ئه‌ڤرۆ نيوز:
حوكمه‌تا سعوديێ پێداچوون د بڕيارا رسۆماتێن سه‌ر ڤيزا عومره‌كاران دا كر و رێنمايێن نوو ده‌ركرن.
كاروان ستوونى به‌رپرسێ راگه‌هاندنا رێڤه‌به‌ريا كاروبارێن حه‌ج و عومرێ ل هه‌رێما كوردستانێ راگه‌هاند كو ب گۆره‌ى ژێده‌ره‌كى ژ سعوديێ ئێدى ئه‌و پارێ زێده ئه‌وێ خستيه سه‌ر ئه‌و كه‌سێن سالا بۆرى و سالێن به‌رى نوكه عومره كرين هاته لادان و كار پێ ناهێته كرن.
سه‌دره‌دين سيرينى خودانێ گرۆپێ كۆمپانيێن روه‌يده بۆ حه‌ج و عۆمرێ كو په‌يوه‌ندى ل گه‌ل گه‌له‌ك كۆمپانيێن سعودى هه‌يه ئه‌ڤ نووچه پشت راستكر و گۆت: “بڕياره‌كا گه‌له‌ك باش بوو”
سه‌يد عه‌بدولا خودانێ كۆمپانيا سعوديه بۆ حه‌ج و عومرێ ئه‌ڤ بڕياره ب بڕياره‌كا د جهێ خوه دا وه‌سفكر و گۆت: “ئه‌ڤ بڕياره دێ كارتێكرنه‌كا زۆر كه‌ته سه‌ر چوونا عومره‌كارێن كوردستانێ بۆ سعوديێ چونكو ژ ئه‌گه‌رێ وێ قه‌يرانا دارايى، هه‌موو خه‌لك نه‌دشيا وى كۆژمێ پاره‌ى بده‌ت”.
حوكمه‌تا سعوديێ ژ ده‌سپێكا ئه‌ڤ ساله بڕيار دابوو كو هه‌ر كه‌سه‌كێ د ماوێ سێ سالێن بۆرى دا عومره كربيت دڤێت دو هزار ريالێن سعودى بده‌ته حوكمه‌تا سعوديێ كو دكه‌ته زێده‌تر ژ 500 دۆلارێن ئه‌مريكى.
شێلادزێ، نەوزاد زادە ھلوری:
پشتی کو شەڤا بوری ھەوالا تیرورکرنا وێنەگرێ کەنالێ KNN یا سەر ب تەڤگەرا گۆرانێ بەلاڤ بوی کو ژ لایێ چەند کەسەکێک نە ناسیار ڤە ھاتیە تیرورکرن کارڤەدانەکا مەزن ل پەی خوە ھێلا ب تایبەتی د تورێن جڤاکی دا.
فەرماندەیەکێ پارتا کرێکارێن کوردستانێ “PKK” ب ناڤێ عەلی ل دەڤەرا ئامێدیێ بو ئەڤرۆ نیوز گۆت: (وێنەگرێ کەنالێ KNN ژ بوو مەرەما کارێ رۆژنامەڤانیێ نەچو,یە گەلیێ بالندا و دەڤەرا رێکان و ژ خو ئەگەر بۆ کارێ رۆژنامەڤانیێ چووبایە ئەو دا وان ئاگەھدار کەتن و بو چو کەس و لایەنان نینە بێی دەستوری ب شەڤ بمینن ل دەڤەرێ ژ بەر کو مەترسی بو سەر گیانێ وان ھەیە ب تایبەتی ژ لایێ فروکێن تورکی ڤە).
زێدەتر گۆت: (ئەم وەکو پارتا کرێکارێن کوردستانێ تیرورکرنا رۆژنامەڤان و وێنەگرێ کەنالێ ناڤبری ئیدانە دکەین و بێ ئاگاھیا خوە ژ تیرورکرنا وی دیار دکەین و پەکەکێ چو دەست د تیرورکرنا وی دا نینن).
ژ لایەکێ دن ڤە پولیسێن پارێزگەھا دھوکێ د راگەھاندنەکێ دا دیارکریە کو شوکری رێکانی و ھەڤالێ خوە بو مەرەما نێچیرا کەوان چوینە دەڤەرا رێکان و پشتی کو ئەو ھەڤالێ خوە ھەر ئێک بو جھەکێ دچن شوکری دوێ ناڤبەرێ دا دھێتە کوشتن.
د راگەھاندنا پولیسان دا ھاتیە ژی کو ژبەر نەبوونا ھێلا پەیوەندیێ ھەڤالێ وی تەرم بجھـ ھێلایە و دەنگ و باس بۆ خێزانا وی ئینایە شێلادزێ.
ده‌ڤه‌را ئه‌ڤ هه‌ردو كه‌سه چووينێ ب ده‌ڤه‌رێن دوور ده‌ست “محه‌ره‌م” دهێنه هه‌ژمارتن و كونترۆلا وێ ده‌ڤه‌رێ د ده‌ستێ چو هێزان دا نينه و ب زوورى چه‌كدارێن په‌كه‌كێ ل وێرێ يێن هه‌ين و ئه‌و ده‌ڤه‌ر ب به‌رده‌وامى ژ لايێ فرۆكه و تۆپخانێن توركيا ڤه دهێنه بۆردۆمانكرن.
ئه‌ڤرۆ نيوز:
راگه‌هاندنا پۆليسێن پارێزگه‌ها دهۆكێ ل راگه‌هاند كو شڤێدى دره‌نگى شه‌ڤ ل سێمێل حه‌فت كه‌س ب تاوانا قومارێ هاتنه ده‌سته‌سه‌ركرن.
د راگه‌هاندنه‌كێ دا كو ل سه‌ر په‌يجێ خوه يێ فه‌رمى يێ رێڤه‌به‌ريێ به‌لاڤكريه دايه زانين كو شڤێدى 1ى كانوونا دويێ 2016 ل سه‌نته‌رێ قه‌زا سێمێلێ دادوه‌رێ پۆليسێن هێزا ئاماده و هه‌وارهاتنێ حه‌فت تاوانبار ل سه‌ر تاوانا قومارێ ده‌سته‌سه‌ركرن و هاتنه ره‌وانه‌كرن بۆ گرتيخانێ.
ئەڤرۆ نیوز، مەحمود نھێلی:
ئێڤاریا ئەڤرۆ 1ى كانوونا ئێكێ 2016 تەرمێ شوکری ریکانی وێنەگرێ کەنالێ KNN ل گوندێ بانسرێ یێ سەر ب دەڤەرا رێکان ل سنورێ ناحیا شێلادزێ یێ سەر ب قەزا ئامێدیێ ھاتە دیتن.
ل گورەی کەسانێن نێزیک ل شوکری رێکانی بەری چوار رۆژان ناڤبری ب مەبەستا گەریانێ چوبو گوندێ خوە ل دەڤەرا رێکان لێ ئەڤرۆ ب گولەیێن نەناسکری ھاتە کوشتن و تەرمێ وی ھاتە دیتن.
وان کەسان دیار ژی کر، کو ناڤبری گەلەک حەژ گووندی دکر ھەر ناڤبەر ناڤبەر قەستا گوندێ خوە دکر، لێ ئەڤ سالە ژ بەر رەوشا ئەمنی یا دەڤەرێ و بوردومانکرنا فرۆکەیان گەریانا وی بۆ گوندی کێم ببوو، لێ چونا وی یا ڤێجارێ یا بێ ڤەگەریان بوو.
تێ زانین تەرمی وی ھێشتا نەگەھشتیە ناڤ کەس و کارێن وی و ھووردەکاریێن چاوانا کوشتنا وی ژی نەھاتینە زانین و لایەنێن ئەمنی ژی چ داخویانی بەلاڤنەکرینە.
ئه‌ڤرۆ نيوز:
بهايێ به‌رميله‌كا نه‌فتا برێنت، ئه‌ڤرۆ گه‌هشته 54.44 دولارێن ئه‌مريكى، پشتى رێككه‌فتنا ئه‌ندامێن رێكخراوا ئوپێك يا نه‌فتێ، ل رۆژا 4 شه‌مبيا بوورى، بۆ كێمكرنا ئاستێ فروتنا نه‌فتێ، بهايێ به‌رميله‌كا نه‌فتێ 8% زێده‌بوو و ئێك ژ ئه‌گه‌رێن بلندبوونا بهايێ نه‌فتێ، ڤه‌دگه‌ريت بۆ رازيبوونا وه‌لاتێ رووسيا بو كێمكرنا فروتنا نه‌فتا خوه و ژڤانه ل نيڤا ئێكێ يا بهێت رووسيا ژى 300 هزار به‌رميلان كێم بكه‌ت.
ئەڤرۆ نیوز، نەوزاد زادە ھلوری:
ب مەرەما دوماھی ئینان ب بایکوتا دەستەیا ماموستایێن نەرازی، ئاسایشا کوردستانێ ل کولانا کوردستان ل سلێمانیێ 15 ماموستا و سەرپەرشتیارێن پەروەردەیی گرتن کو بزاڤ دکر لسەر بایکوتێ بەردەوام بن.
دڤی واریدا کارگێرەکێ مەلبەندێ کومەلا ئیسلامی یا ل سلێمانیێ نەڤیا ناڤێ خوە بێژیت بو ئەڤرۆ نیوز گۆت: (بریارا بایکوتێ دوماھی ھاتیە و پێدڤی یە بایکوت بھێتە دوماھی ئینان لێ ھندەک ماموستا بزاڤان دکە نکو بەردەوام بن لسەر بایکوتێ ، و ژبەرڤێ ئاسایشا کوردستانێ بدوڤ ماموستا و سەرپەرشتیارێن کو دخوازن درێژیێ ب بایکوتێ بدەن کەفتیە و ھەتا نھا 15 ماموستا و سەرپەرشت ھاتینە گرتن).
زێدەتر گۆت: (ئەگەر لاینێن شولەژێ دخوازن دوماھی ب بایکوتێ بینن پێدڤی یە ھزرێ د بەدیلەکێ ل شوونا بایکوتێ بکە نکو ئەو ژی بجھکرنا داخوازێن وایە).
`
ئه‌ڤرۆ نيوز، لەزگین جۆقی:
ئه‌ڤرۆ رۆژا پێنجشه‌مبى 1ى كانوونا ئێكێ 2016 ب ئاماده‌بوونا د. نزار عسمه‌ت ته‌يب، رێڤه‌به‌رێ گشتيێ ساخله‌ميا پارێزگه‌ها دهۆكێ، رۆژا جيهانى يا نه‌خۆشيا ئايدزێ ل نه‌خۆشخانا ئازادى هاته ساخكرن.
د. نزار عسمه‌ت، رێڤه‌به‌رێ گشتيێ ساخله‌ميا پارێزگه‌ها دهۆكێ د په‌يڤه‌كێ دا راگه‌هاند كو رۆژا جيهانى يا نه‌خۆشيا ئايدزێ وه‌كو هه‌موو رۆژێن دى يێن جيهانى يه و گۆت: “مه‌ره‌م پێ ئه‌وه زێده‌تر خه‌لكێ خوه هشيار بكه‌ين”، خۆيا ژى كر كو ئه‌ڤ نه‌خۆشيه ل جيهانێ يا د زێده‌بوونێ دا، “ل دهۆكێ ژى ژ به‌ر ڤه‌بوونا سنوران و په‌يدابوونا تێكهه‌ليێ هنده‌ك حاله‌ت يێن په‌يدا بووين”.
د. نزار هيڤى خواست كو بزاڤێن زێده‌تر ژ بوو چاره‌سه‌رى و كونترۆلكرنا ڤێ نه‌خۆشيێ بهێنه هاڤێتن، “ب تايبه‌ت كو حاله‌تێن ڤه‌شارتى يێن ڤێ نه‌خۆشيێ هه‌نه”.
د. سه‌گڤان حه‌سه‌ن عه‌لى ژ رێڤه‌به‌ريا كاوربارێن خوه‌پاراستنا ساخله‌ميا پارێزگه‌ها دهۆكێ ئاشكه‌را كر كو ل دهۆكێ شه‌ش حاله‌تێن ئايدزێ هانه و گۆت: “نوكه چاره‌سه‌ريێ وه‌ردگرن”.
ل سالا 1986ێ بۆ جارا ئێكێ ئايدز ل عيراقێ په‌يدا بوو ئه‌و ژى كۆمپانيه‌كا فره‌نسى خوينا پيس ئينا و ل وى ده‌مى 237 كه‌س تووشى ئايدزێ بوون.
سه‌گڤان حه‌سه‌ن زێده‌تر گۆت: “نها ل هه‌رێما كوردستانێ 30 حاله‌تێن ئايدزێ هاتينه تۆماركرن ب ره‌نگه‌كى ل هه‌ولێر 14 حاله‌ت و سلێمانيێ 10 حاله‌ت و ل دهۆك ژى شه‌ش حاله‌ت”.
ئەڤرۆ نیوز:
ژ ئەگەرێ نەبوونا گازوایلێ نەە یەکێن بەرھەمئینانا کارەبێ ھاتینە راوەستاندن و بۆ ب کارخستنا وان ژی ھەیڤانە 100 ملیۆن دۆلار پێدڤینە، و پێشبینی دھێتە کرن ل دووڤ شیانێن نوکە ھەین ھەیڤا 12 ڕۆژانە تنێ ھەشت دەمژمێران کارەبا نیشتیمانی بدەنە وەلاتیان.
ئومێد ئەحمەد، رێڤەبەرێ کۆنترۆلا کارەبا ھەرێما کوردستانێ ئاشکرا کر کو ژکارخستنا نەە یەکێن بەرھەمئینانا کارەبێ ژ ئەگەرێ نەبوونا گازوایلێ یە و ڤێ چەندێ ئاریشێن مەزن پەیداکرینە و گۆت: “ژ کارخستنا ڤان یەکان و نەبوونا گازوایلێ بوویە ئەگەرێ وێ چەندێ کو دەمژمێرێن دانا کارەبا نیشتیمانی نەھێنە زێدەکرن”.
ناڤھاتی ئاماژە دا وێ چەندێ کو ھەکە ئەو نەە یەکێن ژ کارکەفتین ب کەڤنە کاری شیانێن بەرھەمئینانا ھزار و 200 مێگاواتێن کارەبێ دێ ھەبن و رۆژانە ل سەرانسەری ھەرێما کوردستانێ نێزیکی پێنج دەمژمێران کارەب دێ زێدەتر ھەبیت، بەلێ بۆ ب کارخستنا وان یەکان ھەیڤانە 100 ملیۆن دۆلار پێدڤینە و بۆ رووداو گۆت: “مە ل گەل بەرپرسێن حوکمەتا ھەرێما کوردستانێ ئاخفتیە بۆ وێ چەندێ بزاڤان بۆ دابینکرنا وی کۆژمێ پارەی بکەن، بەلێ ھەتا نوکە بەرسڤا مە نەدایە ژ بەر ڤێ چەندێ پێشبینی دھێتە کرن ل دووڤ شیانێن نوکە ھەین ھەیڤا 12 ڕۆژانە تنێ ھەشت دەمژمێران کارەبا نیشتیمانی بدەنە وەلاتیان”.
ھەژی گۆتنێ یە کو نوکە شیانێن بەرھەمئنانا کارەبێ ل ھەرێما کوردستانێ نێزیکی دو ھزار و 500 مێگاواتانە ئەڤە د دەمەکی دایە کو داخواز ل سەر کارەبێ بۆ پێنج ھزار و 500 مێگاواتان بلندبوویە و ب ڤی رەنگی ھەرێما کوردستانێ پێدڤی یا ب سێ ھزار مێگاواتێن دی یێن کارەبێ ھەی بۆ وێ چەندێ کارەب ببیتە 24 دەمژمێری.
نيشاندان