ئه‌ڤرۆ نيوز:

وەزارەتا دارایى و ئابوورى د راگەهاندنەکێ دا خشتەیێ دابەشکرنا مووچەیێ تەڤ وەزارەت و دامودەزگەهێن حکومەتا هەرێما کوردستانێ ئاشکرا کر.

ئەڤرۆ وەزارەتا دارایى و ئابوورى راگەهاند، سوبە دووشەمبى ١٠ێ نیسانا ٢٠١٧ێ، مووچەیێ مەها ٢ یێ دیوان و لیوایێن وەزارەتا پێشمەرگە دێ هێتە دابەشکرن.

لگۆرى راگەهاندنا وەزارەتا دارایى ئابوورى یا حکومەتا هەرێمێ، ڕۆژانێن سێشەمبى و چارشەمبى رێکەفتی ١١ و ١٢ێ نیسانێ مووچەیێ مەها ٢ یێ یەکەیێن (٨٠ و ٧٠)ێ یێن وەزارەتا پێشمەرگە دێ هێتە دابەشکرن.

هەر لگۆرى وێ راگەهاندنێ، پێنجشەمبیێ رێکەفتی ١٣ێ نیسانا ٢٠١٧ێ، مووچێ مەها ١١ یێ ساڵا بوورى یێ مالباتێت شەهید و ئەنفالکری، مووچێ مەها ٩ یێ ساڵا بوورى یێ زیندانیێن سیاسى و مووچەیێ مەها ٢ یێ فەرمانبەرێن وەزارەتا شەهید و ئەنفالکریان دێ هێتە دابەشکرن.

هەروەسا شەمبیا بهێت رێکەفتى ١٥ێ نیسانێ مووچەیێ مەها ٢ یێ فەرماندێن پێشمەرگێن زێرەڤانى و فەرماندێن پۆلیسێن بەرەڤانى و هاوارهاتنێ دێ هێتە دابەشکرن و  ڕۆژا ئێکشەمبى رێکەفتى ١٦ێ نیسانێ مووچەیێ مەها ٢ یێ ئەنجومەنا ئاسایش و دەزگەها گشتى یا ئاسایشێ دێ هێتە دابەشکرن.
، ڕۆژا دووشەمبیێ رێکەفتى ١٧ێ نیسانێ مووچەیێ مەها ٢ یێ پەروەردێن (دەرڤەى باژێران) و ڕۆژا پشترە ژى ١٨ێ نیسانا ٢٠١٧ێ، مووچەیێ (سەنتەرێ باژێران) و وەزارەتا دارایى و ئابوورى و دەزگەها مین دێ هێتە دابەشکرن.

ڕۆژا پێنجشەمبى ٢٠ێ نیسانێ، مووچەیێ مەها ٢یێ وەزارەتا ناڤخۆ دێ هێتە دابەشکرن.

هەروەسا ڕۆژا ئێکشەمبى رێکەفتى ٢٣یێ نیسانا ٢٠١٧ێ، مووچەیێ مەها ٢ یێ وەزارەتا خواندنا بلند و ڤەکۆلینێن زانستى و وەزارەتا کەهرەبێ دێ هێتە دابەشکرن، رێکەفتى ٢٤ێ نیسانا ٢٠١٧ێ، مووچەیێ مەها ٢ یێ وەزارەتا ساخلەمى، وەزارەتا پلاندانان و وەزارەتا ڤەگوهاستن و گەهاندنێ دێ هێتە دابەشکرن، ڕۆژا سێشەمبى رێکەفتى ٢٥ێ نیسانا ٢٠١٧ێ، مووچەیێ کێمئەندامان یێ مەها ٩ یێ ساڵا ٢٠١٦ێ، هەروەسا مووچەیێ مەها ٢ یێ فەرمانبەرێن وەزارەتا کار و کاروبارێن جڤاکى و وەزارەتا ئاڤەدانکرن و ئاکنجیکرنێ دێ هێتە دابەشکرن.

د ڕۆژا چارشەمبى رێکەفتى ٢٦ێ نیسانا ٢٠١٧ێ دا مووچەیێ مەها ٢ یێ ئەڤان جهان دێ هێتە دابەشکرن:

– وه‌زاره‌تا ئه‌وقاف و كاروبارێن ئاینى
– وه‌زاره‌تا سامانێن‌ سروشتی
– وه‌زاره‌تا پیشه‌سازى و بازرگانى
– وه‌زاره‌تا رەوشەنبیرى و لاوان
– دیوانا چاڤدێریا دارایی
– ده‌سته‌یا مافى مرۆڤى
– دەڤەرێن كوردستانییێن دەرڤەى ئیدارا هه‌رێمێ
– ده‌سته‌یا ژینگه‌هێ
– ده‌سته‌یا وه‌به‌رهێنانێ
– ده‌سته‌یا ده‌سپاقژیێ
– كۆمسیۆنا بلندا هه‌لبژاردنێن كوردستانێ

ڕۆژا ٢٧ێ نیسانا ٢٠١٧ێ مووچەیێ مەها ٢ یێ وەزارەتا باژێرڤانى و گەشت و گوزار و وەزارەتا چاندن و ژێدەرێن ئاڤێ دێ هێتە دابەشکرن.

د پشکەکا دى یا راگەهاندنا وەزارەتا دارایی و ئابوورى یا حکومەتا هەرێمێ دا هاتیە، ڕۆژا ٣٠ێ نیسانا ٢٠١٧ێ، مووچەیێ مەها ٢ یێ ئەڤان جهان دێ هێتە دابەشکرن:

– وەزارەتا داد
– ئەنجومەنا دادوەری
– سەرۆکایەتیا ھەرێمێ
– سەرۆکایەتیا پەرلەمانێ
– سەرۆکایەتیا ئەنجومەنا وەزیران
رێڤەبەریا ڕاگەهاندن و پەیوەندیان