ئەڤرۆ نيوز:
فەرماندێ لەشکریێ شنگالێ د ھەڤدیتنەکا تایبەت دا ل گەل ئاژانسا ئەنادۆل دبێژیت، بەھرا پتریا چەکدارێن ناڤا رێزێن پەکەکێ ب دووڤ دەلیڤەکێ دگەرن، داکو خوە قورتال بکەن، سەرەرای وێ چەندێ کو پەکەکێ سەرەدەریا خوە ل ھەمبەری وان چەکداران توندتر کریە، بەلێ گوھداریا وانا ناکەن و خوە رادەستی پێشمەرگەی دکەن.
ل گۆڕ پێزانینێن فەرماندە قاسم شەشۆی، ھەتا نوکە 800 چەکدارێن پەکەکێ خوە رادەستی پێشمەرگەی کرینە، بەھرا پتریا وانا کوردێن ئێزدی نە و ھندەک کەسێن دیار ل گەل ھەنە، یێن دیتر ژوان کوردا پێکدھێن یێن پەکەکێ ل سووریا و تورکیا کرینە چەکدارێن خوە، ھەتا نوکە 500 چەکدارێن ئێزدی رێزێن پەکەکێ بجە ھێلاینە و خولێن مەشق و راھێنانا لەشکرێ ل سکرێ مووسلێ ژ ئالیێ وەزارەتا پێشمەرگەی ڤە بۆ ھاتینە ڤەکرن، و ددەمەکێ نێزیک دا ئەرکێ خوەیێ پێشمەرگایەتی ل دەڤەرا شنگالێ دێ بینن.
ناڤبری ھەروەسا ل دووماھیێ ئاماژەدا ھندێ، ب بەردەوامی چەکدارێن پەکەکێ رێزێن وانا بجە دھێلن، و پرانیا وان چەکداران ل دووڤ دەلیڤەکێ دگەرن خوە ژ زۆرداریا پەکەکێ قورتال بکەن، وخوە بگەھیننە ھێزێن پێشمەرگەی.
قاسم شەشۆ ھەروەسا پێشبینی کر، کو دپاشەرۆژێ دا ژمارەکا ئێکجارا مەزن یا چەکدارێن پەکەکێ خوە رادەستی ھێزێن پێشمەرگەی بکەن، و خوەیاکر بتنێ 10% چەکدارێن ئێزدی دناڤا رێزێن پەکەکێ دا ماینە.
فەرماندێ لەشکری یێ شنگالێ ھەروەسا داخواز ژ چەکدارێن ئێزدی کر، یێن دناڤا رێزێن پەکەکێ دا ماین ڤەگەرن ناڤا رێزێن پێشمەرگەی، چونکە پەکەکە ژ بلی کێشا و داگیرکرن و دیکتاتوری و تۆپبارانکرنێ و ژناڤبرنێ چو دی بۆ شنگالێ نینە و ناکەت.
كوريا باكوور د هه‌يڤه‌كێ دا سێ مووشه‌ك تاقيكرن و به‌رپرسه‌كێ له‌شكرى يێ ئه‌مريكا ژى ئاشكه‌ر كر كو ئه‌و مووشه‌كا وان تاقيكرى ژ جۆرى “كه‌ى ئێن- 17″بوويه و سه‌ركه‌فتى نه‌بوويه، ب ره‌نگه‌كى پشتى ماوه‌كێ كێم ژ بلندبوونێ ل ئه‌سمانى په‌قيه.
داخۆيانيا وى به‌رپرسێ له‌شكرى يێ ئه‌مريكا د ده‌مه‌كى دايه كو راگه‌هاندنا فه‌رمى يا كوريا باكوور ئاماژه ب وێ چه‌ندێ كريه كو ئه‌و مووشه‌ك دشێت كوچكا سى يا ئه‌مريكا بكه‌ته ئارمانج.
ژ لايه‌كێ دى ڤه سۆپايێ كوريا باكوور به‌لاڤكربوو كو ئه‌و مووشه‌ك ل ده‌ڤه‌ره‌كا نێزيك پيۆنگ يانگ يا پايته‌خت بلندكريه، بێ ى كو چو پێزانينێن زێده‌تر به‌لاڤ بكه‌ن.
هه‌ڤده‌م به‌رپرسێن يابان تاقيكرنا مووشه‌كا كوريا باكوور پشت راستكريه و راگه‌هانديه كو سپێده‌هيا رۆژا شه‌مبى ب ده‌مێ كوريا باكوور تاقيكرن هاتيه كرن.
نيشاندان
