ئه‌ڤرۆ نیوز:

وەزارەتا دارایی و ئابوریا هەرێما کوردستانێ خشتەیەکێ نوو یێ دابەشکرنا موچەیێ مەها ١١ یا سالا رابوری بەلاڤکر و ب ڤی رەنگی:-
رۆژا ئێکشەمبی ٢٠١٧/١/٢٩ موچەیێ ڤان وەزارەتان تێ دابەشکرن:
1-وه‌زاره‌تا ساخلەمی
2- وه‌زاره‌تا ئاڤەدانکرن و ئاکنجیبوونێ
3-وه‌زاره‌تا  ڤەگواستن و گه‌یاندنێ
ڕۆژا  دوو شه‌مبی  ٢٠١٧/١/٣٠  موچەیێ ڤان وەزارەتان تێ دابەشکرن:
1-وه‌زاره‌تا كاره‌بێ
2-وه‌زاره‌تا  شاره‌وانى و گه‌شت و گوزار
3-وه‌زاره‌تا چاندنێ  و ژێدەرێن ئاڤێ
4- وه‌زاره‌تا  پیشه‌سازى و بازرگانى
5- وه‌زاره‌تا  ئه‌وقاف و كاروبارێ ئاینى
ڕۆژا  سێ شه‌مبی   ٢٠١٧/١/٣١ ، مووچه‌ی ڤان وەزارەتان و جهان تێ دابەىشکرن:
1- وه‌زاره‌تا داد
2-وه‌زاره‌تا ڕۆشنبیرى و لاوان
3-مووچه‌یێ فه‌رمانبه‌رێن  وه‌زاره‌تا  شه‌هیدان و ئه‌نفالكریان
4- مووچه‌یێ فه‌رمانبه‌رێن وه‌زاره‌تا  كارو كاروبارێ كۆمه‌ڵایه‌تى
5–ئه‌نجومه‌نێ دادوه‌رى
6- سه‌رۆكایه‌تیا هه‌رێمێ
7- سه‌رۆكایه‌تیا په‌رله‌مانی
8- سه‌رۆكایه‌تیا ئەنجومەنێ  وه‌زیران
ڕۆژا چارشەمبێ ژى  ٢٠١٧/٢/١ ، مووچه‌یێ کەسوکارێن  شه‌هیدان و ئه‌نفالكریان  و زیندانیێن سیاسی دێ هێتە دابەش کرن .
ڕۆژى پێنجشه‌مبێ ژی 2/2/2017، مووچەیێ  (كێم ئه‌ندامان)ێن سه‌ر ب ‌ وه‌زاره‌تا  كارو كاروبارێ كۆمه‌ڵایه‌تی دێ هێتە دابەشکرن.

ئه‌ڤرۆ نیوز:
بریاره‌ دۆنالد ترامپ، سه‌رۆكێ ئه‌مریكا فه‌رمانه‌كا جێبجێكار كو ئارمانج ژێ ئاڤاكرنا ده‌ڤه‌رێن ئارامن ل سووریێ ده‌ربكه‌ت.
دۆنالد ترامپ دێ ژ وه‌زاره‌تا ده‌رڤه‌ و وه‌زاره‌تا به‌رگرییا ئه‌مریكا خوازیت د ده‌مێ 90 رۆژان دا پلانه‌كێ بدارێژن بۆ ئاڤاكرنا ده‌ڤه‌رێن ئارام ل سووریێ.
هه‌روه‌سا ژ ئالییه‌كێ دی ڤه‌ ترامپی فه‌رمانا ده‌ستپێكرنا پرۆسه‌یا ئاڤاكرنا دیواری ل سه‌ر سنۆرێ وی وه‌لاتی د گه‌ل مه‌كسیكێ ده‌رخست.

ئه‌ڤرۆ نیوز:
په‌كه‌كێ هێزه‌كا نوو یا سه‌ربازى ل شنگالێ دادمه‌زرینیت، قایمقامێ وێ قه‌زایێ ژى ڤێ پێنگاڤێ ب كویركرنا كێشان ناڤ دبه‌ت.
رۆژا سێ شه‌مبى پارتا كرێكارێن كوردستانێ په‌كه‌كێ، دامه‌زراندنا هێزه‌كا دى یا سه‌ربازى ل چیایێ شنگالێ ب ناڤێ ( یه‌كینه‌یا تایبه‌ت یا ئێزدیخان) راگه‌هاند، مه‌حما خه‌لیل قایمقامێ قه‌زا شنگال داخواز ژ په‌كه‌كێ كر كو كێشه‌ و ململانێ ل ده‌ڤه‌رێن وێرانكرى یێن وه‌كو شنگال ببه‌ته‌ ژ ده‌رڤه‌ و دیاركر كو دامه‌زراندنا ڤێ هێزێ خزمه‌تێ ب سه‌قامگیرى و ئاڤه‌دانكرنا شنگالێ ناكه‌ت.
پێشتر نێچیرڤان بارزانى سه‌رۆك وه‌زیرێن هه‌رێما كوردستانێ داخواز ژ په‌كه‌كێ كربوو كو ل شنگالێ خوه‌ ڤه‌كێشن، حه‌یده‌ر عه‌بادى سه‌رۆك وه‌زیرێن عیراقێ ژى دیاركربوو كو وان ژى داخواز ژ په‌كه‌كێ كریه‌ ل شنگال خوه‌ ڤه‌كێشن.