ئەڤرو نیوز ، نەوزاد ھلۆری:
دەمەک بەریا نھا فروکێن شەرکەرێن تورکیا سنوورێ ناحیا سیدەکان ب دژواری بوردومانکر و زیانەکا زورا ماددی بەر رەز و بیستانێن وەلاتیان گەیاندیە.
مورشید برادوستی وەلاتیەکی دەڤەرا سیدەکانە وەکو شایەتحالێ روودانێ بۆ ئەڤرو نیوز گۆت: (دەمەک بەریا نھا فروکێن شەرکەرێن تورکی ب بھانەیا بنکە و بارەگایێن پارتا کرێکارێن کوردستانێ چەند گوند و ناوچەیەکێن دەڤەرا سیدەکان ب دژواری بوردومانکرن ب تایبەتی ناوچەیێن زراران ، خوارکورک ، سەرجەمانو چیایێ دێرکێ )
زێدەتر گۆت: (ژ ئەنجامێ ئەوێ بوردومانێ چوو کەسێ گیانێ خوە ژدەست نەدایە ، بەلێ زیانێن ماددی بەر رەز و بیستانێن وەلاتیان گەھاندیە و ترسەکا زۆر ژی لدەف خەلکی پەیداکریە و ئاگر ل چەندین جھان بەربوویە پوش و پاوانی)
لگورەی ئاخفتنێن برادوستی ھەتا نوکە بوردومان یا بەردەوامە و بەردەوام ژی ل ھنداڤی دەڤەرێ ب نزمی د زڤرن.

ئەڤرو نیوز ، نەوزاد زادە ھلوری:
ئەڤرو ل دەما مەلەکرنێ ل ھاڤینگەھا گەلیێ عەلی بەگسنوورێ قەزا سوران دوو کەس حەندقین و ھەتا نھا ژی تەرمێن وان نەھاتینە دەرئینان.
دڤی واریدا عیماد رێکانی رێڤەبەرێ رێڤەبەریا بەرەڤانیا باژێری ل سوران بۆ ئەڤرو نیوز گۆت: (نیڤرویا ئەڤرۆ ل ھاڤینگەھا گەلیێ عەلی بەگ ل سنوورێ قەزا سوران ل دەما مەلەکرنێ دوو کەس بناڤێ” رومیا کاوە ” دایکبویێ سالا ١٩٩١ و ” حەسەن عومەر ” دایکبوویێ سالا ١٩٩٢  حەندقین کو ھەردوو ژی خەلکێ دەڤەرێ نە و ل ھەولێرێ دژین)
زێدەتر گۆت: ( ئەو دوو کەسە ئێک پێشمەرگەیە و ئێک ژی ئاسایشە و بو مەرەما بوراندنا دەمەکێ خوش قەستا ئاڤا گەلیێ عەلی بەگ کریە ، نوکە تیمێن مە مژولێ دەرئینانا تەرمێن وانن)

ئەڤرو نیوز:
نڤیسینگەھا راوێژکارێ ئاسایشا ھەرێما کوردستانێ بەرسڤا سەفیرێ بەرێ یێ عیراقێ ل واشنتون ددەت و ھەموو ئاخفتنێن وی رەت دکەت و ددەتن دیارکرن کو ئەمریکا چوو ھەلویستێن فەرمی لسەر رەتکرنا پرسا ریفراندوم و سەربخویێ نەداینە.
دراگەھاندنەکێ دا کو دانەیەک بو ئەڤرو نیوز ھنارتیە نڤیسینگەھا راوێژکارێ ئاسایشا ھەرێما کوردستانێ ددەتن دیارکرن کو “لوقمان فەیلی “سەفیرێ بەرێ یێ عیراقێ ل واشنتون چەند داخوانەک ل چەند دەزگەھێن راگەھاندنێ بەلاڤکرینە و وەسا ددەتن دیارکر کو ئەمریکا دژایەتی یا خوە بو پرسا ریفراندوم و سەربەخویا ھەرێما کوردستانێ بو بەرێز مەسرور بارزانی راوێژکارێ ئەنجومەنا ئاسایشا ھەرێما کوردستانێ دیارکریە.
د راگەھاندنێ دا زێدەتر ھاتیە: (ئەم ل ڤێرە بو رایا گشتی روون دکەین کو د ھەموو ئەوان کومبوون و رونشتنێن راوێژکارێ ئەنجومەنا ئاسایشا ھەرێما کوردستانێ پشکداربویی ل گەل بەرپرسێن پلە بلندێن ئەمریکا ، کارگێریا ئەمریکا ھەڤسووزی و پالپشتی یا خوە دیارکریە و ئەو لدوڤ خواستێن گەلێ مەنە و ھەردوولایان ژی تەکەست لسەر وێ یەکێ کریە کو ھەموو پرس و ئاریشە ب رێیا تێگەھشتنێ دڤێت بھێنە چارەسەرکرن ، و سەفیرێ بەرێ یێ عیراقێ ئاگەھدارێ ناڤەروکا ئەوان کومبوونان نینە و ھەتا خوە پشکدار ژی نەبوویە ، ئەو بریکارێ کارگێریا ئەمریکا ژی نینە کو ل جھێ ئەوان داخویانیان بدەت ، ئەمریکا ھەلویست و کەنالێ فەرمیێ خوە ھەیە ئەگەر ڤیا ڤێ یەکێ بێژن و ھەتا نھا چوو داخویانیێن بڤی رەنگی نینن ، و بابەتێ ریفراندوم و سەربخویێ ژی داخوازیا گەلێ مەیە و بریارا ڤێ یەکێ ژی دی َھەر بو گەلێ کوردستانێ بیت)
.
.
ھلوری

ئەڤرو نیوز ، نەوزاد ھلوری:
ئەڤ شەڤە ل سەنتەرێ قەزا سوران گەنجەک ب گولەیەکێ ھاتە کوشتن و پولیسان ژی دەست ب ڤەکولینێ کر.
دڤی واریدا ئەحمەد نافکورتکی ئێک ژ کەس و کارێن ئەوی گەنجی بو ئەڤرو نیوز گۆت: ( ئەڤ شەڤە ژ ئەگەرەکێ نەدیار کورێ خالەتا من ھاتیە کوشتن و ھەتا نھا ئەم نوزانین کا ئەگەرا گەرا کوشتنا وی چي يە)
ژێدەرەکێ ژ پولیسێن قەزا سوران کوشتنا ئەوی گەنجی بو ئەڤرو نیوز دوپاتکر و گۆت: (ئەڤ شەڤە ژ ئەگەرا گولەیەکێ گەنجەک ل تاخێ حەریق ل سەنتەرێ قەزا سوران ھاتیە کوشتن و تەرمێ وی بو نەخوشخانا داد ل سوران ھاتیە ھنارتن ، پولیسێن سوران ژی دەست ب ڤەکولینێ کریە بو زانینا ئەگەر و ئەنجامێ روودانێ)

ئەڤرو نیوز:
وەزارەتا پێشمەرگەی ب توندی بەرسڤا ئاخفتنکەرێ میلشیاتێن عەسائیبێن ئەھلولحەقا شیعی ددەت کو چەند ئاخفتنەکێن بێ بنەما لسەر ھێزێن پێشمەرگەی کربوون.
د راگەھاندنا وەزارەتا پێشمەرگەی دا هاتیە کو ئەو داخوانی و شێوازە دوژمنکاری بوویە و ب تەمام بێ بنەمایە و دژی ھێزێن پێشمەرگە و ھەرێما کوردستانێ یە ، بێھنا ھەرەشە و فتنە و فروتنا شەری ژ ئاخفتنێن وان دھێت و رەنگە یەڤ یەک ژی تەمامکەریا ئاخفتنێن نە درۆستێن نوری مالیکی بن کو دژی گەلێ کورد کربوون.
د راگەھاندنا وان دا زێدەتر ھاتیە: (جھێ داخێ یە کو رۆژانە داخویانێن دوژمنکاری و حێبەتی دژی ھێزێن پێشمەرگەی ژ وان دھێنە گوھلێ بوون ، ژبەرڤێ پرسیار ل ڤێرە ئەوە ھەتا کەنگی دێ فەرھەنگا کەف و ژناڤبرنا کوردان ل عیراقێ ھەر بالا دەست بیت ، ل ڤێرە دبێژین کو گەلێ کورد شەرێ تیرورستان کر و ل سایا قوربانیدانا پێشمەرگەی د ئەڤان شەرێن گران دا ب سەرکەفتن و ب خوونا پێشمەرگەیان خەیالێن داعشان ھاتنە ژناڤبرن و ئاخا کوردستانێ ل داگیرکران و تیرورستان ھاتە ئازادکرن ، ژبەرڤێ پێشمەرگە ب شیرێ کەسێ شەری ناکەت و ب درێژاھیا مێژوویا خەباتا خوە دا پێشمەرگە بێ کەسترین ھێز بوویە بو بەرەڤانیکرن ل کوردستانێ و ھەردەم پشت ب ئیرادا خوە و گەلێ کورد گرێدایە)
وەزارەتا پێشمرگەی د درێژاھیا راگەھاندنا خودا دیاردکەت ژی کو ئەگەر عەسائیبێن ئەھلولحەق ب راوێژ و ھێزا بیانی نەبیت نکارن ئێک مەفرەزا داعشان ژی ژ ناڤ ببەن و زێدەتر دبێژیت : (ھەر ھوون بوینە کو ھەوە موسل دایە دەست داعش و پێشتر ژی ھەوە ھەزاران کەس بەرزەکرینە و ھەوە رێیا زورداری گرتیە بەر سینگێ خوە و ھەموو لایەک ژی ئاگەھدارێ رەفتارێن ھەوەنە)
دیارکر ژی کو گەلێ کوردستانێ زورداریێ ژ کەسێ ناکەت و ژ کەسێ ژی قبول ناکەت و بەرھەڤە بو بەرسینگرتنا ھەموو ھەرەشە و رەفتارێن نەحەق و بێ رامانێن خەلکێ دن و دبێژە ژی: (دخوازین کو ئەڤ جورە دەنگڤەدانە دەربرینێ ژ ھەلویستێ حەشدا شەعبی نەکەت و داخوازێ ژی ل ئاقلدار و کەسانێن باشێن ناڤ شیعەیان دکەین کو سنوورەکێ بو زێدەگاڤی و ھەرەشەیێن بڤی رەنگی بدانن)

ئەڤرو نیوز ، کاروان باعەدری:
کچەکا سنێلە ل سنوورێ ناحیا باعەدرێ یا سەر ب قەزا شێخان ھاتیە دیتن ، و پولیسێن باعەدرێ ژی دخوازن کو ھەرکەسێ زانیاری لسەر ھەبن بلا پەیوەندیێ ب بنگەھێ پولیسێن باعەدرێ بکەت
دڤی واریدا بنگەھێ پولیسێن باعەدرێ بۆ ئەڤرو نیوز گۆت: (دەمەک بەریا نھا کچەک کو ناڤ و نیشانێن وێ نەددیارن ل سنوورێ بنگەھێ پولیسێن باعەدرێ ھاتیە دیتن ، بەلێ ژ بەرکو نزانیت ب ئاخڤیت و زمانێ وێ درۆست نینە ، لەوران دخوازین کو ھەرکەسێ بناسیت بلا ب رێیا ھژمارە ٠٧٥٠٦٤٩٨٥٤٠ پەیوەندیێ ب وان بکەت)