ئه‌ڤرۆنيۆز:

پشتى ئێڤاريا ئه‌ڤرۆ پێنج شه‌مبى بيت ماكگۆرك هنارتيێ تايبه‌ت يێ سه‌رۆكێ ئه‌مريكى بۆ هه‌ڤپه‌يمانيا دژى داعشێ گه‌هشتيه‌ هه‌ولێرێ، نوكه‌ دكۆمبوونه‌كێ دايه‌ ل گه‌ل سه‌رۆك وه‌زيرێن هه‌رێما كوردستانێ.

ل دووڤ هنده‌ك ژێده‌ران ژ جڤاتا وه‌زيران بۆ دوارۆژ دياركرى( كۆمبوونا بريت ماكگۆرد ل گه‌ل نێچيرڤان بارزانى سه‌رۆك وه‌زيرێن هه‌رێما كوردستانێ وجێگرێ وى قوباد تالبانى، ل ده‌مژمێر 8 ڤێ شه‌ڤێ يا ده‌ستپێكرى وهێشتا يێن دكۆمبوونێ دا).

دياركر ژى( ئه‌ڤ شه‌ڤه‌ جڤاتا وه‌زيرێن هه‌رێمێ دێ راگه‌هاندنه‌كێ ل دۆر كۆمبوونێ به‌لاڤكه‌ت).

ئه‌ڤرۆ بريت ماكگۆرد گه‌هشتبوو به‌غدا ول گه‌ل سه‌رۆك وه‌زيرێن عيراقێ حه‌يده‌ر عه‌بادى كۆمبوونه‌ك ئه‌نجامدابوو.

ئەڤرۆ نیۆز،زنار تۆڤی:

ئه‌نجێلینۆ ئه‌لفانۆ، وه‌زیرێ ده‌رڤە یێ ئیتالیا راگه‌هاند،کو وەلاتێ وی دێ دویه‌مین فرۆكا هاریكاریێن‌ مرۆڤی بۆ زیانلێكه‌فتیێن بیڤەلەزرا كوردستانێ ره‌وانه‌ کەت.

وه‌زاره‌تا ده‌رڤە یا ئیتالیا ل ‌سه‌ر زارێ ئه‌لفانۆ رادگه‌هینیت،ژ بلی‌ ره‌وانه‌كرنا كاروانەکێ هاریكاریێن مرۆڤی بۆ قوربانیێن بیڤەلەرزا 12 ڤێ هەیڤێ، كاروانێ دویێ یێ هاریكاریان مە رێكخستیه‌.

وه‌زیرێ ده‌رڤە یێ ئیتالیا دبێژیت ژی:كاروانێ دویێ دێ ب رێیا فرۆكه‌کا بارهه‌لگر،کو زێدەتر ژ‌ 10 تەنێن هاریكاریێن مرۆڤی، وه‌كو پێدڤیێن نۆشداری و خیڤەت و به‌تەنی و پێدڤیێن پاڤژکرنێ و چێکرنا خوارنێ ب خۆڤە دگریت و دێ گەهنە‌ باژێرێ سلێمانیێ.

ئەڤرۆ نیۆز،زنار تۆڤی:

سیاسەتمەدار و شارەزایێن ئەمریکی، داخواز دکەن کو بەغدا پێشێلکاریێن دستووری بەرامبەری ھەرێما کوردستانێ رابگریت.

سیاسەتمەدار و شارەزایێن ئەمریکی ئاگەهداری هووردەکاری و پێشێلکاریێن دستووری یێن حوکمەتا عێراقێ نە ل بەرامبەر کوردان و داخواز دکەن:کو بەغدا پێشێلکاریێن میلیشیاتێن حەشدا شەعبی راوەستینیت و گوتۆبێژێن جددی و دۆستانە ل گەل ھەولێرێ دەست پێ بکەت.

راندا سلیما ڤەکۆلەر و رێڤەبەرا کاروبارێن ناکۆکی و دانوستاندنان، ل پەیمانگەها رۆژھەلاتا ناڤین ل واشنتۆن، رادگەهینیت، کو پێدڤیە گفتوگۆ دناڤبەرا ھەولێر و بەغدا دەست پێ بکەن، نابیت بەغدا خۆ ژڤی بابەتی ڤەدزیت،دڤێت باوەری ب پێکڤەژیانێ هەبیت، ھەر چ نەبیت دڤێت بەغدا بۆ ماوەیەکێ کورت یان ناڤنجی و واقعیانە یا ئامادە بیت،هەروەسا بەرامبەر پرسا سەربەخۆیێ ژی، کو رەنگە د داھاتیدا ببیتە ئەمرێ واقع.

ئه‌ڤرۆنيۆز:

كۆميسارا بلند يا سياسه‌تا ده‌رڤه‌ وئاسايشێ ب سه‌ر ئێكه‌تيا ئورۆپى ڤه‌، فيدرێكا مۆگێرينى، ناه‌ك بۆ سه‌رۆك وه‌زيرێن هه‌رێما كوردستانێ نێچيرڤان بارزانى هنارت.

مۆگێرينى دناما خوه‌دا، زێده‌بارى سۆپاسى وپێزانين بۆ هه‌ڤپشكى و سه‌ركردايه‌تيا مه‌سعود بارزانى، خوه‌شحاليا ئێكه‌تيا ئورۆپى بۆ به‌رهه‌ڤى وبزاڤێن هه‌رێما كوردستانێ ژبۆ چاره‌سه‌ريا كێشان ل گه‌ل به‌غدا ب رێيا دانوستاندنێ نيشاندا ودياركر( ئه‌م ژ نێزيك وب نيگه‌رانى سه‌حدكه‌ينه‌ پێشهاتێن مه‌يدانى، ده‌مێ چه‌ند هه‌فتيێن بۆرى ژى، ئێك ژكارێن سه‌ره‌كى يێن مه‌ ئه‌وبوو رێگرى ل توندوتيژيێ بهێته‌ گرتن ژهه‌ر لايه‌كى بيت، هه‌روه‌سا مه‌ پشته‌ڤانيا وان بزاڤان كريه‌ كو بۆ چاره‌سه‌ركرنا كێشان دهێنه‌ كرن، وه‌كو پێرابوونێن ئه‌منى ل ده‌ڤه‌رێن ناكۆكى ل سه‌ر، ئێكه‌تيا ئورۆپى يا به‌رده‌وامه‌ ژى دچاڤدێريكرنا ره‌وشێ ودێ هاريكاريێن مرۆڤى پێشكێش كه‌ت).

دوێ نامێ دا كو ئه‌ڤرۆ پێنجشه‌مبى 16/11/2017 ب رێيا كلاريس پاستۆرى نوونه‌را ئێكه‌تيا ئورۆپى ل هه‌رێما كوردستانێ گه‌هشتيه‌ نێچيرڤان بارزانى، مۆگيرينى پشته‌ڤانيا ئێكه‌تيا ئورۆپى بۆ دانوستاندنێ دناڤبه‌را به‌غدا وهه‌ولێرێ دا دووپات دكه‌ت ودبێژيت( هه‌كه‌ لايه‌ن داخوازێ ژێ بكه‌ن، ئێكه‌تيا ئورۆپى ل گه‌ل هه‌ڤكارێن خوه‌ يێن نێڤده‌وله‌تى، يا به‌رهه‌ڤه‌ هاندان وئاسانكاريان بۆ وێ دانوستاندنێ بكه‌ كو بزانيت دێ يا ب مفادار بيت وئه‌نجامێن باش بۆ هه‌بن).

خوياكر ژى كو( نه‌ تنێ ئێكگرتن وسه‌قامگيريا عيراقێ، به‌لكو ئێكگرتن وسه‌قامگيريا هه‌رێما كوردستانێ وده‌زگه‌هێن حومى ژى بۆ ئێكه‌تيا ئورۆپى يا گرنگه‌).

هه‌ر دوێ نامێ دا مۆگيرينى هه‌ڤخه‌ميا ئێكه‌تيا ئورۆپى ل گه‌ل هه‌رێما كوردستانێ ده‌ربرى بۆ قوربانيێن بيڤه‌له‌رزا رۆژا 12 ڤێ مه‌هێ كو چه‌ند ده‌ڤه‌رێن هه‌رێمێ ڤه‌گرتين.