ئه‌ڤرۆ نیوز ، نه‌وزاد هلورى:
به‌رپرسێ مێحوه‌رێ رۆژئاڤایێ كه‌ركوكێ دیاركر كو تنێ هێزێن پێشمه‌رگه‌ى مافێ به‌ره‌ڤانیكرن ل پارێزگه‌ها كه‌ركوكێ هه‌یه‌ و هه‌ر پێشمه‌رگه‌ بوو ژى كو كه‌ركوك ل داعشان پاراستى و نها ژى دێ كه‌ركوكێ ژ ده‌ستدرێژى و نیه‌تێن خراپ یێن حه‌شد شه‌عبى پارێزیت.

كه‌مال كه‌ركوكى به‌رپرسێ مێحوه‌رێ رۆژئاڤایێ كه‌ركوكێ دكونگره‌یه‌كێ رۆژنامه‌ڤانى دا دیاركر كو ئه‌گه‌ر راسته‌ كو كورد و عه‌ره‌ب برانه‌ چه‌وا دێ هێزێن خوه‌یێن میلشیات بو نێزیك سه‌نگه‌رێن پێشمه‌رگه‌ى نینن و گۆت: ( هێزێن پێشمه‌رگه‌ى بێى جوداهى ئه‌ركێ پاراستنا كه‌ركوكێ ب ستوویێ خوڤه‌ كریه‌ و ژ ده‌ستێ داعش و گرۆپێن تیرورستى پاراستیه‌ و سه‌ر ب چوو حزبان نینه‌ و هه‌تاكو كوردستان هه‌بیت ژى دێ به‌ره‌ڤانیێ ل كه‌ركوك و هه‌ر جهه‌كێ دن و پێكهاته‌یێن كه‌ركوكێ كه‌ت ، هه‌ر هێز و گرۆپ و سوپایه‌كێ پێنگاڤان به‌ر ب ئاراسته‌یێ كه‌ركوك بهاڤێژیت دێ ب توندى به‌رسڤا وان هێته‌دان )

زێده‌تر گۆت: ( هه‌موو ئه‌و خالێن كو گرنگن بو پاراستنا كه‌ركوك ژلایێ هێزێن پێشمه‌رگه‌ى هاتینه‌ پاراستن و ئێك خالا پێشمه‌رگه‌ى ل كه‌ركوكێ نه‌هاتیه‌ چولكرن و هێزێن پێشمه‌رگه‌ى نیازێن خراب نینه‌ و بتنێ دێ به‌ره‌ڤانیێ كه‌ن و ئه‌و خالێن كو پاشڤه‌زڤرین هاتینه‌كرن ژى بتنێ بو زێده‌تر بهێزكرنا سه‌نگه‌ران بوویه‌)

دیاركر ژى كو حه‌شد شه‌عبى و سوپایێ عیراقێ چوو نیه‌تێن خێرێ نینن و گۆت ژى: ( حه‌شد شه‌عبى نكارن تشته‌كێ به‌رامبه‌ر پێشمه‌رگه‌ى بكه‌ن ژ به‌ركو پێشمه‌رگه‌ى گه‌لێ كوردستانێ ل پشته‌ و هه‌ر هێزه‌كا گه‌ل ل پشت بیت چوو هێز نكارن بشكێنن و مه‌ هه‌موو به‌رهه‌ڤى كرینه‌ و ئه‌ركێ مه‌ ژى بتنێ پاراستنا كوردستان و كه‌ركوكێ یه‌ ، و ئه‌گه‌ر ئه‌و هێزێن كو هاتینه‌ سنوورێ كه‌ركوك لڤینه‌كێ بكه‌ ندێ به‌رسڤا وان هێته‌دان و بره‌پرسیاره‌تى ژى بو وان دزڤیت)

ئه‌ڤرۆ نیوز ، هلورى:
پشتى كو شه‌ڤا بورى چه‌ند ته‌قه‌ ژلایێ هێزێن حه‌شد شه‌عبى هاتینه‌كرن ، دنهادا قایمقامیا دوزخورماتو دخوازن كو كه‌س سه‌ره‌دانا تاخێن توركمانان نه‌كه‌ن ژبه‌ركو دبیت ببنه‌ ئارمانجا هێزێن حه‌شد شه‌عبى.

ئه‌ڤرۆ قایمقامیا قه‌زا دوزخورماتو د رێیا ئاگه‌هداریه‌كێ دا داخوازێ ل هه‌موو وه‌لاتیان دكه‌ نكو سه‌ره‌دانا تاخێن توركان و ئه‌وان جهان نه‌كه‌ن كو ب هێلا ته‌ماس دهێنه‌ نیاسین ژ به‌ركو دبنه‌ ئارمانجا هێزێن حه‌شد شه‌عبى و ته‌قه‌ وان دهێته‌كرن.

د پشكه‌كان دن یا ئاگه‌هداریا قایمقامیا قه‌زا ناڤبرى هاتیه‌ كو نها قه‌ناس ب ده‌ستێن حه‌شد شه‌عبى ل ناڤ باژێرى هاتینه‌ به‌لاڤكرن و مه‌ترسى بو سه‌ر وه‌لاتیان درۆستكریه‌.

ل گوره‌ى زانیاریێن ئه‌ڤرۆ نیوز نها ته‌قه‌ هاتیه‌ راگرتن و پرانیا جاران ژى ب شه‌ڤ ته‌قه‌ دهێته‌كرن.

ئەڤرۆ نیوز ، هلۆری:

ژئەگەرا هاتنا هێزێن میلشیاتێن حەشد شەعبی و سوپایێ عیراقێ بو دەردورێن کەرکوکێ ب مەرەما دەستگرتن ب سەر بیرێن پەترۆلێ یێن نەفتا کەرکوکێ ، دنهادا هێزێن پێشمەرگەی د حالەتێ بەرهەڤیێ دانە ، پارێزگارێ کەرکوکێ ژی دیارکر کو سەرۆک بارزانی لسەر رەوشا کەرکوکێ لسەر خەتە.

نەجمەددین کەریم پارێزگارێ کەرکوکێ دیارکر کو هێزێن پێشمەرکەی و خەلکێ کەرکوکێ پێکڤە دێ بەرەڤانیێ ژ ئاخا کەرکوکێ کەن و گۆت: ( سەرۆکێ هەرێما کوردستانێ ب رێیا تێلەفونێ پەیوەندی ب من کریە ، لسەر بارودوخ و رەوشا کەرکوک هەموو بەرهەڤیێن خوە دەربرینە ، دنهادا سەرکردێن سەربازیێن پێشمەرگەی هەموو جهێن خوە موکومکرینە)

زێدەتر گۆت: ( دخوازین کو رەوشا کەرکوک بەر باشتر ڤە بچیت ژبەرکو شەری زیان بو هەموو لایەکێ هەیە و هەموو هێزێن کو هاتینە کەرکوک دڤێت بزڤرێن جهێن خوە ، پێشتر داعشان ژی ڤیا خوە بگەهینن کەرکوکێ ، رەوشا دەڤەرێ تێک بدەن بەلێ ب هەول و بزاڤێن پێشمەرگەی و خەلکێ کەرکوکێ ، کەرکوک هاتە پاراستن و هەموو ئەو پلان هاتنە شکاندن)