ئه‌ڤرۆ نیوز:
ل گۆری ڤیدیۆیه‌كێ كو ژ ئالیێ كه‌نالێ ئه‌لعاله‌م یێ نێزیكی حزبوللاها لبنانی ڤه‌ هاتییه‌ به‌لاڤكرن، ڤه‌گۆهاستنا چه‌كدارێن داعشێ ژ سنۆرێ لبنان و سووريێ به‌ره‌ڤ سنۆرێ سووریێ و ئیراق ڤه‌ دهێته‌ نيشاندان، ل گۆری رێككه‌فتنه‌كا د ناڤبه‌را داعش و رژێما سووریێ و حزبولاها لبنانی.
د ڤیدیۆیێ دا ترومبێلێن هه‌وارهاتنێ و ترومبێلێن نه‌فه‌رهه‌لگر بریندار و چه‌كدارێن داعشێ و خێزانێن وان ژ ده‌ڤه‌را قه‌له‌مۆن یا سنۆری د ناڤبه‌را سووریێ و لبنانێ دا ڤه‌دگۆهێزنه‌ باژارێ بوكه‌مال ل سه‌ر سنۆرێ ئیراقێ .
جڤاتا ئاساییشا هه‌رێما كوردستانێ و سه‌رۆكوه‌زیرێن ئیراقێ ژی هۆشداری ژ ڤێ گاڤێ دان.

ئەڤرۆ نیوز ، هلۆری:

هێزێن عیراقی ل سێ لایان ڤە بەر ب کونترۆلکرنا ناحیا عیازیە یا سەر ب قەزا تەلەعفەر ڤە دچن و هەتا نها 50% ژ ناحیا عیازیە هاتیە کونترۆلکرن ، ئەڤە ددەمەکێ دایە کو ئەڤرۆ هێزێن پێشمەرگەی زێدەتری 700 چەکدارێن داعش دەستەسەرکرینە.

دڤی واریدا رائید جەودەت ژ هێزا پولیسێن فیدرالیێن عیراقی بو ئەڤرۆ نیوز گۆت: (هێزێن عیراقی ژ سێ سالانڤە بەر ب کونترولکرنا ناحیا عیازیە دچن و جهێن داعش بومبەباران دکەن و هەموو رێکێن دچنە عیازیە ژی هاتینە گرتن و هەتا نها 50% ژ ناحیا عیازیە کونترولکریە ،، ئەڤە دەمەکێ دایە کو پێر قەزا تەلەعفەر ژلایێ هێزێن عیراقی هاتیە کونترولکرن)

ژلایەکێ دنڤە نەقیب بێدار زێباری ژ هێزا پێشمەرگێن پاراستنا ژینگەهێ ل ناحیا عەیازیە بو ئەڤرۆ نیوز گۆت: (ژ سپێدێ هەتا نها نێزیکێ 700 چەکدارێن داعش ژلایێ هێزێن پێشمەرگەی هاتینە دەستەسەرکرن کو پرانیا وان چەکدارێن بیانی بوون ، دەستەسەرکرنا وان ژی یا بەردەوامە)

ل گۆرەی ئاخفتنێن بێدار زێباری هژمارەکا چەکدارێن داعش ل سنوورێ چیای و جهێن ئاسێ یێن ناحیا عیازیە خوە ڤەشارتیە و گۆت ژی : (مەرەما وان ئەوە کو خوە بگەهینن سوریا ،بەلێ ب پشتراستیڤە هێزێن پێشمەرگەی ناهێلن ئەو د سەنگەرێن پێشمەرگەی دا دەربازی سوریا بن)

ئه‌ڤرۆ نیوز:
هه‌ڤپه‌یمانییا نێڤده‌وله‌تی یا دژی داعشێ مه‌نده‌هۆشییا خوه‌ ژ شكه‌ستنا بله‌ز یا داعشێ ل تله‌عفه‌رێ دیار كر.
راین دیلۆن، په‌یڤدارێ هه‌ڤپه‌یمانیێ خۆیا كر‌: مه‌ پێشبینییا شكه‌ستنا ب ڤی ره‌نگی بله‌ز یا داعشێ ل تله‌عفه‌رێ نه‌دكر‌.
دیلۆنی دیار كر ژی كو هێزێن ئیراقی د ده‌مێ 9 رۆژان دا 85% یا ده‌ڤه‌را تله‌عفه‌رێ رزگار كر.
ئه‌ڤه‌ د ده‌مه‌كی دایه‌ فه‌رمانده‌یا گشتی یا هێزێن پێشمه‌رگه‌ی كوشتنا 130 تیرۆرستێن داعشێ ل به‌ره‌یێ عیازیێ ل نێزیكی تله‌عفه‌رێ د پتری 72 ده‌مژمێرێن بۆری دا راگه‌هاند.