ئه‌ڤرۆ نيوز:
فەرماندەکێ پێشمەرگەی ل شنگال دیارکرکو نوکە حەشدا شەعبی یا سەنگەرێن خوە بەرامبەر سەنگەرێن پێشمەرگەی ل دەڤەرا تل قەسەب و تل بنات دروست دکەت.
قاسم دەربۆ، بەرپرسێ ئوپەراسیۆنێن پێشمەرگەی ل فەرماندا شنگال بۆ ئەڤرۆ دیارکر، کو ئەڤ دو سالن پێشمەرگەی کوردستانێ سەنگەرێن خوە ب ھێزکرین ل دەڤەرا تل بنات و تل قەسەب، نوکە حەشدا شەعبێ یا سەنگەرێن خوە بەرامبەر پێشمەرگەی کوردستانێ ل دەڤەرا تل بنات و تل قەسەب دروست دکەت، ئەم ھیڤینە ئەڤ سەنگەرێن حەشدا شەعبی بەروەخت بن وئاستەنگە بۆ دەڤەری دروست نەکەن.
ئاماژە دا وێ چەندێ کو دروستکرنا سەنگەران ژلایێ حەشدا شەعبی ڤە ل دەڤەرێن تل بنات و تل قەسەب بەرامبەر سەنگەرێن پێشمەرگەی کوردستانێ جھێ مەترسیی ل سەر دەڤەرا شنگالێ یە، ئەم داخوازی دکەین حەشدا شەعبی مایتێکرنێ دەڤەرا شنگالێ دا نەکەت”.
ل دەڤەرا قەیرەوان و تل بنات وتل قەسەب شەرەکی دژوار ناڤبەرا حەشدا شەعبی و تیرۆرستێن داعشێ دا ھەیە.
قاسم دەربۆ، گۆت مە رێز بۆ حەشدا شەعبی ھەیە و شەھیدین وان ھەیە لێ ژ چوو ھێزان ناھێتە قبول کرن بەرەڤ دەڤەرێن شنگال بھین بتنی دێ پێشمەرگەی کوردستانێ دەڤەرێن کوردێن ئێزدی پارێزت.
مەحما خەلیل قائیمقامێ قەزا شنگال، دیارکرکو پێدڤیە حەشدا شەعبی سنۆرێن خو دەرباز نەکەت ژی وان ناھێتە قبول کرن بەرەڤ دەڤەرێن شنگال بھێن پێدڤیە بەرەڤ بەعاج و بیلج بچن ژ دەستێن تیرۆرستان رزگاربکەن.
قائیمقامێ قەزا شنگال، بۆ ئەڤرۆ دیارکر کو حەشدا شەعبی دێ ئالوزیان ل شنگال دروست کەت ھەکە سنۆرین خو دەباز بکەت چونکو دووڤ رێکەڤتنا مە نابیت حەشدا شەعبی دەڤەرێن شنگال رزگاربکەت نوکە پێشمەرگەی کوردستانێ یێ ئامادەباشیی دایە دێ ھەموو دەڤەران رزگارکەت وچاڤەری دەمژمیر سفرن بۆ رزگارکرنا ھەموو دەڤەران باش نێنە حەشدا شەعبی بەرەڤ دەڤەرێن مە بھێت.
خۆیا ژی کر کو حەشدا شەعبی ھیرشا رزگارکرنا دەڤەرێن قەیروەران و بەعاج و بیلج دەستپێکریە ھەروەسا ژی حەشدا شەعبی بارەگایێن تیرۆرستان ل تل بنات توپباران دکەت لێ ئەم رێ پێ نادەن دەڤەرێن مە رزگاربکەت دێ پێشمەرگەی ھەموو دەڤەران وەختەکێ نێزیکدا رزگارکەت.
وەیسی نایف سەرۆکێ جڤاتا قەزا شنگال دیارکرکو حەشدا شەعبی سەرپیچیا وێ رێکەڤتنا ناڤبەرا ھەولیر و دھۆکێ کر ھەکە بی ھەماھەنگی ھاتبتە دەڤەرا تل بنات و تل قەسەب و سیبا شیخدر و گرعزیز و گوچو چونکو دووڤ پیزانین مە رێکەڤتن ھاتبوو کرن پێشمەرگەی کوردستانێ دەڤەرێن شنگال ھەموویان رزگاربکەت و رزگارکرنا وان دەڤەران ژی ھەماھەنگیی بیت ھەکە حەشدا شەعبی پیگیری نەکەت دێ ئالوزی ل دەڤەری دروست بن.
ئەوژی دیارکر کو ئەڤە حەشدا شەعبی دکەت دێ دەڤەرێن شنگال تووشی ئاریشا کەت چونکو ئەم ناخوازین دەڤەرێن مە ژلایێ چوو ھێزیێن عێراقی ڤە بھێنە رزگارکرن بتنی دێ پێشمەرگەی کوردستانێ ھەموو دەڤەران رزگارکەت وپاراستنا دەڤەرێن مە دێ دەستی پێشمەرگەی دا بیت.

ئه‌ڤرۆ نيوز:

ل هه‌يڤا نيسانا 2017ێ 92 هزار رێڤينگان ل كۆمه‌لگه‌ها ده‌رگه‌هێ نێڤده‌وله‌تى يێ ئيبراهيم خه‌ليل هاتنوچوون كريه‌، به‌رمبه‌ر وێ ل هه‌يڤا ئادارێ 89 هزا رێڤينگان هاتنوچوون كريه‌.

لدیڤ راپورتا نڤێسنگه‌ها ئاكنجیبون و پاسپورتا يا  ئیبراهیم خه‌لیل (922500) رێڤینگا ل ده‌روازه‌ی ئیبراهیم خه‌لیل هاتنوچوون كریه‌، ل دووڤ راپورتا نڤێسنگه‌ها ناڤبری كو دیار بوو (47521) رێڤینگ هاتینه‌ ناڤ هه‌رێما كوردستانێ دا كو ژوانا (12996) هه‌لگرێن پاسپورتێن عێراقینه‌ و (32624) هه‌لگرێن پاسپورتێن توركینه‌ هه‌روه‌سا (1901) هه‌لگرێن پاسپورتێن بیانینه‌ هه‌روه‌سا دیاربوو راپورتا نڤێسینگه‌هێ (44729) رێڤینگ ب رێیا ده‌روازه‌ی ئیبراهیم خه‌لیل چوینه‌ بو وه‌لاتێ توركیا كو ژوانا (10059) هه‌لگرێن پاسپورتێن عێراقینه‌ و (32760) هه‌لگرێن پاسپورتێن توركینه و (1910) هه‌لگرێن پاسپورتێن بیانینه‌.

هه‌ر ب گۆره‌ى راپۆرتا راپورتا نڤێسنگه‌ها ئاكنجیبون و پاسپورتا ئیبراهیم خه‌لیل ل هه‌يڤا ئادارا بۆرى (895866) رێڤینگا ل ده‌روازه‌ی ئیبراهیم خه‌لیل هاتن و چون كریه‌، لدیڤ راپورتا نڤێسنگه‌ها ناڤبری كو دیاربو (46944) رێڤینگ هاتینه‌ ناڤ هه‌رێما كوردستانێ دا كو ژوانا (14702) هه‌لگرێن پاسپورتێن عێراقینه‌ و (30382) هه‌لگرێن پاسپورتێن توركینه‌ هه‌روه‌سا (1860) هه‌لگرێن پاسپورتێن بیانینه‌ هه‌روه‌سا دیاربوو راپورتا نڤێسینگه‌هێ (42642) رێڤینگ ب رێیا ده‌روازه‌ی ئیبراهیم خه‌لیل چوینه‌ بو وه‌لاتێ توركیا كو ژوانا (10733) هه‌لگرێن پاسپورتێن عێراقینه‌ و (30531) هه‌لگرێن پاسپورتێن توركینه و (1378) هه‌لگرێن پاسپورتێن بیانینه‌.