ئەڤرۆ نیوز ، نەوزاد ھلۆری:
شڤێدی ل سنوورێ ناحیا عەیازیە یا سەر ب قەزا تەلەعفەر سێ چەکدارێن داعش دڤیا خوە بگەھینن سەنگەرێن پێشمەرگەی و خوە ب تەقینن ، بەلێ ژلایێ ھێزێن پێشمەرگەی تەقە ل وان ھاتەکرن و دوو ژ وان ھاتنە بریندارکرن و ئێکی ژی خوە تەقاند.
وەلید نورەددین ھەرکی ژ ھێزا پێشمەرگێ کوردستانێ ل ناحیا عیازیە بو ئەڤرۆ نیوز گۆت: (شڤێدی ل گوندێ خەرائیج ل سنوورێ ناحیا عەیازیە یا سەر ب قەزا تەلەعفەر سێ چەکدارێن داعش دڤیا خوە بگەھینن سەنگەرێن پێشمەرگەی و خوە ب تەقینن ، بەلێ ژلایێ ھێزێن پێشمەرگەی تەقە ل وان ھاتەکرن و دوو ژ وان ھاتنە بریندارکرن و ئێکێ ژ وان ژی ب نەچاری سپێدەھیا ئەڤرۆ خوە تەقاند ، بەلێ سوپاس بو خودێ چوو زیان ب ھێزێن پێشمەرگەی نەگەھشتن)
زێدەتر گۆت: (چەکدارێن داعش ورەیا وان نەمایە و نکارن بەرامبەر ھێزێن پێشمەرگەی شەری بکەن ژ وان دھێت د رەڤن و خوە ڤەدشێرن ل دەڤەرێن بلندێن ناحیا عیازیە و دەلیڤەکێ ببینن بەر ب سوریا بچن)
ل گورەی ئاخفتنێن ھەرکی دماوەیێ ٢٤ دەمژمێرێن بوری دا نێزیکێ ٣٠ ئافرەت و ٥٠ زاروکێم داعش خوە رادەستی ھێزێن پێشمەرگەی کرینە و پرانیا اران ژی داعش ب شەڤ دھێتە نێزیکێ سەنگەرێن پێشمەرگەی و دخوازن مفایی ژ تاریێ وەربگرن بو خوە دەربازکرن ژ سەنگەرێن پێشمەرگەی ، بەلێ پێشمەرگە دەلیڤا رەڤێ ب وان نادەتن.

ئەڤرۆ نیوز، ھەرھین محەمەد:
ئەڤرۆ رۆژا ئێکێ یا جەژنا قوربانا پیروز سنێلەک د رووبارێ خابیر ل قەزا زاخۆ خەندقی ، تیمێن نقومڤانان ژی شیان تەرمێ وی د رووباری دا دەربینن.
دڤی واریدا ” بیوارعەبدلعەزیز ” بەرپرسێ راگەھاندنا بەرەڤانیا باژێری بۆ ئەڤرۆ نیۆز گۆت: ( ئەڤرۆ رۆژا ئێکێ یا جەژنا قوربانا پیروز سنیلەک دژیێ ١٤ سالیێ دا بناڤێ (ح.ش.ع) د رووبارێ خابیرێ زاخو دا خەندقی ، و تیمێن نقومەڤانێن زاخو ژی شیان لاشێ وی ژ رووباری بینەدەر و رەوانەیێ نەخوشخانا داد ل زاخۆ بکەن)

ئەڤرۆ نیوز ، نەوزاد ھلۆری:
شەڤا بوری دەنگویا نەمان و گرانبوونا بەنزینێ و درۆستبوونا سرایێ ل چەند بەنزینخانەیەکێن سنوورێ پارێزگەھا دھۆک درۆست بو ، بەلێ ئەندامەکێ ئەنجومەنا پارێزگەھا دھۆکێ دوپاتکر کو چوو قەیرانێن بەنزینێ و گرانبوونا بەنزینێ ل دھوکێ درۆست نەبوینە.
دیندار عەبدی ئەندامێ ئەنجومەنێ پارێزگەھا دھۆک دیارکر کو چوو قەیرانێن گرانبوون و نەمانا بەنزینێ ل پارێزگەھا دھۆک نینن و گۆت: ( ھەر شڤێدی مە دووڤچوون لسەر وان دەنگویان کرن ئەڤێن کو ل بارا گرانبوون و نەمانا بەنزین و درۆستبوونا سرایێ کری ، بەلێ دەرکەفت چوو راستی بوو نینن و رۆژانە رێژەیەکا زورا بەنزینێ دھێتە دھۆک و ھەر تنێ شڤێدی ئێک ملیون لیترێن بەنزینێ گەھشتنیە بەنزینخانەیێن دھۆک و لسەر بەنزینخانەیان ژی ھاتینە دابەشکرن)
زێدەتر گۆت: ( رێژەیەکا زورا بەنزینێ ل کوگەھێن پارێزگەھا دھۆک ھاتینە خەزنکرن )
پێشتر عوسمان ئێتوتی بو ئەڤرۆ نیوز دیارکر بو ئەگەر خوە قەیران ژی درۆست ببیت ئەو دکارن بو دەما ٤٠ روژێن قەیرانێ ژی بەنزینێ لسەر بەنزینخانەیێن دھۆکێ دابەش بکەن و گۆت: ( رۆژانە بێی گیروبوون بەنزین دھێتە دھۆک و ئەم ل گەل ھەموو لایەنێن پەیوەندیدار و خودانێن بەنزینخانەیان ژی کومبووینە ، و دیسان مە داخوازی ل کومپانیێن زێدەتر کریە کو بەنزینێ بو دھوک بینن)