ئەڤرۆ نیۆز ، رەمەزان ھەرنی:

رێڤەبەریا رەوشەنبیری و هونەری یا مێرگەسوور دیارکر کو ئەوان پەنەلەکا تایبەت لسەر ریفراندۆم بۆ سەربخوەی یا کوردستانێ رێکخست و نها دەست پێ کر ، و کومەکا کەسانێن سیاسی و تایبەتمەند و لایەنێن سیاسی د پەنەلێ دا پشکدارن.
دڤی واریدا “محەمەد فریا” رێڤەبەرێ رێڤەبەریا رەوشەنبیری و هونەری یا مێرگەسوور بۆ ئەڤرۆ نیوز گۆت: (لژێر درۆشمێ پێدڤی یا خەلکی بۆ سەربخوەی یا کوردستانێ رێڤەبەریا رەوشەنبیری و هونەری یا مێرگەسوور پەنەلەکا تایبەت لسەر پرسا ریفراندۆم بۆ سەربخوەی یا کوردستانێ بو هژمارەکا سیاستڤان و کەسانێن تایبەتمەند و ئالیێن سیاسی رێکخست و نها دەست ب کارێن خوە کرن)
زێدەتر گۆت: ( پەنەل دێ ژلایێ سیروان بارزانی ، ئازاد جندیانی ، غەفور مەخموری و محەمەدی حاجی مەحمود هێتە ب رێڤەبرن و دێ بەحس ل گرنگی یا سەربەخوەی یا کوردستانێ هێتەکرن ، ئەڤە وەکو شەفتێ سپێدێ ، ل شەڤتێ ئێڤاری ژی دێ بەحس لسەر رولێ راگەھاندنێ هێتەکرن و چەند ماموستایێن زانکویێ و تایبەتمەندێن راگەھاندنێ ژ وانان ئازاد تەوفیق ، حەسەن ئەحمەد ،دکتور ھێمن و دکتور جێگر دێ ب رێڤەبەن)
جهێ ئاماژە پێکرنێ یە کو پەنەلێ مێرگەسوور دێ دوو روژان یا بەردەوام بیت و پشتی داوی هاتنا پەنەلێ ژی وەکو وەفاداری و رێزگرتن بو خونا شەهیدان دێ سەرەدانا گۆرێ بارزانیێ نەمر و گورستانا جینوسایدکریێن بارزانیان هێتەکرن.

ئه‌ڤرۆ نیوز ، نه‌وزاد هلۆرى:

ده‌مه‌ك به‌ریا نها سه‌رۆكێ هه‌رێما كوردستانێ مه‌سعود بارزانى دیداره‌كا كه‌نالێ ئه‌لعه‌ره‌بیه‌یێ سعودى دیاركر كو رژێمێن ئێك ل دوڤ ئێكێ یێن عیراقى َهه‌موو جورێن تاوانان به‌رامبه‌ر گه‌لێ كورد كرینه‌ و چوو ژ وان ژى پێگیرنه‌بوویه‌ ب دانا مافێن گه‌لێ كورد ، و هه‌رده‌ما سه‌ربخوى یا هه‌رێما كوردستانێ ژى درۆست بوو ئه‌ركێ من ژى دوماهى دهێت و ئه‌ز بو پوستى سه‌روكاتیا هه‌رێما كوردستانێ خوه‌ به‌ربژێر ناكه‌م ڤه‌.
مه‌سعود بارزانى سه‌رۆكێ هه‌رێما كوردستانێ دیاركر كو سه‌ركرداتیا هه‌رێما كوردستانێ ل سالا 2003 ب مه‌ره‌ما هه‌ڤپشكیێ پشكدارى ل گه‌ل عیراقێ كریه‌ به‌لێ عیراقێ هه‌تا نها كورد وه‌كو هه‌ڤپشك نه‌دیته‌ و گۆت: (رژێمێن ئێك ل دوڤ ئێكێ یێن عیراقى هه‌موو جورێن تاوانان به‌رامبه‌ر گه‌لێ كورد كرینه‌ و چوو ژ وان ژى پێگیرنه‌بوویه‌ ب دانا مافێن گه‌لێ كورد ، و سه‌ره‌راى كو مه‌ بریارا ریفراندۆم بو سه‌ربخوه‌یێ ل گه‌ل عیراقێ گیروكریه‌ ژى به‌لێ سه‌ركرداتیا كوردستانێ بریار دا كو ریفراندۆمێ بكه‌ت و هه‌ر كه‌س و لایه‌نه‌كێ داخوازا پاشێخستنا ریفراندۆمێ بكه‌ت ئه‌م داخوازا گه‌رنتیان ژێ دكه‌ین )
زێده‌تر گۆت: (حكومه‌تا عیراقێ پێگیرى ب ده‌ستوورى و ماددا 140 كو تایبه‌ته‌ ب ده‌ڤه‌رێن ڤه‌قه‌تیایى ڤه‌ نه‌كریه‌ ، بریار بوو كو هێزێن پێشمه‌رگه‌ى ببیته‌ پشكه‌ك ژ سوپایێ عراقێ به‌لێ ئه‌ڤ یه‌ك نه‌هاته‌كرن ، و ل سالا 2011 ژى مه‌ هوشیارى ل بارا خراب بوونا ره‌وشا عیراقێ دانه‌ به‌غدا به‌لێ چوو به‌رسڤ نه‌بوون ، دڤێت به‌غدا قبول بكه‌ت كو گه‌لێ كورد دێ ریفراندۆمێ ئه‌نجام ده‌ت ، ئه‌م دێ دانوستاندنێن زێده‌تر ژى ل گه‌ل عیراقێ كه‌ین و هه‌تا نها ژى چوو ده‌وله‌تێن جیهانى دژاتیا خوه‌ بو ریفراندۆما هه‌رێما كوردستانێ دیارنه‌كریه‌)
بارزانى دیاركر ژى كو هه‌رده‌ما سه‌ربخوى یا هه‌رێما كوردستانێ ژى درۆست بوو ئه‌ركێ من ژى دوماهى دهێت و ئه‌ز بو پوستى سه‌روكاتیا هه‌رێما كوردستانێ خوه‌ به‌ربژێر ناكه‌م ڤه‌ و دێ هه‌ر مینم پێشمه‌رگه‌ و زێده‌تر گۆت: (ب چوو ره‌نگان ریفراندۆم كارتێكرنێ ل شه‌رێ داعش ناكه‌ت و هێزێن پیشَمه‌رگه‌ى هه‌یبه‌تا شه‌رێ داعش ژناڤبریه‌ )
سه‌رۆكێ هه‌رێما كوردستانێ دیاركر ژى كو نها كوردستان د ده‌وله‌ته‌كا تایفى دا دبوریت و گۆت ژى: ( ریفراندۆم بۆ سه‌ربخوه‌ى یا كوردستانێ بو درۆستبوونا ده‌وله‌ته‌كا دیموكراتى و فیدرالى یه‌ و هه‌موو پێكهاته‌یێن كوردستانێ دێ خوه‌ تێدا بینن و مافێن وان هێنه‌ پاراستن ، ریفراندۆم چوو كارتێكرنێ ل پارچه‌یێن دن یێن كوردستانێ ناكه‌ت )

ل بارا په‌ترولێ بارزانى گۆت: ( هه‌رێما كوردستانێ ئێكلایانه‌ په‌ترۆل ره‌وانه‌یێ ده‌رڤه‌ نه‌كریه‌ هه‌تاكو حكومه‌تا عیراقێ بودجه‌ و موچه‌ییێن خه‌لكێ هه‌رێما كوردستانێ برى ، دوڤدا هه‌رێما كوردستانێ بریاردا په‌ترۆلا خوه‌ سه‌ربخوه‌ بفروشیت)