ئەڤرۆ نیوز:
بەرپرسی لقی 14 پارتی ل مووسلێ دیارکر تیرۆرستێن داعش ھەولدەن شەری ژ سەنتەرێ پارێزگەھا مووسلێ دوور بکەن، ھەموو پلانێن تیرۆرستان دھێنە تێکشکاندن رۆژ دووڤ رۆژی پێشمەرگە وھێزیێن لەشکرێ عیراقێ یێ نێزیکی مووسل دبن.
عسمەت رەجەب، بەرپرسی لقی 14 پارتی ل مووسلێ بۆ ئەڤرۆ دیارکر، تیرۆرست بزاڤان دکەن، ئاستەنگ لبەر پێشڤەچوونێن پێشمەرگە و لەشکەری عیراقێ دروست بکەن، وگەلەک خەندق لێداینە لێ چوو ئاستەنگ دروست نابن بۆ پێشڤەچوونا پێشمەرگەی و لەشکرێ عیراقێ، دێ ئەڤ سالە مووسل ھێـتە رزگارکرن، ئەو پلانا ھاتیە دانان بۆ کونترولکرنا مووسلی ھەتا نوکە زۆر ب باشیی یا دھێتە بجھئێنان، رێژەکا زۆر گۆند و دەڤەران یێن ھاتێنە کونترۆلکرن چەندین دەڤەرێن ستراتیجی دبن کونترۆلا پێشمەرگە و لەشکرێ عیراقێ دانە.
ناڤبری ئەو ژی خۆیا کر، پێشمەرگەێ کوردستانی َ ب حوکمی چاڤ یێ ناڤ سەنتەری موسلی دبینن، وپێشمەرگە گەلەک نێزیکی سەنتەری مووسلێ بووینە، لەورا ژی داعش بزاڤان ب ھەر ریێەکا ھەبیت دکەت شەری ژ سەنتەری مووسلێ دوور بکەت، ب شێوەکێ گشتیی پێشمەرگە ل ھندەک میحوەران ھەتا ھەشت کیلۆمتران دوورە ژ مووسلێ.
عەمید بەھرام دۆسکی، فەرماندی ھیزا پێشمەرگەی کوردستانێ ل میحوەری باشیک بۆ باسنیۆز دیارکر، ھەڤکاریا فرۆکێن ھەڤپەیمانان وەکو پێدڤی نینە ئەڤ گازندا مە گەھاندا لایەنێن پەیوەندار سۆزداینە چارەسەر بکەن، و فرۆکێن ھەڤپەیمانان د رۆژین بۆری دا ل باشیکی و ناوەران و تلسقوف گەلەک بارەگایێن تیرۆرستان ژناڤبرینە.
سەربەست تروانشی فەرماندی پێشمەرگەی ل میحوەری ناوەران دیارکر، ئەو نەخشەیی سەربازی فەرماندی گشتیی ھێزیێن پێشمەرگەی کوردستانێ دیارکری وەکو خوە ھاتە بجھئێنان ھەتا ئەو سنۆری بۆ پێشمەرگەی ھاتیە دانان دێ دپیشڤەچوونێ دا بین ، سەرۆک مەسعود بارزانی سەرۆکێ ھەرێما کوردستانێ و فەرماندی گشتیی پێشمەرگەی بۆ سێ میحوەران نەخشە دیارکربوو ھەموو وەکو خوە ھاتە بجھئێنان ب سەرکەڤتیانە مەزنترین سەرکەڤتن ھاتنە تۆمارکرن و تیرۆرستێن داعش ھاتنە تێکشکاندن ل ھەموو دەڤەران.
سەربەست تروانشی گۆتژی: داخواز ژ ھێزیێن ھەڤپەیمانان ھاتیە کرن ب دژواری بارەگایێن تیرۆرستان تۆپباران بکەن و ژ ناڤ ببەن.
ناڤبری ئەو ژی دیارکر ھەتا جھەک مابیت یێ سنوری کوردستانێ دێ ھێزیێن پێشمەرگەی پێشڤەچوونی دا بن دێ ھەموو ئاخا کوردستانێ رزگارکەن.

ئه‌ڤرۆ نيوز:

چه‌نده‌كێ به‌رى نوكه‌ ته‌قينه‌ك ل باژێرێ قامشلۆ يێ رۆژئاڤايێ كوردستانێ روودا و هه‌تا نوكه‌ زه‌ره‌ر و زيانێن وێ نه‌هاتينه‌ زانين.

ئاسايشا رۆژئاڤايێ كوردستانێ ل لاپه‌رێ خوه‌ يێ فه‌رمى ل فه‌يسبۆكى به‌لاڤكريه‌ كو ته‌قينه‌ك ل تاخێ پێشه‌سازى يێ نێزيك فلكا باژێرڤانيا رۆژهه‌لات روودا.

ئاماژه‌ ب وێ چه‌ندێ ژى كريه‌ كو ئه‌ڤ ته‌قينه‌ د رێيا ماتۆر سكله‌كێ بۆمرێژكرى دايه‌.