ئاکرێ، بێوارحسێن :
ئەڤرۆکە سال ڤەگەرا راپەرینا باژێرێ ئاکرێ یە کۆ د ڤێ رۆژێ دا رێڤەبەریا رەوشەنبیری و ھونەری ل ئاکرێ ب چەندبن چالاکیان رابوویە و دیسان ب خرڤە بوونا جەماورەی دەڤەرێ و دام و دەزگەھێن میری و حزبی ژی ئەڤ چالاکیە ھاتنە سازکرن.
کاوە زوھێر رێقەری رەوشەنبیری ل قەزا ئاکرێ گوت : راپەرینا 12 ێ ئادارێ کۆ دبیتە دەرگەھەک بۆ دەڤەرا بادینان و ئەڤ راپەرینە ژی ل پشتی یا ھەولێری بوویە ، دیسان ب ڤێ رۆژی ژی کۆ چەند چالاکیەک ھاتنە کرن ژ وان ژی کۆ ( پەیڤا رێڤەبەرێ رەوشەنبیری و پەیڤدارێ ئاکرێ و لگەل گوتنا ھەلبەست یێت ھەلەستڤانێن دەڤەرێ ) ھەروەسا ژی کۆ رێکخستنا و نمایشکرنا وێن شەھیدان وەھەلبەستڤان و ھونەرمەندێن کەڤن ل دەڤەرێ .
ئەڤرۆ نیوز، بێوار حسێن زێباری:
ل سپێدەیا 1991/3/12 و پشتی سەربازگەھا ئاکرێ ھاتیە چوول کرن ئەوا ھنداڤ ئاکرێ و جەماوەرێ ئاکرێ ب ھەموو چین و تووێژ ڤە رابوون ب سەرھلدانێ کو ل پێش ھەموویان جهـ و دام و دەزگەھـ و قشلا ئاکرێ ھاتنە گرتن و چوول کرن ئەڤ جھە ژی کۆ دەستێن رژێما بەعس دابوون لێ ھاتە ئازادرکرن ئەڤ یەکە ژی بوویە جھێ ئازادی و دلخوشیا خەلکێ ئاکرێ دەردۆرێن وێ.
ئازادكرنا ئاكرێ ئه‌وا دو ده‌مژمێران ڤه‌كێشايى، ب رۆژه‌كێ پشتى يا هه‌ولێرێ بوو و ب كليلا سه‌رهلدانێن بادينان هاته ب ناڤكرن.
د ڤێ سه‌رهلدانێ دا ژ به‌ر ره‌ڤينا رژێمێ و شه‌ر نه‌كرنێ و مه‌زناهيا ئيرادا خه‌لكێ ئاكرێ، چو كه‌س شه‌هيد نه‌بوون و هنده‌ك بريندارێن كێم هه‌بوون، ئه‌و ژى ئه‌و بوون يێن ژ ئه‌گه‌رێ خۆشيێ هاتينه برينداركرن و ته‌قه‌كرنێ و برينێن وان ژى سڤك بوون.
ئه‌ڤرۆ نيوز:
حوکمەتا ھەرێما کوردستانێ بڕیاردایە کارتا پێزانینان بۆ ھەموو ترمبێلێن تابلۆیێن وان یێن عیراقی ژ لایێ وەزارەتا ناڤخۆ ڤە بھێتە چێکرن، بەرپرسەکێ ھاتنوچوونێ ژی گۆت “مەرەم ژ چێکرنا ڤێ کارتا پێزانینان ئەوە کۆنتڕۆلا وان تڕۆمبێلان بۆ پێرابوونێن قانوونی بھێتەکرن”.
فازل حاجی، پەیڤدارێ ھاتنوچوونا پارێزگەھا ھەولێرێ بۆ رۆژناما ئەڤرۆ دیار کر کو پشتی پڕۆسا ئازادکرنا عیراقێ ھژمارەکا مەزن یا تڕۆمبێلێن تابلۆیێن کاتی پێڤە ل پارێزگەھێن ناڤین و باشوورێ عیراقێ ھاتینە ھەرێما کوردستانێ و ئەڤ ترۆمبێلە بووینە ئالۆزی بۆ ھاتنوچوونا ھەرێما کوردستانێ، چونکی ھژمارەکا وان ترۆمبێلان ل رێڤەبەریێن ھاتنوچوونا عیراقێ ھاتینە تۆمارکرن و گۆت “ھژمارەکا وان ترۆمبێلان چو بادەک ل ھاتنوچوونێ نینن، بەلێ ل سالێن بۆری ھژمارەکا وان ترۆمبێلان ژ لایێ وەزارەتا ناڤخۆ ڤە ھاتینە تۆمارکرن و کارت بۆ ھاتینە چێکرن کو ب تنێ ل سنوورێ پارێزگەھا ھەولێرێ 38 ھزار تڕۆمبێل بووینە”.
ناڤھاتی خویا کر کو نوکە وەزارەتا ناڤخۆ یا حوکمەتا ھەرێما کوردستانێ دڤێت دووبارە ئەو ترۆمبێل تابلۆیێن کاتی پێڤە بھێنە تۆمارکرن و کارتەکا پێزانینان بۆ بھێتە چێکرن داکو ل بەرچاڤێن ھاتنوچوونێ د دیاربن و دەمێ زێدەگاڤیان دکەن لێپرسین دگەل بھێتەکرن و گۆت “مخان ھژمارەکا وان تڕۆمبێلان ژبلی تابلۆ یێ چو بادەک ل رێڤەبەریا گشتی یا ھاتنوچوونا عیراقێ نینن ژ بەر ڤێ چەندێ ب چو شێوەیەکی کارتا پێزانینان بۆ ناھێتە چێکرن”.
ئه‌ڤرۆ نيوز:
بەرپرسەکێ وەزارەتا باژێڕڤانی و گەشتوگوزارێ ئاشکرا کر کو 200 باژێڕڤانی ل سەرانسەری ھەرێما کوردستانێ بۆ بەرھەڤکرنا ئەردی ھاتینە راسپاردن، بەلێ ھەتا نوکە ناڤێن فەرمانبەر و کرێداران ل سەرۆکاتیا جڤاتا وەزیرانن و گۆت “ئەم چاڤەڕێ ڤەگەڕاندنا لیستا ناڤێن وان دکەین بۆ بەلاڤکرنا ئەردی”.
عەبدولحەمید مەجید، رێڤەبەرێ گشتیێ پلاندانانێ ل وەزارەتا باژێڕڤانی و گەشتوگوزارێ یا حوکمەتا ھەرێما کوردستانێ بۆ رۆژناما ئەڤرۆ دیار کر کو وەزارەتا باژێڕڤانیێ ب رێیا لیژنەکا بلند رێنمایێن قانوونی بۆ بەلاڤکرنا ئەردی ل سەر وەلاتی و فەرمانبەران دەرکرینە و ئەو رێنما ژ 28 خالان پێکدھێن و گۆت “ئەو رێنمایێ دگەل لیستا ناڤێن فەرمانبەر و کرێدارا ژ لایێ وەزارەتا باژێڕڤانیێ ڤە بۆ سەرۆکاتیا جڤاتا وەزیرێن ھەرێما کوردستانێ ھاتینە بلندکرن، بەلێ ھەتا نوکە ئەو لیستە بۆ وەزارەتێ نەھاتینە ڤەگەڕاندن ژ بەر ڤێ چەندێ ئەم چاڤەرێ چاڤەرێ سەرۆکاتیا جڤاتا وەزیران دکەین”.
ناڤھاتی ئاماژە دا وێ چەندێ کو ل گۆرەی پلانا وەزارەتی ئێکەم وەزارەتا پارچێن ئەردی وەردگریت دێ یا پێشمەرگەی بیت و دووڤ دا دێ ل سەر وەزارەتێن دی ھێنە بەلاڤکرن و گۆت: “دگەل دەرکرنا رێنمایێن وەرگرتنا ئەردی مە ھەموو باژێڕڤانیێن ھەرێما کوردستانێ ئاگەھدارکرینە خوە بەرھەڤ بکەن و ھەر ئێک ژوان ل سنوورێ خوە ئەردی بۆ بەلافکرنێ بەرھەڤ بکەت، ئانکو ل سنوورێ 200 باژێڕڤانیان بەرھەڤی یێن بۆ بەلاڤکرنا ئەردی دھێنەکرن و ھەکە رازەمەندی بھێت ل پارێزگەھا ھەولێرێ ئەرد بۆ بەلاڤکرنێ یێ بەرھەڤە، بەلێ ل پارێزگەھێن دھۆک و سلێمانیێ ئەرد نەھاتیە بەرھەڤکرن”.
یێ تێنەکرن ، ئەگەر رەزامەندی بھێت ل ھەولێرێ ئەردێ بەرھەڤە بۆ بەلافکرنێ، بەلێ ھێشتا ل سنورێ دھۆکێ و سلێمانیێ ئەرد نەھاتیە بەرھەڤکرن”.
ئەڤرۆ نیوز:
پەرلەمانتارەکێ کورد لپەرلەمانێ عێراقێ ئاشکرکر، دەولەتا قانوونی بشێوەیەکێ نھێنی ئیمزایێن پەرلەمانتاران کۆم دکەت، ژبۆی بەرھەڤکرنا پڕۆژەیەکی لپەرلەمانێ عێراقێ لدژی حزبێن کوردی یێن رۆژھەلاتێ کوردستانێ بھێنە دەرئێخستن و دیارکر، ئەڤە بەرۆڤاژی قانوونێن نێڤدەولەتیە بۆ وەرگرتنا پەنابەرێن سیاسی و ھەکە پڕۆژەیەکی وەسا سەربگریت و لپەرلەمانی بھێتە پەسەندکرن پێدڤیە ھەموو لایەنێن سیاسی یێن دەرڤەی عێراقێ ھاتین ڤەگریت نەک تنێ حزبێن کورد یێن رۆژھەلاتێ کوردستانێ.
خۆشەڤی خەلیل، پەرلەمانتارێ فڕاکسیۆنا پارتی لپەرلەمانێ عێراقێ بۆ رۆژناما ئەڤرۆ گۆت” ئەڤە دەمەکە کۆتلەیا دەولەتا قانوونێ یا نووری مالکیێ سەرۆک وەزیرێن بەرێ یێ عێراقێ رێبەرایەتیا وێ دکەت، دەست ب کۆمکرنا ئیمزەیێن پەرلەمانتارانکریە ئەوژی بشێوەیەکێ نھێنی، ھەتا پڕۆژە یاسایەک بھێتە بەرھەڤکرن بۆ دەرکرنا حزبێن کوردی یێن رۆژھەلاتێ کوردستانێ ئەڤێن لھەرێما کوردستانێ ھەنە، بەلێ نوکەژی ھەر مژولی کۆمکرنا ئیمزەیان و نەبوویە پڕۆژە لناف پەرلەمانی ئەڤێ چەندێ ژی خویایە مەرەمێن خوە یێن سیاسی ھەنە لەوڕاژی ئەم وەکی پەرلەمانتارێن کورد ل بەغدا دژی ھەر پڕۆژەیەکی بڤی شێوەینە بھێتە پەسەندکرن لپەرلەمانی، ژبەرکو دەولەتا قانوونێ لبن گڤاشتنێن دەولەتەکا دەوروبەر ئەف پڕۆژە بەرھەڤکریە و مەرەم بجە ئینانا داخوازیێن کۆمارا ئیسلامیا ئیرانێ یە ، ھەر ئیرانێ ژی کاریگەری ھەبوویە لسەر دەولەتا قانوونێ بۆ دەرکرنا حزبێن رۆژھەلاتێ کوردستانێ.
خۆشەڤی خەلیل گۆتژی” ئەف پێنگاڤا دەولەتا قانوونێ بۆ دەرکرنا پارتێن کوردی یێن ل ئیرانێ ھاتین، بنپێکرنا ھژمارەک قانوونێن نێڤدەولەتیە، چونکە زۆربەیا ولاتێن جیھانێ پەنابەرێن سیاسی ھەنە و ئەڤە ل جیھانێ دیاردەیەکا بەربەلاڤە یا پەنابەران ھەتا شێم بێژم ولات نینە ل جیھانێ پەنابەرێن سیاسی نەبن، ئەف حزبێن رۆژھەلاتژی ب نەچاریا خوە ھاتینە ھەرێما کوردستانێ و چو چالاکیێن سەربازی نینە ناف خاکا عێراقێ و ھەرێما کوردستانێ تنێ وەک پەنابەرێن سیاسی ئەگەر چالاکیێن مەدەنی و سیاسی ھەبن، گورەی قانوونێن نێڤدەولەتی نابیت پەنابەرێن سیاسی بشێوەیەکێ زۆری بھێنە دەرکرن و مافێ پەنابەریێ لێ بھێتە وەرگرتن، بەلێ د ھەمان دەمدا ئەگەر پڕۆژێ دەولەتا قانوونێ بۆ دەرکرنا حزبێن رۆژھەلات سەربگریت، ئەڤە پێدڤیە ھەموو لایەنێن سیاسی یێن ژ دەرڤەی عێراقێ ھاتین ڤەگریت، تنێ حزبێن کوردی یێن ئیرانێ ل ھەرێما کوردستانێ نینە، خەلکێ دیژی ھەیە ل عێراقێ بۆ مەرامێن سیاسی ژ دەرڤە ھاتینە و کارێ سیاسی دکەن ل عێراقێ، ژبەر ڤێ چەندێ یا پێدڤیە ئەڤان لایەنان ھەموویان بگریت ھەتا لایەنێن بیانی ل عێراقێ ھەنە چالاکیێن سەربازیژی ھەنە و تێنە بکارئینان ژلایێ ھندەک ھێزێن سیاسی بۆچی بەحسێ وانا ناھێتەکرن بۆ دەرکرنێ.
ئه‌ڤرۆ نيوز:
نوونەرێ جڤاتا نیشتیمانیا کوردی ل ھەرێما کوردستانێ ئاماژە بوێ چەندێ دکەت، کو د خولەکا ئێکێ یا شەڕێ کۆمەلگەھا خانەسۆرێ دا دەمێ چەکدارێن پەکەکێ ھێرشی سەر پێشمەرگەیێن لەشکرێ رۆژ کری مە ئەمریکا ئاگەھدار کر و دیارکر، ئەمریکا رۆلەکێ بلەز و سەرەکی دیت دراگرتنا شەڕێ خانەسۆرێ دا.
جەدعان عەلی، نوونەرێ جڤاتا نیشتیمانیا کوردی ل ھەرێما کوردستانێ بۆ رۆژناما ئەڤرۆ گۆت” شاندەکێ پەیوەندیێن جڤاتا نیشتیمانیا کوردی بسەرۆکایەتی ئیبراھیم برۆ ل ئەمریکایە و لسەر داخوازا ئەڤی وەلاتی سەرەدانا ئەمریکا کرینە، ھەتا نوکە چەندین ھەڤدیتن ل گەل مەزنە بەرپرسێن ئەمریکا ھەبووینە و ل گەل شاندێ لەشکریێ وەزارەتا دەرڤەیا ئەمریکا کۆمبووینە، ب ھویری بەحسێ رەوشا سووریا و پاشە رۆژا رۆژئاڤایێ کوردستانێ ھاتیەکرن، دەمێ حەفتیەکێ دا شاندێ بلندێ ئەنەکەسێ زۆر چالاکی ھەبووینە ئەمریکا دەولەتا زلھێزا جیھانێ یە و ئەنەکەسێ پێشنیار و بۆچوونێن خوە لدۆر رەوشا سووریا گەھاندینە ئەمریکا.
جەدعان عەلی گۆتژی” ددەمێ چێبوونا روویدانا کۆمەلگەھا خانەسۆر یاکو تێدا چەکدارێن پەکەکێ ھێرشی سەر لەشکرێ رۆژ کری دخولەکا ئێکێ دا مە ئەمریکا ئاگەھدارکریە و ئەمریکا رۆلەکێ بلەزو سەرەکی ژ راگرتنا شەڕێ خانەسۆرێ دیت، ل گۆر پێزانینێن ژلایێ سەرۆکێ جڤاتا نیشتیمانیا کوردی بۆمە ھنارتی، نوکە ولاتێن ئێکگرتیێن ئەمریکا یێ ئەڤێ روودانە دیراسەت دکەن، چونکە ئەم رژدین لسەر ڤەگەڕیانا لەشکرێ رۆژ بۆ ناڤ ئاخا رۆژئاڤایا کوردستانێ، ئەم سوپاسیا ھەرێما کوردستانێ و سەرۆکی بارزانی دکەین، بۆ ئەڤێ ھاریکاریا دامەزراندنا لەشکرێ رۆژ کری، ھەر ژ مەشق و راھێنانێ و چەکدارکرنا پێشمەرگەیێن رۆژ، بەلێ مەیدانا خەباتا مە ھەرێما کوردستانێ نینە، بەلکۆ رۆژئاڤایێ کوردستانێ و پێدڤیە دەلیڤە بھێتە دان و رێکێ بدەن لەشکرێ رۆژ ڤەگەڕیت سووریێ و ئەگەر ئەو دەلیڤە ھەبیت ناگەھیتە سبەی دێ پێشمەرگەیێن رۆژ ڤەگەڕن رۆژئاڤایێ کوردستانێ و خەباتا خوە ل وێرێ بەردەوامیێ بدەنێ و بەڕەڤانیێ ژ خاکا خوە بکەن.
ئەڤرۆ نیوز:
ھۆلەندا رەت کر وەزیرێ دەرڤە یێ تورکیا مەولود چاویشئوغلۆ ل وی وەلاتی گۆتارەکێ پێشکێشبکەت بۆ بانگەشەکرنا رێفراندوما سیستەمێ سەرۆکاتییا تورکیا.
ھەروەسا ھۆلەندا مافێ گەھشتنا چاویشئوغلوی بۆ ئاخا وی وەلاتی ھەلوەشاند کو ل بەر بوو ل باژارێ رۆتەردام گۆتارا خوە پێشکێش بکەت.
بەری نھا بتنێ دەستھەلاتا باژارێ رۆتەردام بریار دابوو رێ نەدەتە وەزیرێ دەرڤە یێ تورکیا کو ل وی وی باژری چ چالاکییان بکەت، لێ چاویشئوغلوی گۆتبوو ئەو دێ ھەر سەرا وی باژاری دەت و گەفێن سەپاندنا سزایان کربوو گەر حکومەتا ھۆلەندا سەرەدانا وی قەدەغە بکەت.
پشتی ڤێ بریارا ھۆلەندا، سەرۆککۆمارێ تورکیا رەجەب تەیب ئەردۆگانی حکومەتا ھۆلەندی ب وێ یەکێ سووچبار کر کو “نەڤیێن نازییانە و فاشستن” ھەروەسا بریارا قەدەغەکرنا گەشتکرنا دپلۆماتکارێن ھۆلەندا ل تورکیا دا.
ئەردۆگان دخوازیت بەرپرسێن تورکیا بانگەشەیێ بۆ رەڤەندا تورک ل ئەورۆپا ل دۆر رێفراندوما تورکیا بکەن، لێ وەلاتێن مینا ھۆلەندا و نەمسا و ئەلمانیا وێ یەکێ رەت دکەن و دخوازن تورکیا رێزێ ل قانوون و تایبەتمەندیێن وان وەلاتان بگریت و سیاسەتا خوە ل وەلاتێن وان نەکەت.
ئه‌ڤرۆ نيوز:
كۆمبوونا مه‌سعود بارزانى سه‌رۆكێ هه‌رێما كوردستانێ ل گه‌ل شاندێ هه‌ڤپه‌يمانيا شيعه كو ئه‌ڤرۆ رۆژا شه‌مبى 11ى ئادارا 2016ێ گه‌هشته هه‌ولێر ل پيرمام ده‌سپێكر و ئاخفتنكه‌رێ ب ناڤێ سه‌رۆكاتيا هه‌رێما كوردستانێ دبێژيت: “سه‌رۆك و سه‌رۆكاتيا هه‌رێما كوردستانێ دێ جودا ل گه‌ل شاندێ هه‌ڤپه‌يمانيا شيعه‌يان كۆم بن.
ئه‌ڤرۆ نیوز،زنار تۆڤى:
نێچیرڤان بارزانى سه‌رۆكێ حوكمه‌تا هه‌رێما كوردستانێ ده‌رباره‌ى مووچێ وان فه‌رمانبه‌رێن خانه‌نشین یێن كو ل به‌ره‌یێن شه‌رى هاتینه شه‌هیدكرن بریاره‌كا سێ خالى ده‌ركریه.
ل گۆره‌ى وێ بریارێ كو ئیمزایا نێچیرڤان بارزانى سه‌رۆكێ حوكمه‌تا هه‌رێمێ ل سه‌ره و ب هژمارا(1124) ل (19/12/2016) هاتیه ده‌ركرن و ئاماژه ب هندێ دایه،كو ئه‌ڤ بریاره بۆ رێكخستنا مووچه و ئیمتیازاتێن وان فه‌رمانبه‌رێن خانه‌نشینكریه یێن كو ل به‌ره‌یێن شه‌رى ل دژى تیرۆرستێن داعش هاتیه شه‌هیدكرن،هاتیه ده‌ركرن،داكو ئه‌و مووچه‌یێ بۆ كه‌سوكارێن وان هاتیه دابینكرن یێ شایسته بیت.
هه‌روه‌سا گۆتیه:كه‌سوكارێن وان فه‌رمانبه‌رێن خانه‌نشینكرى یێن شه‌هید سه‌ر پشكن بۆ هندێ،كو مامه‌له‌یێن شه‌هیدان بۆ بكه‌ن و مووچێ وان ڤه‌گۆهێزنه سه‌ر وه‌زاره‌تا پێشه‌رگه‌ى،ب هه‌مان پله‌یا كارى به‌رامبه‌ر بهێته كرن ب پێشمه‌رگایه‌تى و دو پلێن دیتر پێ بهێنه‌دان،یان ژى ب هه‌مان پله‌یا كارى و ب هه‌مان مووچه بهێته ڤه‌گوهاستن بۆ سه‌ر وه‌زاره‌تا شه‌هید و ئه‌نفالكریان و خانه‌نشینا وان وه‌ك خوه بیت،وه‌كى د وێ فه‌رمانێ دا هاتى،وه‌زاره‌تا دارایى و ئابوورى و ب هه‌ما هه‌نگى ل گه‌ل وه‌زاره‌تا شه‌هیدان و ئه‌نفالكریان و وه‌زاره‌تا پێشمه‌رگه‌ى دێ ڤێ فه‌رمانێ بجه ئینن.
نيشاندان