ئەڤرۆ نیوز ، ھلۆری:
سەرۆکێ ھەرێما کوردستانێ د چارچوڤێ دیدارەکا رۆژناما ” الحیاە” دیارکر ئەنجامدانا ریفراندۆمێ ل ھەرێما کوردستانێ چوو پەیوەندی ب لایەنێن سیاسی ڤە نینە و بریارا وێ د دەستێ گەلێ کورد دایە و پەشیمان بوون ژی بوو نینە بەلکو ئەڤ یەک نووترین شێوازێ پێکڤە ژیانێ یە کو ھەرێما کوردستانێ نەبویوە شەراکەتا راستەقینە ل گەل عیراقێ و چوو پێگری ب دەستوورێ عیراقێ نەھاتینەکرن.
سەروک بارزانی دیارکر ژی کو ئەو دخوازن ل دەما کونترولکرنا باژێرێن تەلەعفەر و قایم و حەویجە کێمترین زیان ب خەلکێ سڤێل بگەھن و گۆت: ( ژ روویێ کریاری ڤە داعشێ چوو ھێز نەمایە کو بەرەڤانیێ ژ خوە بکەت ، ل دەستپێکێ ئەم ل وێ باوەریێ بووین کو ئەرکێ کونترولکرنا تەلەعفەر د ستوویێ سوپایێ عیراقێ دایە ل گەل ھێزێن نیڤدەولی ، ئەوێن کو ل تەلەعفەر مایی تورکمانێن سونەنە و پشکەک ژ وان ھەڤکاریا داعشێ کریە و مەترسی ھەیە د ئەرکی َکونترولکردنێ دا تولا خوە ڤەکەن و رەنگە زاروک و ئافرەتان ژی بخوڤە بگریت )
بارزانی د درێژاھیا ھەڤدیتنا خوە ل گەل رۆژناما ناڤبری دیارکر ژی کو ئەنجامدانا ریفراندۆمێ و پێنگاڤێن بەر ب سەربخووەبوونێ ، پرسەکا ئاشتیانەیە و دویرە ژ توندوتیژیێ و گۆت ژی: (مەرەما سەرەکی ژ ریفراندۆمێ رێگرتنە ل کارەسات و شەرێن نوو ، ئەم ل گەل شەری نینن بەلکو بەردەوام دژی شەرابووینە و مە برایەتی و پێکڤەژیان ڤیایە ، سەرکرداتیا سیاسیا کوردستانێ بریار لسەر ئەنجام دانا ریفراندۆمێ دایە کود نھادا بھێتە ئەنجام دان و پاشڤە زڤین ژی بوو نینە و مە دڤێت ئیرادا گەلێ کورد نیشا جیھانێ بدەین ، ھەر کەسەکێ بێژیت دەم نینە ئەم دبێژین وان کەنگی دەمە ، مە رێیا ئازاد و ھەڤپشک ل گەل عیراقێ تاقیکر بەلێ یا سەرکەفتی نەبوو ژبەرڤێ گەلێ کورد بریاردایە کو ریفراندۆمێ بو سەربخوەیێ ئەنجام بدەت و مە نەڤێت جارەک دن ئەزموونا سەد سالی یا شکەستی ل عیراقێ دووبارە بکەین ڤە و پێدڤی یە وەلاتێن ھەرێمی ل وێ یەکێ تێبگەھن کو ئەم ئەگەرا ئەمن و ئاسایش و سەقامگیریا دەڤەرێ نە ، و ئەنجامدانا ریفراندومێ ژی ب رامانا راگەھاندنا شەری ل گەل وەلاتێن ھەڤسوو ناھێن و مە باوەری ب دوستاتیێ ھەیە ب تایبەتی ل گەل تورکیا )
سەرۆکێ ھەرێما کوردستانێ ئەو یەک ژی روونکر کو ئەوان داخوازا درۆستکرنا چوو پارتان ل تورکیا نەکریە و ڤەکرنا نڤیسینگەھا پارتی ژی ل تورکیا تشتەک نورمالە ئەگەر بھێتەڤەکرن و گۆت ژی: ( ریفراندۆمێ چوو پەیوەندی ب لایەنێن سیاسی ڤە نینە و بتنێ وەلاتیان ماف ھەیە دەنگی بو بدەن و نابیت کەس ژی ب مولکێ خوە بدانن ، کومسیونا بلندا سەرخویێ ژ ھەر شاشیەکا تەکنیکی بەرپرسیارە و نھا بزاڤ دھێنە کرن بو ئاسایکرنا ھەر ئەگەرەکێ ، و دەنگدان ل ھەرێما کوردستانێ دێ ب شێوەیێ کاغەزی بیت بەلێ بو ئەوێن ل دەرڤە نھا کومسیون د بزاڤا دایە بو دیتنا چارەسەریەکا گونجای )
ھەبوونا پەکەکێ ل شنگال نەیا قانونی یە و ئەم رێکێ نادەین چوو ھێزەکا نەفەرمی ل دەڤەرێ ھەبیت و ئەم نھا بزاڤان دکەین کو چوو رووب روو بوونێن سەربازی ل دەڤەری َدرۆست نەبن و تنێ خەلکێ شنگالێ ماف ھەیە چارەنڤسیێ دەڤەرا خوە ئێکلا بکەن ، مە چوو پەیوەندی و ئاریشە ل گەل حەشد شەعبی نینە بەلێ ئەم رێکێ ب چوو ھێزان ژی نادەین کو بھێنە ناڤا ئاخا ھەرێما کوردستانێ کو دڤێت دژی داعش شەری بکەن ب تایبەتی د چارچوڤی َ کونترولکرنا موسل دا ، مە ھەماھەنگی ل گەل حەیدەر عەبادی ھەیە و چوو جاران داخوازا شەری ناکەین و ئەم دەستپێشخەر ژی نابین بەلێ ب پشتراستی ڤە مە مافێ پاراستن ژ خوە ھەیە ، پێشتر ژی چوو ئاریشەیێن ھەلاویستێن دناڤبەرا ھەرێم و عیراق نەھاتینە چارەسەرکرن و ھەموو رێکەفتن ژی ھاتینە ھەلوەشاندن ، ئەگەر ئەم رێفراندومێ ئەنجام بدەین ئەڤە رامان ئەوە مە دەست ب شێوازەکێ نوو یێ پەیوەندیان ل گەل عیراقێ کر ، و پشتی ریفراندومێ دی َدەست ب چارەسەرکرنا ھەموو ئەوان ئاریشەیان کەین یێن کو دناڤبەرا ھەرێم و عیراقێ ھەی و ئێک ژ وان ژی دوسیا پەترولێ یە ، بارزانی ھوسا گوت.
بارزانی ل بارا کەرکوکێ دیارکر کو ئارمانجا ئەوان وەکو ھەرێما کوردستانێ ئەوە کو کەرکوک ببیتە نموونەکا پێکڤە ژیانا ئولی و نەتەوەیی و دەستوورێ عیراقێ بتنێ گەرنتی بوو بو پاراستنا ئێکپارچەیا عیراقێ دکر بەلێ عیراقێ ئەڤ یەک بجھنەکر.

ئەڤرۆ نیوز ، نەوزاد ھلۆری:
ئەڤرۆ ل ھەولێرێ ھژمارەکا پارت و لایەنێن سیاسیێن رۆژھەلاتێ کوردستانێ د کونگرەیەکێ رۆژنامەڤانی دا وەسیەتا قازی محەمەد خواند و پشتەڤانیا خوە بو سەرئێخستنا ریفراندۆما ھەرێما کوردستانێ دوپات کرد.
عەلی کورێ قازی محەمەد وەسیەتا بابێ خوە خواند و دیارکر کو پێدڤی یە ھەموو لایەنێن سیاسێن کوردستانێ کار بو سەرئێخستنا ریفراندۆمێ بکەن و بێژن بەلێ بو سەربخویا کوردستانێ ، و بەری نھا ژی زور بزاڤ دھاتەکرن کو بابێ من پەنایێ بو دەولەتبوونێ نەبەت بەلێ بابێ من ئەڤ یەک کر.
ل گورەی وەسیەتا قازی محەمەد ئەی وەلاتیێن کورد ھیڤیە ھوون ھەموو ئێکگرتی بن بەرامبەر دوژمنی و ھەردەم ھوون پشتەڤانێن ھەڤدوو بن و دەستان ژ شورشان بەرنەدەن ، بەردەوام بخوونن و خوە پێبگەھینن بو درۆستکرنا دەولەتەکا کوردی و دوژمنێن گەلێ کورد زورن و ھەردەم ژی د ئێکگرتینە ، و تنێ ئێکگرتن و ئێکرێزی ملەتان درۆست دکەت و ھوون ژ ملەتێن دن کێمتر نینە بەلکو ئەو بتنێ ب ئێکگرتنێ یێن رزگاربووی.

ئەڤرۆ نیوز ، نەوزاد ھلۆری:
چەند خولەکەکان بەریا نھا پشتی داوی ھاتنا کومبوونا دناڤبەرا پارتی و ئێکەتی د کونگرەیەکێ رۆژنامەڤانی دا مەلا بەخیتار ناڤەروکا وێ کومبوونێ دیارکر ،  ، و نێچیرڤان بارزانی دیارکر کو چەند لژنەیەک ھاتینە پێکئینان بو پێداچوون د سیستەمێ موچەیی دا.
نێچیرڤان بارزانی سەرۆکێ حکومەتا ھەرێما کوردستانێ د کونگرەیەکێ رۆژنامەڤانی دا دیارکر کو ئەگەر بارودوخی َدارایی َھەرێما کوردستانێ بەر ب باشتر بچیت دێ ئێکسەر پێداچوون د سیستەمێ موچەیی دا ھێتەکرن و گۆت: ( ھەتا نھا ئەم لسەر ئەوی سیستەمی دچین ئەڤێ کو پێشتر ل گەل حکومەتا عیراقێ موچە لسەر دھاتن دان و نھا ئەم مژولێ چێکرنا سیستەمەکێ تایبەت یێ دانا موچەیانە کو تایبەت بیت ب ھەرێما کوردستانێ ڤە و نھا لژنێن مە کار لسەر پێداچوونا موچەیی دکەن )
زێدەتر گۆت: ( ھەتا نھا چوو تشت نینن بو پاشئێخستنا ریفراندۆمێ و ھەر کەسێ داخوازا پاشئێخستنێ ژی کربیت مە داخواز ل وان کریە کا چوو ل شوونا وێ بھێتەکرن )
ژلایەکێ دنڤە مەلا بەختیار بەرپرسێ دەستا مەکتەبا سیاسیا ئێکەتیا نیشتمانیا کوردستانێ دیارکر کو ئەو و پارتی رێکەفت کو لژنەکێ بێک بینن و رێکەفتنەکا نوو ل گەل پارتی گرێدەن و گۆت: (ب ھزرا مە قوناغا رێکەفتنا ستراتیجیا دناڤبەرا ئێکەتی و پارتی دوماھی ھایە و ئامانجێن خوە ب دەستڤەئینان ، و ئیرو وێڤە ب رێیا رێکەفتنەکا نوو دێ بەردەوامیێ ب کارێن خوە دەین ،ل چەند رۆژێن بھێت ژی دێ ھەلویستێن لایەنێن سیاسی ل بارا کاراکرنا پەرلەمانی ھێنە راگەھاندن)

ئەڤرۆ نیوز ، سالار دۆسکی:

سەرۆکێ فەرمانگەھا ھەماھەنگیێ و دوڤچوونێ ل حکۆمەتا ھەرێما کوردستانێ دیارکر کو کو شنگال و ئێزدی پارچەکن ژ کوردستانێ و کەس نەشێت ژ کوردستانێ ڤەکەن ،و بزاڤێن مە بو رزگارکرنا وان ئێزدیێن دەستێ داعش د بەردەوامن.
د.نوری ئوسمان عەبدولرەحمان سەرۆکێ فەرمانگەھا ھەماھەنگیێ و دوڤچوونێ ل حکۆمەتا ھەرێما کوردستانێ بۆ ئەڤرۆ نیۆز گۆت: (برایێن ئێزدی ل کیڤە بچن و دێ ب دووڤ دا چین و مە زانیاری ھەنە ئێزدیێن دەستێ داعش دا ل حوێجە و تەلەعفەر ماینە ، نێزیکێ شەش ھزار ٤٠٠ کەسێن ئێزدی کەفتینە دەست داعش ژ وانان زێدەتری سێ ھزار کەسان ھاتینە رزگارکرن و دیڤچوون و لێگەریان بو رزگارکرنا یێن بەردەوامە )
زێدەتر گۆت: (ھەتا نھا ١٠ گورێن ب کوم ھاتینە دیتن و دبیت ئەڤ دەڤەرێن کو ھەتا نھا نەھاتینە رزگارکرن ھێشتا ھەبن ، پشتی دھێنە ئازادکرن دێ خزمەتێن مەزن بۆ ھێنەکرن وەک سەنتەرێ چارەسەرکرنا دەروونی و چارەسەکرنا جەسەدی دکارین رێکخراوێن نیڤدەولەتی و زانکۆ و کەسانێن شارەزا بینین سەرخەت داکو چارەسەیێن بلەز بۆ ئەڤان کەسان بھێنە دیتن و دیسا گەلەک ژ ئەڤان رزگارکریان ب مەرەما وەرگرتنا چارەسەریان بو وەلاتێن بیانی ھاتینە رەوانەکرن و مە رێکەفتن ل گەل ھەرێمەکا وەلاتێ ئەلمانیا ھەیە بۆ چارەسەرکرنا رزگارکریان)
دیارکر ژی کو ئارمانجا سەرەکی ئەوە جارەکا دی شنگال بھێتە ئاڤاکرن و ئاوارە بچیتە سەر جە و وارێن خوە و گۆت ژی: ( حوکمەتا ھەرێما کوردستانێ ژی دووپاتیێ ل سەر وێ یەکێ کریە کو شنگال و ئێزدی پارچەکن ژ کوردستانێ و کەس نەشێت ژ کوردستانێ ڤەکەت)

ئەڤرۆ نیوز ، نەوزاد ھلۆری:
وەسا بریار کو ئەڤرۆ ل سەنتەرێ باژێرێ دھوکێ ھژمارەکا رێکخراوێن پارێزگەھا دھوکێ کەمپینەکا پشتەڤانیێ بۆ پرسا ریفراندۆمێ رابگەھینن.
دڤی وارید ” ھێرش رەشید ” ئێک ژ رێکخەرێن ئەوێ کەمپینێ بو ئەڤرۆ نیوز گۆت: (ئەم وەکو رێکخراوێن جڤاکێ سڤێل و چەند رێکخراوەکێن دن ب مەرەما پشتەڤانیکرن ل پروسا ریفراندۆم بۆ سەربخویی یا کوردستانێ دێ کەمپینەکا پشتەڤانیێ راگەھینین و تێدا زێدەتری ٢٠ رێکخراو پشکدارن)
زێدەتر گۆت: (ل دەمژمێر ١١ێ سپێدێ ئەڤرۆ رۆژا سێشەمبی ل نیڤا بازارێ باژێرێ دھوکێ دێ کەمپین ھێتە راگەھاندن و دێ بەیانمایەک ھێتەخواندن و دوڤدا کەمپین دی َکارێن خوە ل ھەموو کوردستانێ دەست پێ کەت ب ئەنجام دانا چالاکیێن ژێکجودا)
دھێتە زانین ل ھەردوو پارێزگەھێن ھەولێر و سلێمانیێ ژی ھەمان کەمپین بو پشتەڤانیکرنا ریفراندۆمێ ھاتینە پێکینان.

ئه‌ڤرۆ نیوز:
هه‌رێما كوردستانێ پلانا خوه‌ بۆ ئاڤاكرنا 14 به‌نداڤان دیار كر ب مه‌ره‌ما پشتراستكرنا تژیكرنا پێدڤییا ئاڤێ ل هه‌رێمێ.
عه‌بدولستار مه‌جید، وه‌زیری چاندن و ژێده‌رێن ئاڤێ یێ هه‌رێما كوردستانێ ئه‌و پلانه‌ ئاشكرا كر و گۆت: پێدڤییا هه‌رێمی ب ئاڤێ زێده‌بوویه‌ ژبه‌ر بكارئینانا وێ یا نه‌رێكخستی.
هه‌روه‌سا ناڤهاتی دوپات كر كو هه‌تا هه‌كه‌ر توركیا شه‌رێ ئاڤێ دژی هه‌رێما كوردستانێ بكه‌ت، ئه‌و پلانا حكومه‌تا هه‌رێمێ دێ تێرا هه‌رێمێ ئاڤێ دابین كه‌ت.

ئەڤرۆ نیوز ، ھلۆری:
ئەڤرۆ کومبونا كۆمیتا بلند یا ریفراندۆمێ ب سەرپەرشتیا بارزانی دوماھی ھات و شاندێ حکومەتا ھەرێما کوردستانێ بو بەغدا ژی پێکئینا بو دانوستاندن لسه ر پرسا ریفراندۆمێ.
کومبوونا كۆمیتها بلند یا ریفراندۆمێ ب سەرپەرشتیا مەسعوود بارزانی سەرۆکێ ھەرێما کوردستانێ دوماھی ھات و شاندێ حکومەتا ھەرێما کوردستانێ بو بەغدا ژی پێکئینا کو پێکدھێت ژ ” د.رۆژ نوری شاوەیس ژ پارتی دیموکراتی کوردستان ، فوئاد حسێن ل دیوانا سەروکاتیا ھەرێما کوردستانێ ، سەعدی ئەحمەد پیرە ژ ئێکەتیا نیشتمانیا کوردستانێ ، محه‌مه‌د هاودیانی ژ ئێکگرتویا ئیسلامی یا کوردستانێ ، و ڤیان دەخیل وەکو نونەرا ئێزدیان و مەلا ماجد عوسمان ژی ژ پێکھاتەیا تورکمانان ھاتنە پێکئینان و ھێشتا نونەرێ مەسیحیان کو دھێتە پێشنیارکرن كو ارام گورگیس و رومیو ھەکاری بیت نەھاتیە ئێکلاکرن.
ژێدەرەکێ بۆ ئەڤرۆ نیوز دیارکر كو ھەر شاندەکێ ژلایێ حکومەتێ بھێتە پێکئینان بۆ سەرەدانا ھەر وەلاتەکێ دێ ژلایێ سەروکێ ھەرێمێ و جێگری وی ھێنە پێکئینان و دەستنیشانکرن ژبەرکو ئەو ھاتینە راسپاردن بو دیارکرنا شاندێن وەلاتێن جیھانێ ل بارا پرسا ریفراندۆمێ و سوبه‌ هى كۆمیته‌یا به‌غدا دێ ئێكه‌م كۆمبوونا خوه‌ ل مالا دكتور رۆژ نووری شاوەیس كه‌ن و چاڤه‌رێیه‌ د چه‌ند رۆژێن بهێت دا كۆمیته‌ بچیته‌ به‌غدا.