ئەڤرو نیوز:
ئەڤ دیمەنێن ل خوارێ دیمەنێن دەڤەرا بالەکایەتی نە ل سنوورێ پارێزگەھا ھەولێر و ژلایێ سەنتەرێ بارزان بو ژینگە پارێزی و شاخەوانی ھاتینە گرتن.
فوتو : ئەنوەر دولەمەری.
بحەشتا دەڤەرا بالەکایەتی
نووترين نووچه
- نێچیرڤان بارزانی و سۆدانی دوپاتی ل سەر بەردەوامییا هەماهەنگی و هاریكارییا هەولێرێ و بەغدایێ كر
- سەرۆك بارزانی ل سالڤەگەڕا 37 یا تاوانێن ئەنفالێ: باشترین وەفاداری بۆ شەهیدێن ئەنفالێ ئێكدەنگییە دخزمەتكرن و پاراستنا وەلاتێ مە دا
- سەرۆك بارزانی پیرۆزباهیێ ل نووری مالكی و هومام حەموودی دكەت
- سەرۆك بارزانی پێشوازی ل شاندەكێ هەڤپشك یێ پەرلەمانێ بریتانیا و پەرلەمانێ ئێكەتییا ئۆرۆپا كر
- نێچیرڤان بارزانی و ماكرۆنی ب هێزكرنا پەیوەندیێن فرەنسا ل گەل ئیراقێ و كوردستانێ گەنگەشەكر
- نێچیرڤان بارزانی: ئیراقێ بەرپرسیارەتییا قانوونی و ئەخلاقی د قەرەبۆكرنا كەسوكارێن ئەنفالێ دا یا هەی
- ب پارێزگەهبوونا هەلەبجە كێمترین پاداشتا قوربانی و ئێش و ئازارێن خەلكێ وێ یێ خەباتكەرە
- دڤێت حوكمەتا ئیراقێ كەسوكارێن ئەنفالكرییان ژ روویێ مادی و مەعنەوی ڤە قەرەبۆ بكەت
- مەسرور بارزانی پەیامەكا پیرۆزباهیێ ئاراستەی نووری مالكی دكەت
- سەرۆكێ حوكمەتا هەرێمێ دوپاتیێ ل پێشڤەبرنا پەیوەندییان ل گەل ئیتالیا دكەت
سه‌ره‌كى نوچێن گرنگ
مه‌سرور بارزانى: شكه‌ستنا داعش ل عیراقێ و ده‌ڤه‌رێ، دووماهیا تیرورێ نینه
ئه‌ڤرۆ نیوز:
مه‌سرور بارزانى راوێژكارێ ئه‌نجوومه‌نێ ئاسایشا هه‌رێما كوردستانێ د سمیناره‌كێ دا ل سازیا هێرتێج ل واشنتونا پایته‌ختێ ئه‌مریكا نێرینێن خوه بۆ كوردستانێ و عیراقا پشتى داعش به‌رچاڤ كرن و گۆت” شكه‌ستنا داعش ل عیراقێ و ده‌ڤه‌رێ، دووماهیا تیرورێ نینه”.
مه‌سرور بارزانى سه‌باره‌ت دورستبوونا داعش، دیاركر: ئه‌م هه‌موو وێ یه‌كێ تێدگه‌هین كو داعش به‌ردوامیا رێكخراوا قاعیده‌یه و پشتى داعش ژى رێكخراوێن هه‌ڤشێوێ وێ دێ دروست بن و دێ به‌رده‌وامیێ ب هزرا توندره‌وییا خوه ده‌ن”.
مەسرور بارزانی : دوماھیا ئەڤ سالە دێ ریفراندوم ھێتە ئەنجامدان
ئەڤرو نیوز :
مەسرور بارزانی سەرۆکێ ئەنجومەنێ ئاسایشا ھەرێما کوردستانێ ب ھەڤالینیا فوئاد حسێن سەرۆکێ دیوانا سەروکاتیا ھەرێما کوردستانێ و بەیان سامی عەبدولرەحمان نونەرا حکومەتا ھەرێما کوردستانێ ل ئەمریکا ، دەمەک بەریا نھا پشکداری د سمینارا سازيا “ھێریتچ ” ل باژێرێ واشنتون کر و د وێ سمینارێ دا مەسرور بارزانی وتارەکا تایبەت لسەر بارودوخێ ھەرێما کوردستانێ پشتی شەرێ ل گەل داعش پێشکشکر .
دوتارا خودا رێزدار مەسرور بارزانی دەستپێکێ بەحسێ شەرێ داعشێ کر و راگەھاند کو نھا داعش ل ناڤچونە و شەرێ ل گەل وان ژی شەرەکێ گران بو و ئەم ل گەل شەرێ داعش دوماھی نەھایتە و پێدڤی یە دەست ب شەرەکێ ئایدولوجی ل گەل وان بکەین و گۆت: (چەوا داعش رێکخراوەکا تیرورستی یە و درێژەپێدەرا رێکخراوا تیرورستیا یا قاعیدەبو وەسا دێ ھەند رێکخراوێن دن ژی یێن تیرورستی درۆست بن و رەنگە تەڤایا جیھانێ ژی بخوڤە بگریت ، و ب ھزرا من شەرێ ئایندە شەرێ چەکی نابیت بەلکو دێ شەرەکێ ھەولگیری بیت و پێدڤی یە ئەم ھەموو دژی ئەڤان شەران ب راوەستین ، ئەم وەکو ھەرێما کوردستانێ ب سایا ھێزێن پێشمەرگەی روو ب روویێ داعشێ بوین و سەرکەفتن ژی ب دەستڤەئینان و ھەتاکو مە شیایی ب سەرکەڤین مە زێدەتر ھزار و ٧٠٧ شەھید داینە )
زێدەتر گۆت: (ژبەر سەدەما ھەبوونا ھندەک ھێزێن دن ل شەنگالێ ب تایبەتی پەکەکە کو ھەڤکارنینن بو ئاڤەدانکرنا شنگالێ و ئەم دخوازین کو ئەو رێزێ ل یاسایێ و خەلکێ شنگالێ بگرن ، و پەکەکەیێ ئاریشەیێن خوە ئیناینە ھەرێما کوردستانێ ، بو ئاسایی کرنا رەوشا شنگال دڤێت ئەم بزڤرین بو خەلکێ شنگال و نھا تەڤایا دامەزراوەیێن شنگالێ ل گەل ھندێ نە کو پەکەکە دەڤەرێ نەمینیت)
مەسرور بارزانی د درێژاھیا وتارا خودا تیشک ئێخستە سەر پرسا سەربخویا ھەرێما کوردستانێ و ئەنجامدانا ریفراندومێ و گۆت: (مە بریاردایە کو ریفراندومەکا دیموکراسی ئەنجام بدەین و دوماھیا ئەڤ سال ژی مە ژڤانە ئەنجام بدەین ، خەلکی َھەرێما کوردستانێ بخوە دڤێت بریارێ لسەر چارەنڤیسێ خوە بدەن ، و ب ھزرا مە رێیا چارەسەرکرنا ئاریشێن دناڤبەرا ھەرێما کوردستان و عیراقێ بتنێ دانوستاندنن ب رێیەکا ئاشتیانە )
راوێژکارێ ئەنجومەنێ ئاسایشا ھەرێما کوردستانێ ل بارا ئەمریکا و دیتنێن وان بو ھەرێما کوردستانێ و دیارکر کو ئەو وەکو ھەرێما کوردستانێ زور دلخوشن کو ھەڤکاریێن باش ل گەل کارگێری یا نویا ئەمریکا ھەنە و ل بارا رۆژئاڤایێ کوردستانێ ژی گۆت: (ژبلی لایەنێن نێزیک پەکەکێ ھەموو لایەنێن دن رازینە کو بو چارەسەرکرنا پرسێن رۆژئاڤایێ کوردستانێ و سەروکێ ھەرێما کوردستانێ ژی دڤی واریدا چەند کومبوون ل گەل لایەنێن رۆژئاڤایی ئەنجامداینە ، بەلێ یەپەگە دخوازیت پێگیریێ ب خالێن رێکەفتنێ نەکەت و ئەم دانوستاندنێ ل گەل یەپەگی َو لایەنێن دن رەت ناکەین و بەرھەڤین بو ھەر ھەڤکاریەکێ)
ل بارا حەشد شەعبی ناڤبری گۆت: (مە چوو ئاریشە ل گەل حەشد شەعبی بینن و تنێ دلگرانین ب ھندەک لێدوانان کو ئەو ھەڤکارنینن بو درۆستبوونا پەیوەندیان دناڤبەرا مە و وان دا ، ژبەرڤێ گرنگە ئەو رێزێ ل سنوور و قوربانیێن پێشمرگەیان بگرن)
ھەولێر – ئاگر بەربویە کوگەھێن جلوبەرگان
ئەڤرو نیوز :
دەمەک بەریا نھا ئاگر بەربویە سێ کوگەھێن جلوبەرگان ل سەنتەرێ باژێرێ ھەولێرێ و زیانێن زورێن ماددی پشت خوە ھێلان و ھەتا نھا ژی ئەو ئاگر ب وان کوگەھان ڤە بەردەوامە و نەھاتیە کونترولکرن.
ل گورەی زانیاریێن رێڤەبەریا بەرەڤانیا باژێری ل ھەولێر ژبەر سەدەمەکا نەدیار ئاگر بەربویە سێ کوگەھێن جلوبەرکێن ژن و زەلامان کو بناڤ و دەنگترین کوگەھێن جلوبەرگانە ل ھەولێرێ.
کوگەھێن جلوبەرگێن ئاگربەربوویێ دکەڤنە جاددا شورش کو ئێکە ژ جاددێن قەرەبالغێن ھەولێرێ و ھەتا نھا ئەو ئاگر ب تەمامی نەھاتیە کونترولکرن.
پولیسێن دھۆکێ ئەگەر و جورێ تەقینا کەلەکچی ئاشکراکر
ئەڤرو نیوز :
نیڤرویا ئەڤرۆ ل سەنتەرێ ناحیا کەلەکچی ل سنوورێ قەزا شێخان ژ ئەگەرا تەقینەکێ کەسەکێ گیانێ خوە ژ دەست دا و دوو کەسێن دن ژی برینداربوون ، و رێڤەبەریا پولیسێن دھوکێ ژی زانیاری زێدەتر بەلاڤکرن.
رێڤەبەریا گشتی یا پولیسێن دھوکێ دیارکر کو تەقین ژ ئەگەرا بوتلێ ئوکسنجینێ درۆست بوویە و گۆت: (بەری دەمەکێ کێم ل سەنتەرێ ناحیا کەلەکچی یا سەر بە قەزا شێخان ڤە ژ ئەنجامێ تەقینا بوتلەکێ ئوکسجینێ کەسەکێ بناڤێ ” یەعقوب عەبدولجەبار ” گیانی َخوە ژ دەست دا و دوو کەسێن دن ژی برینداربوون)
زێدەتر دبێژیت: (پشتی کو پولیسان ڤەکولین دڤێ روودانێ دا دەست پێ کری تەرمێ ئەو کەسێ گیانێ خوە ژ دەست دای بو نەخۆشخانا داد ل دھوکێ ھاتە رەوانەکرن و بریندار ژی بۆ نەخوشخانان)
ئه‌ڤرۆ نيوز چاره‌سه‌ريا ئێكانه نه‌په‌قينا به‌نداڤا مووسل ئاشكه‌را دكه‌ت
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌رێ به‌نداڤ و كۆگه‌هێن ئاڤێ ل هه‌رێما كوردستانێ د داخۆيانيه‌كێ دا راگه‌هاند كو چاره‌سه‌ريا ئێكانه يا نه‌په‌قينا به‌نداڤا مووسل ته‌مامكرنا به‌نداڤا بادوشه ئه‌وا ژ ئه‌گه‌رێ شه‌رێ كه‌نداڤى هاتيه راوه‌ستاندن.
رێڤه‌به‌رێ به‌نداڤ و كۆگه‌هێن ئاڤێ ل هه‌رێما كوردستانێ، ئه‌كره‌م محه‌مه‌د ره‌سۆل، گۆت: “به‌نداڤا مووسل به‌رى دروستكرنا وێ ژى ل سالا 1953ێ ئه‌و كێشه خستبوو به‌رچاڤ ئه‌وا نوكه هه‌يى، پاشان به‌رى ب دووماهى بهێت و پشتى ب دووماهى هاتنێ ژى ل سالا 1986ێ ئه‌و تێبنيى هاتينه به‌رچاڤكرن.
ئاماژه ب وێ چه‌ندێ ژى دكه‌ت كو ئه‌ڤه هندێ ناگه‌هينيت كو بێژن مه‌ترسيا هه‌رفينێ نوكه يا هه‌يى و يا نێزيكه ژ هه‌رفينێ، “به‌لێ ئه‌و ژى راستيه كو مه‌ترسيا هه‌رفينێ يا هه‌يى”.
ئه‌كره‌م محه‌مه‌د ره‌سۆل خۆيا ژى كر كو كێشا به‌نداڤا مووسل ژ بنياتێ به‌نداڤێ يه، هه‌تا نوكه ژى حوكمه‌تا عيراقێ نه‌شيايه چاره بكه‌ت، به‌لێ ئيتالى كاره‌كێ باش دكه‌ن ب پڕكرنا وان جهێن مه‌ترسيا هه‌رفينێ ل سه‌ر هه‌يى.
ده‌رباره‌ى هه‌رفين يان نه‌هه‌رفينا به‌نداڤێ ژى رێڤه‌به‌رێ نه‌نداڤ و كۆگه‌هێن ئاڤێ ل هه‌رێما كوردستانێ گۆت: “مه‌ترسيا هه‌رفينێ يا ل سه‌ر هه‌يى و دبيت ژى نه‌هه‌رفيت، به‌لێ دڤێت به‌رده‌وام كار ل سه‌ر بهێته كرن دا نه‌هێته هه‌رفين”.
زێده‌تر گۆت: “چاره‌سه‌ريا سه‌ره‌كى يا ڤێ كێشێ ئه‌وه كو به‌نداڤا بادۆش بهێته چێكرن كو د وى ده‌مى دا، حوكمه‌تا عيراقێ پلان ژى بۆ دانا و ئاماده‌كارى ژى بۆ كر و رێژه‌ك ژێ دروستكر ژى، به‌لێ ژ ئه‌گه‌رێ شه‌رێ كه‌نداڤى كار هاته راوه‌ستاندن.
ب وێنه: د ته‌قينه‌كێ دا ل شێخان كوشتى و بريندار يێن هه‌ين
ئەڤرو نیوز ، نەوزاد زادە ھلوری:
دەمەک بەریا نھا ژ ئەنجامێ تەقینەکێ ل سەنتەرێ ناحیا کەلەکچی کرێکارەک شەھیدبوو.
سعود گۆران شایەتحال و وەلاتیێ کەلەکچی دڤی واریدا بۆ ئەڤرو نیوز گۆت: (دەمژمێر ١٢ێ ئەڤرۆ ژ ئەنجامێ تەقینەکێ د ھەیکەلێ ئاڤاھیەکێ دا کو چەند کرێکارەکان لسەر کار دکر ، کرێکارەک شەھیدبوو و دوو کەسێن دن ژی برینداربوون ، و پولیسان ژی دەست ب ڤەکولینێ ل روودانێ کریە)
زێدەتر گۆت: (ھەتا نوکە ناھێتە زانین چ تەقین بو و کێ دانایە و مەرم چ بوویە؟ ، بەلێ ئەو کرێکارێ ھاتیە كوشتن ناڤێ وی ” یەعقوب عەبدولجەبار”ە و خەلکێ ناحیا کەلەکچی یە و ژیێ وی نێزیکێ ٢٥ سالایە)
ده‌رگه‌هێ وه‌رگرتنا فلمان بۆ فلمه فيستڤالا دهۆك 5 هاته ڤه‌كرن
ئه‌ڤرۆ نيوز: نيوار محه‌مه‌د سه‌ليم:
ل 11ى ڤێ هه‌يڤێ ستافێ فلمه فيستڤالا دهۆك 5 يا نێڤده‌وله‌تى ده‌رگه‌هێ وه‌رگرتنا فلمان ب ره‌نگه‌كێ فه‌رمى ڤه‌كر و ل به‌ره هه‌تا 9ى هه‌يڤا خزيرانێ يێ ڤه‌كرى بيت.
فلمه فيستڤالا دهۆك 5 يا نێڤده‌وله‌تى ل سه‌ر مالپه‌رێ خوه يێ تايبه‌ت راگه‌هاند كو ژ 11ى ڤێ هه‌يڤێ ئه‌وان ده‌رگه‌هێ وه‌رگرتنا فلمان بۆ فلمه فيستڤالا دهۆك 5 يا نێڤده‌وله‌تى ڤه‌كريه.
فلمه فيستڤالا دهۆك يا نێڤده‌وله‌تى، يا سه‌ربه‌خۆيه و ئارمانجا وێ به‌رچاڤكرن كارێن فلمسازێن كورد و جيهانى يه ل سه‌رانسه‌رى جيهانێ.
فلمه فيستڤالێ داخواز ژ وان كه‌سێن حه‌زا پێشكێشكرنێ هه‌ين كريه كو هه‌ر كه‌سێ بڤێت پێشكێش بكه‌ت بلا ل به‌راهيێ رێنمايان و پرسيارێن به‌ربه‌لاڤ بخوينيت به‌رى پێشكێشكرنێ.
خۆيا ژى كريه كو دووماهى ژڤان بۆ وه‌رگرتنا فلمان د فلمه فيستڤالا دهۆك 5 يا نێڤده‌وله‌تى دا دێ 9ى خزيرانێ بيت.
ڤێره كليك بكه دا بچيه د ناڤ لاپه‌رێ داخوازيێ دا بۆ وه‌رگرتنا فلمان
ڤێره كليك بكه بۆ هه‌ر پرسياره‌كێ ده‌رباره‌ى وه‌رگرتنا فلمان: submission@duhokiff.com
جاره‌كا دى فرۆكێن توركيا ده‌ڤه‌را ئامێديێ بۆردۆمانكر
سێ گه‌نج هاتنه ده‌سته‌سه‌ركرن
ئه‌ڤرۆ نيوز:
به‌رپرسێ په‌يوه‌ندى و راگه‌هاندنێ ل رێڤه‌به‌ريا پۆليسێن دهۆكێ راگه‌هاند كو شڤێدى ل قه‌زا سێمێل سێ گه‌نج هاتنه ده‌سته‌سه‌ركرن.
رائيدێ مافپه‌روه‌ر، هێمن سلێمان، به‌رپرسێ په‌يوه‌ندى و راگه‌هاندنێ ل رێڤه‌به‌ريا پۆليسێن پارێزگه‌ها دهۆكێ بۆ ئه‌ڤرۆ نيوز راگه‌هاند كو شڤێدى ل قه‌زا سێمێل سێ گه‌نج ب تۆمه‌تا قومارێ هاتنه ده‌سته‌سه‌ركرن.
رائيدێ مافپه‌روه‌ر دا زانين ژى كو ئه‌ڤ سێ گه‌نجه د هه‌وه‌كا پۆليسێن رێڤه‌به‌ريا پۆليسێن سێمێلێ دا هاتينه ده‌سته‌سه‌ركرن ل ده‌مێ قومارێ و بۆ دادگه‌هێ هاتينه ره‌وانه‌كرن دا كو بگه‌هنه سزايێ خوه.
نيشاندان
WP Facebook Auto Publish Powered By : XYZScripts.com