ئه‌ڤرۆ نيوز، زنار تۆڤى:
چه‌ند ديمه‌نێن ده‌ڤه‌را كانى ماسێ كو ب سارترين ده‌ڤه‌ر ل سه‌رانسه‌رى پارێزگه‌ها دهۆكێ دهێته هژمارتن و ئێك ژ شه‌ڤێن خوه ب -17 ده‌رباز كر كو زوو ب زوو ئه‌ڤ پلا سه‌رمايێ ناهێته تۆماركرن.
نووترين نووچه
- سەرۆكێ حوكمەتێ و قونسلێ فلستینێ دووماهی پێشهاتێن رەوشا غەزە گەنگەشەكرن
- د. خەلیل غازی: داهاتێ دەزگەهێن حوكمەتا ئیراقێ بۆ گەنجینەیا وەلاتی ناچن
- هەكە دۆزێن مللەتان د هندەك ویستگەهاندا تووشی راوەستییانێ ژی ببن، چو جاران ب دووماهی ناهێن
- مەسرور بارزانی و پاتریاركێ كەنیسەیا ئاشۆرییا رۆژهەلاتی دوپاتیێ ل پێشڤەبرنا كەلتوورێ پێکڤەژیانێ دكەن
- پارتی ل گەل ئێك لیستییێ یە ل دەڤەرێن كوردستانی یێن ل دەرڤەی ئیدارەیا هەرێمێ
- لەیلا قاسم نموونەیا قەهرەمانییا كچا كوردە و سیمبۆلا ئازادیخوازیێیە
- نێچیرڤان بارزانی: پێشوازیێ ل خوە هەلوەشاندنێ و چەكدانانا پەكەكێ دكەین
- نێچیرڤان بارزانی و مەسرور بارزانی پیرۆزباهیێ ل بنگەهێ لالشێ دكەن
- مەسرور بارزانی: پشتەڤانییا حوكمەتێ بۆ ب هێزكرنا ژێرخانەیا ئابۆری دێ بەردەوام بیت
- بنگەهێ لالش خزمەتەكا بەرچاڤ یا جڤاكێ ئێزدیاتیێ كریە
سهرهكى نوچێن گرنگ
ليوا وه‌حيد كۆڤلى چوو به‌ر دلۆڤانيا خودێ
ئه‌ڤرۆ نيوز:
سپێده‌هيا ئه‌ڤرۆ رۆژا ئه‌ينى 3ى شوباتا 2017ێ ليوا وه‌حيد كۆڤلى فه‌رماندێ فه‌رمانده‌يا دژى تيرۆرێ ل دهۆكێ ژ ئه‌گه‌رێ جه‌لتا مێشكى ل مالا خوه چو به‌ر دلۆڤانيا خودێ.
كه‌سه‌كێ نێزيك مالا وى ئه‌ڤ نووچه پشت راست كر و گۆت: “ئه‌ڤرۆ رۆژا ئه‌ينى و ل ده‌مژمێر 8:00ى سپێدێ ژ ئه‌گه‌رێ جه‌لتا مێشكى وه‌حيد كۆڤلى چوو به‌ر دلۆڤانيا خودێ”.
پشتى ژ نوشداريا داد ب دووماهى دهێت دێ بۆ گورستانا شاخكێ ل دهۆكێ هێته ره‌وانه‌كرن و ل وێرێ هێته ڤه‌شارتن. هه‌ر وه‌كو ئه‌ڤى كه‌سێ نێزيكى خێزانا وى ئاشكه‌را كرى.
ليوا وه‌حيد كۆڤلى فه‌رماندێ فه‌رماندا دژى تيرۆرێ دژيێ 46 ساليێ دا وه‌غه‌ر كر و خودان سێ كوڕه و هنده‌ك كچ ژى يێن هه‌ين.
ليوا وه‌حيد كۆڤلى ئێك ژ ناڤدارترين فه‌رماندێ له‌شكرێ كوردستانێ بوو د شه‌رێ دژى داعش دا و چه‌ندين جاران پشكدارى د شه‌رێن گه‌له‌ك مه‌زن دا كرينه و گه‌له‌ك سه‌ركه‌فتن تۆمار كرينه.
ب وێنه: چه‌ند ديمه‌نێن جوانێن به‌فرێ و جه‌مه‌دێ ل ده‌ڤه‌را بارزان
ب فه‌رمى سارترين ده‌ڤه‌را كوردستانێ، جهه‌كێ پارێزگه‌ها دهۆكێ يه
ب فه‌رمى بزانه پلا گه‌رماتيێ ل ده‌ڤه‌رێن پارێزگه‌ها دهۆكێ چه‌ند د بن سفرێ دايه
ڤيديو: ل ده‌مێ به‌فر و دروستبوونا جه‌مه‌دى دێ چاوا شوفێريێ كه‌ى
نێچيرڤان بارزانى وێنێ خوه د ناڤ به‌فرێ دا به‌لاڤ دكه‌ت
پتر ژ 100 هزار لاو و سنێلا مفای ژ پرۆژه‌كی وه‌ردگرن
ئه‌ڤرۆ نيوز:
ئه‌ڤرو ل هۆلا كۆنفرانسا ل زانكۆیا دهۆكێ و ل ژێر چاڤدێریا فه‌رهاد ئه‌مین ئه‌ترووشی پارێزگه‌رێ دهوكێ رێڤه‌به‌ریا لاوان ل دهوكێ ب هه‌ڤكاریا رێكخراوا یونسێف ئاهه‌نگا ب دوماهی ئینانا پروژێ (سه‌ركردایه‌تیا لاو و سنێلا و به‌شدارێن جڤاكی بو ئێكگرتنا كومه‌لگه‌هێ ) سازكر.
ل ده‌ست پێكا ئاهه‌نگێ پێشانگه‌ها گشتی یا كاروچالاكیێن پروژه‌ی هاته ڤه‌كرن.
پاش رێ ورسمێن ئاهه‌نگێ هاتنه گێران ولبه‌راهیێ په‌یڤا بخێر هاتنێ هاته خاندن.
پاش نێچیرڤان سادق رێڤه‌به‌رێ لاوان دپه‌یڤه‌كێ دا گوت : گه‌نجێن كوردستانێ شیانێن مه‌زن هه‌نه بو هه‌موو گورانكاریا وسه‌ركردایه‌تیكرنێ ویا گرنگتر ئه‌وه مه‌ژیێ لاوان بهێته ئاڤاكرن بو خزمه‌تكرنا گه‌ل وه‌لاتی وخواست كو رێكخراوێن مروڤایه‌تی پتر هاریكاریا گه‌نجان بكه‌ن وسوپاسیا وان یونسێف وحكومه‌تێن ئه‌لمانیا وژاپونێ وحكومه‌تا كوردستانێ وپارێزگه‌ها دهوكێ كر بو هاریكاریكرنا گه‌نج ولاوان.
پاش پارێزگه‌رێ دهوكێ دپه‌یڤه‌كێدا پیروزباهی وده‌ست خوشی ل وان گه‌نجا كر یێن پشكداری پروژه‌ی بوین وسوپاسیا وان هه‌موو لایه‌نان كر یێن پشته‌ڤانیا پروژه‌ی كرین تایبه‌ت یونسێف وئاماژه دا دوو خالێن گرنگ ئه‌وژی ئه‌وه كو حكومه‌تا كوردستانێ گرنگییه‌كا پتر بده‌ته ته‌خا گه‌نج ولاوان ومروڤان ب گشتی ویا دووێ ئه‌وه ئه‌ڤ ئاخا ئه‌م ل سه‌ر دژین وه‌لاتێ مه‌یه دڤێت ئه‌م بخو وه‌لاتێ خو ئاڤاكه‌ین وپێشبێخین ب تایبه‌تی ب رێكا كارێن خوبه‌خشی وهیڤی خاستن گه‌نجێن مه دگه‌شبین بن وبئاسوده‌یه‌كا رون سه‌حكه‌نه پاشه‌روژا وه‌لاتی وسه‌ركه‌فتن بو هه‌موویان خواست.
پاش په‌یڤێن رێڤه‌به‌ریا گشتی یا لاوان ل وه‌زاره‌تێ ورێكخراوا یونسێف هاتنه خاندن ، پاش راپورتا چالاكییان هاته خاندن ول دوماهیێ چه‌ند پارچه موزیك هاتنه پێشكێشكرن وباوره‌نامه ل سه‌ر پشكدارێن پروژه‌ی هاتنه به‌لافكرن.
هه‌ژی گوتنێ ل مه‌ها دوو سالا 20166 ده‌ست ب ئه‌نجامدانا پروژێ ناڤبری هاتیه كرن وپتر ژ(1250) چالاكیێن جودا یێن ره‌وشه‌نبیری وه‌رزشی پیشه‌یی په‌روه‌رده‌یی وخوبه‌خشی ل (12)ناوه‌ندێن لاوان ل سه‌رانسه‌ری پارێزگه‌هێ هاتینه ئه‌نجامدان وپتر ژ(100) هزار لاو وسنێلان مفا ژپروژه‌ی وه‌رگرتیه، پروژه ب هه‌ڤكاریا یونسێف وحكومه‌تێن ئه‌لمانیا وژاپون وپارێزگه‌ها دهوكێ هاتیه ئه‌نجامدان.
ژبه‌ر به‌فرێ سوبه ل ڤێ پارێزگه‌هێ بهێنڤه‌دانه
رێیا بەردەرەش بۆ کەلەک مەترسیترینە ل پارێزگەھا دھۆک
ئه‌ڤرۆ نيوز:
ژبەر ژ کارکەفتنا رێیا سەرەکیا دھۆک بۆ ھەڤلێر دناڤبەرا بەردەرەش بۆ ناحیا کەلەک کو مەترسیترین رێ دھێتە ھژمارتن بۆ وەلاتیان، ب تایبەت روودانا حەفتیا بۆری کو حەفت کەسا د ئێک خێزان د روودانێن ھاتن و چوونێ دا گیانێ خو ژ دەست دایی، ھژمارەکا رێکخراوێن مەدەنی و چالاکڤان و رۆژنامەڤان و گرۆپێ فشار ل قەزا بەرەدەرەش خرڤەبوونەکا نەرازیبونێ ل سەر ڤێ رێیێ ئەنجام دا و بەیاننامەک خواند تێدا داخواز ژ حوکمەتا ھەرێما کوردستانێ کر رێگە چارەیەکا بلەز بھێت کرن کو ئەڤ رێیە بھێتە چێکرن.
سەبری محەمەد ئەمین، سەرپەرشتێ خرڤەبوونێ بۆ رۆژناما ئەڤرۆ دیار کر، ب مخابنی ڤە رۆژ بۆ رۆژێ روودانێن مەترسیدار ل سەر رێیا دناڤبەرا بەردەرەش بۆ ناحیا کەلەک دروست دبن، ئەڤ رێیە یا بوویە جھێ مەترسیێ ل دەف وەلاتی و شۆفێران، رۆژانە شۆفێر و وەلاتی دبنە قوربانیێن ڤێ رێیێ، ژبەر ژکارکەفتنا رێیێ و بەرتەنگیا وێ و ھاتنا تروملبێلێن بارھەلگر ب رێژەکا ھەرە مەزن، لەوما مە ب گرنگ زانی کو ژمارەکا رێکخراوێن مەدەنی و ژمارەکا چالاکڤان و رۆژنامەڤانا ئەڤ خربونەڤە ئەنجام دا و تێدا داخواز ژ حوکمەتا ھەرێما کوردستانێ کر رێگە چارەیەک بھێت دیتن بۆ نووژەنکرن و بەرفرەھکرنا ڤێ رێیێ، چونکو ل سالا بۆری مەترسیترین رێ ل ھەرێما کوردستانێ دھێت ھژمارتن.
ناڤبری دیار کر کو ھاتن و چوونا ھەموو باژێرێن کوردستانێ ل سەر ڤێ رێیێ دەباز دبن و گەلەک جاران ژ بەر قەلەبالغی و رێژا مەزن یا ھاتنا ترومبێلێن بارھەلگر ترۆمبێلێن بچووک مەترسیا وان زێدەتر لێ دھێت سەرەرایی قەلەبالغیێ ئەڤ ترومبێلێن بارھەلگر پتر لەزاتیێ بکاردئینن.
ژلایەکێ دی ڤە محەمەد یاسین، ئێک ژ شۆفێرێن ترۆمبێلێن بچیک بۆ رۆژناما ئەڤرۆ دیار کر، رۆژانە کارێ من ل سەر ڤێ رێیێ یە و گەلەک رۆژان دەمێ ل بەرەدەرش بۆ ھەولێر دچم، روودانێن ب جۆرێ کاریسە دبینم، گەلەک جاران من دیتیە روودان دروست بوویە و تەرمێن وەلاتیان ھێشتا د ناڤ ترۆمبێلێ دایە مایە ئاسێ.
ناڤبری دیار کر، داخواز ژ حوکمەتا ھەرێما کوردستانێ دکەین یان ئەڤ رێیە بھێتە نووژەنکرن و بەرفرەھکرن، یان رێیا شێخان بۆ باشیک و ھەولێر بھێتە ڤەکرن، ئەوا ژلایێ پێشمەرگەی ڤە ھاتیە کونترولکرن، چونکو نھا مەترسی ل وان دەڤەرا نەمایە و ھاتن و چوون ب شێوەیەکێ سروشتی دھێتە کرن.
نيشاندان
WP Facebook Auto Publish Powered By : XYZScripts.com