ئه‌ڤرۆ نيوز:

ل ژێر دوریشمێ‌ ((هونه‌ره‌كێ‌ ئازاد ژبو وه‌لاته‌كێ‌ سه‌ربه‌خو)) ل رۆژا 6-5-20177ل هولا كونگرا ب ئاماده‌بونا فه‌رهاد ئه‌مین ئه‌تروشی پارێزگه‌رێ‌ دهوكێ‌ وچه‌ند به‌رپرسێن حزبی وئیداری په‌یمانگه‌ها هونه‌رێن جوان ڤیستیڤالا خو یا 24ێ‌ ب كونسێرتا موزیكێ‌ ده‌ست پێكر.
ل ده‌ستپێكێ‌ بشار محمد تاهر رێڤه‌به‌رێ‌ په‌یمانگه‌ها هونه‌رێن جوان ل دهوكێ‌ په‌یڤه‌ك خاند وگوت : ئیرو جهێ‌ شانازیێ‌ یه‌ ئه‌م شیاینه‌ ڤیستیڤالا خو یا 24ێ‌ بگێرین وسوپاسیا وان هه‌موو لایه‌نان كر یێن به‌رده‌وام پشته‌ڤانیا په‌یمانگه‌ها هونه‌رێن جوان كری هه‌تا ئیرو شیاینه‌ ڤیستیڤالا خو یا 24ێ‌ سازبكه‌ت .
هه‌روه‌سا گوت: ل دویڤ بانگه‌وازا سه‌روك مسعود بارزانی بو خو ئاماده‌كرنێ‌ بو ریفراندومێ‌ وپاشی بو سه‌رخوه‌بونێ‌ مه‌ ئه‌ڤ ساله‌ دوریشمێ‌ هونه‌ره‌كێ‌ ئازاد بو وه‌لاته‌كێ‌ سه‌ربه‌خو هه‌لبژارت كو هه‌ر ئێك ژمه‌ ژلایێ‌ خوڤه‌ یێ‌ هاریكاربیت بو سه‌ربه‌خوییێ‌ .
پاش ده‌ست ب برگێن كونسێرتێ‌ هاته‌ كرن وئه‌ڤ سرودو وسترانه‌ هاتنه‌ گوتن(سرودێن هونه‌رمه‌ند- راوستن- ئێك رێزی – سترانێن شه‌ده‌ شل- كه‌ره‌مكه‌- ته‌شی ومیر- دلبه‌ر – ئێڤار – ئورمیه‌ ودندك هنار- كوكتێلا خه‌زال- فلكلورێ‌ شنگالێ‌ وسترانا زالمێ‌ ته‌مه‌).
هه‌ژی گوتنێ‌ یه‌ ڤیستیڤال هه‌تا 9-5-2017 دێ‌ یا به‌رده‌وامبیت وسوبه‌هی روژا 7-5–2017 پێشانگه‌ها شێوه‌كاری دێ‌ هێته‌ ڤه‌كرن ول روژێن دوڤدا چه‌ند شانوگه‌ری دێ‌ هێنه‌ نمایشكرن.

ئه‌ڤرۆ نيوز:

ئه‌ڤرو سپیدێ‌ 4-5-2017ل ئوتێلا رێكسوس ب ئاماده‌بونا فه‌رهاد ئه‌مین ئه‌تروشی پارێزگه‌رێ‌ دهوكێ‌ و(300) مێڤانان و نوشدارێن بیانی ویێن هه‌رێما كوردستانێ‌ چاره‌مینكونفرانسێ‌نیڤده‌وله‌تییێ‌نوشدارێنزاروكانهاته‌ئه‌نجامدان .
درێ‌ ورسمێن كونفراسیدا په‌یڤ هاتنه‌ خاندن ژوانا په‌یڤا كومه‌لا نوشدارێن زاروكا ژلایێ‌ دكتور نه‌واف خه‌لف هاته‌ خاندن هه‌روه‌سا په‌یڤا سه‌روكێ‌ كونفرانسی ژلایێ‌ دكتور فه‌رمان سندی هاته‌ خاندن وگرنگیا كونفراسی هاته‌ به‌رچاڤكرن كو بو وێ‌ یه‌كێ‌ یه‌ نوشدارێن پشكدار پتر هه‌ڤدوو بنیاسن ونوترین پێزانینێن زانستی دبیاڤێ‌ نوشداریا زاروكان دابهێنه‌ ئالوگوركرن.
پاش پارێزگه‌رێ‌ دهوكێ‌ دپه‌یڤه‌كێدا بناڤێ‌ كارگێریا پارێزگه‌هێ‌ ده‌ست خوشی ل لیژنا ئاماده‌كاریا كونفرانسی كر و ته‌كه‌زكر كو كارگێریا پارێزگه‌هێ‌ وسازیێن حكومه‌تێ‌ دێ‌ به‌رده‌وام وب هه‌موو شیانا پاراستن وپشته‌ڤانیا نوشدارێن دهوكێ‌ وكوردستانێ‌ كه‌ن چونكو ل ڤان سالێن بوری ئه‌وان گه‌له‌ك زه‌حمه‌ت وخزمه‌تا ئاواره‌ وپه‌نابه‌ران وپێشمه‌رگێ‌ كوردستانێ‌ كریه‌ وسه‌ركه‌فتن بو پشكدارێن كونفراسی خواست.
پاش خه‌لاتێن رێزلێنانێ‌ هاتنه‌ به‌لافكرن وفلمه‌كێ‌ دیكیومه‌نتی ل دور ئاڤه‌دانیا پارێزگه‌ها دهوكێ‌ هاته‌ نیشادان.
پاش به‌رهه‌ڤبویێن كونفرانسی سه‌حكره‌ پێشانگه‌ها تایبه‌ت یا كومپانیێن تایبه‌ت ب چێكرنا ده‌رمان وپێدڤیێن زاروكان ڤه‌.
پاش ده‌ست ب پێشكێشكرنا ڤه‌كولینێن كونفراسی هاته‌ كرن.
هه‌ژی گوتنێ‌ یه‌كونفرانسی جارا ئێكێ‌ یه‌ ل دهوكێ‌ دهێته‌ سازكرن وبه‌ری نوكه‌ 22جارا ل هه‌ولێرێ‌ وجاره‌كێ‌ ل سلێمانیێ‌ هاتیه‌ ئه‌نجامدان و دێ‌ دوو روژا به‌رده‌وامكه‌ت و 19 ڤه‌كولینێن زانستی ل دور نوشداریا زاروكان ژلایێ‌ نوشداران دێ‌ هێنه‌ پێشكێشكرن .
نوشدارێن وه‌لاتێن( عیراق وسعودیه‌ وئوردن وئیمارات وئوسترالیا وسوید وبریتانیا وهندستان ویێن پارێزگه‌هێن هه‌رێمێ‌ ) پشكداری كونفراسی بوینه‌.