نها تەرمێ مام جەلال ل مزگەفتا سلێمانیێ یە و د پشترا دێ بو دەباشان ڤەگۆهێزن و ڤەشێرن.
ئەڤرۆ نیوز ، نەوزاد هلوری
هژمارەکا زور یا بەرپرسێن هەرێم و عیراق و جیهانێ و جەماوەرەکێ زور پێشوازیا ئینانەڤا تەرمێ مام جەلال تالەبانی دکەن ل فرۆکخانا سلێمانیێ یا نیڤدەولەتی.
نها سەرۆکێ هەرێما کوردستانێ مەسعود بارزانی و سەروکێ حکومەتا هەرێما کوردستانێ نێچیرڤان بارزانی گەهشتنە فرۆکخانا سلێمانیێ بو پێشوازی ل تەرمێ مام جەلال تالەبانی.
نها تەرمێ مام جەلال ب رێیا فروکەکا تایبەت یا عیراقێ گەهشتە ئاسمانێ کورستانێ و ل هنداڤا ئەسمانێ رانیێ یە.
فوتو ، دلوڤان مەجد ، سلێمانی
ئەڤرۆ نیوز ، ئێقبال عومەر:
لروژا 20-9-2017 حەفت گەنجێن رێکانی کو ئاکنجیێن سیریێ و شێلادزێ و دێرەلوک بوون ل دەڤەرا رێکان بونە ئارمانجا فرۆکێن تورکیا و هاتنە شەهیدکرن ، ئەڤرۆ تەرمێ دوماهیک شەهیدێ ئەوێ روودانێ هاتە دیتن کو ب کارەساتا رێکان دهێتە نیاسین.
دڤی واریدا سادق محەمەد سیدانی مامێ ئەوی شەهیدی بو ئەڤرۆ نیوز گۆت : ( پشتی لێگەریان بو دەما 15 روژان دوماهیێ تەرمێ سیداد سدقی سیدانی ل دەڤەرا رێکان هاتە دیتن کو رووباری ل گەل خوە ئینابویە بن پرا باڤێ)
زێدەتر گۆت: ( نها تیمەکا نقومڤانێن شێلادزێ ب هەڤکاریا خەلکێ شێلادزێ و کەس و کارێن وی چوینە جهێ روودانێ بو ئینانەڤا تەرمێ شەهیدی)
ئەڤرۆ نیوز ، نەوزاد هلوری:
هێمن سلێمان بەرپرسێ راگەهاندنا پولیسێن دهوکێ بو ئەڤرۆ نیوز گۆت: ( ل تاخێ ماسیکێ و سەنتەرێ باژێرێ دهوکێ زەلامەکێ دانعەمر کورێ خوەیێ 40 سالی ب چەند گولەیەکان کوشت ، پەرێن ڤەکولینێ ژی ژلایێ نڤیسینگەها نەهێلانا گونەهباریان هاتیە ڤەکرن بو دوڤچون لسەر روودانێ)
زێدەتر گۆت: (پشتی کو ئەوی زەلامی کورێ خوە کوشتی ، دوڤدا ئێکسەر خوە رادەستی پولیسان کریە ، پولیس ژی دێ ل گۆرەی قانونێ سەرەدەریێ ل گەل روودانێ کەن داکو ئەڤ تاوانبارە بگەهیتە سزایێ خوە ، ئەگەرا روودانێ ژی ل گورەی ڤەکولینێن دەستپێکی دزڤریت بو ئاریشەکا جڤاکی)
ئه‌ڤرۆ نیوز ، هلورى:
سپێده‌هیا ئه‌ڤرۆ شانده‌كێ عیراقێ ب سه‌روكاتیا عه‌بادى گه‌هشته فه‌ره‌نسا و نها ل گه‌ل سه‌روكێ فه‌ره‌نسا و چه‌ند به‌رپرسه‌كێن دن د كومبوونێ دایه.
ئه‌ڤرۆ حه‌یده‌ر عه‌بادى سه‌روك وه‌زیرێن عیراقێ ل گه‌ل شانده‌كێ پێكهاتى ژ وه‌زیر و كاربده‌ستێن عیراقێ گه‌شت فه‌ره‌نسا و نها ل گه‌ل ئیمانوێل ماكرون سه‌روكێ فه‌ره‌نسا د كومبوونێ دایه.
ل گوره‌ى زانیاریێ، كو د میدیایێن جیهانى دا به‌لاڤبووى ریفراندۆما سه‌ربخوه‌ى یا كوردستانێ و دانوستاندنێن دناڤبه‌را هه‌ولێر و به‌غدا و شه‌رێ تیرورستێن داعش و هه‌ڤكارییێن فه‌ره‌نسا و په‌یوه‌ندیێن دناڤبه‌را فه‌ره‌نسا و عیراقێ بابه‌تێن سه‌ره‌كیێن كومبوونا وان نن.
ئه‌ڤرۆ نیوز ، هلورى:
فه‌رمانده‌یا ئوپه‌راسیوونا كونترۆلكرنا قه‌زا حه‌ویجه ئه‌ڤرۆ سپێدێ كونترۆلكرنا سه‌نته‌رێ قه‌زا حه‌ویجه و چه‌ند گونده‌كێن ده‌ردورا وێ راگه‌هاندن.
رائيد جةودةل شاكر فەرماندەیێ پولیسێن فیدرالىدیاركر كو ئه‌وان شیا ئه‌ڤرۆ سپێدێ سه‌نته‌رێ قه‌زا حه‌ویجه ژ تیرورستێن داعش پاقژ بكه‌ن و بو ئه‌ڤرۆ نیوز گۆت: ( هێزێن فرقه‌یا زریپوش و پولیسێن فیدرالى و به‌رسڤدانا بله‌ز و لیوایێن دوو و سێ و چوار و 11 و 26 و 42 یێن هێزێن حه‌شد شه‌عبى تێدا پشكداربوون )
زێده‌تر گۆت: ( دنهادا هێزێن مه د پێشره‌ویان دانه و دخوازین كو هه‌موو ده‌ڤه‌رێ كونترۆل بكه‌ین)
ئه‌ڤرۆ نیوز ، هلورى:
رێڤه‌به‌ریا پولیسێن هه‌ولێرێ راگه‌هاندنه‌ك به‌لاڤكر و تێدا هاتیه كو ئه‌وان شوفێره‌كێ ته‌كسیێ گرتیه كو دناڤ ته‌كسیا خوه دا ده‌ستدرێژیا سێكسى كریه سه‌ر ژنه‌كێ ل هه‌ولێر.
ل گوره‌ى راگه‌هاندنا پولیسان ئه‌و لدور روودانه‌كا ده‌ستدرێژیا سێكسى لسه‌ر ژنه‌كێ دناڤا ته‌كسیێ دا ل عه‌نكاوه‌یا هه‌ولێر هاتنه ئاگه‌هداركرن و پشتى كو پولیس گه‌هشتینه جهێ روودانێ ئه‌و شوفێر هاتیه‌گرتن و دیاربو كو ئه‌و ئافره‌ت ، ئافره‌ته‌كا بیانى و خه‌لكا وه‌لاتێ ممه‌غریب بوویه.
ل بارا ناسناما تاوانبارى ، پولیسان گۆت: ( ئه‌و كه‌سه ناڤێ وى ” ف.ح.ح” و ژیى َوى 46 سال و كارێ شوفێریا ته‌كسیێ دكه‌ت ، و به‌رامبه‌ر پولیسان ژى شوفێرى دانپێدان ب تاوانا خوه كریه)
ئه‌ڤرۆ نیوز ، هلورى:
ئه‌ڤرۆ سه‌رۆكێ ئاژانسا پاراستنا هه‌رێما كوردستانێ پێشوازى ل هنارتیێ تایبه‌ت یێ سكرتێرێ گشتیێ نه‌ته‌وه‌یێن ئێكگرتى ل عیراقێ كر و د كومبوونه‌كێ دا دیاركر كو كارڤه‌دانێن به‌غدا هه‌مبه‌رى ریفراندۆما هه‌رێما كوردستانێ زێده‌روویى و نه ده‌ستوورى بوون.
مه‌سرور بارزانى سه‌رۆكێ ئاژانسا پاراستنا هه‌رێما كوردستانێ ئه‌ڤرۆ ل هه‌ولێر پێشوازى ل یان كوبیش هنارتیێ تایبه‌ت یێ سكرتێرێ گشتیێ نه‌ته‌وه‌یێن ئێكگرتى ل عیراقێ كر د كومبوونێ دا دانوستاندن لسه‌ر چه‌ند ته‌وه‌ره‌كێن گرن گیێن هه‌رێما كوردستان و عیراق و جیهانێ كرن.
ل گوره‌ى راگه‌هاندنه‌كێ كو نڤیسینگه‌ها مه‌سرور بارزانى به‌لاڤكریه د كومبوونێ دا سه‌رۆكێ ئاژانسا پاراستنا هه‌رێما كوردستانێ دیاركر كو كارڤه‌دانێن به‌غدا هه‌مبه‌رى ریفراندۆما كوردستانێ زێده‌روویى و نه ده‌ستوورى بوون و گۆت: ( گه‌لێ كوردستانێ پێنگاڤه‌كا دیموكراسى و ده‌ستوورى هاڤێت بو ده‌ربرین ل حه‌زێن خوه ، ریفراندۆم پێنگاڤه‌ك بو ، بو چاره‌سه‌ركرنا ئاریشه‌یێن كو پێشتر هه‌موو رێك بو چاره‌سه‌ركرنا وان هاتینه تاقیكرن و چوو ئه‌نجام نه‌بووى)
زێده‌تر گۆت: ( هه‌رێما كوردستانێ پشتى ریفراندۆمێ ژى ده‌رگه‌هێن دانوستاندنا دێ ب ڤه‌كرى هێلیت و هه‌رێم دخوازه كو ب رێكێن ئاشتیێ پێهنگاڤان بو حه‌زێن گه‌لێ كوردستانێ بهاڤێژیت )
ژلایه‌كێ دنڤه یان كوبیش ل هنارتیێ تایبه‌ت یێ سكرتێرێ گشتیێ نه‌ته‌وه‌یێن ئێكگرتى ل عیراقێ دیاركر كو نه‌ته‌وه‌یێن ئێكگرتى دخوازه كو دهه‌ر پێنگاڤه‌كێ دار ێگرى ل پێشڤه‌چوونا ئالوزیان بهێته‌گرتن و گۆت: ( پێدڤى یه بنه‌مایه‌كێ هه‌ڤپشك بو دانوستاندنێن بنیاتى دناڤبه‌را هه‌ولێر و به‌غدا بهاڤێنه هاڤێتن و رێگرى ل هه‌موو وان ده‌ستێوه‌ردانێن ده‌ره‌كى بهێنه‌گرتن ، نه‌ته‌وه‌یێن ئێكگرتى نیه‌تا وێ یه‌كێ هه‌یه كو هه‌ردوو لایانان هانبده‌ت كو بو چاره‌سه‌ركرنا هه‌ر تشتى په‌نایێ بو دانوستاندنان ببه‌ن)
نيشاندان