ئەڤرۆ:
ب چاڤدێری و بەرھەڤبوونا نێچیرڤان بارزانی، سەرۆک وەزیرێن ھەرێما کوردستانێ، بڕیارە ئەڤرۆ 27ى چريا دويێ ھەوا 16 رۆژی یا بەرھنگاریا توندوتیژیا دژی ئافرەتان ب درووشمێ (ژ ئاشتیا مالێ بۆ ئاشتیا جیھانێ و بەر ب ئازادی و یەکسانیێ) دەست پێ بکەت.
کۆسار کەریم ڕۆژ، رێڤەبەرا گشتی و ئەنداما جڤاتا بلند یا کاروبارێن خانمان ئاشکرا کر، ئەڤرۆ ل ھۆلا سەعەد عەبدوللا ل ھەولێرێ و ب چاڤدێری و بەرھەڤبوونا نێچیرڤان بارزانی، سەرۆک وەزیرێن ھەرێما کوردستانێ ب کۆنفرانسەکی ھەوا 16 رۆژی یا بەرھنگاریا توندوتیژیا دژی ئافرەتان دێ دەست پێ ھێتە کرن و بۆ مالپەرێ فەرمیێ پارتی دیموکراتی کوردستان گۆت: “د کۆنفرانسی دا سەرۆک وەزیرێن ھەرێمێ و جڤاتا بلند یا خانمان و چەند لایەنەکێن دی دێ گۆتار ھەبن، دیسا ھەر ل گەل وێ ھەوێ و د ھەمان دەم دا، بیرئینانا دو سالی یا سەنتەرێ چارەسەری و پشتەڤانیا کچ و ژنێن ژ دەستێن داعشێ رزگاربووین دێ ھێتە کرن”.
گۆتژی: “ئەڤ سەنتەرە بەری دو سالان ل دھۆکێ بۆ چارەکرنا رەوشا دەروونی و ساخلەمی و پشتەڤانیکرنا وان کچ و ژنێن بووینە قوربانی شەرێ داعش، ھاتیە ڤەکرن، ئەو ژی ل گەل مە د کۆنفرانسی دا پشکدارن، دیسا سێ ژ وان ئافرەتێن رزگاربووین و ل وی سەنتەری ھاتینە چارەکرن دێ ئاخڤتنا خوە ھەبیت و پاشی ئەو ھەوە دێ ھێتە راگەھاندن و فلمەکێ دکیۆمێنتاری ژی یێ ھەی دێ ھێتە پێشکێشکرن”.
ئه‌ڤرۆ نيوز:
سه‌رۆكێ هه‌رێما كوردستانێ دێ سه‌ره‌دانا وه‌لاتێ سعوديێ كه‌ت د چارچۆڤێ سه‌ره‌دانه‌كا فه‌رمى بۆ كه‌نداڤا عه‌ره‌بى.
رۆژا ئه‌ينى 25ى چريا دويێ 2016 مه‌سعود بارزانى سه‌رۆكێ هه‌رێما كوردستانێ ل دووڤ داخوازيا فه‌رمى يا شێخ محه‌مه‌د بن زايد، سه‌ره‌دانا ئيمارات كر.
بڕياره رۆژا شه‌مبى 26ى چريا دويێ 2016، مه‌سعود بارزانى پشتى سه‌ره‌دانا خوه بۆ ئيمارات، ب فه‌رمى سه‌ره‌دانا وه‌لاتێ سعوديێ بكه‌ت و ل گه‌ل به‌رپرسێن بلندێن وى وه‌لاتى كۆم ببيت.
نيشاندان