ئه‌ڤرۆ نیوز:
وێنه‌یێن هه‌یڤا ده‌ستكرد دیمه‌نێن به‌ری و پشتی شه‌رێ دژوار یێ گه‌ریلایێن په‌كه‌كێ و سوپایێ توركیا ل ناڤ سێ باژارێن باكۆرێ كوردستانێ دا دیار دكه‌ت.
وێنه هه‌رسێ باژارێن سورا ئامه‌دێ و شه‌رنه‌خ و نسێبینێ ل سالا 2015َێ و پشتی په‌كه‌كێ شه‌ر برییه د ناڤ باژێران دا و و سوپای ب دژواری به‌رسڤ دای دیار دكه‌ن.
ئه‌ڤرۆ نیوز:
هنارتیێ نه‌ته‌وه‌یێن ئێكگرتی ل سووریێ پێشنیاز کر، ھەكەر سیستەمێ دەستھه‌لاداریێ ل سووریێ ناڤەندی بیت، دڤێت مافێ ڤیتۆ یێ ژ بۆ کوردان ھەبیت، ل دژی ھەر بریارەکە حکوومەتا ناڤەندی.
دیمستورا ئه‌و یه‌ك بۆ ئالیێن دانوستانكار یێن سووریێ ل جنێڤێ پێشنیاز كرییه و خواستییه د ده‌ستوورێ نوو یێ سووریێ دا بهێته بنه‌جهكرن.
ئەڤرۆ نیوز ، ھلۆری:
ئەڤرۆ سەرۆکێ ھەرێما کوردستانێ مەسعود بارزانی ل گەل ماموستایێن زانکویێ ل ھەولێر کومبوو ، و د کومبوونێ دا بەحس ل سەر چەند تەوەرەکێن گرنگ کر و دوپاتکر کو ریفراندۆم دێ ل دەما خوە دا ھێتە ئەنجامدان.
بارزانی د کومبوونا ل گەل ماموستایێن زانکویێ گۆت: ( ب چوو رەنگان پاشڤە نازڤرین ل بارا ئەنجام نەدانا ریفرندۆمێ ، بەلکو دێ د دەمێ خوە دا ھێتە ئەنجام دان و بو درۆستکرنا دەولەتا کوردی بەرھەڤین ھەموو جورێن باجەکێ بدەین ، و رەنگە پشتی ئەنجاممدانا ریفراندۆمێ دەولەتێن جیھانی ھەلویستێ خوە دیار بکەن ، بەلێ پێدڤی یە باجێ بدەین ھەتاکو بگەھینە ئەنجامان ، داخوازێ ل ھەموو ماموستایێن زانکویێ دکەم کو پشکداریێ دنڤیسین و دارشتنا دەستوورێ نویێ کوردستانێ بکەن )
مەسعود بارزانی سەرۆکێ ھەرێما کوردستانێ دیارکر ژی کو ھەفتیا بوری ل گەل چەند وەزیرەکێن دەرڤە کومبویە و چوو وەلاتیان ژی بەحس لسەر وێ یەکێ نەکریە کو ریفراندۆم مافەکێ رەوایێ گەلێ کورد نینە و گۆت ژی: (وەزیرێن دەرڤە دگوت رەنگە ریفراندۆم ببیتە سەدەما وێ یەکێ کو شەرێ داعش لسەر ھزرێن ھەوە بچیت و باشترە ریفراندۆم بو دەمەکێ دن بھێتە پاشئێخستن بەلێ من بو وان دیارکر ئەرێ بەدیلەکێ پاشئێخستنا ریفراندۆمێ چی یە)
بارزانی ل بارا کەرکوکێ گۆت: (ناسناما کەرکوکێ کوردستانە و ھەر کەسێ بخوازیت ب لایەکێ دا ببەت ھەتاکو دوماھی کەس دێ روو ب روویێ وان بین ، ئەگەر کەسەکێ ڤیا خوە ب سەپینیت لسەر کەرکوکێ دی َتشتەکێ وەسا ب سەری ھێت کو ئەوی ھزر بو نەکری ، و کەرکوک دێ ھەر مینیت باژێرێ پێکڤە ژیانێ)
ئه‌ڤرۆ نیوز:
جڤاتا ناوچه‌دارییا قه‌ره‌ته‌په كو ده‌ڤه‌ره‌كا كوردستانی یا ده‌رڤه‌ی ئیدارا هه‌رێما كوردستانێ یه، ب پرانییا ده‌نگان بریار دا ئه‌و ناوچه پشكداری ریفراندۆما سه‌رخوه‌بوونا كوردستانێ ل 25 ئیلۆنێ ببیت.
جڤاتا قه‌ره‌ته‌په ژ 15 ئه‌ندامان پێكدهێت، د ده‌نگدانێ دا 10 ئه‌ندامان رازیبوونا خوه دیار كر (4 كورد و 3 عه‌ره‌ب و 3 توركمان)، 5 كه‌سێن دی ب نه‌خێر ده‌نگ دا ( 4 عه‌ره‌ب و توركمانیه‌كی)
ناوچه‌یا قه‌ره‌ته‌په سه‌ر ب ده‌ڤه‌ردارییا خانه‌قینی یه و 45 هزار كه‌س ژ كورد و توركمان و عه‌ره‌بێن سونه لێ دژین.
دهێته زانین كو پتری 2.5 ملیۆن كه‌سان ل ده‌ڤه‌رێن كوردستانی یێن ده‌رڤه‌ی ئیدارا هه‌رێمێ مافێ ده‌نگدانێ د رێفراندۆمێ دا هه‌یه.
ئه‌ڤرۆ نیوز:
هه‌ڤپه‌یمانییا نێڤده‌وله‌تی یا دژی داعشێ بۆ رێگرتنا ڤه‌گۆهاستنا تیرۆستێن داعشێ ل سه‌ر سۆرێ لبنانێ به‌ره‌ڤ سنۆرێ ئیراقێ، رێییا كاروانێ پاسێن داعشێ بۆمبه باران كر هه‌روه‌سا پره‌كا د رێییا وان دا ژناڤ بر.
په‌یڤدارێ هه‌ڤپه‌یمانیێ راین دیلۆنی دژایه‌تییا خوه بۆ رێككه‌فتنا رژێما سووریێ و لبنانێ د گه‌ل داعشێ دیار كر كو ل گۆری رێككه‌فتنێ ب سه‌دان چه‌كدارێن داعشێ دێ ژ سه‌ر سنۆرێ لبنانی بۆ سه‌ر سنۆرێ ئیراقێ هێنه ڤه‌گۆهاستن.
ئەڤرۆ نیوز ، نەوزاد ھلۆری:
ئێڤاریا ئەڤرۆ ل سنوورێ قەزا شێخان یا سەر ب پارێزگەھا دھۆک د روودانەکێ دا دوو کەس ھاتنە کوشتن و حەفت ژی بریندارن.
دڤی واریدا ھێمن سلێمان بەرپرسێ راگەھاندنا پولیسێن دھوکێ بو ئەڤرۆ نیوز گۆت: ( ئێڤاریا ئەڤرۆ لسەر ئاریشەیەکا کەڤن شەر دناڤبەرا دوو خێزانێن ناحیا کەلەکچی روویدا و د ئەنجام دا دوو کەس ھاتینە کوشتن و حەفت ژی بریندارن)
زێدەتر گۆت: ( پەرێن ڤەکولینێ ھاتینە ڤەکرن و پولیس گەھشتینە جھێ روودانێ و رەوشت ئارامکریە)
ئەڤرۆ نیوز ، نەوزاد ھلۆری:
رێڤەبەریا پولیسێن پارێزگەھا دھوکێ ب بەرھەڤبوونا ف پارێزگەرێ دھوکێ و پلەدارێن رێڤەبەریا پولیسان رێ ورسمێن دەرچونا خولا پولیسێن نوو دامەزراندی ھاتنە گێران.
لیوا تارق ئەحمەد رێڤەبەرێ پولیسێن پارێزگەھا دھۆکێ دچارچوڤێ رێورسمێن دامەزراندنا وان پولیسان دا گۆت: (ئارمانج ژخولێ ئەوبویە پولیسێن نوو دامەزراندی فێری مەشق وراھێنانێن تایبەت ببن کو تەناھیا دەڤەرێ وملک وسامانا وەلاتییان ب پارێزن دخوازین کو پولیسێن نوو چاڤ ل پێشمەرگەی بکەن کا چاوا ئەوا سەنگەرا دپارێزن پولیس ژی تەناھیا نافخویی ب پارێزن ھەموو بەرھەڤبن بو پشتەڤانیکرنا ریفراندومێ کو دەولەتا کوردستانێ بھێتە راگەھاندن ومللەت ژھەموو نەھامەتیان بھێتە پاراستن وسوپاسیا پارێزگەرێ دھوکێ وھەموو لایەنان دکەین کو پشتەڤانیا مە کری)
ژلایەکێ دن ڤە فەرھاد ئەترۆشی پارێزگەرێ دھوکێ وگوت: (ئەرکێ سەرەکی یێ ھێزێن نافخویی بەرقراکرنا تەناھیێ و پاراستنا ملک وسامانێ وەلاتیانە وچەسپاندنا یاسایێ یە دخوازین کو مەشق وراھێنان وبابەتێن دەرچویێن خولێ وەرگرتین برەنگەکێ پیشەیی وپراکتیکی د ئەرکێ روژانەدا بجە بینن و سەرەدەریەکا شارستانی ل گەل وەلاتییان بکەن وخزمەتا گەل وەلاتێ خو بکەن)
زێدەتر گوت: (دخوازین ژ ھەموو کەسان کو ھاریکاربن بو ئەنجامدانا ریفراندومێ چونکو سەربورا ئێکێ یە دڤێت ھەموو لایەک ھاریکاربیت دا ئەو پروسە بھێتە ئەنجامدان ودەولەتا کوردستانێ بھێتە ئاڤاکرن ، و وەکو پارێزگەھا دھوکێ پشتەڤانیا خوە بو ھەر چالاکیەکێ دەردبرین)
ل داویا رێورسمان خەلات ل سەر راھینەرێن خولێ وباوەرنامە ل سەر دەرچویێن خولێ ھاتنە بەلافکرن.
دھێتەزاینن کو ٨٣پولیسێن نوو دامەزراندی بو ماوێ دوو ھەیڤا مەشق وراھێنان دکرن ل سەر چاوانیا ب کارئینانا چەکێن جورا وجور وراھێنانێن پاراستنا تەناھیا نافخویی .
ئەڤرۆ نیوز ، نەوزاد ھلۆری:
سەروکاتیا ھەرێما کوردستانێ راگەھاندنەک ل بارا ھەلویستێ ھەردوو وەلاتێن لوبنان و سوریا ل بارا راگرتنا شەرێ خوە ل گەل تیرورستێن داعش راگەھاند و ل گورەی راگەھاندنا سەروکاتیا ھەرێما کوردستانێ ھێزەکا زور یا تیرورستی ژ لوبنانێ گەھشتیە سەر سنورێ عیراقێ.
دکتۆر ئومێد سەباح ئاخفتنکەرێ سەروکاتیا ھەرێما کوردستانێ بو مالپەرا فەرمی یا سەروکاتیا ھەرێما کوردستانێ دیارکر کو ھێزەکان زور یا تیرورستی ژ لوبنانێ گەھشتیە سەر سنوورێ عیراقێ و گۆت: ( ل گورەی ھندەک ئاژانسان رێکەفتنەکا گومانا وی ھژمارەکا زور یا تیرورستان ژ لوبنانێ بەر ب سنوورێ عیراقێ ھاتینە ڤەگوھاستن ، ئینانا ئەوان ھێزان ژ لوبنانێ بو رۆژھەلاتا سوریا و سەر سنوورێ عیراقێ جھێ گومانێ یە و ئەم وەکو ھەرێما کوردستانێ دێ زور ب رژدی چاڤدێری و دوڤچوونێ بو کەین )
زێدەتر گۆت: (وەکو سەروکاتیا ھەرێما کوردستانێ ڤێ یەکێ ب دووبارەکرنا سیناریوی اکو ل سالا ٢٠١٤ ھاتیە بجھکرن بو ئینانا نەھامەتیان بو عیراقێ و دەڤەرێ)
ئاخفتنکەرێ سەروکاتیا ھەرێما کوردستانێ دیارکر ژی کوە ێزێن پێشمەرگێن کوردستانێ ھەماھەنگی و ھاریکاریێن تەمام ل گەل سوپایێ عیراقێ ھەنە بو روو ب رووبوونا ھەر ئەگەر و پێشھاتەکێ.
ئەڤرۆ نیوز , ئێقبال عومەر:
وەلاتی گازندا وێ یەکێ دکەن کو بنگەھێ ساخلەمیا شێلادزێ پسکێتێن دەم ب سەرڤەچوی ب سەر زاروکان دابەش دکەن ، رێڤەبەریا ساخلەمیا ئامێدیێ ژی دیارکر کو ئەو دێ دوڤچوونێ لسەر بابەتی کەن و سەرپیچێکەران ژی سزادەن.
عەرەفات مستەفا وەلاتیەکێ ناحیا شێلادزێ یە بو ئەڤرو نیوز گوت: ( ب مەرەما چارەسەکرنا زارکا خوە من لرۆژا ٢٧ ئاب ٢٠١٧ سەرەدانا بنگەھێ ساخلەمیا شێلادزێ کر ، پشتی کو ئەز چویە ژورا گەشەپێدانا زاروکا بو وەرگرتنا پسکێتان ژبەرکو کچا من گەلەک یا لاواز بوو, بەلێ ب مخابنی ڤە پسکێتێن دەم ب سەرڤەچوی دانە من ، من ژی گوتە وان دەمێ وان ب سەرڤەچوویە ، بەلێ ئەوان گوھداریا من نەکر و گۆت ھەرە زاروکا تە دێ باش بیت ، ل ڤێرە من دڤێت بێژمە جھێن شولەژێ چەوا دبیت پسکێتێن دەم ب سەرڤەچوی ب سەر زارۆکان بھێنە دابەشکرن)
ئەمیرا رەشید قاسم رێڤەبەرا گەشەپێدانا زاروکان ل بنگەھێ ساخلەمیا شێلادزێ بۆ ئەڤرۆ نیوز گۆت: (بەری ھەیڤا حەفت یا ئەڤ سالە نێزیکی ٢٠ تەنێن پسکێتان بو بنگەھێ ساخلەمیا شێلادزێ ژلایێ ریڤەبەریا ساخلەمیا ئامێدیی و رێکخراوا یونێسف ھاتبوون و گوتە مە دەمێ وان دێ ل ھەیڤا خزیرانا ٢٠١٧ ب سەرڤەچیت , مەژی ھەمی ل سەر زاروکان دابەشکرن ، پاشی ل دوماھیا ھەیڤا ھەشت پێنج کارتونێت دی بومە ھاتن و دەمێ ب سەرڤەچونا وان ھەتاکو سالا ٢٠١٨ و بتنێ کارتونەک ژوان دەمێ وان ب سەرڤەچوو بو ، بێ کو ئەم سەحبکەینێ کا دەم ب سەرڤەچوویە یان نە مە دابەشکرن ، کو ئەڤ شاشیە ژی بو رێڤەبەریا ساخلەمیا ئامێدیێ دزڤریت نەک بنگەھێ مە)
ژلایێ خوڤە دکتور نەجیب سەعید رێڤەبەرێ ساخلەمیا قەزا ئامێدیێ بو ئەڤرۆ نیوز گۆت: (ئەڤە ژبەری ھەیڤا خزیرانا ٢٠١٧ ھەتاکو نھا مە چو پسکێت بو بنگەھێ ساخلەمیا شێلادزێ نە ھنارتینە و ئەڤ کارێ وانا کری وەک دابەشکرنا پسکێتێن دەم ب سەرڤەچوی ژ خەمساریا وان بخوە بویە ژبەرکو ل گورەی رێنمایان پێدڤی یە ئەو سەحا ھەر کارتونەکا بو وانا دچیت بکەن ، و ئەم دێ دوفچوونێ ل سەر لسەر بابەتی کەین و ھەرکەسێ خەمساری کری تێدا کری دێ ھێنە سزادان ، و دبێژینە وەلاتیان ژی ئەوێن کو پسکێتێن دەم ب سەرڤەچووی وەرگرتین و داینە زاروکێن خوە کو چوو کارتێکرن ل زاروکێن وان ناھێتەکرن ژبەرکو تنێ چەند رۆژەک ب سەرڤەوینە(
ئه‌ڤرۆ نیوز:
ل گۆری ڤیدیۆیه‌كێ كو ژ ئالیێ كه‌نالێ ئه‌لعاله‌م یێ نێزیكی حزبوللاها لبنانی ڤه هاتییه به‌لاڤكرن، ڤه‌گۆهاستنا چه‌كدارێن داعشێ ژ سنۆرێ لبنان و سووريێ به‌ره‌ڤ سنۆرێ سووریێ و ئیراق ڤه دهێته نيشاندان، ل گۆری رێككه‌فتنه‌كا د ناڤبه‌را داعش و رژێما سووریێ و حزبولاها لبنانی.
د ڤیدیۆیێ دا ترومبێلێن هه‌وارهاتنێ و ترومبێلێن نه‌فه‌رهه‌لگر بریندار و چه‌كدارێن داعشێ و خێزانێن وان ژ ده‌ڤه‌را قه‌له‌مۆن یا سنۆری د ناڤبه‌را سووریێ و لبنانێ دا ڤه‌دگۆهێزنه باژارێ بوكه‌مال ل سه‌ر سنۆرێ ئیراقێ .
جڤاتا ئاساییشا هه‌رێما كوردستانێ و سه‌رۆكوه‌زیرێن ئیراقێ ژی هۆشداری ژ ڤێ گاڤێ دان.
نيشاندان