ئێدی “رۆژئاڤا” د رێڤه‌به‌رییا رۆژئاڤایێ كوردستانێ دا ناهێته‌ بكارئینان

28/12/2016 20:16

450

ئه‌ڤرۆ نیوز:
رێڤبه‌رییا خوه‌سه‌ر ل رۆژئاڤایێ كوردستانێ ب فه‌رمی بریار دا په‌یڤا رۆژئاڤا ژ ناڤێ “فێدراسیۆنا دیمۆكرات يا رۆژئاڤا، باكۆرێ سووریێ”، بهێـه‌ ده‌رێخستن و ببیته‌ “فێدراسیۆنا دیمۆكرات يا باكۆرێ سووریێ”.
پشتی چه‌ندین جڤینان ل رمێلان، رێڤبه‌رییا خوه‌سه‌ر یا رۆژئاڤایێ كوردستانێ ناڤێ سیسته‌مێ خوه‌ یێ فێدرالی ل رۆژئاڤایێ كوردستانێ گوهری و ژ “فێدراسیۆنا دیمۆكرات يا رۆژئاڤا، باكۆرێ سووریێ” كره‌ “فێدراسیۆنا دیمۆكرات يا باكۆرێ سووریێ”، په‌یڤا كوردی یا رۆژئاڤا كو ئاماژه‌ دكه‌ته‌ پارچا رۆژئاڤا ژ كوردستانا مه‌زن تێدا نه‌هێلا.
165 ئه‌ندامێن ده‌سته‌یا رێكخستنا جڤاتا دامه‌زرینه‌ر كو په‌یه‌دێ تێدا ده‌ستهه‌لاتداره‌ ده‌نگ دا ڤێ بریارێ.
جڤاتا ته‌ڤده‌مێ ب سه‌ركێشییا په‌یه‌دێ سیسته‌مێ فێدرالیێ بۆ باكۆرێ سووریێ راگه‌هاندییه‌ لێ ژ ئالیێ رژێما سووریێ و ئۆپۆزسیۆنا سووریێ ژی ڤه‌ هاتییه‌ ره‌ت كرن، توركیا و رۆسیا و ئه‌مریكا ژی ل دژی ڤی سیسته‌مییه‌ كو دبێژن دێ سووریێ پارچه‌ كه‌ت.

ب وێنه‌، جوانترین وێنێن ده‌ڤه‌را گه‌شتیارى یا چیایێ كوره‌ك

28/12/2016 19:46

520

ئه‌ڤرۆ نیوز:

پشتى شه‌پوله‌كا به‌فرێ هه‌رێما كوردستانێ ڤه‌گرتى، ب هزاره‌هان گه‌شتیار ژ ناڤخو و ده‌رڤه‌ى هه‌رێمێ سه‌را جهێن گوزارى یێن كوردستانێ دده‌ن، چیایێ كوره‌ك ژى ئێك ژ وان جهێن گوزارى یه‌ كو ل دووڤ ئاخافتنێن ئیدارا ڤى جهێ گوزارى، رۆژانه‌ سێ هزار گه‌شتیار قه‌ست دكه‌نێ، كو سه‌ره‌راى پلا گه‌رماتیێ دگه‌هته‌ دبن سفرێ دا، به‌لێ د وه‌رزێ زڤستانێ دا رێژا گه‌شتیارى بۆ چیایى كوره‌ك كێم نابیت و گه‌شتیار ل به‌ر دیمه‌نێن جوان یێن به‌فرێ وێنان دگرن و خوارنه‌گا گه‌رم دخوون.
چیایێ كوره‌ك ئێكه‌ ژ چیایێن هه‌رێما كوردستانێ يه كو 2 هزار و 115 متران ل سه‌ر ئاستێ ده‌ریایێ یا بلنده‌، دكه‌ڤیته‌ سنورێ قه‌زا ره‌واندوز سه‌ر ب پارێزگه‌ها هه‌ولێرێ، گه‌شتیار ب رێیا تلفریكێ قه‌ستا سه‌رێ چیای دكه‌ن.

تورکیا و رووسیا ل سەر پلانا ئاگربەستێ ل سووریا رێککەفتن

28/12/2016 19:21

ئه‌ڤرۆ:

ب مه‌ره‌ما راگه‌هاندنا ئاگربه‌ستێ ل سه‌رانسه‌رێ سووریا، توركیا و رووسیا ل سه‌ر پلانه‌كا پێشنیازكرى بۆ لایه‌نێن شه‌ركه‌ر رێككه‌فتن، پشتى راگه‌هاندنا ئاگربه‌ستێ ل رۆژهه‌لاتێ ناڤه‌ندا حه‌له‌بێ و ڤه‌گوهاستنا ئاكنجیێن وێ، توركیا و رووسیا ل سه‌ر پلانه‌كا پێشنیازكرى بۆ لایه‌نێن شه‌ركه‌ر ل سووریا رێككه‌فتن تاوه‌كو ب تمامى ل وى وه‌لاتى ئاگربه‌ست دهێته‌ راگه‌هاندن.

فه‌رمانه‌ك ژ پارێزگه‌رێ‌ دهۆكێ‌ بۆ لژنا موه‌لیدان ل پارێزگه‌هێ‌

28/12/2016 16:54

5222

ئه‌ڤرۆ نيوز:

ل دووڤ فه‌رمانا فه‌رهاد ئه‌مین ئه‌ترووشی پارێزگه‌رێ‌ دهۆكێ‌ بۆ لژنا موه‌لیدان ل پارێزگه‌هێ‌، بڕیار بهێته‌ دان بهایێ‌ ئه‌مپێرێ‌ كاره‌با موه‌لیدان ل پارێزگه‌ها دهۆك ژی وه‌كو پارێزگه‌هێن هه‌ولێر و سلێمانیێ‌ بیت و نابیت بهایێ‌ وێ‌ زێده‌تر بیت و بارێ‌ وه‌لاتیان بهێته‌ گران كرن.

ئه‌ڤ فه‌رمانه‌ پارێزگارێ دهۆك دده‌مه‌كێ دايه‌ كو ئه‌ڤرۆ ل تاخێ شندوخا بۆ هه‌ر ئه‌مپيره‌كا كاره‌بێ 15 هزار دينار هاتينه‌ وه‌رگرتن، ئه‌ڤه‌ژى پسوله‌كا خودانا موه‌ليدێ:

79 هزار رێڤينگان ل ئيبراهيم خه‌ليل هاتنوچوون كريه‌

28/12/2016 14:51

194

ئه‌ڤرۆ نيوز:

ل چريا دويێ يا ئه‌ڤ ساله‌ زێده‌ترى 79 هزار رێڤينگان ل ده‌رگه‌هێ نێڤده‌وله‌تى يێ ئيبراهيم خه‌ليل هاتنوچوون كريه‌.

ل دووڤ راپۆرتا نڤێسنگه‌ها ئاكنجیبوون و پاسپۆرتان ل ئیبراهیم خه‌لیل 79 هزار و 246 رێڤینگان ل ده‌رگه‌هێ ئیبراهیم خه‌لیل هاتنوچوون كریه‌.

هه‌ر ب گۆره‌ى راپۆرتا نڤێسنگه‌ها ناڤبری كو دیار بوويه‌ 40 هزار و 856 رێڤینگ هاتینه‌ ناڤ هه‌رێما كوردستانێ كو ژ وان حه‌فت هزار و 444 هه‌لگرێن پاسپۆرتێن عيراقینه‌ و 32 هزار و 606 هه‌لگرێن پاسپۆرتێن توركی نه‌، هه‌روه‌سا 806 كه‌س هه‌لگرێن پاسپۆرتێن بیانی نه‌.

د ڤێ راپۆرتێ دا يا دانه‌يه‌ك ب ده‌ست ئه‌ڤرۆ نيوز كه‌فتى دیاربوويه‌ ژى 38هزار و 390 رێڤینگ ب رێیا ده‌رگه‌هێ ئیبراهیم خه‌لیل چووینه‌ وه‌لاتێ توركیا كو ژ وان چار هزار و 935 كه‌س هه‌لگرێن پاسپورتێن عيراقی نه‌، 32 هزار و 554 هه‌لگرێن پاسپورتێن توركی نه و 901 كه‌س هه‌لگرێن پاسپۆرتێن بیانی نه‌.

ئيرانێ سێ زيندانكريێن دى سێداره‌ دان

28/12/2016 11:52

131

ئه‌ڤرۆ نيوز:

ب گۆره‌ى راپۆرتا ناڤه‌ندا چالاكيێن مافێ مرۆڤى ل ئيرانێ، د رۆژێن بۆرى دا دو زيندانكريێن دى يێن كورد د زيندانا ناڤه‌ندى يا ئه‌راك ژ لايێ ده‌زگه‌هێ دادوه‌ريێ ئيرانێ هاتنه‌ سێداره‌دان.

مالپه‌رێ كۆمه‌لا چالاكێن مافێ مرۆڤى ل ئيراني “هێرانا” به‌لاڤكر كو رۆژا ئێكشه‌مبى 26ى كانوونا ئێكێ 2016 دو زيندانكريێن دى يێن كورد كو خه‌لكێ “پۆلدۆخته‌ر” ب ناڤێن “وه‌ليوئه‌لا ره‌شنوو و قوده‌ت ئيبراهيمى” ل پارێزگه‌ها لورستان ژ لايێ ده‌زگه‌هێ دادوه‌ريێ ئيرانێ ڤه‌ ب تۆمه‌تا “قاچاخى و فرۆتنا ماددێن هۆشبه‌ر” ل گه‌ل زيندانيه‌كێ دى كو هه‌تا نوكه‌ ناسناما وى يا ديار نينه‌ سێداره‌ دان”.

ب گۆره‌ى ئامارێن تۆماركرى ژ ناڤه‌ندا ئامارا مالپه‌رێ “هه‌نگلۆ” د ماوێ 100 رۆژێن بۆرى دا ل زيندانێن ئيرانێ و باژێرێن كوردستانێ ل رۆژهه‌لات د هه‌ر دو رۆژان دا كورده‌ك ژ لايێ ده‌زگه‌هێ دادوه‌رى يێ ئيرانێ ڤه‌ دهێته‌ سێداره‌ دان.

دووماهى ئامارا شه‌هيد و بريندارێن پێشمه‌رگه‌ى ل شه‌رێ دژى داعش

28/12/2016 11:39

1034

ئه‌ڤرۆ نيوز:

ژ ده‌سپێكا شه‌رێ دژى داعش و هه‌تا نوكه‌ هزار و 654 پێشمه‌رگه‌ شه‌هيد بووينه‌ و 9 هزار و 707 پێشمه‌رگه‌ بريندار بووينه‌ و 62 پێشمه‌رگه‌ د بێ شه‌روشوونن، ئه‌ڤه‌ ژى ب گۆره‌ى ئامارا ده‌زگه‌هێ ساخله‌ميا پێشمه‌رگه‌ى ل هه‌ولێر.

شه‌مال جه‌بار ياوه‌ر، سه‌رۆكێ ده‌زگه‌هێ ساخله‌مييا پێشمه‌رگه‌ى ئه‌ڤرۆ د كۆنگره‌كێ رۆژنامه‌ڤانى دا راگه‌هاند: ب گۆره‌ى ئامارێن فه‌رمى كو ژ وه‌زاره‌تا پێشمه‌رگه‌ى وه‌رگرتينه‌، ژ 10ى تيرمه‌ها 2014ێ هه‌تا 27ى ڤێ هه‌يڤێ هزار و 654 پێشمه‌رگه‌ ل شه‌رێ دژى داعش شه‌هيد بووينه‌ و 9 هزار و 707 ژى بريندار بووينه‌ و 62 پێشمه‌رگه‌ ژى د بێ سه‌روشوونن”.

ئه‌مريكا داخوازێ ژ په‌كه‌كێ دكه‌ت شنگال چوول بكه‌ت

28/12/2016 11:31

167

ئه‌ڤرۆ نيوز:

وه‌زاره‌تا ده‌رڤه‌ يا ئه‌مريكا داخوازێ ژ په‌كه‌كێ دكه‌ت كو شنگال چۆل بكه‌ت و وه‌سان دبينيت كو ئه‌گه‌ره‌كه‌ ل هه‌مبه‌ر ئاشتيێ و ڤه‌گه‌ريانا خه‌لكێ ئاواره‌ بۆ سه‌ر مال و حالێن خوه‌.

مارك تۆنه‌ر، جێگرێ ئاخفتنكه‌رێ وه‌زاره‌تا ده‌رڤه‌ يا ئه‌مريكا رۆژا سێشه‌مبى 18ى كانوونا ئێكێ 2016 د كۆنگره‌كێ رۆژنامه‌ڤانى دا راگه‌هاند “په‌كه‌كه‌ ژ لايێ ئه‌مريكا ڤه‌ وه‌كو گرۆپه‌كێ تيرۆرستى هاتيه‌ نياسين و پێدڤى ناكه‌ت چو رۆله‌ك د شنگال دا هه‌بيت”.

گۆتژى: “باوه‌ريا مه‌ يا وه‌سايه‌ كو هه‌بوونا په‌كه‌كێ ل شنگال ئه‌گه‌ره‌كێ مه‌زنه‌ ل به‌رامبه‌ر ئاشتيێ و ڤه‌نه‌گه‌ريانا ئاواران و ئه‌و كه‌سێن مال و حالێن خوه‌ ب جهـ هێلاين، ژ به‌ر هندێ ژى پێدڤيه‌ ده‌ڤه‌رێ چوول بكه‌ن”.

رێژا باران بارينێ د ماوێ 24 ده‌مژمێرێن بۆرى دا

28/12/2016 11:03

197

ئه‌ڤرۆ نيوز:

رێڤه‌به‌ريا گشتى يا كه‌شناسيێ راگه‌هاند كو ژئه‌نجامێ بلندبوونا فشارێن رۆژهه‌لاتێ وه‌لاتێ توركيا بۆ سه‌ر هه‌رێما كوردستانێ ل چه‌ند ويستگه‌هێن جودا يێن هه‌رێما كوردستانێ ب رێژێن جودا باران باريه‌ و ل دووڤ ڤى خشتێ ل خوارێ دياركرى:

بهايێ ئه‌مپێرێ كاره‌بێ هاته‌ ده‌ستنيشانكرن

28/12/2016 11:00

3025

ئه‌ڤرۆ نيوز:

لیژنا بلند یا سەرپەرشتا موەلیدێن کارەبێ ل پارێزگەھا دھۆکێ بھایەکێ نوو بۆ کارەبا موەلیدان دیار کر کو بھایێ ئەمپێرێ کارەبێ بۆ ھەیڤا 12 دێ 16 ھزار و 500 دینار بن کو نوکە دێ 15 ھزار دینار ژ وەلاتیان ھێنە وەرگرتن.
کەریم چەمانکی ئەندامێ لیژنا پیشەسازی و سامانێن سرۆشتی ل ئەنجومەنێ پارێزگەھا دھۆکێ بۆ رۆژناما ئەڤرۆ دیار کر لیژنا بلندا سەرپەرشتا موەلیدێن ئەھلی ل پارێزگەھا دھۆکێ ئاشکرا کر کو ژ ئەگەرێ کێمبوونا کارەبا نشتیمانی و گرانبوونا بھایێ گازوایلێ، بڕیار ھاتەدان پارێ ئەمپێرەکێ کارەبێ بۆ ڤێ ھەیڤێ ببیتە 16 ھزار و 500 دینار، لێ نوکە دێ 15 ھزار دینار دێ ژ وەلاتیان ھێنە وەرگرتن و گۆت “بێھنڤەدانا موەلیدان دێ ژ 12ی نیڤرۆ ھەتا دویێ پشتی نیڤرۆ بیت، ھەروەسا ژ دویێ شەڤێ ھەتا حەفتی سپێدێ بیت”.
ئەندامێ لیژنا پیشەسازی و سامانێن سرۆشتی ل ئەنجومەنێ پارێزگەھا دھۆکێ خویا ژی کر کو بەری نوکە لترا گازوایلێب (300 تا350) دیناران بوو، نوکە بوویە (500 تا 600)دیناران، ھەروەسا کارکرنا موەلیدان گەھشتیە 13 دەمژمێران و گۆت “ل دو سالێن بۆری حوکمەتا ھەرێما کوردستانێ چ ھاریکاری پێشکێشی موەلیدێن ئەھلی نەکریە، لەورا بوویە کەرتەکێ سەربخوە.
کەریم چەمانکی ئاشکرا ژی کر کو کارێ لیژنا بلند یا سەرپەرشتا موەلیدێن کارەبێ ب تنێ رێکخستنا کاری موەلیدان و چاڤدێریا بھایانە و گۆت “بۆ دەمەکێ نەدیار دێ کار ب ئەڤان بھایان ھێتەکرن”.

نيشاندان 1...1,000 2,000 1,7381,7391,740...2,739 زێده‌تر

لاپه‌ر 1,739 ژ 2,739