ئه‌ڤرۆ نیوز:
راڤینا شامداسانى په‌یڤدارا نڤیسینگه‌ها مافێن مروڤى ل نه‌ته‌وێن یه‌كگرتى راگه‌هاند، داعش ل مووسل 40 سه‌ربازێن به‌رێ یێن سوپایێ عیراقێ كوشتى نه و ته‌رمێن وان هاڤێتینه ناڤ رووبارێ دیجله.
په‌یڤدارا نڤیسینگه‌ها مافێن مروڤى ل نه‌ته‌وێن یه‌كگرتى دیاركر كو چه‌كدارێن داعش بزاڤێ دكه‌ت 25 هزار مه‌ده‌نیان وه‌كو قه‌لغانه‌كا مرۆڤى ل دژى پێشڤه‌چوونێن هێزێن عیراقى بكاربینیت.
ئه‌ڤرۆ نیوز:
هوشه‌نگ محه‌مه‌د رێڤه‌به‌رێ گشتى یێ سه‌نته‌رێ هه‌ڤپشكێ قه‌یرانان راگه‌هاند ل ده‌ستپێكا ئوپه‌راسیونا كۆنترۆلكرنا مووسل و تا نوكه، نه‌ه هزار ئاواره هاتینه هه‌رێمێ و پرانیا وان ل كه‌مپێن سنورێ هه‌ولێرێ ئاكنجیى بووینه و گۆت” 80% ل كه‌مپێن دیبه‌گه و حه‌سه‌ن شام ل سنورێ هه‌ولێرێ و 20% یا ئاواران ل كه‌مپێن زه‌لیكان ل دهۆكێ ئاكنجى بووینه”.
هوشه‌نگ محه‌مه‌د دیاركر كو ل دووڤ پلانا هه‌رێمێ داناى، دشێت 33 هزار خێزانان وه‌ربگریت و به‌لاڤى سه‌ر پێنج كه‌مپان بكه‌ت.
ئه‌ڤرۆ نیوز:
ل به‌نكا ئامه‌د ل دهۆكێ ده‌ست ب توماركرنا بایومه‌ترى هاته كرن كو د ڤى سیسته‌مى دا هه‌موو مووچه‌خورێن سنورێ پارێزگه‌ها دهۆكێ دێ هێنه توماركرن و هه‌ر ئێكى دێ هژماره‌كا به‌نكى بۆ هێته دروستكرن.
پارێزگه‌رێ دهۆكێ فه‌رهاد ئه‌ترووشى دیاركر دێ نێزیكى 200 هزار مووچه خور ل پارێزگه‌ها دهۆكێ د ماوێ سێ هه‌یڤادا، دێ هێنه توماركرن و 21 بنگه‌ه دێ ل هه‌موو قه‌زایێن پارێزگه‌هێ ده‌ست ب كاربن.
ئه‌ڤرۆ نيوز، نيوار محه‌مه‌د سه‌ليم:
ئاخفتنكه‌رێ ب ناڤێ وه‌زاره‌تا خواندنا بلند و ڤه‌كۆلينێن زانستى راگه‌هاند كو ئه‌ڤرۆ دووماهى ژڤانه بۆ پركرنا فۆرمێن زانكۆلاين و ژ قوتابيێن هه‌تا نوكه فۆرمه پرنه‌كرين خواست كو له‌زێ د پركرنا فۆرمان دا بكه‌ن دا كو مافێ وان نه‌هێنه خوارن.
عه‌باس ئه‌كره‌م، ئاخفتنكه‌رێ ب ناڤێ وه‌زاره‌تا خواندنا بلند و ڤه‌كولينێن زانستى، د راگه‌هاندنه‌كێ دا كو دانه‌ك بۆ ئه‌ڤرۆ نيوز ره‌وانه‌كريه راگه‌هاند كو ئه‌ڤرۆ دووماهى ژڤانێ پركرنا فۆرمێن زانكۆلاينه.
ئاماژه ب وێ چه‌ندێ ژى كر كو پشتى ئه‌ڤ شه‌ڤه 12ى شه‌ڤ مالپه‌رێ زانكۆلاين دهێته داخستن، ئێدى قوتابى نه‌شێن داخوازيێن خوه پێشكێش بكه‌ن و ئه‌ڤ ماوه ژى ناهێته زێده‌كرن.
عه‌باس ئه‌كره‌م داخواز ژ وان قوتابيێن فورمه پرنه‌كرين كر كو له‌زێ دپركرنا فورمان دا بكه‌ن دا كو مافێ وان نه‌هێته خوارن و بشێن پێشكێشى وان زانكۆ و په‌يمانگه‌هان بكه‌ن يێن وان حه‌ز ل سه‌ر هه‌ين.
ئه‌ڤرۆ نيوز، نيوار محه‌مه‌د سه‌ليم:
ل هه‌یڤا ئه‌یلولێ پتر ژ (75) هزار رێڤینكا ل كومه‌لگه‌ها ده‌روازه‌ی نێڤده‌وله‌تی يێ ئیبراهیم خه‌لیل هاتنوچوون كریه.
ب گۆره‌ى راگه‌هاندنه‌كا كومه‌لگه‌ها نێڤده‌وله‌تی يا ئیبراهیم خه‌لیل كو ئه‌ڤرۆ نيوز دانه‌ك ب ده‌ست خوه خستيه راگه‌هاند كو ل دووڤ راپورتا نڤێسنگه‌ها ئاكنجیبوون و پاسپورتا ئیبراهیم خه‌لیل (75920) رێڤینگان ل ده‌روازه‌ی ئیبراهیم خه‌لیل هاتنوچوون كریه.
هه‌ر ب گۆره‌ى وێ راگه‌هاندنێ و ل دووڤ راپورتا نڤێسنگه‌ها ناڤبری دیاربوو (39077) رێڤینگ هاتینه ناڤ هه‌رێما كوردستانێ كو ژ وانا (8493) هه‌لگرێن پاسپورتێن عيراقینه و (28078) هه‌لگرێن پاسپورتێن توركینه هه‌روه‌سا (1506) هه‌لگرێن پاسپورتێن بیانینه هه‌روه‌سا دیاربوو راپورتا نڤێسینگه‌هێ (37843) رێڤینگ ب رێیا ده‌روازه‌ی كومه‌لگه‌ها ئیبراهیم خه‌لیل چووینه وه‌لاتێ توركیا كو ژوانا (7088) هه‌لگرێن پاسپورتێن عيراقینه (28988) هه‌لگرێن پاسپورتێن توركینه و (1767) هه‌لگرێن پاسپورتێن بیانینه.
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌ريا راگه‌هاندنا گۆمركا ئيبراهيم خه‌ليل راگه‌هاند كو د هه‌يڤا ئيلۆنا ئه‌ڤ ساله دا، زێده‌تر 624 ته‌نێن كه‌لوپه‌لێن جودا هاتينه ژناڤبرن.
ب گۆره‌ى نڤيساره‌كێ كو ژ رێڤه‌به‌ريا ناڤبرى ده‌ركه‌فتيه و دانه‌ك ب ده‌ست ئه‌ڤرۆ نيوز كه‌فتيه د ل هه‌یڤا ئه‌یلولا ئه‌ڤ ساله ل كومه‌لگه‌ها ئیبراهیم خه‌لیل 624 ته‌ن و 189 كیلو ژ كه‌لوپه‌لێن خوارنێ و ڤه‌خوارنی و هه‌روه‌سا پێدڤيێن نوشدارى هاتینه ژناڤبرن و زڤراندن پشتی هاتینه پشكنین كرن كو بكێرى بكارئینانێ ناهێن.
ب گۆره‌ى نڤيسار راگه‌هاندنا كۆمه‌لگه‌ها ده‌روازێ نێڤده‌وله‌تى يێ ئيبراهيم خه‌ليل زڤراندن و ژناڤبرن ب ڤی ره‌نگێ ل خوارێ بوويه:
1- لێژنا ژناڤبرنێ رابوویه ب ژناڤبرانا 105 ته‌ن و 755 كیلو ژ كه‌ل و په‌لێن خوارنێ وه‌كو فێقی و زه‌رزه‌وات و سپیاتی و زه‌یتون.
2- بنگه‌هێ ساخله‌می رابوویه ب زڤراندنا 243 ته‌ن 292 كیلو ژ كه‌ل و په‌لێن خوارنێ وه‌كو برنج و ئار و گوشت مریشك.
3- گه‌ره‌نتینا چاندنێ رابوویه ب ژڤراندنا 203 ته‌ن 980 كیلو ژ كه‌ل و په‌لێن جوراوجور فێقی و په‌ینی كیمیاوی.
4- ریڤه‌به‌ریا پێوانه‌سازی كونترولێ جوری رابوویه ب زڤراندنا 8 ته‌ن و 950 كیلو ژ ڤه‌خارنێت مه‌ی.
ئه‌ڤرۆ نيوز:
ئه‌ڤرو روژا سێ شه‌مبى رێكه‌فتى 1/11/2016 كومبونه‌كا تایبه‌ت ل دور چه‌ندین بابه‌تێن گرنگ سه‌باره‌ت پروسا په‌روه‌رده و فێركرنێ ل پارێزگه‌ها دهوكێ هاته كرن.
عمر علی تاها ریڤه‌به‌رێ گشتى یێ په‌روه‌ردێ ل پارێزگه‌ها دهوكێ ب وه‌كاله‌ت داخاز ژ هه‌مى رێڤه‌به‌رێن په‌روه‌ردان كر كو هه‌تا روژا دووشه‌مبیا بهێت ئاماره‌كا هویربین لسه‌ر وان ماموستایێن هاتن وچوونێ دكه‌ن ئاماده‌كه‌ن وره‌وانه‌ى په‌روه‌ردا گشتى بكه‌ن .
دیسان دكومبونێ دا بریار هاته دان پروسا ڤه‌گوهاستنا ماموستایان بهێته راوه‌ستاندن ودوماهیك ژڤان بو ڤه‌گوهاستنا ماموستایان 10/11/2016 بیت .
هه‌روه‌سا دكومبونێ دا به‌حسێ پێدڤیێن قوتابخانێن ژنوى دهێنه ڤه‌كرن هاته كرن وداخاز هاته كرن كو ئاماره‌كا بله‌ز بهێته ئاماده‌كرن ، دیسان پێدڤیان هه‌ر په‌روه‌رده‌كێ بو كابیان هه‌ر په‌روه‌رده‌ك لدویف پێدڤیا خو .
دیسان دكومبونێ دا بابه‌تێ وه‌رگرتن وڤه‌گوهستنا قوتابیان ولدویف رێنمایێن وه‌زاره‌تا په‌روه‌ردێ هاتیه راوه‌ستاندن ل 31/10/2016 وپیدڤى یه هه‌مى په‌روه‌رده لدویف رینمایان سه‌ره‌ده‌ریێ دگه‌ل ڤى بابه‌تى بكه‌ن لدویف رێنمایان .
ئه‌ڤرۆ نيوز:
نيشاندان