ئه‌ڤرۆ نیوز:
ل ژێر چاڤدێریا د. پشتیوان صادق وه‌زیرێ په‌روه‌ردێ رێوره‌سمێن ڤه‌كرنا قوتابخانا نووهات ل رۆژا ئێكشه‌مبی 30/4/2017 ده‌مژمێر 10 سپێدێ دێ هێنه ئه‌نجامدان.
پشتى برینا بودجێ هه‌رێمێ ژ ئالیێ عیراقێ ڤه و په‌یدابوونا شه‌رێ داعش و هاتنا رێژه‌كا زور یا ئاواران، بارگرانیه‌كا زور كه‌ته سه‌ر ئه‌ركێ حوكمه‌تێ و پرانیا پروژێن حوكمه‌تێ هاتنه راوه‌ستاندن.
ئەڤرۆ نیوز:
ئه‌ڤرۆ سپێدێ 27ی نیسانا 2017ێ ب ئاماده‌بونا به‌رێز فه‌رهاد ئه‌مین ئه‌تروشی پارێزگه‌رێ دهوكێ وجێگرێ پارێزگه‌رێ شه‌رنه‌خ و سه‌روكێ ژورا بازرگانی و پیشه‌سازی ل دهوكێ و هژماره‌كا زور یا بازرگان و بزنسمانێن دهوك و وه‌لاتێ توركیا دیدارا وه‌به‌رهینانێ ل ئوتێلا ریكسوس ل باژێرێ دهوكێ ده‌ست پێكر كو ژلایێ پارێزگه‌ها دهوكێ ب هه‌فكاریا كومه‌لا خودان كارو پیشه‌سازێن توركیا و دهوك و ژورا بازرگانی و پیشه‌سازی یا دهوك هاتیه رێكخستن ,
به‌راهیێ به‌رێز فه‌رهاد ئه‌مین ئه‌تروشی پارێزگه‌رێ دهوكێ دپه‌یڤه‌كێ سه‌رباری بخیرهاتنێ ل میهڤانێن بیانی و نافخو یی دیار كرپارێزگه‌ها دهوكێ بفه‌ر فه‌ره و تایبه‌ت دڤێ قوناغێ دا پێنگاڤه‌كێ پاڤیێن بو هندێ جاره‌كا دی په‌یوه‌ندیێن بازرگانێ وكارێن وه‌به‌رهینانێ و پێك گوهرینا ئابوری دنافبه‌را هه‌رێما كوردستانێ و وه‌لاتێ توركیا و وه‌لاتێن دی یێن جیهانێ دا برێكا توركیا خورت ببنه ڤه ئه‌ڤ دیداره بهێته گرێدان ,
هه‌روه‌سا دیار كو ئاستێ بازرگانی و پێكگوهرینا بازرگانی دنافبه‌را كوردستانێ تایبه‌ت و عێراقێ ب گشتی و وه‌لاتێ توركیا دئاستێن بلند دا بون لێ پشتی هاتنا داعش بو ئه‌گه‌ر ئه‌ف بازرگانیه هه‌تا ئاسته‌كی مه‌زن داكه‌ڤیت له‌وما دڤیت دڤان دو روژێن كونفرانسی دا به‌حس ل دانانا نه‌خشه رێكه‌كی بهێته كرن كا چاوا دێ جاره‌كا دی ئه‌ف بازرگانیه خورت بیته ڤه ,
دیسان ئاماژه كره هژماره‌كا خالا كو تێدا دیار كر كا هه‌رێما كوردستانێ چه‌ند گرنگه بو وه‌لاتێ توركیا و به‌روڤاژی توركیا چه‌ند گرنگه بو كوردستانێ ژلایێ بازرگانی و ئابوری ڤه و گوت : په‌یوه‌ندیێن دنافبه‌را هه‌رێما كوردستانێ و توركی دا دباشترین ئاست دانه و ئه‌م ب شانازی ڤه دبیژین و ئه‌ف په‌یوه‌ندیه دبه‌رژه‌وه‌ندیا هه‌ردو لا دانه چ لسه‌ر ئاستێ سیاسی یان ئابوری و بازرگانی بن هه‌روه‌سا گوت به‌ری نوكه پێك گوهرینا بازرگانی دگه‌هه‌شته 12 ملیار دولارا سالانه به‌ری هاتنا داعش و ب سه‌دا و هزاران كومپانیێن توركی ل هه‌رێما كوردستانێ كار دكر دبیاڤێن جودا جودا دا هه‌روه‌سا ل ئاستێن دی یێن ئیمناهیێ و جڤاكی و كومه‌لایه‌تی دا په‌یوه‌ندی هه‌نه و بهێزن
دیسان گوت : ل سه‌ر مه پێدڤیه ئه‌م وه‌كو وه‌به‌رهینه‌ر و وه‌كو بازرگان ڤان په‌یوه‌ندیێن سیاسی مفای ژی ببینین بو په‌یوه‌ندیێن ئابوری و بازرگانی و هه‌ردو ملله‌ت یێ كوردسانێ و توركیا مفا دار بیت ژڤێ ئالو گورا بازرگانی و وه‌به‌رهینانێ بگشتی ,
هه‌روه‌سا پارێزگه‌رێ دهوكێ گوت : ره‌خنه‌كا برایانه و به‌ری ل توركیا بگرین ئه‌م ل خو دگرین و ئه‌وا پێدڤی ل ئاستێن بلند دا بو پارێزگه‌ها دهه‌كێ نه هاتیه ژلایێ حكومه‌تا هه‌رێما كوردستانێ ڤه كو دهوك ببیته سه‌نته‌ره‌ك و باژێره‌كی بازرگانی بو هه‌می كوردستانێ و ئێراقێ ژی هه‌ره‌چه‌نده گه‌له ك كار هاتیه كرن لێ هیشتا پێدڤیه بهێته كرن و پێدڤی بو دهوك نوكه سه‌نته‌ره‌كێ مه‌زن یێ بازرگانی با بو ئێراقێ و هه‌رێما كوردستانێ و هه‌می روژ هه‌لاتا ناڤه‌راست هه‌روه‌سا داخاز كر كو وه‌لاتێ توركیا پێتر پویته بده‌ته په‌یوه‌ندیێن بازرگانی و وه‌به‌رهینانێ دگه‌ل دهوكێ و هه‌رێما كوردستانێ ژبه‌ر جهێ وێ یی ستراتیژ,
هه‌روه‌سا گوت پێدڤیه ل سه‌ر بازرگان و وه‌به‌رهینه‌را بخو رێكێت باوه‌ریێ دورست بكه‌ن داكو جاره‌كا بازرگانی بزڤریت وه‌كو به‌رێ و باشتر ,
هه‌روه‌سا پارێزگه‌رێ دهوكێ ئاماژه كر كو ده‌ڤه‌رێن نوكه دهێنه رزگار كرن ژداعش دێ پێدڤی ب ئاڤاكرنێ بن له‌وما پێدڤی یه وه‌به‌رهێنه‌رێ كوردستانێ ب هه‌فكاریا وه‌به‌رهێنه‌ر و كومپانیێن توركێ خو حازر بكه‌ن و روله‌كێ مه‌زن هه‌بیت دپروسا ئاڤاكرنێ دا و دیار كو ئه‌و نوكه بزاڤێ دكه‌ن رێكێ دگه‌ل میسل ڤه‌كه‌ن و تانوكه كار لسه‌ر چێكرنا گوره‌پانه‌كا مه‌زن یا بازرگانی دهێته‌كرن ,
ل دیماهیێ به‌رهه‌ڤیا كارگێریا پارێزگه‌هێ بو هه‌ر هاریكاری و پشته‌ڤانیه‌كێ بو خورت كرنا په‌یوه‌ندیان و بزاڤا بازرگانی و وه‌به‌رهینانێ دنافبه‌را هه‌رێمێ و توركیا دا دوپاتكر .
دیڤدا (نه‌واف قلیچ )سه‌روكێ ( تیسات ) كومه‌لا خودان كارو پیشه‌سازێن توركیا و ئێراقێ دپه‌یڤه‌كێ ئاماژه كره گرنگیا به‌ستنا ڤێ دیدارێ و هیڤی خواست كو ئاستێ بازرگانی و وه‌به‌رهینانێ روژ بو روژێ بلند بیت و تیكه‌لی خورتر لیبهێن ,
پاشی ئه‌یاد حه‌سه‌ن سه‌روكێ ژورا بازرگانی و پیشه‌سازیا دهوكێ دپه‌یڤه‌كێ دا ئاماژه كره گرنگیا به‌ستا ڤی كونفرانسی گوت ئه‌ڤه كونفرانسه‌كێ گشتی یه و هیڤی خواست كو كومپانیێن نافخو مفای ژڤێ ده‌لیڤێ ببینن هه‌روه‌سا به‌حسێ پشته‌ڤانی و هاریكاریا پارێزگه‌ها دهوكێ كر بو ڤان ره‌نگه كونفرانسا ,و دیار كر كو به‌روده‌وام په‌یوه‌ندیێن بازرگانی و پیشه‌سازی دنافبه‌را دهوك و وه‌لاتێ توركی ادا پێش دكه‌ڤن و گوت : نوكه 250 كومپانیێن توركی ل دهوكێ دكاریدانه و زێده‌تر ژ 600 كومپانیێن دهوكێ شه‌ریكن دگه‌ل كومپانیێن توركی دبوارێن جودا حودا دا ,
دیسان به‌حسێ وان پروتوكولا كر دگه‌ل وه‌لاتێ توركیا مور كرین و بوینه ئه‌گه‌رێ پێك گوهرینا گه‌له‌ك شاندێن بارزگانی و پیشه‌سازی ل پێشانگه‌هێن هه‌ردو جها .
هه‌ژی گوتنێ یه ئه‌ف دیداره دێ بو ماوێ دو روژا ڤه‌كێشیت و تێدا دان و ستاندن و گه‌نگه‌شه ل سه‌ر چاوانیا خورتكرنا تێكه‌لیان و پێشخستنا بازرگانیی و پیشه‌سازیێ دنافبه‌را هه‌رێما كوردستاتێ و توركی ادا و گریدانا چه‌ندین په‌یوه‌ندیان دنافبه‌را كومپانیێن توركی و دهوكێ دا.
ئه‌ڤرۆ نيوز:
كوريا باكوور مۆشه‌كه‌ك ل دژى ئه‌مريكا تاقيكر و د به‌رامبه‌ر دا واشنتۆن ئاشكه‌را كر تاقيكرنێ شكه‌ستن ئينايه.
ئه‌ڤرۆ نيوز، نيوار محه‌مه‌د سه‌ليم:
دوهى رۆژا ئه‌ينى رێكه‌فتى 28ى نيسانا 2017ێ د چار روودانێن جودا دا، پێنج كه‌سان گيانێ خوه ژ ده‌ست دا و سێ ژ وان پێشمه‌رگه بوون.
ساخ چو نه‌خۆشخانێ و نه‌گه‌هشته مال
ل زاخۆ گه‌نجه‌كى ب ناڤێ نزار سه‌ليم گۆلى گيانێ خوه ژ ده‌ست دا و كه‌سوكارێن وى گۆمانان د به‌ن كو كه‌رتێ ساخله‌ميێ ئه‌گه‌رێ گيان ژ ده‌ستدانا وى بيت.
شه‌وكه‌ت محه‌مه‌د سالح كو پسمامێ ڤى كه‌سى يه بۆ ئه‌ڤرۆ نيوز گۆت: “دوهى سپێدێ پسمامێ من قه‌ستا نه‌خۆشخانا هه‌وارهاتنێ ل زاخۆ كر، چو نه‌خۆشى لێ نه‌بوون، ب تنێ پيچه‌كێ سينگێ وى د ئێشا، ده‌ما چوويه نه‌خۆشخانێ ژ به‌ر كو چو نوشدار د ئاماده نه‌بوون و ب تنێ په‌رستاره‌ك ل وێرێ بوو، بێ كو چو پشكنينان بۆ بكه‌ت، ده‌رزيه‌ك بۆ دانا و گۆتێ هه‌ره مال، پشتى گه‌هشته مال ب پێنج خۆله‌كان گيانێ خوه ژ ده‌ست دا.
شه‌وكه‌ت خۆيا ژى كر كو ئه‌و گۆمانان ژ گيان ژ ده‌ستدانا وى دبه‌ن و گۆت: “هه‌ر چه‌نده ده‌ما وى هاتبوو و قه‌ده‌ره، به‌لێ هه‌ر چو نه‌بيت پێدڤى بوو هنده‌ك پشكنين بۆ هاتبانه كرن، به‌رى ئه‌و ده‌رزى بۆ بهێته دانان”.
ئاشكه‌را ژى كر كو نوشداران گۆتيێ كو ژ ئه‌نجامێ جه‌لتێ گيانێ خوه يێ ژ ده‌ست دايى.
دا سه‌را برينداران ده‌ت گيانێ خوه ژ ده‌ست دا
هه‌ر دوهى رۆژا ئه‌ينى ده‌مژمێر 12:15 ده‌قيقه ل ده‌مێ دا قابل سادق ژ ئه‌نجامێ روودانه‌كا ترافيكێ ب لێدان گيانێ خوه ژ ده‌ست دا.
به‌حرى چێى كو كه‌سه‌كێ نێزيكى بنه‌مالا ڤى گه‌نجى يه بۆ ئه‌ڤرۆ نيوز دياركر كو قابل سادق ل به‌ر ده‌رگه‌هێ پشكا ناڤخۆى بوو ب مه‌ره‌ما چوونا نه‌خۆشخانا ئازادى دا كو سه‌ره‌دانا هه‌ڤالێن خوه يێن پێشمه‌رگه بده‌ت ئه‌وێن ژ ئه‌نجامێ روودانا شنگال ب فرۆكه‌يێن له‌شكرى توركيا بريندار بووى، به‌لێ ب مخابنى ڤه ترۆمبێله‌كا قه‌لاب بارهه‌لگر لێدا و ژ به‌ر گرانيا برينا وى گيانێ خوه ژ ده‌ست دا.
قابل سادق يێ 35 سالى روونشتڤانێ ناحيا شێلادزێ بوو، پێشمه‌رگێ له‌شكرێ تايبه‌تێ دو بوو و دو كچ و كوره‌ك ل دووڤ خوه هێلان.
كاره‌بێ كوشت
هه‌ر ب گۆره‌ى پێزانينێن ئه‌ڤرۆ نيوز د روودانه‌كا دى يا رۆژا ئه‌ينى دا و ل ناڤا سه‌نته‌رێ باژێرێ دهۆكێ گه‌نجه‌كێ ب ناڤێ سالم مه‌جيد ناڤشكى ل مالا خوه كار كريه و ئاسان بريه بانى ب مه‌ره‌ما به‌رفره‌هكرنا خانيێ خوه و ژ نشكه‌كێ ڤه ئێك ژ وان ئاسنان ب تێلێن كه‌هره‌بێ كه‌فتيه و بوويه ئه‌گه‌ر كو كاره ب وى بگريت و د جهـ دا گيانێ خوه ژ ده‌ست دايه.
سالم مه‌جيد ناڤشكى يێ 36 سالى خێزاندار بوو و بابێ چار زارۆيان بوو، دوهى پشتى نيڤرۆ ل گۆرستانا گۆندێ ناڤشكێ هاته ڤه‌شارتن.
ئەڤرۆ نیوز، لەزگین جوقی:
رێڤەبەرێ نڤیسینگەھا رزگارکرنا رەڤاندیێن ئێزدی، دیارکر 36 کەسێن ئێزدی ژ دەستێن رێکخراوا تیرۆرستێن داعش ھاتنە رزگارکرن ل شەڤا بۆری پتریا وان خەلکی تل به‌نات بوون ل دەڤەرا شنگال ھەموو ب سلامەت بوون وگەھشتنە قەزا شنگال.
حسین قائێدی، رێڤەبەرێ نڤیسینگەھا رزگارکرنا رەڤاندیێن ئێزدی دیارکر ئەڤە سێ سالن د دەستێن تیرۆرستێن داعشێ دا ل شەڤا بۆری ب ھەڤکاریا پێشمەرگەی کوردستانێ و دەزگەھێن ئەمنی ل دھۆکێ مە شیا 36 کەسان رزگاربکەین ژوانا ژى زارۆ و ژنن ب دیتنا کەس و کارین خوە شادبوون.
رێڤەبەرێ نڤیسینگەھا رزگارکرنا رەڤاندیێن ئێزدی، گۆت: “ھەتا نوکە نێزیکی 2900 کەسێن ئێزدی ژ دەستێن تیرۆرستان ھاتینە رزگارکرن ب پشتەڤانیا نڤیسینگەھا سەرۆکێ حوکمەتا ھەرێما کوردستانێ و ھەولدان بەردەەوام دھێنە کرن بۆ رزگارکرنا ھەموو رەڤاندیان”.
ئه‌ڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا ئێكشه‌مبى رێکەفتی 30ى نيسانا 2017ێ ئه‌سمان دێ د ناڤبه‌را ئه‌ور و ساهياتيێ دا بيت.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو ژ ئەنجامێ هاتنا فشارێن نزمێن ده‌ريا سۆر دھێتە پێشبینیکرن ئه‌سمان د ناڤبه‌را ئه‌ور و ساهياتيێ دا بيت ل گه‌ل هه‌بوونا تۆزه‌كا سڤك.
پشکا پێشبینیان دایە زایە زانین کو دێ ئاراستێ بای ژی دێ باکوورێ رۆژھەلات بیت ب رەنگەکی د ناڤبەرا 10 بۆ 20کم دا و ماوێ دیتنێ ژی دێ د ناڤبه‌را 9 بۆ 10 دا بیت، پلێن گەرمێ ژی دێ د ناڤبەرا 14 بۆ 30 پلان دا بن.
ئه‌ڤرۆ:
سوبه‌هى:
ئه‌ڤرو نیڤرو 27ى نيسانا 2017ێ فه‌رهاد ئه‌مین ئه‌تروشی پارێزگه‌رێ دهوكێ پێشوازیا شانده‌كێ ئه‌نجومه‌نێ پارێزگه‌ها كركوكێ ب سه‌روكاتیا رێبوار تاله‌بانی سه‌روكێ ئه‌نجومه‌نێ پارێزگه‌هێ كر.
دهه‌ڤدیتنه‌كێ دا ب ئامادبونا به‌رێز فه‌هیم عه‌بدولا سه‌روكێ جڤاتا پارێزگه‌ها دهوكێ و هژماره‌كا ئه‌ندامێن جڤاتی , پارێزگه‌رێ دهوكێ خوشحالیا خو بسه‌ره‌دانێ دیار و هه‌روه‌سا ده‌ست خوشی ل جڤاتا پارێزگه‌ها كه‌ركوكێ كر بو وێ پێنگاڤا دیروكی یا بلند كرنا ئالایێ كوردستانێ ل پارێزگه‌ها كه‌ركوكێ كری كر و هیڤیا سه‌ركه‌فتنێ بو خواست ,, هه‌روه‌سا پارێزگه‌رێ دهوكێ پشته‌ڤانیا پارێزگه‌ه و جڤاتا پارێزگه‌ها دهوكێ بو خڤاتا پارێزگه‌ها كه‌ركوكێ دوپات كر و گوت كارێ جڤاتا پارێزگه‌ها كه‌ركوكێ گه‌له‌ك قورسه ژبه‌ر كو پێكهاتین كه‌ركوك زورن دڤیت هه‌می لایه‌ن بهێنه رازی كرن و راگرتنا بلانسێ ل پارێزگه‌هێ بسانانهی نینه و پێكڤه ژیان دڤیت ب قه‌ناعه‌ت بیت نه بتنی دوریشم بن .
ژلایێ خوڤه سه‌روكێ جڤاتا پارێزگه‌ها كه‌ركوكێ ده‌ست خوشی ل پارێزگه‌ه و جڤاتا پارێزگه‌ها دهوكێ و خه‌لكێ پارێزگه‌هێ كر بو وی كارێ مروڤایه‌تی یێ مه‌زن بو حه‌واندنا وێ رێژا مه‌زن یا ئاواره و په‌نابه‌ران و گوت : ڤان هه‌لویستا خه‌لكه‌ك و جیهان سه‌رسورمان كر و دیار بو خه‌لكێ كو ملله‌تێ كورد ملله‌ته‌ك خودان دلوڤانی و حه‌ز ژ پێكڤه ژیانێ و مروڤایه‌تیێ دكه‌ت .
ئەڤرۆ نیوز:
1- قەزایێن (دهوك، سمیل و زاخو )دەڤەرێن سەر ب وانڤە ( 7250) دینار ل گوندێن ( تەلوە و بێتاسێ و ئەڤریكێ ) (7250) دینار.
2- ل قەزا ئاكرێ وناوچەیێن ( دینارتەوبجیل وگردەسین )سەنتەر (7250 ) دینار. ل ناوچەو گوندێن دەورو بەرێن ئاكرێ فیدەرێ(گردەسێن- شەرمن و ئومەرخۆشان) ( 4250 ) دینار ول فیدەرێ ( دینارتە و بجیل ) ( 4250 ) دینار ئەو جهێن بەلێندەر موەلیدێن وان برێڤە دبەت ل فیدەرێ (گردەسێن -شەرمن و ئومەر خۆشان) ( 4250 ) دینارن.
4- ل قەزا بەردەرەش ، سەنتەر( 5250 ) دینار. ول ناوچا( كەلەك ) (3750) دینار .ل ( بشیریان ) (3750 ) دینار ل (كانی ئەسپان،ئیسماوە و زەنگەنان) (4000) دینار. ول ناوچا (دارەتوو ) (4000) دینار ، ل ناوچا(رۆڤیا/بەلێندەر) (4000) دینار.
5- ل سەنتەرێ قەزا شێخان ( 5500 ) دینار. ول ( ناوچا چرە) ( 5250 ) دینار. ول( كەلەكچی ودولیشان ) ( 5500 ) دینارن ،ل ناوچا ( قسروك ) ( 5500 ) دینار ، ل (مهەتێ ) ( 5500 ) دینار. ول وان ناوچە ودەڤەرێن كومپانیا بێخال موەلیدێن وان برێڤەدبەن ل سنورێ قەزا شێخان فیدەرێ (هزار جووت،لەكان،كفرێ ) ( 5500 ) دینار ،فیدەرێ(خنس،شەهیا) ( 5500 ) دینار.
6- ل ناحیا باعدرێ ( 5750 ) دینار. ل(ئێسیا) ( 5500 ) دینار ،ل ناوچا ئەتریش و بلدێشا ( 5500 ) دینار.
7- ل قەزا ئامێدیێ /(سەنتەر) ( 7000 ) دینار ،ل(سەرسنگی) ( 7000 ) دینار ،ل (دێرالوكێ) ( 7000 ) دینار ول ( شێلادزێ) ( 7000 ) دینار ول ناوچا چەمانكێ ( 7250 ) دینار.
8- ل دەڤەرێن سنورێ قائیمقامیا قەزا سێمێلێ ئەوژی (سمایل ئاڤا، بالقوس، خراب دیم وگرشین و مقبلێ باتێلێ وباستكێ) ( 7250 ) دینار .ل دەڤەرێن ئەمپێری ل زاخو ( 7250 ) دینار.
9- ل دەڤەرێن ( كورا ،مانگێش ،زاویتە و باگێرا) ( 7000 ) دینارن.
10- ل شوقێن پارێزگەها دهوكێ كو بەرنامێ كاركرنا موەلیدا ( 19 ) دەمژمێرییە وئەوێن موەلیدێن وان نە سەرب پرۆژەی ڤە ( 10500 ) دینار.ل شقێن زاخو ( 10000) دینارن.ول وان شقێن كۆ بەرنامێ كاركرنا موەلیدێن وان ( 24 )دەمژمێری(11000) دینارن.
11- ل ناوچا (ئەلقوش /سەنتەرێ ناوچێ) (6000 ) دینارن. ول (جراحی-بوزا-شێخكا- بێبان ونفێریێ) ( 4250 ) دینارن ول ( خەتارێ – دوغاتا – منارە- تلسین و بابیرا) ( 3250 ) دینارن.
تێبینی:
• بەرنامێ كاركرنا موەلێدا ل سەنتەرێن قەزایێن (دهوك،زاخو و سێمێل ) بۆ هەیڤا (5 )دێ بڤی رەنگێ یە :
– ژ دەمژمێر 7:00 سپێدێ تا دەمژمێر 9 سپێدێ موەلیدە دێ كاركەن.
– ژ دەمژمێر 2:00 ئێڤاری تا دەمژمێر 2:00 شەڤ موەلیدە دێ كاركەن.
– بەرنامێ كاركرنا موەلیدان ل (كۆمەلگەهێن شوقان) دێ ( 19 ) دەمژمیری بیت ، ژ دەمژمێر 7:00 سپێدێ تا دەمژمێر 2 شەڤێ موەلیدە دێ كاركەن ل هەر دەمێ كەهرەبا گشتی دڤی ماوەیدا هاتە برین.
– بەرنامێ كاركرنا موەلیدان ل قەزایێن دی و دەڤەرێن سەر ب وان ڤە ، دێ لدویف رەوش و داخوازییا كارگێریێن وان و خەلكێ وان بیت .
* هیڤیدارین ژ خودانێن موەلیدا پێگریێ ب بەرنامێ لیژنا سەرپەرشتیا موەلیدان بكەن ئەوێ لسەری دیاركری ، وداخوازێ ژ هەلبژێرێن بەرێز دكەین ، هەر جهەكێ موەلیدا ل تاخێ وی پێگریێ نەكەت ، لیژنا مە ب سكالایەكا نڤیسی ئاگەهدار بكەت داكو پێرابوون د دەرهەقێ وان دا بهێنە ئەنجامدان.
نيشاندان