ئەڤرۆ نیوز ، نەوزاد ھلۆری:
دەمەک بەریا نھا شەر و پێکدادان دناڤبەرا ھێزێن پێشمەرگەی و چەکدارێن داعش ل سنوورێ داقوق درۆست بو ، پشتی روو ب رووبوونەکا زۆر ھێرشا داعش ژلایێ ھێزێن پێشمەرگەی ڤە ھاتە شکاندن.
ژێدەرەکێ ژ فەوجا ھێزێن پێشمەرگێن کاکەیی بو ئەڤرۆ نیوز گۆت: ( ئەڤرو بو جارا دوویێ دماوەیێ سێ رۆژێن بوری دا چەکدارێن داعش ھێرشەک بو سەر سەنگەرێن پێشمەرگەی ل داقوق ئینا بەلێ ب توندی ژلایێ ھێزێن پێشمەرگەی ھاتە شکاندن)
زێدەتر گۆت: ( سوپاس بو خودێ پێشمەرگەی چوو زیان نەبوون ، بەلێ داعشێ زیان ھەنە و چەند چەکدارەکێن وان ھاتینە کوشتن و ھندەک ژی ب برینداری ژلایێ داعش ڤە ھاتینە رزگارکرن ، و نھا رەوش ئارامە و شەر ب دوماھی ھات)
روژا ھەینی یا بوری ژی چەکدارێن داعش ھێرشەک بو سەرنگەرێن پێشمەرگەی ل داقوق ئینا بەلێ ژلایێ پێشمەرگەی ھاتبویە شکاندن ، ھژمارەکا داعشان ھاتبونە کوشتن و سێ پێشمەرگە ژی ھاتبونە شەھیدکرن.
نووترين نووچه
- شانـدێن دانـوسـتاندكـار یـێن پـارتی و ئێـكـەتی كـۆمـبوون
- سەرۆك بارزانی ب رێكا ئێكڕێزییا كوردان بزاڤا خوە بەرهەڤكرنێ بۆ گوهۆڕینێن دەڤەرێ دكەت
- لویس ساكۆی دەلیڤەیا هەی ببیتە پاپایێ ڤاتیكانێ
- كەرتێ وزەیێ ل هەرێما كوردستانێ دێ زێدەتر بەرفرەهـ بیت
- هەكە پەكەكە چەكێ خوە ل شنگالێ ڕادەست بكەت دێ ئەو دەڤەر ئارام بیت
- شاندەکێ هەڤپشک یێ کوردان دێ ل گەل شامێ دانوستاندنان کەت
- سەرۆك بارزانی بۆ كۆنفرانسێ ئێكڕێزییا كوردان ل رۆژئاڤایێ كوردستانێ: ئێكگرتنا كوردان كلیلا چارەسەرییا ئێكجارییا پرسا كوردی یە ل سووریێ
- سەرۆكێ هەرێما كوردستانێ بەرهەڤی رێوڕەسمێ خاترخواستنا پاپا فرەنسیس ل ڤاتیكانێ بوو
- پشكا رەوشەنبیری و راگەهاندنا پارتی و دەزگەهێن گرێدای وێ وەفادارییا خوە بۆ رێبازا بارزانی دوپاتكر
- کۆنفرانسێ نەتەوەیی ل رۆژئاڤایێ کوردستانێ هاتە ساز کرن
سهرهكى نوچێن گرنگ
رەڤەندا کورد ل جيهانێ پشتەڤانیا خوە بو ریفراندۆمێ دوپات دکەن
ئەڤرۆ نیوز ، نەوزاد ھلۆری:
رەڤەندا کورد ل ئەوروپا و ئەمریکا و ئاسیا و ھەموو وەلاتێن جیھانێ پشتەڤانیا خوە بو ریفراندۆمێ دوپات دکەن د دەند دیارکرن کو ئەو دخوازن ب رێیا سندوقێ دەنگێ خوە بدەن نەک ئەلیکترونی.
وژدان تاژیکی ئێکە ژ وەلاتیێن کوردێن ھەرێما کوردستانێ و ل وەلاتێ سویسرا دژیت بۆ ئەڤرۆ نیوز گۆت: ( ئەم وەکو کوردێن ھەرێما کوردستانێ ب گەرما و گەرم چاڤەرێ رۆژا ریفراندۆمێ دکەین و ب روح و گیان ڤە دکارین پشتەڤانیا خوە بو سەرئێخستنا پروسەیا ریفراندۆمێ دکەین ژ بەرکو ژ مێژە باب و باپیرێن مە خەباتێ دکەن داکو رۆژەک بھێت ئەو ژی ب چاڤێن خوە وەکو ھەموو ملەتێن جیھانێ دەولەتا خوە ببینن و سەربخوە بن)
زێدەتر گۆت: ( ئەم دخوازین کو ب رێیا سندوقان دەنگێ خوە بدەین ژ بەرکو خەلکی مە شارەزایی نینە و رەنگە ئاریشە بو درست ببن ، ژلایەکێ دنڤە ئەڤ یەک رەنگە ببیتە سەدەم کو خوە ڤەدزینەک دناڤ رەڤەندا کورد دروست ببیت و دەنگێ خوە نەدەن )
پێزان پەرواری ئەو ژی وەلاتیەکا کوردە و ل وەلاتێ فەرەنسا دژیت دیارکر کو ئەو دخوازین ھەموو لایەنێن سیاسی ل کوردستانێ ئێک بگرن و پێکڤە پشکداریێ د سەرئێخستنا ریفراندۆمێ بکەن و بۆ ئەڤرۆ نیوز گۆت: (ھیڤیە دەستھەلاتداریا ھەرێمێ باشترین خزمەت بو خەلکێ خوە بکەت داکو خەلکێ وان ژی بکارن ب دلەکێ خوش بەر ب سندوقێن دەنگدانێ بچن ، و ئەم وەکو رەڤەندا کورد زور دلخوشین ب پێنگاڤا ھەرێما کوردستانێ بو ئەنجامدانا ریفراندۆمێ بو سەربخویی یا کوردستانێ و ئەم وەکو رەڤەندا کورد دێ ب بەلێ پشتەڤانیا سەرئێخستنا ریفراندۆمێ کەین)
عەبدوللا بەشیر ئەو ژی ئێکە ژ رەڤەندا کورد ل مسرێ دیارکر کو ئەڤە ٢٠ سالە ئەم ل مسرێ دژین و گۆت : (ھیڤیی و ئومێدێن مە ئەون کو گەلێ کورد ژی ببیتە خودان سیادە و سەروەریەکا سەربخوە و ئێدی دەم ھات ئەم ژی بژین و جودا بین ل عیراقێ ژبەرکو گەلێ کورد ھزاران قوربانی بو ڤێ مەرەمێ داینە و دیسان گەلێ کورد چوو خێر و بێر ل عیراقێ وەرنەگریتە ژ بەرڤێ پێدڤی یە گەلێ کورد ب ئێک دەنگ بێژن بەلێ بو سەربخویا کوردستانێ)
دێ دەست ب دانا قەرێن بچوک بو گەنجان ھێتەکرن
ئەڤرۆ نیوز ، نەوزاد ھلۆری:
کومپانیەکێ وەکو دەستپێشخەری و ب مەرەما دانەکارا یا گەنجان ب رێیا پرۆژێن بچوک دێ دەست ب دانا قەرێن بچوک بو گەنجان کەتن.
دڤی واریدا ئار تی بانک د راگەھاندنەکێ دا کو دانەیەک دەست ئەڤرۆ نیوز کەفتیە دیارکر کو ئەو دێ قەرێن بچوک ب رێیا پرۆژەیێن بچوک ب گەنجێن ھەرێما کوردستانێ دەتن و گۆت: ( ھەر گەنجەکێ حەز ھەبیت دکاریت ب رێیا بانکا مە ئەڤان قەران وەربگریت ، کو ئەو ژی ئەوە گەنج دکارن ھەتا ٥٠ ملیون دیناران وەربگرن و کار پێ بکەن )
زێدەتر گۆت: ( مەرەم ژ ئەڤان قەران ئەوە کو گەنج بناغەیەکێ کاری بخوە بدانن وەکو پرۆژە یان ژی ئەو پروژێن وان ھەیی تەمام بکەن)
نووترین ڤیدیۆ.. ل ئه‌مریكا ترومبێله‌كێ دا ناڤ خوه‌نیشانده‌ران
ئه‌ڤرۆ نیوز:
كه‌سه‌كی ب ترومبێله‌كێ ل باژارێ شارلۆتسڤیل ل ویلایه‌تا ڤێرجینیا یا ئه‌مریكا دا ناڤ كۆمه‌كا خوه‌نیشانده‌ران و ل گۆری گۆتنا پۆلیسێن وی باژاری د ئه‌نجام دا دو كه‌س هاتنه كوشتن و نۆزده كه‌س ژی بریندار بووینه.
ب سه‌دان سپیپێستێن نه‌ته‌وه‌په‌رست خوه‌نیشاندان ل بشارلۆتسڤیل ل ئه‌مریكا كرن و هه‌مبه‌ر دا ب سه‌دان خوه‌نیشاندانێن دژی وان هاتنه كرن و خوه‌نیشنده‌رێن داویێ بزاڤا ئینانه‌خوارێ یا ئالایێ سپیپێستێن نه‌ته‌وه‌په‌رست كرن و د ئه‌نجام دا توندوتیژی چێبوون.
پشتی پۆلیسان به‌لاڤه ب خوه‌نیشانده‌ران كری كه‌سه‌كی كو ل گۆری گۆتنا میدیا ئه‌مریكی چێدبیت سپیپێستێن نه‌ته‌وه‌په‌رست بیت ب ترۆمبێله‌كێ ب سنگ و سنگ دا ناڤ خوه‌نیشانده‌ران و پاشی پشتوپشت ژی چوو و دا سه‌ر خه‌لكێ د رێیێ دا، ویلایه‌تا ڤێرجینیا ژی ره‌وشا نه‌ئاسایی راگه‌هاندو سه‌رۆكێ ئه‌مریكا ئه‌و یه‌ك شه‌رمزار كر و داخوازا ئێكگرتنێ ژ خه‌لكی كر.
ل هه‌مان باژار هه‌لیكۆپته‌ره‌كا پۆلیسان كه‌فت و هه‌ردو فرۆكه‌ڤانێن وێ گیانێ خوه ژده‌ست دا.
د روودانەکا ترافیکێ دا کەسەکێ گیانێ خوە ژ دەست دا
ئەڤرۆ نیوز ، نەوزاد هلۆری:
دەردورێن دەمژمێر 10 یا ئەڤ شەڤە سنێلەیەکێ ژ ئەگەرا روودانەکا هاتن و چۆنێ ل سنوورێ قەزا ئاکرێ یا سەر پارێزگەها دهۆک گیانێ خوە ژ دەست دا.
دڤی واریدا رائید کاروان زیوەر بەرپرسێ هاتن و چۆنا ئاکرێ بو ئەڤرۆ نیوز گۆت: (دەردورێن دەمژمێر 10 یا ئەڤ شەڤە سنێلەیەکێ کو دژیێ 14 سایێ دایە ل کولانا روناهی ل سەنتەرێ قەزا ئاکرێ ژ ئەگەرا روودانەکا ترافیکێ گیانێ خوە ژ دەست دا)
زێدەتر گۆت: (ئەوی سنێلەی لسەر جاددێ هاتن و چون دکر و ژ نیشکەکێڤە دکەڤیتە د بن ترومبێلەکا بارهەلگر ژ جورێ کەیا دوو تەن و دەملدەست گیانێ خوە ژ دەست دا)
بەرپرسەکێ پارتی وەغەرکر
ئەڤرۆ نیوز ، نەوزاد هلۆری:
دەمەک بەریا نها بەرپرسەکێ پارتی ل سنوورێ قەزا سۆران کو پلەیا کارکێر لق هەیە وەغەرکر.
دڤی واریدا عەبدولرەحمان گوانی ل پشکا رێکخستن یا سەر ب لقێ 10ێ پارتی دیموکراتی کوردستنان بۆ ئەڤرو نیوز گۆت: (دەمەک بەریا نها ئازاد عەبدوللا هاودیانی کارگێرێ لقێ 10ێ پارتی ل سوران ل نەخۆشخانا تەنگاڤیا سۆران وەغەرکر)
زێدەتر گۆت: (ناڤبری نەخۆشیا شەکرێ هەبوو و سپێدێ سەرەدانا ئێک ژ نەخوشخانێن هەولێر کربوو و پاشان هاتبویە مال ، بەلێ نها جارەک دن رەوشا وی تێکچوڤە ، پشتی کو هندەک چارەسەری وەرگرتی ب مخابنیڤە گیانێ خوە ژ دەست دا)
دهێتە زانین کو ناڤبری ئێکبویە ژ خەمخورێن رێبازا پارتی و بارزانی و رولەکێ بەرچاڤ هەبوویە دناڤ رێزێن پارتی و رێکخستنێن وێ دا ، ئەڤە زێدەباری کو پێشمەرگەیەکێ دێرینە و د چەندین شەر و داستانان دا پشکداری کریە.
گۆڕان داخوازا چاره‌كرنا پێنج كێشێن هه‌رێمێ دكه‌ت
ئه‌ڤرۆ نیوز:
جڤاتا نیشتمانیا گۆران كومبوونا ل گه‌ل پارتى ره‌ت ناكه‌ت و داخوازا كریه ده‌مه‌ك بۆ چاره‌كرنا كێشان بهێته دیاركرن، هه‌ڤده‌م داخوازا پاشخستنا ریفراندومێ دكه‌ت تاوه‌كو وى ده‌مێ كوده‌نگیا نیشتمانى ل سه‌ر دروست دبیت.
ئه‌ڤرۆ زێده‌تر ژ حه‌فت ده‌مژمێران جڤاتا نیشتمانیا بزاڤا گۆران د كومبوونێ دا بوو، د راگه‌هاندنه‌كێ دا ئاماژه ب پێنج خالان هاتیه كرن كو پێدڤیه بریارا پاشخستنا مووچه‌ى بهێته هه‌لوه‌شاندن و پێدڤیه داهاتێ نه‌فت و غازێ یێ شه‌فاف بیت و پێدڤیه ریفراندوم بهێته پاشخستن هه‌تا كو به‌رهه‌ڤیێن قانوونى بۆ دهێنه كرن و په‌رله‌مان ل سه‌ر كۆم ببیت و په‌رله‌مانێ كوردستانێ پشتى رێككه‌فتنا سیاسى، ئاسایى بیت و درێژى ب كارێ یاسادانان و چاڤدێریێ بهێته كرن و هه‌لبژارتنێن گشتى ل ده‌مێ خوه یێ قانوونى بهێنه ئه‌نجامدان.
راگه‌هاندنه‌ك ژ جڤاتا بلندا ریفراندومێ
ئه‌ڤرۆ نیوز:
ب سه‌رپه‌رشتیا مه‌سعود بارزانى ئه‌نجومه‌نێ بلند یێ ریفراندومێ كوم بوو، د راگه‌هاندنه‌كێ دا، كو سه‌رۆكایه‌تیا هه‌رێما كوردستانێ به‌لاڤ كریه، تێدا دیاركریه كو د كومبوونێ دا به‌حسێ سه‌ره‌دانا چاڤه‌رێكرى یا شاندێ بلندێ هه‌رێمێ بۆ به‌غدا هاتیه كرن و دانوستاندن ل دۆر پرسێن سیاسى و په‌یوه‌ندیێن ناڤبه‌را به‌غدا و هه‌ولێرێ هاتنه كرن و هێلێن گشتى و ناڤه‌رۆكا دانوستاندنان هاتنه دیاركرن.
گۆڕان بڕیار دا
ئه‌ڤرۆ نيوز:
جڤاتا نیشتمانیا گۆران كومبوونا ل گه‌ل پارتى ره‌ت ناكه‌ت و داخوازا سه‌قفه‌كێ زه‌مه‌نى بۆ چاره‌كرنا كێشان دكه‌ت، هه‌ڤده‌م داخوازا پاشخستنا ریفراندومێ دكه‌ت تاوه‌كو وى ده‌مێ كوده‌نگیا نیشتمانى ل سه‌ر دروست دبیت.
ئه‌ڤرۆ زێده‌تر ژ حه‌فت ده‌مژمێران جڤاتا نیشتمانیا بزاڤا گۆران كومبوو، شێروان ئیبراهیم ئه‌ندامێ جڤاتێ دیاركر كو جڤاتێ بریاردا ل گه‌ل پارتى كۆم ببیت.
کوردێن شەبەک پشتەڤانیا خوە بۆ ریفراندۆما ھەرێما کوردستانێ راگەھاند
ئەڤرۆ نیوز ، نەوزاد ھلۆری:
ئەڤرۆ سپێدێ12 ئاب 2017 کوردێن شەبەک ل قەزا بەردەرەش یا سەر ب پارێزگەھا دھۆک کونفرانسەکێ تایبەت ل بارا رەوشا کوردێن شەبەک ئەنجامدا و دانوستاندن لسەر چەند پرسەکان كر و وەسا بریارە ھەتا دەمژمێر شەش بەردەوام بیت.
دڤی واریدا مەلا سالم جومعە ئەندامێ کوردێن شەبەک ل ئەنجومەنا پارێزگەھا موسل دیارکر کو ئەوان دڤێت ب زوترین دەم پارێزگەھا دەشتا نەینەوا بھێتە درۆستکرن و بۆ ئەڤرۆ نیوز گۆت: ( ئەڤرۆ کوردێن شەبەک ل قەزا بەردەرەش کونفرانسەکێ تایبەت لسەر رەوشا گوندەوار و رەوشا کوردێن شەبەک ل عیراق و ھەرێما کوردستانێ ئەنجام دا و تێدا چەندین تەوەرێن گرنگ ھاتنە بەحسکرن ژ وانان رەوشا ژین و ژیارا کوردێن شەبەک ل دەشتا نەینەوا و دەڤەرێن ڤەقەتیایێن ھەرێمێ و دیسان ئەوان گوندێن کو ژئالیێ حەشد شەعبی ڤە ھاتینە کونترولکرن ، و تەوەرەکی َدن ژی تایبەت بوو لسەر پشکداریا کوردێن شەبەک ل ریفراندۆما ھەرێما کوردستانێ)
زێدەتر گۆت: ( حەشد شەعبی نەھێلا کو نونەرێن کوردێن شەبەک ل وان گوندێن لژێر دەستھەلاتا وان پشکداری کونفرانسی ببن ، ئەم ب چوو رەنگان ناخوازین کو گوندێن مە لژێر دەستھەلاتا ھێزێن حەشد شەعبی بن ژ بەرکو ئەو ھێزەک نەقانون و چەندین پێشیلکاری بەرامبەر کوردێن شەبەک کرینە ، داخوازێ ل حکومەتا ھەرێم و عیراقێ دکەین کو ب زوترین دەم ھێزێن حەشد شەعبی گوندەوارێن مە چول بکەن و دبەرامبەر دا دخوازین کوە ێزێن پێشمەرگەیان ل ھەموو دەڤەرێن مە بھببن ژ گوگجەلی ھەتا دەشتا نەینەوا و ھەمو جھان)
ناڤبری دیارکر ژی کو ٣٥ گوندێن بەشەکان ژلایێ ھێزێن حەشد شەعبی ھاتینە کونترولکرن و ئالوزیان ل دەڤەرێ درۆست دکەن و گۆت ژی : ( مە دڤێت پشکداریێ د سەرئێخستنا ریفراندۆما ھەرێما کوردستانێ بکەین داکو ل ئێدی دەڤەرێن کوردێن شەبەک ببنە پشکەک ژ ئاخا ھەرێما کوردستانێ وەکو چەوا بەری نھا ھەر سەر ب ئاخا کوردستانێ ڤە بوینە )
مەلا سەلیم دیارکر ژی کو ئەو دخوازن ل دەشتیا نەینەوا پارێزگەھەک بھێتەچێکرن و ئەو ژی ببنە پشکەک ژ ئەوێ پارێزگەھێ و گۆت ژی : ( کوردێن شەبەک پێکدھێن ژ ٥٧ گوند و ناحیان ل دەشتا نەینەوا و ژ ئەڤان ھەمووان بتنێ ٢٢ گوند ژ لایێ ھێزێن پێشمەرگەی ڤە دھێنە پاراستن و وەلاتیێن وان گوندان بێ ترس و ئاریشە دژین و چوو ئاریشە نینن)
نيشاندان
WP Facebook Auto Publish Powered By : XYZScripts.com