ئه‌ڤرۆ نيوز:
تره‌مپ راگه‌هاند، ئۆباما ل كوچكا سپى نامه‌يه‌ك بۆ وى بجهـ هێلايه، بجهـ هێلانا نامه‌يه‌كێ ژ ئاليێ سه‌رۆكه‌كێ ڤه بۆ سه‌رۆكێ ل دووڤ خوه يێ ئه‌مريكى بوويه نه‌ريت.
تره‌مپ: ئوباما ل كوچكا سپى نامه‌يه‌ك بۆ من بجهـ هێلايه
نووترين نووچه
- سەرۆكێ حوكمەتێ و قونسلێ فلستینێ دووماهی پێشهاتێن رەوشا غەزە گەنگەشەكرن
- د. خەلیل غازی: داهاتێ دەزگەهێن حوكمەتا ئیراقێ بۆ گەنجینەیا وەلاتی ناچن
- هەكە دۆزێن مللەتان د هندەك ویستگەهاندا تووشی راوەستییانێ ژی ببن، چو جاران ب دووماهی ناهێن
- مەسرور بارزانی و پاتریاركێ كەنیسەیا ئاشۆرییا رۆژهەلاتی دوپاتیێ ل پێشڤەبرنا كەلتوورێ پێکڤەژیانێ دكەن
- پارتی ل گەل ئێك لیستییێ یە ل دەڤەرێن كوردستانی یێن ل دەرڤەی ئیدارەیا هەرێمێ
- لەیلا قاسم نموونەیا قەهرەمانییا كچا كوردە و سیمبۆلا ئازادیخوازیێیە
- نێچیرڤان بارزانی: پێشوازیێ ل خوە هەلوەشاندنێ و چەكدانانا پەكەكێ دكەین
- نێچیرڤان بارزانی و مەسرور بارزانی پیرۆزباهیێ ل بنگەهێ لالشێ دكەن
- مەسرور بارزانی: پشتەڤانییا حوكمەتێ بۆ ب هێزكرنا ژێرخانەیا ئابۆری دێ بەردەوام بیت
- بنگەهێ لالش خزمەتەكا بەرچاڤ یا جڤاكێ ئێزدیاتیێ كریە
سهرهكى نوچێن گرنگ
عيراقێ رێككه‌فتنا ئوپێك بجهـ ئينا
ئه‌ڤرۆ نيوز:
وەزیرێ نەفتا عێراقێ راگەهاند،وه‌لاتێ وان پابەندى بریارا ئۆپێک بوویە ل دۆر كێمكرنا رێژا هنارتنا نه‌فتێ بۆ بازارێن جيهانێ و ، بۆ وێ مەرەمێ ژى رۆژانە ١٨٠ هزار بەرمیلێن نەفتێ کێمکرینە.
جەبار عەلى لعێبى وەزیرێ نەفتا عێراقێ دياركر كو ئه‌و ب ژڤانن ژى بەری داوى هاتنا ڤێ مەهێ کۆژمێ ٣٠ هزار بەرمیلێن دن ژى کێم بکەت.
عێراق ددوه‌م بەرهەمهێنێ ولاتێ ئەندامه د رێکخراوا ئۆپێکدا، ئوپێك ، رۆژا شەمبى ١٠ێ کانونا ئێکەما ٢٠١٦ێ وەلاتێن رێکخراوا ئۆپێک و وەلاتێن دەرڤەى وێ رێکخراوێ ل سەر کێمکرنا بەرهەمئینانا نەفتێ رێككه‌فتن.
سەرکردایەتیا پارتی: خوه سەپاندنا پەکەکێ قەبوول ناکەين
ئەڤرۆ نیوز:
ئەندامەکێ جڤاتا سەرکردایەتیا پارتی ئاماژە بڤێ چەندێ دکەت، مانا چەکدارێن پارتا کرێکارێن کوردستانێ پەکەکێ ل شنگالێ دێ شەڕ کەڤیتە ناڤبەرا دو دەولەتان و زیانێن مەزن دێ گەھنە خەباتا گەلێ کورد، ھەروەسا دیارکر، پارتی یا بەرھەڤە دانوستانا دگەل پەکەکێ بکەت ئەگەر ئەف دانوستان بۆ بەرژەوەندیا مللەتێ کوردبن.
نووری حەمە عەلی، ئەندامێ جڤاتا سەرکردایەتیا پارتی دیموکراتی کوردستان بۆ رۆژناما ئەڤرۆ گۆت” جھێ خەباتا پەکەکێ ل شنگالێ نینە، بەلکۆ گوڕەپانا خەباتا پەکەکێ خویایە ل کوردستانا باکورە و ئەمژی وەک ھەرێما کوردستانێ و پارتیژی پشتەڤان و ھاریکارن بۆ کوردێن باکور و بدەستڤە ئیانانا مافێن وان د چوارچوڤێ تورکیادا بشێوەیەکێ مەدەنی، ئەگەر پەکەکەژی داخوازا مافێن کوردا ل تورکیا بکەت بشێوەیەکی سەردەمیانە پشتەڤانیا پەکەکێ ژی دکەین، بەلێ مانا پەکەکێ ل شنگالێ چو بەھانەیەک بۆنینە ژبلی ڤێ چەندێ دێ بەھانەیا دەتە دەست وەلاتێ تورکیا دەستێ خوە بینیت ناف کاروبارێن ھەرێما کوردستانێ، دو حزبێن دیموکرات و دو حزبێن کۆمەلە یێن کوردستانا رۆژھەلات پشتی سەرھەلدانێ ل ھەرێما کوردستانێ دژین و رۆژەکێ ل رۆژا تشتەکێ وەسا نەکریە ئەم بکەڤینە بەر ھێرشێن وەلاتێ ئیرانێ و ئەڤان حزبێن رۆژھەلات رەوشا ھەرێما کوردستانێ بەرچاڤ گرتیە و چو رۆژەکێ چالاکیەکا سەربازی ناف خاکا ھەرێما کوردستانێ ئەنجامدایە ببیتە ئەگەرێ ڤێ چەندێ کاریگەری لسەر رەوشا ھەرێمێ ھەبیت، چونکە ئەف دزانن دێ زیان ب وەلاتیێن ھەرێما کوردستانێ کەڤن، بەلێ ئەگەر پەکەکە ھەر یا رژدبیت لسەر مانا خوە شنگالێ دێ شەڕ کەڤیتە ناڤبەرا دو دەولەتان و زیانڤێکەفتیێن ئێکێ ژی دێ ھەر ھەرێما کوردستانێ و گەلێ کوردبیت.
نووری حەمە عەلی دیارکر” ئەم وەکی پارتی دیموکراتی کوردستان بەرھەڤین بۆچارەسەرکرنا ھەر پرسەکێ دانوستانا دگەل پارتا کرێکارێن کوردستانێ پەکەکێ بکەین، ئەگەر بھێت و ئەف دانوستان د بەرژەوەندیا مللەتێ کوردا بن و پارتی چو جارەکێ دانوستان رەتنەکرینە، بەلێ بەرۆڤاژی پارتی زۆرداری و خۆ سەپاندنێ ل چو حزبە و لایەنەکی قەبوولناکەت، ئەگەر پەکەکێ بڤێت ب زۆری خۆ بسەپینیت ئەڤە پارتی ئەڤێ خۆ سەپاندنا پەکەکێ قەبولناکەت، ھەتا ئەم خۆ سەپاندنێ ل دەولەتێن زلھێزێن جیھانێ قەبولناکەین ھەتا بگەھیتە ڤێ چەندێ حزبەک ئاریشەیان بۆ ھەرێما کوردستانێ پەیدا بکەت و بڤێت خۆ سەپینیت ئەڤە جھێ قەبولکرنێ نینە.
مامۆستایەکێ زانکۆیا جۆرج واشنتۆن: دڤێت ترامپ پشتەڤانیێ ل دەولەتا کوردی بکەت
ئەڤرۆ نیوز:
مامۆستایێ پشکا پەیوەندیێن نێڤدوەلەتی ل زانکۆیا جۆرج واشنتۆن یا ئەمریکی دیار دکەت کو دڤێت ترامپ پشتەڤانیێ ل دەولەتا کوردی بکەت، چونکو رەوشا رۆژھەلاتا ناڤین نھا گەلەکێ ئالۆز بوویە و کوردان ب باوەری ب ئەمریکا ھەیە و ھەکە ترامپ پشتەڤانیێ ل دەولەتا کوردی نەکەت ئەمریکا دێ ھەڤپەیمانەکێ خوە یێ مەزن ژ دەست بدەت.
ئامیتای ئێتزیۆنی مامۆستا پشکا پەیوەندیێن نێڤدوەلەتی ل زانکۆیا جۆرج واشنتۆن یا ئەمریکی دیار دکەت کو دڤێت دۆنالد ترامپ سەرۆکێ نوو یێ ئەمریکا سیاسەتەکا ئاشکرا ل ھەمبەر کوردان ھەبیت و بۆ ئەمریکا باشترە ل سەردەمێ ترامپی پشتەڤانیێ ل دەولەتا کوردی بکەت، چونکو روسیا ھەر رۆژ بزاڤێ دکەت پێگەھێ خوە ل رۆژھەلاتا ناڤین ب ھێز کەت و ئەو یەک دێ مەترسیێ بۆ بەرژەوەندیێن ئەمریکا دروست کەت و دڤێت ئەمریکا ژی ھەڤالبەندێن نوو بۆ خوە دروست کەت دا بشێت پێگەھێ خوە ل وێ دەڤەرێ ب ھێز کەت.
ناڤھاتی دا پشکەکا دی یا ئاخڤتنا خوە دا دیار دکەت کو نابیت ترامپ پشتەڤانیێ ل تورکیا و بە‌غدایێ بکەت، چونکو د رەوشا نھا دا ھەر دو ئالی خوە پتر نێزیکی روسیا دکەن و ب تایبەتی ژی تورکیا رۆلەکا خراب ل دژی ئەمریکا دگێریت و ژ بەر ھندێ ژی دڤێت ترامپ پشتەڤانیێ ل دەولەتا کوردی بکەت و ب ئاڤابوونا دەولەتەکا کوردی یا ب ھێز کو ھەڤالبەندێ ئەمریکا بیت دێ گەلەک بەرژەوەندیێن ئەمریکا ل دەڤەرێ ھێنە پاراستن.
ئامیتای ئێتزیۆنی مامۆستا پشکا پەیوەندیێن نێڤدوەلەتی ل زانکۆیا جۆرج واشنتۆن یا ئەمریکی ھەروەسا دیار دکەت کو ژ بەر سیاسەتێن شاش یێن ئۆبامای ل ئورۆپا و ئاسیا گەلەک وەلاتێن ھەڤپەیمانێن ئەمریکا دلگرانن و ھەکە ئەمریکا پشتەڤانیێ ل دەولەتا کوردی بکەت و وان تنێ نەھێلیت ئەو یەک دێ پەیامەکا مەزن بیت بۆ ھەموو ھەڤپەیمانێن ئەمریکا و ئەو یەک بێگومان دێ کارتێکرنێ ل سەر ھەڤسەنگیێن نوو ل رۆژھەلاتا ناڤین کەت و گۆت: (کوردان ل شەرێ دژی داعشێ رۆلەک مەزن گێران و دربێن مەزن ل رێکخراوا تیرۆرستی یا داعشێ دان و ئەڤرۆکە ب ھەموو رەنگەکێ مافێ کوردانە کو دەولەتا خوە ئاڤا بکەن و ھەکە ترامپ ژی پشتەڤانیێ ل دەولەتا کوردی بکەت دێ کورد ھەتا دەمەکێ در‌ێژ ھەڤپەیمانێ ئەمریکا بن و چەندین سالن ژی کوردان سەلماندیە کو ئەو ھەڤپەیمانێن باشن و دڤێت ئەم کوردان تنێ نەھێلین و ئەز ھوسا پێشبینی دکەم کو ترامپ دێ پشتەڤانیێ ل کوردان کەت، بەرۆڤاژی وێ یەکێ دێ زیانێن مەزن گەھنە بەرژەندیێن ئەمریکا و ئەو یەک شاشیەکا مەزن و ئەز ھیڤیدارم ترامپ وان شاشیان نەکەت).
پارتی و ئێکەتی دێ پرسا سەربخوەیێ ل گەل بەغدا بەحس کەن
ئەڤرۆ نيوز:
پەیڤدارێ فەرمی یێ پارتی دیمۆکراتی کوردستان راگەھاند، کو پارتی و ئێکەتی د ڤێ حەفتیێ دا، جارەکا دی ل سەر ئاستێن بلند دێ کۆمبن و بەحسێ ھووردەکاریێن ھەموو کێشێن ناڤخوەیی یێن ھەرێما کوردستانێ کەن.
مەحموود محەمەد ئاشکرا ژی کر، کو میکانزمەکێ بۆ چارەکرنا کێشان دێ دیارکەن و گۆت:(پشتی ئەم رێک دکەڤین و پرۆژەیەکێ ھەڤپشک بۆ چارەکرنا کێشان دبینین، دێ دەست ب سەرەدانا ئالیێن سیاسی کەین).
خویا کر کو شاندەک ژ ھێز و ئالیێن سیاسی یێن ھەرێمێ دێ ھێتە پێکئینان، داکو ل دۆر پرسا سەربخوەیا ھەرێمێ دانوستاندنان ل گەل بەغدا بکەن.
ئێكه‌م فه‌رمانا ده‌ستكاريكرنا پاشخستنا مووچه‌ى ده‌ستپێكر
ئه‌ڤرۆ نيوز:
حوكمه‌تا هه‌رێمێ برياردا بۆ پێكئينانا لژنه‌يه‌كێ بۆ ده‌ستكاريكرن و پێداچوون د سيسته‌مێ پاشخستنا مووچه‌ى دا، مالپه‌رێ فه‌رمى يێ ئێكه‌تيا نيشتمانيا كوردستان ژ زارێ ژێده‌ره‌كێ ژ ئه‌نجوومه‌نێ وه‌زيران به‌لاڤ كريه كو برياره حه‌فتيا بهێت ئه‌و لژنه كۆم ببيت سه‌باره‌ت دياريكرنا رێژا كێمكرنا پاشخستنا مووچێ فه‌رمانبه‌ران.
ئه‌و لژنا ژ ئاليێ ئه‌نجوومه‌نێ نوونه‌ران هاتيه پێكئينان، پێكدهێت ژ نوونه‌رێن نێچيرڤان بارزانى و قوباد تاله‌بانى و رابه‌ر سديق وه‌ك بريكارێ وه‌زاره‌تا دارايى و نوونه‌رێ وه‌زاره‌تا سامانێن سروشتى و نوونه‌رێ عه‌لى سندى وه‌ك وه‌زيرێ پلاندانان.
رابه‌ر سديق بريكارێ وه‌زاره‌تا دارايى و ئابوورى راگه‌هاند كو ل هه‌يڤا سێ ، ل ده‌مێ به‌لاڤكرنا مووچێ هه‌يڤا ئێك، دێ ده‌ستكاريا خشتێ پاشخستنا مووچه‌ى هێته كرن.
ئه‌ڤرۆ دێ چاڤدێريا بازارێ نه‌فتێ هێـته كرن
ئه‌ڤرۆ نيوز:
ئه‌ڤرۆ برياره ل ڤيه‌ننا يا پايته‌ختێ سويسرا، ئه‌ندامێن رێكخراوا ئوپێك و يێن ژ ده‌رڤه‌ى ئوپێك، كومبوونه‌كا به‌رفره‌هـ ئه‌نجام بده‌ن بۆ چاڤدێريكرنا بازارێ نه‌فتێ و ميكانزما بجهـ ئينانا رێككه‌فتنا كێم هنارتنا نه‌فتێ بۆ بازارێن جيهانێ.
ل 30 چريا ئێكێ يا سالا چوويى، وه‌لاتێن ئه‌ندام د ئوپێك دا رێككه‌فتن كو 1.2 مليون به‌رميلێن نه‌فتێ رۆژانه بۆ بازارى كێم بكه‌ن و ئه‌ڤ چه‌نده بۆ ئه‌گه‌ر كو بهايێ به‌رميلا نه‌فتێ بگه‌هته زێده‌تر ژ 55 دولاران.
ژڤانێ ب دووماهى هاتنا سيسته‌مێ بايومه‌ترى هاته راگه‌هاندن
تره‌مپ: ئه‌گه‌ر نه‌فتا عيراقێ دده‌ستێ مه‌دا با، داعش ل عيراقێ دروست نه‌دبوو
ل سێ تاخێن رۆژهه‌لاتێ مووسل شه‌ر يێ به‌رده‌وامه
ئه‌ڤرۆ نيوز:
د سه‌ر راگه‌هاندنا گرتنا رۆژهه‌لاتێ مووسل، به‌لێ هێشتا چه‌كدارێن داعش ل تاخێن مه‌لايين، عه‌ره‌بى و ره‌شيديه يێن ماين و هه‌تا نوكه ل وان سێ تاخان شه‌ر يێ به‌رده‌وامه، چه‌كدارێن داعش ژى به‌ره‌ڤانيه‌كا ب هێز دكه‌ن.
ب گۆره‌ى ئه‌و پێزانينێن ل به‌ر ده‌ست ل ڤان هه‌رسێ تاخان شه‌ر يێ به‌رده‌وامه و هێزێن سۆپايێ عيراقێ ژى ل باكوورێ رۆژهه‌لاتێ مووسل يێ پێشڤه‌چوونێ دكه‌ن، وه‌كو سه‌ركردێن سۆپايى ژى دده‌نه زانين كو چه‌كدارێن داعش ل وان سێ تاخان چو رێيێن ده‌ربازبوونێ نينن. فرۆكێن هه‌ڤپه‌يمانان ژى يێن وان به‌له‌مان دكه‌نه ئارمانج يێن داعش بۆ ده‌ربازبوونێ بۆ لايێ دى ب كار دئينن.
نيشاندان
WP Facebook Auto Publish Powered By : XYZScripts.com