ئەڤرۆ نیوز ، ھلوری:
ئەڤرۆ پارێزگارێ دھۆکێ پێشوازی ل بالیوزێ ئەلمانیا ل بەغدا و کونسولێ نوویێ ئەلمانیا ل ھەرێما کوردستانێ کر و د کومبوونەکێ دا دانوستاندن لسەر چەند پرسەکان کر ژ وانان پرسا زێدەتر خزمەتکرنا ئاوارەیان و پارێزگارێ دھوکێ خواست کو وەلاتێ ئەلمانیا زێدەتر خزمەتا ئاوارەیان بکەت.
فەرھاد ئەمین ئەتروشی پارێزگا‌رێ دھوکێ پێشوازی ل دکتور سیریل نان بالیوزێ وەلاتێ ئەلمانیا ل بەغدا و کورت ستویکل کونسلێ نوو یێ ئەلمانیا ل کوردستانێ وشاندێ دگەلدا کر.
دھەڤدیتنەکێدا ب ئامادەبونا دکتور نزار عسمەت رێڤەبەرێ گشتی یێ ساخلەمیا پارێزگەھا دھوکێ بەحسێ پەیوەندیێن دوو قولی دناڤبەرا ئەلمانیا وھەرێما کوردستانێ وئەو پشتەڤانیا حکومەتا ئەلمانیا بو ھێزێن پێشمەرگەی وئاوارە وپەنابەران پێشکێش دکەت ورولێ رێکخراوێن ئەلمانی بو گەھاندنا ھاریکاریا بو ئاوارە وپەنابەران وسەکتەرێن خزمەتکاری ب گشتی ھاتە کرن.
پارێزگەرێ دھوکێ خوشحالیا خو ب سەرەدانێ دیارکر وپیروزباھی ل بالیوز ئەلمانیا ل بەغدا ول کونسلێ ئەلمانیا لکوردستانێ کر وسەرکەفتن بو ھەردوویان خواست، ھەروەسا پارێزگەرێ سوپاسیا حکومەت ورێکخراوێن ئەلمانی کر کو ھاریکاریا ئاوارە وپەنابەران وپێشمەرگێ کوردستانێ دکەن وخواست ئاستێ وان ھاریکاریا پتر لێ بھێت نەخاسمە ل دەڤەرێن رزگارکری دا ببیتە ھاندەر ئاوارە ڤەگەرنە سەر جە وارێن خو.
ل داویێ ژی ھەردوو لا پارێزگەرێ دھوکێ وبالیوزێ ئەلمانیا تەکەزی ل سەر خورتکرنا پەیوەندیان دناڤبەرا ئەلمانیا وھەرێما کوردستانێ کر.

ئەڤرۆ نیوز ، ھلۆری:
ئەڤرۆ بەری نیڤرو ژ ئەنجامێ روودانەکا ھاتن و چوونێ دناڤبەرا گرشین و گوندێ پێ بزنێ شەش کەس بونە قوربانی.
ئازاد تەھا بەرپرسێ راگەھاندنا ھاتن و چونا دھۆکێ بۆ ئەڤرۆ نیوز گۆت: ( ئەڤرو بەری نیڤرو ژ ئەنجامێ روودانەکا ھاتن و چونی َدناڤبەرا دوو ترومبێلێن پیکئاب بارھەگر دناڤبەرا گرشین بو گوندێ پێ بزنێ شەش کەس برینداربوون کو ئەو ژی چوار زاروک و ئافرەتەک و زەلامەک بوون)
زیدەتر گۆت: (پولیسێن ھاتن و چونێ ل جھێ روودانێ بەرھەڤ بوینە و بریندار بو نەخوشخانێ ھاتینە رەوانەکرن و ڤەکولین لسەر ئەگەرێن روودانێ دھێنەکرن)

ئەڤرۆ نیوز ، نەوزاد ھلۆری:
رێڤەبەریا پولیسێن ھەولێر گرتنا 25 تاوانباران راگەھاندن کو لسەر تاوانێن جوداجودا ھاتینەگرتن.
لیوا عەبدولخالق تەلعەت د کونگرەیەکێ رۆژنامەڤانی دا کو ئەڤرۆ ل ھەولێر ب رێڤەچوو دیارکر کو دڤان دوو ھەیڤان دا ئەوان شیاینە 25 تاوانباران بگرن کو ھندەک ژوان ژن بوون.
زێدەتر گۆت: ( ئەڤ ھەیڤە نسبەتی ھەولێر ئارامترین ھەیڤ بوویە د دەمێ بوری دا ، بەلێ ل گەل ڤێ یەکێ ژی سەرا 17 تاوانان 25 کەس ھاتینە گرتن کو ئەو ژی تاوانێن 25 تاوانبارين کوشتن و دزی بوون ، ھەموو ئەو کەسێن ھاتینەگرتن ل گورەی قانونێ گەھشتینە سزایێ خوە )

ئەڤرۆ نیوز ، ھلۆری:
پشتی کود وھی بیڤەلەرزەکێ سەنتەرێ قەزا رانیێ و چەند دەڤەرێن دن ھژاندنی و زیانێن گیانی و ماددی پشتخوە ھێلای ئەڤرۆ ژی بیڤەلەرزەکێ رانیێ ھژاندەڤە.
ئەڤرۆ سپێدی ل دوو دەمێن ژێجودا دوو بیڤەلەرزێن دن قەزا رانیێ ھژاند کو پلەیا وێ ٣،٧ پلە بوویە ل گورەی پیڤەرێ رێختەر.
ئەڤە د دەمەکێ دایە کو دوھی ئێڤاری ژی بیڤەلەرزەکا ب ھێز رانیێ و چەند دەڤەرێن دن ھژاند و ل قەزا رانیێ زیانێن گیانی و ماددی ھەبوون ب شێوەیەک نێزیکێ ٣٠ کەسان بریندارببوون ، ئەڤە سەرەرای کو زیانێن زورێن ماددی بەر دوکان و بازار و خانویێن وەلاتیان گەھاندن.

ئەڤرۆ نیوز ، نەوزاد هلوری:

ئەو ئەرد هەژا ئێڤاریا ئەڤرو چەند دەڤەرێن هەرێما کوردستانێ هژاندین کو جهێ سەرەکی قەزا رانیێ و دوکان بوویە ، هەشت کەس ل رانیێ بریندارکرن و زیانێن زورێن ماددی پشت خوە هێلان.

هندرین رەواندوزی ئاکنجیێ قەزا رانیێ تایبەت بو ئەڤرو نیوز گۆت: ( ژبەر سەدەما ئەرد هەژا ئەڤرو یا قەزا رانیێ هەشت کەس  ل سەنتەرێ قەزایێ برینداربوینە و رەوانەیێ نەخوشخانێ کرینە ، ژبەر دژواریا برینێن وان هەموو هاتینە نڤاندن)

زێدەتر گۆت: ( ژبلی زیانێن گیانی د هەمان دەم دا زیان ب سەدان ترومبێل و سەدان دوکان  بازار و ئاڤاهیێن خەلکی و حکومی گەهشتینە)

ئەرد هەژا رانیێ پلەیا وێ 5،6 بویە و ل دەمژمێر 5:1 روودایە ، و ژ ئەنجامێ وێ ئەرد هەژێ سلێمانی و دهوک و هەولێر و گەرمیان و شێخان ۆ رەواندوز و قەلادزێ و ئامێدیێ و سوران ژی هژیایە.