ئەڤرۆ نيوز:
گۆتارا سەرۆکێ ھەرێما کوردستانێ رەنگڤەدانێن مەزن ل دووڤ خوە ھێلان و پڕانیا ئالیێن سیاسی ب پێنگاڤەکا ئەرێنی دبینن بۆ نێزیکبوونا ئالیێن سیاسی و خورتکرنا پەرلەمانێ کوردستانێ و خوە بەرھەفکرن بۆ گوھۆڕینێن دەڤەرێ پەیدا دبن.
عومەر کوچەر ئەندامێ پەرلەمانێ کوردستانێ ژ فراکسیۆنا ئێکگرتوویا ئیسلامی یا کوردستانێ بۆ رۆژناما ئەڤرۆ گۆت: مە ئەو ئومێد ھەیە پەیاما سەرۆکێ ھەرێما کوردستانێ ل دووڤ وێ چەندێ بیت ئەڤ تەنگاڤیا ئەڤ خەلکە کەفتیە تێدا کو شەرێ داعش مللەتێ مە چەند قوربانی دا، دیسا ھەژمارەکا مەزن یا ئاواران سەر مللەتێ مە و دیسا قەیرانا دارایی چەند کارتێکرن ل سەر خەلکێ مە بگشتی کریە و چەوا مورال نزم کریە و بھیڤی نە ئەڤ گوتارە بیتە دەسپێکەک بۆ ب دووماھی ھاتنا ئەڤان قەیرانا ھەموویان و بیتە دەرگەھەکە ئالیێن سیاسی ب ھەڤرا روونە خوار و چارەسەریا بگەرن.
عومەر کوچەر ئەندامێ پەرلەمانێ کوردستانێ زێدەتر ژی گۆت: داخاز دکەم حزبێن سیاسی دەست ژ مزایداتێن سیاسی بەردەن و بھێن روونە خوار و مزگینیەکێ بدەنە خەلکێ کوردستانێ کو دووماھی یا ئەڤان قەیران بیت.
ئەندامێ پەرلەمانێ کوردستانێ گۆتژی: چو وەلات نین ناکۆکی دناڤبەرا ئالیێن سیاسی دا پەیدا نەبن، لێ ب ساناھی یە و چەندین جارا مە ئاگەە ژ وەلاتێ ئوردن ھەیە و پاشایی ئوردن حوکمەت ھەلوەشاندیە و حوکمەتەکا دی پێکئینایە و کو ناکوکی ل پەرلەمانی و حوکمەتێ پەیدا بوو و دڤێت رێککەفتن پەیدابن و گەلەک پەرلەمانێن دونیایێ دا ھەر ئالیەکێ سیاسی نوونەرێ خوە ھەیە وەک بەرپرس و ژبلی ئەندامێن پەرلەمانی کو سەرپەرشتێ فرامسیونا و پەرلەمانتارێن خوە دکەت کو دابگەھەن خالێن ھەڤپشک و بەرژوەندیا مللەتی ل بەرچاڤ بھێتە وەرگرتن، مخابن ئەم ھەر ژئێک دوورین و ھەر دکەڤینە ب فشارا وەلاتێن ئەقلیمی دبینم ئەڤ دەسکەفتێن مە ب دەست خوە ڤەئینانین دێ ژ دەست دەین و مللەتێ مە نە ژ ھەژی ڤێ یە، بەلکو مللەتێ مە ژ ھەژی ھندێ یە کو پتر خزمەتا وی بھێتەکرن و پتر ژیاناوی بھێتە خوشکرن و پتر باوەری بۆ بھێتەچێکرن.
ھەمان ئەندامێ پەرلەمانێ کوردستانێ ژ فراکسیۆنا ئێکگرتوو ئەو ژی گۆت: ھەتا نوکە بتنێ بزاڤا گۆڕان نەبیت وەک دن ئالیێن سیاسی بگشتی پێشوازیەکا مەزن ل گۆتارا سەرۆکێ ھەرێما کوردستانێ کریە، گۆڕان ژی جار جارا ب دەربرینێن خوە دیار دکەت کو پوستێ سەرۆکێ پەرلەمانی نە ئاریشەیە، نە ئەو لا ھزرێ بکەن ھەکە سەرۆکێ ھەرێمێ بھێتەلادان ھەموو کێشێن ھەرێما کوردستانێ ئەوە و دیسا نەمینە ب وێ چەندێ ژی ڤە ئەگەر سەرۆکێ پەرلەمانێ کودستانێ بھێتـە گوھۆڕین دێ دنیا دێ خراب بیت و قیامەت دێ رابیت، چەند وەلاتان سەرۆکێن پەرلەمانێن خوە گوھۆڕینە و کابینا حوکمەتێ ھەموو بگشتی ھاتیە گوھۆڕین و جارەکا دی ھیڤی و ئومێد بۆ خەلکی پەیدا بووینە ڤە و جارەکا دی وەلات ب رێڤە چوویە ھەتا دەمێ ھەلبژارتنان.
عومەر کوچەر نەڤەشارت گۆت: ھەکە ئیرادەکا باش و بەربرسێن نمرە ئێک ژ ھەر ئالیەکی روون کوم ب بن، ئەو بریارێ بدەن دێ شێن کێشان ژی چارەسەرکەن.

ئه‌ڤرۆ نيوز:

ئەڤرو سپێدێ 23-11-2016ل ھولا کونگرا ل زانکۆیا دھۆک رێ ورسمێن ئاھەنگا دەرچونا خولا 21 یاقوتابیێن زانکویا دھوکێ یا بناڤێ (شەھیدێن سەربەخویا کوردستانێ) ھاتنە گێران.
لبەراھیێ رێپیڤانا قوتابیێن دەرچویی یا کولیژێن (نوشداری – چاندن –ئەندازیاری – پەرستاری- ڤیتەرنەری – دەرمانسازی پزیشکا ددان – زانستێن تەندورستی) ھاتە ئەنجامدان.
پاش سرودا ئەیرەقیب وسرودا زانکۆیا دھۆک ھاتنە گوتن وچەند ئایەتێن قورئانا پیروز ھاتنە خاندن، ل دویڤدا پەیڤا لیژنا ئاھەنگێ ژ لایێ د. میھڤان عارف ھاتە خاندن.

پاش پروفیسور مصلح دھوکی سەروکێ زانکویا دھوک پەیڤەک پێشکێش کر و گۆت: “ئەڤە خرڤەبونەکا زانستی یا گرنگ ومەزنە بو مە ھەمیان وسەرەرایی ھەبونا چەندین قەیرانان لێ پروسا خاندن وزانستێ نەراوەستیایە وئیرو پتر ژ(3500) قوتابییان ژ زنکۆیا دھۆک دەرچوینە و باوەرنامە دبوارێن جودا جودا دا وەرگرتینە بو خزمەتکرنا کوردستانێ وئەڤە ژی وێ نیشان ددەت کو زانکۆیا دھۆک یا دپێشکەفتن وگەشەکرنێ دايه‌”.

تەکەزکر کو زانکۆیا دھۆک دێ یا بەردەوامبیت بو پشتەڤانیکرنا بەرنامێن حکومەتا ھەرێما کوردستانێ وسوپاسیا وان ھەموو لایەنان کر یێن بوینە ھاریکار بو زانکۆیا دھۆک وپیروزباھی ل قوتابیێن دەرچویی وسەمییانێن قوتابییان کر وسەرکەفتن بو خواست.

ب دووڤدا د. کریم صالح نوینەرێ وەزیرێ خاندنا باڵا پەیڤەک پێشکێش کر و گۆت: “زانکۆیا دھۆک دەسکەفتێن باش ب دەستڤە ئیناینە و دەرچویێن زانکۆیا دھۆک دێ بنە بنیات بۆ ئاڤاکرنا کوردستانێ وھەر دەرچویەک دشێت رولێ خو ل کەرتێ تایبەت ویێ گشتی ببینیت وپیروزباھیا ھەموو دەرچویان کر.

پاش پەیڤا قوتابیێن دەرچویی ھاتە خاندن، قوتابیان سویندا دەرچونێ خاند و باوەرنامە ھاتنە دان.
د خولا 21ێ دا یا زانکۆیا دھۆک دا پتر ژ(3500) قوتابی دبوارێن جودا جودا دەرچوون.

ئه‌ڤرۆ نيوز، كاروان باعه‌درى:

وه‌لاتيه‌كێ خه‌لكێ باشيك و ئێكێ خه‌لكێ به‌عزانێ ژ ئه‌گه‌رێ پێڤه‌ په‌قينا بۆمبه‌كێ د ناڤ ئێك ژ بيستانێن وێ ده‌ڤه‌رێ دا گيانێ خوه‌ ژ ده‌ست دا.

شێخ زێدو باعه‌درى، كو نوكه‌ ل باشيكه‌ و هايدارى روودانێ بوويه‌ بۆ ئه‌ڤرۆ نيوز راگه‌هاند: دو كه‌س ب ناڤێن “ماهر حه‌ميد عه‌بدى” و “خدر حه‌سه‌ن قه‌وال” يێن خه‌لكێ باشيك و به‌عزانێ ب مه‌ره‌ما ڤه‌گه‌ريان بۆ سه‌ر مال و مولكێن خوه‌ چوونه‌ د ناڤ بيستانه‌كى دا و بۆمبه‌ك ب وان ڤه‌ په‌قى و د ئه‌نجام دا گيانێ خوه‌ ژ ده‌ست دا.

هه‌ر چه‌نده‌ پشتى رزگاركرنێ ل سه‌ر ده‌ستێ هێزێن پێشمه‌رگێ كوردستانێ، به‌لێ هێشتا باشيك ب ته‌مامى ژ مين و ته‌قه‌مه‌نى و TNT يان نه‌هاتيه‌ پاقژكرن و هنده‌ك وه‌لاتى ژى سه‌ره‌دانا مال و مولكێن خوه‌ دكه‌ن.