ئەڤرو نیوز ، رۆژھات لوقمان:
پشتی نیڤرویا ئەڤرو فروکێن شەرکەرێن تورکی ب بھانەیا ھەبوونا بنگەە و بارەگایێن پارتا کرێکارێن کوردستانێ دەڤەرا ئامێدیێ بوردومانکر.
دڤی واریدا وەلاتیەکێ کومەلگەھا سیریێ یا سەر ب ناحیا شێلادزێ بناڤێ ” ئەیوب عەلی ” بۆ ئەڤرو نیوز گۆت: (ئەڤرو پشتی نیڤرو فروکێن شەرکەرێن تورکی ب دژواری دەڤەرا نێروەورێکان و دوسکی ژوری و دەڤەرا نێھل و بەرێ گارێ یا سەر ب قەزا ئامێدیێ بوردومانکر ئەڤ د دەمەکێ دایە کو ھژمارەکا زور یا خەلکێ ئەوان دەڤەران قەستا ناڤ رەز و بیستانێن خوە کریە ژبەرڤی َدخوازین کو پەکەکە ل وان دەڤەران نەمینن داکو فورکە بوردومانا دەڤەرێ نەکەن )
ل گورەری ئاخفتنێن ناڤبری ھەتا زیان ل پەی بوردومانا فروکێن تورکی بو دەڤەرێ درۆست بوینە بەلێ ژبەرکو دەڤەر دھاتە بوردمانکرن کەسێ چوو ژ زیانێن وێ نەزانی.

ئەڤرو نیوز ، لەزگین جوقی:
ل بارا ئەنجامدانا ریفراندوم و سەربخویا ھەرێما کوردستانێ بنگەھێ لالش یێ رەوشەنبیری و جڤاکی کو سەر ب جڤاتا روحانیا ئێزدیانە ، ھەلویستێ خوە راگەھاند کو ئەڤا ل خوارێ دەقا وێ یە.

پشتی دەھێن سالان قوربانیێن گران،ئەوێن گەلێ مەی کوردستانێ پێشکێشکری کو پێنووس نکاریت دەربرینێ ژ وێ زیان و زەرەرێ بکەت ل سەرتەڤایا ئاستێت مرۆڤایەتی و ئابووری و ژینگەھێ ، ژناڤبرنا ب ھەزارا گوندا و راکرنا خەلکێ وان ، تاوانێن ئەنفالا و لێدانا وان ب گازا ژەھراوی ،نێزیک بوویە رۆژا ئازادیێ بھەلیت ل سەر ئەردێ کوردستانێ داکو گەلێ کوردستانێ ببنە سەروەرێ ئاخا خوە یا دیرۆکی بێ ھیچ دەسەلات و داگێرکرنەکێ ژبلی کوردا .
ب گرنگیدانەکا مەزن مە دیڤچوون کریە و دیڤچوونا پێنگاڤێن سەرکردایەتیا ھەرێما کوردستانێ دکەین بەرەف راپرسینا مللی بۆ مافێ چارەنڤیسێ کوردستانێ ، ھەڤرکییا کاودانێن ناڤخۆی یێن ھەرێمایەتی یێن ئالۆز و رێڤەچوون بەرەف کەش و ھەوایەکی ئازاد سەرەرای ھەمی ئاستەنگان ،ئەم باش ھەست دکەین کو ئەو پەککەفت و ئاستەنک ناکەڤنە بەرامبەری ڤیانا وی گەلێ تێھنیێ ئازادیێ و قورتالبوویێ بن دەستیێ ، نەخشێ ئاواتێن رەوا ھاتە کێشان ب رۆناھیا رۆژا بیست و پێنجی ئەیلولا داھاتی وەک ژڤانێ ئەن.

بنگەھێ لالش

ئه‌ڤرۆ نیوز:
وه‌لاتیێن شاهنشینا سعودیێ هه‌وه‌كا مه‌زن ل سه‌ر تۆرێن جڤاكی بۆ پشته‌ڤانیكرنا سه‌رخوه‌بوونا كوردستانێ ده‌ست پێ كریه‌.
وه‌لاتیێن سعودی ب هاشتاگێ (SaudiWithKurdistan#) ئانكو سعودیه‌ د گه‌ل كوردستانێ دایه‌ د ئه‌ڤرۆ دا ب سه‌دان پۆستێن ب وی جۆری به‌لاڤ كرینه‌ و وێنه‌یێ هه‌ره‌ به‌لاڤ د وان پۆستان دا وێنه‌یێ ئالایێ كوردستانێ د گه‌ل یێ سعودیێ یه‌.
هنده‌ك چاڤدێر دیار دكه‌ن كو ئه‌ڤ پشته‌ڤانییا به‌رفره‌هـ یا سعودییان وه‌ك كارڤه‌دانه‌كا وانه‌ دژی ئیران و ئیراق و ب تایبه‌ت توركیا كو د قه‌یرانا قه‌ته‌رێ دا پشته‌ڤانییا قه‌ته‌رێ دكه‌ت و بریار دا یه‌ بهزاران سه‌ربازێن تورك بهنێریته‌ وی وه‌لاتی.
هنده‌ك چاڤدێر ژی دبێژن بهێزبوونا په‌یوه‌ندیێن هه‌رێما كوردستانێ د گه‌ل سعودیێ كاریگه‌رییا خوه‌ ل سه‌ر خه‌لكێ وی وه‌لاتی هه‌یه‌.

ئەڤرو نیوز :
ئەحمەد تورک سیاسەڤانێ ناڤدارێ باکورێ کوردستانێ دیارکر کو ئەوی ژ نێزیک چەندجارەکان عەبدولا ئوجەلان سەروکێ پارتا کرێکارێن کوردستانێ دیتیە و رازی بوویە کو مەسعود بارزانی وەکو سەرۆکێ کونگرەیێ نەتەوەیێ کوردی بھێتە دەستنیشانکرن.

ئەحمەد تورک سیاسەتڤانێ باکوورێ کوردستانێ زێدەتر گۆت: (مە زور بزاڤ کریە کو ل باکورێ کوردستانێ پروسەیا ئاشتیێ سەر بگریت ، و ئەگەر پەکەکە پێنگاڤان بو ئاشتیێ بھاڤێت چوو کارتێکرن ل دەرڤە ل وان ناکەن ، ل ڤێرە گرنگ و پێدڤی یە کو مەسعود بارزانی و جەلال تالەبانی کو دناڤبەرا وان و تورکیا یا خوشە بزاڤێن جدی بو ئاشتیێ بکەن ل باکوور ژبەرکو بەری نھا چەندین جاران کومبوون ھاتینەکرن بەلێ چوو ئەنجام نەبوینە )
زێدەتر گۆت: ( ئوجەلان ل گەل پروسەیا ئاشتیێ یە و ددەتن دیارکرن کو نھا تاکە رێک کوردان ب مافێن وان شاد بکەت رێیا ئاشتیێ یە و پێدڤی یە شەرێ چەکداری بھێتە راگرتن)
تورکی د درێژاھیا ئاخفتنێن خودا بو رووداو گۆت: (من ژ نێزیک ئوجەلان یێ دیتی بەلێ نە ل جھێ وی ، بەلکو ل جھەکێ تایبەت و ئەو ئاگەھدارێ رەوشا باکوورە و زانیاری لسەر بارودوخ و پێنگاڤێن سیاسی و ھەموو گورانکاریان ھەیە ، ئەو دەما کو ئەم لدەف وی ئەوی سلاڤ بو سەروک بارزانی ھنارتینە و دخواست کو ئەو بو پروسەیا ئاشتێ ھەڤکاریا باکوور بکەت و ئەگەر ھات و کونگرەیا نەتەوەیی ھاتە ئەنجام دان دخوازیت کو مەسعود بارزانی وەکو سەروکێ ئەوێ کونگرەیێ بھێتە دەستنیشانکرن ، بەلێ پەکەکە ل ڤێ یەکێ دلگران بوون و ئوجەلان ژی گوتە وان بلا سەروک ئەنجامێن کونگرەی دەستنیشان بکەت ، ب ھزرا من ئوجەلان زور کورتر ژ ئەڤان بابەتان دنێریت)