ئهڤرۆ نیوز ، نهوزاد هلۆرى:
وهزارهتا دارایى و ئابوورى یا حكومهتا ههرێما كوردستانێ خشتهكێ نوویێ موچهى راگههاند.
رۆژا ئێكشهمبى و دوو شهمبى رێكهفتى 29-30:10:2017 دێ موچهیێن ههیڤا ههشت یا فهرماندهیا پێشمهرگهێن زێرهڤانى و فهرماندهیا پولیسێن بهرهڤانیێ و ڤێرا گههشتنێ هێنه دابهشكرن.
ئهڤرۆ نيوز:
كهنهدا ههموو هاريكاريێن لهشكرى بۆ عيراق و كوردستانێ ژ ئهگهرێ شهرێ چهند رۆژين بۆرى يێن ناڤبهرا پێشمهرگهى و هێزێن عيراقى و چهكدارێن حهشدا شيعى راگرت.
ميدايێن كهنهدا دبێژن: “ئهو پێنگاڤا چاڤهرێنهكرى يا كهنهدا پشتى وێ چهندێ هات كو رهخنه ل حوكمهتا وى وهلاتى هاتنه گرتن كو ل سێ سالێن بۆرى نهشياينه هاريكار بن د چارهكرنا كێشێن سياسى و كێشێن ناڤبهرا پێكهاتان و ئهو پارڤهبوونا ل عيراقێ ههيى”.
ژێدهرێن سۆپايێ كهنهدا راگههاندن كو هێزێن كهندا دێ د بهردهوام بن ل پشتهڤانيكرنا ههڤپهيمانان ب سهرۆكاتيا ئهمريكا ل شهرێ دژى داعش د وارێن ههوالگيريێ و نوشداريێ و ڤهگوهاستنێ دا.
ئهو ژێدهر خۆيا دكهن كو داخواز ژ 200 لهشكر و شيرهتكار و هێزێن تايبهت يێن كهندا هاتيه كرن كو چو مهشق و هاريكاريهكێ پێشكێشى هێزێن كوردى و عيراقى نهكهن ههتا پهيوهنديێن ههردولا ئاسايى دبن.
كهنهدا 200 لهشكر ل عيراقێ و 50 كارمهندێن خزمهتكاريا لهشكرى و ب دههان شارهزا و شيرهتكارێن لهشكرى و ههليكۆپتهر و فرۆكێن ڤهگوهاستنێ ل كوردستانێ ههنه.
ئەڤرۆ نیوز ، ھلوری:
جڤاتا ئاسایشا ھەرێما کوردستانێ ل بارا ژناڤبرنا ھێرشێن حەشد شعبی ب پشتەڤانیا ئیرانێ و زیانێن وان ھێزان ژلایێ پێشمەرگەی ڤە راگەھاندنەک بەلاڤکر.
د راگەھاندنا وان دا ھاتیە : ( دەمژمێر 12:00ێ نیڤرویا ئەڤرۆ ھێزێن پێشمەرگەی ب شێوەیەکێ قەھرەمانانە بەرسینگێ ھێرشێن سوپایێ عیراقێ و میلشیاتێن حەشد شەعبی ب پشتەڤانیا سوپایێ پاسدارێن ئیرانێ بوون و د ئەنجام دا 3 تانک و 5 ھامڤی و 1 باجە یێن دوژمنی ژناڤبرن).
د راگەھاندنا ئەنجومەنا ئاسایشیا ھەرێما کوردستانێ ئاماژە ب وێ یەکی ژی ھاتیەکرن کو ھێزێن سوپایێ عیراقێ و حەشد شەعبیا ئیرانی ب چەکێن ئەمریکی وەکو ھامڤی و تانکێن گران و ترومبێلێن باجەرێن سەربازی بەردەوام د ھێرشان دانە بو سەر مولکێن پێشمەرگەی کو ئەڤ یەک ژی بنپێکرنا دەستووری یە ب رەنگەکێ ئاشکرا ، و ب بکارئینانا ھێزێ ژی چارەسەریا ئاریشەیێن سیاسی ناھێتەکرن).
د راگەھاندنا جڤاتا ئاسایشا ھەرێما کوردستانێ دا ھاتیە ژی: (ئەم ب توندی ئیدانا سنوور بەزاندنێن سەربازیێن عیراقی دکەین ، و جڤاکێ نیڤدەولەتی ژی دڤیابا دوو حەفتیان بەریا نھا بەرامبەر رەفتارێن خرابێن عیراقێ ئەڤ یەک ئیدانەکربایە ، ژبەرکو ھندەک ژ دەڤەرێن ئارامێن وەلاتێ کوردستانێ تێکدایە و زێدەتری 150 ھزار کەس ژی ئاوارە بووینە و مەترسی بو سەر ئاسایشێ درۆستکریە).
ئهڤرۆ نيوز، نيوار محهمهد سهليم:
كهمال كهركووكى ئێك ژ فهرماندێن پێشمهرگێ كوردستانێ ل پردێ راگههاند كو ئهڤرۆ چهكدارێن حهشهد شهعبى هێرش كره سهر پێشمهرگێ كوردستانێ و هێرشا وان هاته تێكشكاندن.
كهمال كهركووكى د داخۆيانيهكێ دا بۆ ئهڤرۆ نيوز گۆت: “د هێرشا ئهڤرۆ يا چهكدارێن حهشهد شهعبى دا بۆ سهر پێشمهرگێ كوردستانێ دربهكێ مهزن ب وان كهفتيه، زێدهبارى زيانێن گيانى و ماددى”.
زێدهتر گۆت: “د ڤێ هێرشێ دا 14 تهرمێن وان ل مهيدانا شهرى ب جهـ ماينه و سێ ههمهرێن وان ژى ل گهل دوشكهكێ هاتينه ژناڤبرن”.
خۆيا ژى كر كو نوكه رهوش يا ئارامه، بهلێ ناڤبهر بۆ ناڤبهرێ هندهك تۆپ و هاونا ئاراستهى چهپهرێن پێشمهرگهى دكهن.
ئهڤرۆ نيوز:
ژێدهرێن ناڤا پێشمهرگێ كوردستانێ تهكستێ ل سهر وێ چهندێ دكهن كو نوكه پێشمهرگه يێ شهرهكێ دژوار ل گهل چهكدارێن حهشهد شهعبى دكهن و چو نهمايه دێ مهخمور كهڤيته د دهستێن هێزێن پێشمهرگێ كوردستانێ دا.
ژێدهرهكى ژ ناڤا پێشمهرگێ كوردستانێ د سهر وێ چهندێ كو ئهڤ نووچه پشت راستكريه، خۆيا ژى كر كو هێزێن ههڤپشك ل ناڤا وهزارهتا پێشمهرگێ كوردستانێ و وهزارهتا ناڤخۆ و يهكا 80ێ يا پێشمهرگێ كوردستانێ پێكڤه يێ ڤێ ئۆپهراسيۆنێ ئهنجام ددهن.
جهمال مورتكه ژى فهرماندێ هێزێن پێشمهرگێ كوردستانێ راگههاند كو مهخمور دێ ب كێمتر ژ دهمژمێرهكا دى هێته كونترۆلكرن.
ههر ب گۆرهى ڤان پێزانينان نوكه هێزێن پێشمهرگێ كوردستانێ نێزيكى 70% يا مهخمورێ خستيه بن كونترۆلا خوه.
ئهڤرۆ نيوز:
ژێدهركى ژ ناڤا نهخۆشخانا زۆمار راگههاند كو هادى عامرى بهرپرسێ رێكخراوا بهدر يا حهشهد شهعبى كو ئێك ژ مهزنترين رێكخراوێن سهر ب حهشهد شهعبى ڤهيه، هاتيه كوشتن ل گهل جێگرێ خوه و مهزنه بهرپرسهكێ دژى يێ وان يێ برينداره.
ب گۆرهى ئهو پێزانينێن ئهڤرۆ نيوز شيايى ب رێيا فهرماندهكێ پێشمهرگهى ژ ناڤ نهخۆشخانا زۆمار ب دهست خوه بێخيت، د شهر و پێكدادانێن ئهڤرۆ يێن ناڤبهرا هێزێن پێشمهرگێ كوردستانێ و چهكدارێن حهشهد شهعبى دا، سهرۆكێ رێكخراوا بهدر، مهزنترين رێكخراوا حهشهد شهعبى و جێگرێ وى ئهبۆ تراب هاتينه كوشتن و مهزنه تيرۆرست ئهبۆ مههدى موههندس يێ يێ برينداره.
ديسا ژێدهرێن دهنگوباسان بهحس ل كوشتنا موقهدم جهعفهر بهرپرسێ پهيوهنديێن ليوا دو يێن هێزا بهرسڤدانا ب لهز دكهن كو ئهو ژى هاتيه كوشتن.
ئهڤرۆ نيوز:
سهرۆك وهزيرێن عيراقێ، حهيدهر عهبادى، ئهڤرۆ رۆژا پێنجشهمبى پێشنيازا حوكمهتا ههرێما كوردستانێ ب راگرتنا ئهنجامێن ريفراندۆمێ و راگرتنا شهرى و چوونا سهر مێزا دانوستاندنێ رهتكر ژ بوو چارهكرنا كێشهيێن ناڤبهرا ههرێم و بهغدا.
عهبادى د چارچۆڤێ دانوستاندنێن فهرمى دا ل گهل بهرپرسێن ئيرانێ گۆت: “ئهنجامدانا ريفراندۆمێ د دهمهكى دا هات كو ئهم د مژوولى شهرهكى بووين ل دژى داعش و مه پێكڤه شهرێ داعش دكر، مه ئهو هشيار كرن كو نهكهن ژى بهلێ يا بێ مفا بوو”.
زێدهتر گۆت: “پێرابوونێن مه يێن دستوورى ب تنێ بۆ سهرخستنا ههموو عيراقيانه، ستراتيژيا مه ژى ئهوه وان دهڤهران بێخينه بن دهستهلاتا دهولهتێ”، تهكست ژى كر “ئهم ب تنێ ب رهتكرنا ريفراندۆمێ د رازى نه”.
ئهڤرۆ نیوز :
دهمهك بهریا نها ل مێحوهرێ رۆژئاڤایێ دیجله چهكدارێن داعش هێرشهكا بهرفرههـ بو سهر هێزێن حهشد شهعبى و سوپایێ عیراقێ ل دهڤهرا زوممار كر و هێزێن عیراقى زێدهبارى زیانێن زور ، د ههمان دهم دا ل دهڤهرێ ڤهكێشان و رهڤین.
دڤى واریدا فهرماندیهكێ پێشمهرگهى ل زوممار كو نهڤیا ناڤێ خوه دیار بكهت و ناڤێ وى ل ئهڤرۆ نیوز پاراستیه بو ئهڤرۆ نیوز گۆت: ( دهمهكێ كێم بهرى نها چهكدارێن داعش هێرش بو سهر هێزێن حهشد شهعبى و سوپایێ عیراقێ ل دهڤهرا زوممار كر و زیانێن زور ب وان گههاندینه ، ئهڤه زێدهبارى كو هێزێن حهشد شهعبى و سوپایێ عیراقێ ل دهڤهرێ پاشڤه زڤرین و رهڤین )
ژلایهكێ دنڤه ههر ل مێحوهرێ رۆژئاڤایێ دیجله هێزێن پێشمهرگهى هێرشا حهشد شهعبى و سوپایێ عیراقێ بو سهر سهنگهرێن پێشمهرگهى ژناڤبر.
دڤى واریدا ههمان ژێدهرى بو ئهڤرۆ نیوز گۆت:( ئهو هێرشا كو ل مهحمودیه و بهدریه و رهبیعه سێ ههمهره و تانكهكا حهشد شهعبى ژناڤبرن و هێرشا وان ژى هاته ژناڤبرن)
ئهڤرۆ نیوز ، نهوزاد هلۆرى:
ئهڤرۆ سپێدێ ب فهرمانا حهیدهر عهبادى فهرماندهیێ بلند یێ هێزێن چهكدارێن عیراقێ شهرێ رزگاركرنا ناحیا قائیم و گوندێن دهوروبهر ژ دهستێ داعش دهست پێ كر.
د راگههاندنهكێ دا حهیدهر عهبادى دیاركر كو هێزێن عیراقى دهست ب لڤینان بو رزگاركرنا ناحیا قائیم كریه و دبیته دوماهى مولكێن تیرورستێن داعش ل عیراقێ ، كو ئهو ژى رزگاركرنا ناحیا قائیم و گوندێن دهوروبهره.
زێدهتر گۆت: ( داعشێ بتنێ رێیا خوه رادهستكرن یان ژى كوشتن ل بهر سینگه )
ژلایهكێ دنڤه ژێدهرێن سهربازى ل عیراقێ ددهن دیاركرن كو بریارا عهبادى ئهڤرو چویه دوارێ بجهكرنێ دا و شهرێ رزگاركرنا داعش ل قائیم دهست پێ كر و ژ سێ لایان ڤه هێرش بو رزگاركرنا قائیم دهست پێ كریه و ل دهمهكێ نێزیك دێ هێته رزگاكرن و تیرورست هێنه ژناڤبرن.
ئهڤرۆ نیوز ، نهوزاد هلۆرى:
پشتى درۆستبوونا شهر و روو ب رووبوونان دناڤبهرا هێزێن پێشمهرگهى و حهشد شهعبى و سوپایێ عیراقێ ، زێدهبارى كو هژمارهكا چهكدارێن حهشد هاتینه كوشتن و برینداركرن و هژمارهكا ترومبێلێن وان ژى ژناڤبرینه ، د ههمان دهم دا فروكهیهكا بێ فروكهڤان ژى یا حهشد شهعبى ئێخستهخوار.
سپێدهیا ئهڤرۆ ” پێنج شهمبى ” هێزێن پێشمهرگهى فروكهیهكا بێ فروكهڤان كو بو مهرهما چاڤدێریێ ژلایى حهشد شهعبى و سوپایێ عیراقێ دهاته بكارئینان ل مێحوهرێ سحێلا هاته ئێخستن.
ژێدهرێن هێزێن پێشمهرگهى ددهن دیاركرن كو ئهوان هێرشێن حهشد و سوپایێ عیراقێ ل سحێلا ژناڤبرینه و زیانێن زور ژى ب وان گههاندینه.
نيشاندان