تایبەت ، نەوزاد ھلۆری:

چەند رۆژ بەریا نھا سەرا شەقەکێ کچەکا پارێزگەھا ھەولێرێ کەنەف کرە ستویێ خوە ، خوە خەندقاند ، کەسەک ژی لسەر زارێ برایێ ئەوێ کچێ چێروکێ بۆ ئەڤرۆ نیوز ڤەدگوھێزیت.
محەمەد سالح پێندرویی نڤیسکار و ڤەکولەرێ جڤاکی ددەت دیارکرن کو ل چەند رۆژێن بوری کچەکا ھەولێرێ ب کەنەفێ خوە خەندقاند و دوماھی ب ژیانا خوە ئینا و بۆ ئەڤرۆ نیوز گۆت: ( چەند رۆژ بەریا نھا من ھەڤالەکێ خوە دیت ب سەر و سیمایەک خەمبار ، من گوتێ خێرە ، ئەوی گوت ژ تە ناڤەشێرم ، مە خوشکەک ھەبوو کو تاقانەیا پێنج برا بوویە و گەلەک ژی يا خوشتڤی بوو ل دەف مە ھەمووان ، دایبابێن من ب ناز و نازداری ب خودانکربوو ، وبابێ من گەلەک حەژێ دکر ، ھەردەما ل دەما نڤستنێ سەرێ وێ لسەر چوکێ خوە ددانا و ل باوەشا خوە دگرت ، ب کورتی ئەڤ خوشکا مە گەلەک یا خوشتڤی و نازدار بوویە ل دەف مە ھەمووان ، بەلێ ب مخابنیڤە رۆژەکێ بابێ من ژ وێ عاجز دبیت ، ب عاجزبوونەکا کێم بەلێ خوشکا من چوو ھەدار و بێھنفرەھی لسەر ئەوی َعاجزبوونێ نەبوون ژ بەرکو چوو جاران تشتی َھوسا نەدیت بوو و ھەردەم دیتیە کو ڤیان و حەژێکرن ھەیە ژبەرڤێ یەکێ ب نەچاری رابو کەنەف کرە ستویێ خوە ، و خوە خەندقاند)
زێدەتر گۆت: (نھا دایکباب و برایێن وێ گەلەک د خەمن بو خوشکا خوە ب تایبەتی ل پاشەرۆژا وێ یا ئاخرەتی ، من گوتە برایێ وێ خودێ ئارامیێ بدەتن ھەوە و خودی َدلوڤانە بو خوشکا ھەوە ژی ، ل ڤێرە دخوازم کو دایباب سەرەدەریەکا باشتر ل گەل زاروکێن خوە بکەن ، و دخوازم ژی کو زاروک ژی ب تایبەتی کچ ھوسا زویکا ل مالا خوە ب بھانە نەچن ژبەرکو دنیا خوشی و نەخوشی یە و عاجزی دی َھەر ھەبن بەلێ لێبورین ژی ھەیە و ھەموو ئاریشەیەکێ ژی چارەسەریا خوە ھەیە و پێدڤی ب خوکوشتنێ ناکەت )

ئەڤرۆ نیوز ، نەوزاد ھلۆری:
وەزارەتا باژێرڤانیی و گەشت و گوزار بریار دایە کو بەرامبەر ھاڤێتنا گلێشێ مالان کوژمەکێ پارەی ھەیڤانە ژ وەلاتیان و دوکان و بازاران بھێتە وەرگرتن ، بەلێ ئەڤ یەک وەلاتیێن گوندێن سەر ب قەزا بەردەرەش ناگریت ژبەرکو باژێرڤانی گلێشی َوان ناھاڤێژیت.
ناسر چاربوتی وەلاتەیکێ گوندێ دولێجانا مەزنە ل سنوورێ قەزا بەردەرەش بۆ ئەڤرۆ نیوز گۆت: (ل ھەموو کوردستانێ باژێرڤانیی دچیتە بەر دەرگەھێن مالان و بەرمایکێن وان رادکەت و دھاڤێژیت بەلێ ھەتا نھا ئەڤە چەندین سالە ھێشتا باژێرڤانیێ بەرمایک و گلێشێ گوندی َمە و چەند گوندەکێن دەردورامە ژی ناراکەت ، ب نەچاری وەلاتیێن ئەوان گوندان ژی گلێش و بەرمایکێن خوە ھەر ناڤا گوندی بجە دھێلن و ئەڤ یەک ژی بوویە سەدەم کو بێھنەکا نەخوش ل ناڤا گوندی پەیدا ببیت و زاروک توشی نەخوشیان ببن)
زێدەتر گۆت: ( ئەگەر باژێرڤانیی بەرھەڤ بیت بەرمایکان رابکەتن و ل جھەکێ تایبەت ب ھاڤێژیت ئەم ژی بەرھەڤین کو پارەیێ ھاڤێتنا وان بدەین ئەگەر دووقات ژی بیت ژبەرکو دەڤەرێن دەشت وەکو دەڤەرێن چیایی نینە ، یێ، چیای دکارن ب ساناھی بھاڤێژن بەلێ ئەم نەشێن ل چ جھان بھاڤێژین)
عومەر سەرۆکێ باژێرڤانیا بەردەڕەش بۆ ئەڤرۆ نیوز گۆت: (ل سنوورێ قەزا بەردەرەش چوو بریار نین نکو باژێرڤانی بچیتە ناڤا گوندان بو کومکرنا بەرمایک و گلێشان بەلکو دڤێت وەلاتی بەرمایکێن خوە ل لسەر رێیێن گشتی کوم بکەت و ترومبێلێن باژێرڤانیێ تنێ دشێن لسەر رێیێن گشتی گلێش و بەرمایکان راکەن )
زێدەتر گۆت: ( چوو بریار ژی بوومە نەھاتینە کو بەرامبەر راکرنا بەرمایکان پارەیان ژ وەلاتیان وەربگرین ، پێدڤی یە حکومەت ب زوترین دەم ئاریشەیا ھاڤێتنا بەرمایکێن گوندێن سنوورێ قەزا بەردەرەش چارەسەر بکەت)

ئەڤرۆ نیوز ،بێوار حسێن:
پشتی ٢٥ رۆژان ژ خەندقینا وەلاتیەکێ رەواندوز ل رووبارەکێ سنوورێ قەزا سوران ، ئەڤرۆ تەرمێ وی ھاتە دیتن.
دڤی واریدا رائید بەیار بالەکی بەرپرسێ راگەھاندنا بەرەڤانیا باژێری ل سوران بۆ ئەڤرۆ نیوز گۆت: ( پشتی ٢٥ رۆژ گەران و پشکینین بۆ تەرمی ولاتی حسن عمر ژ دایک بووی ١٩٩١ پێشمەرگەی ل رووبارێ دەربەندەک ل سنوری ناحیا خلیفان ، ل دوماھیێ ئەڤرۆ تەرمێ وی ژلایێ وەلاتیەکێ ھاتە دیتن و ئاگاداریا پولیسان کرد ب زووترین دەم تیمین گەھشتنە جھێ روودانێ ب ھاریکاریا وی وەلاتى تەرم ب ناڤ رووباری دا ئینا دەرێ و وە رەوانەی نوژداریا داد ل سوران کر )
زێدەتر گۆت : ( ئەڤ کەسە ل رێکەفتی ٤/٦/٢٠١٧ ل گەل سێ وەلاتیێن ھەولێرێ ب مەرەما دەمبوراندن قەستا رووبارێ گەلی عەلی بەگ بەلێ ب مخابنیڤە ئەو و ل گەل ھەڤالەکێ خوە کەفتنە د روباری دا و خەندقی)

ئەڤرۆ نیوز ، نەوزاد ھلۆری:
دەردورێن مەغرەب د روودانەکا ھاتن و چوونێ دا ل سنوورێ دەڤەرا  ئەلقوش یا سەر ب پارێزگەھا موسل چوار کەسان ژ ئێک خێزانێ دا گیانێ خوە ژ دەست دا.
ئازاد تەھا بەرپرسێ راگەھاندنا رێڤەبەریا گشتی یا ھاتن و چوونا دھۆکێ تایبەت بو ئەڤرۆ نیوز گۆت: ( ئەڤرۆ دەردورێن مەغرەب د روودانەکا ھاتن و چوونێ دا ل سنوورێ ئەلقوش یا سەر ب پارێزگەھا موسل چوار کەس ژ ئێک خێزانێ گیانێ خوە ژ دەستدایە)
زێدەتر گۆت : (ئەو خێزان ژ چوار کەسان پێکدھات کو ئەو ژی دایک و باب و دوو زاروک بوون و ھەر چواران گیانێ خوە ژ دەستدا ، و روودان ژی لسەر رێیا بەدریک بو ئەلقوش دروست بوویە دناڤبەرا ترومبێلەکا تایبەت ژ جورێ ئوپیرا و ترومبێلەکا بارھەلگر )

ئەڤرۆ نیوز ، نەوزاد ھلوری:
ئێڤاریا ئەڤرۆ گەنجەکێ دەڤەرا بەرواری ژێری ل سنوورێ قەزا ئامێدیێ د بیرەکا ئاڤێ دا خەندقی.
دڤی واریدا بێوار عەبدولعەزیز بەرپرسێ راگەیاھندنا بەرەڤانیا باژێری ل دھۆکێ بۆ ئەڤرۆ نیوز گۆت: ( ئێڤارا درەنگی یا ئەڤرۆ گەنجەکێ گوندێ سپیندارێ یا سەر ب دەڤەرا بەرواری ژێری ل سنوورێ قەزا ئامێدیێ بناڤێ نوژدار عەبدولسەلام محەمەد کو ژیێ ١٦ سالن د بیرەکا ئاڤێ دا ل جھەکێ بناڤێ چەلوک ل ناحیا چەمانکێ خەندقی یە )
زێدەتر گۆت: ( ئەو گەنجە بو مەرەما دەم بوراندن و مەلەکرنێ قەستا چەلوکێ یا سنوورێ ناحیا چەمانکی کریە ، تەرمێ وی ژلایێ وەلاتیێن دەڤەرێ ھاتیە دەرئینان)