NO IORG
نووترين نووچه
نوچێن گرنگ

5398

ئه‌ڤرۆ نيوز:

ئه‌ڤرۆ رۆژا چارشه‌مبى رێكه‌فتى 16ى چريا دويێ وه‌زاره‌تا دارايى و ئابوورى ل حوكمه‌تا هه‌رێما كوردستانێ خشته‌كێ نوو يێ به‌لاڤكرنا مووچه‌ى راگه‌هاند كو يێ تايبه‌ت ب مووچێن ده‌زگه‌هێن ئه‌منى يێن هه‌رێما كوردستانێ.

1- رۆژا پێنجشه‌مبى و ئێكشه‌مبى رێكه‌فتى 17 و 20ى چريا دويێ 2016 دێ مووچێ فه‌رماندا پێشمه‌رگێ زێره‌ڤانى و فه‌مراندا پێشمه‌رگێ به‌ره‌ڤانيێ و ڤێراگه‌هشتنێ هێته‌ به‌لاڤكرن.

2- رۆژا دوشه‌مبى 21ى چريا دويێ دێ مووچێ ده‌زگه‌هێ گشتى يێ ئاسايشێ هێته‌ به‌لاڤكرن.

3- رۆژا سێشه‌مبى 22ى چريا دويێ دێ مووچێ جڤاتا ئاسايشێ هێته‌ به‌لاڤكرن.

796

ئه‌ڤرۆ نيوز:

تله‌فزيونا وار راپۆرته‌ك به‌لاڤكريه‌ كو وه‌لاتیه‌كێ كوردێ ئێزدی یێ ئاكنجیێ باشیكێ ژبه‌ر شه‌رێ داعشێ و ترسا ژ ده‌ستدانا وان 30 میلون دینارێن ئیراقى لژێر زه‌ڤیه‌كێ ل چه‌مێن زه‌یتونان ل باشیكێ ڤه‌شارتبوون ،پشتی ئازادكرنا وى باژێرى, هێزێن پێشمه‌رگه‌ی ئه‌و كوژمێ پاره‌ی لژێر زه‌ڤیێ ئینانه‌ده‌رو راده‌ستێ خوه‌دانێ وی پاره‌ی كرن

135

ئه‌ڤرۆ نيوز:

سه‌رۆك بارزانى ئه‌ڤرۆ ل باشيكێ گوتاره‌ك پێشكێشكر و دياركر كو هه‌موو ئاخا كوردستانێ هاته‌ رزگاركرن، سه‌باره‌ت رێككه‌فتنا ل گه‌ل به‌غدا، سه‌رۆك بارزانى گوت: ئه‌گه‌ر ل گه‌ل به‌غدا نه‌گه‌هينه‌ رێككه‌فتنێ باشترين چاره‌سه‌رى ريفراندومه‌.

سه‌رۆك بارزانى ئاماژه‌ ب وێ يه‌كێ دا كو گه‌له‌ك كه‌س پرسيار دكه‌ن كو بۆچى بۆ مووسل پێدڤيه‌ پێشمه‌رگه‌ شه‌رى بكه‌، د به‌رسڤا وان دا دبێژين، هه‌تا مووسل ئارام نه‌بيت، ئاسايشا هه‌رێما كوردستانێ دێ مه‌ترسى ل سه‌ر بيت.

 

573

ئه‌ڤرۆ نيوز:

ستێرا ته‌پا پێ يا ئه‌رجه‌نتينێ ليونێل مێسى پشتى سه‌ركه‌فتنا هه‌لبژارتيێ وان ل سه‌ر هه‌لبژارتيێ كولومبيا ب 3-0، برياردا ئه‌و و هه‌ڤالێن وى بۆ ده‌زگه‌هێن راگه‌هاندنا ناڤخويى يا وه‌لاتێ ئه‌رژه‌نتين نه‌ئاخڤن.

پشتى كو ئه‌رژه‌نتين به‌رامبه‌ر به‌رازيل ب 3-0 خوساره‌ت بووى، راگه‌هاندنا ئه‌رژه‌نتينى گه‌له‌ك ب خرابى به‌حسێ ياريكه‌رێن وه‌لاتێ خوه‌ كرن و توهمه‌تێن كه‌سوكى ژى خستنه‌ پال ياريكه‌ران.

275

ئه‌ڤرۆ نيوز، نيوار محه‌حه‌د سه‌ليم:

وه‌زاره‌تا پێشمه‌رگه‌ى بێ ئاگه‌هيا خوه‌ نيشان دا ل دۆر هه‌ر رێكه‌فتنه‌كێ بۆ ڤه‌كێشانا پێشمه‌رگه‌ى ژ ده‌ڤه‌رێن به‌رى شه‌رێ داعش و ته‌كست كر كو ئه‌وان سوزێن ژ وى ره‌نگى نه‌داينه‌.

ل گه‌ل پێشڤه‌چوونێن هێزێن عيراقى ل شه‌رێ مووسل ماوێ چه‌ند رۆژايه‌ به‌رپرسێن عيراق و ئه‌مريكا به‌حس ل ڤه‌كێشانا پێشمه‌رگه‌ى ژ وان ده‌ڤه‌ران دكه‌ن يێن به‌رى شه‌رێ داعش لێ بنه‌جهـ بووين، د ده‌مه‌كى دا پێشمه‌رگه‌ى د شه‌رێ دژى داعش دا روويه‌كێ گه‌له‌ك مه‌زن يێ ئه‌ردى كونترۆل كريه‌.

ئه‌ليزابێس ترودۆ، رێڤه‌به‌را ئۆفيسا راگه‌ها راگه‌هاندنا وه‌زاره‌تا ده‌رڤه‌ يا ئه‌مريكا، دوهى د كۆنگره‌كێ رۆژنامه‌ڤانى دا، ل دۆر ڤه‌كێشانا پێشمه‌رگه‌ى پشتى شكه‌ستنا داعش، بۆ وان ده‌ڤه‌ران به‌رى هاتنا رێكخراوێ لێ بنه‌جهـ بووين و گۆت: “پێشمه‌رگه‌ى ب خوه‌ ئه‌و گۆتيه‌ و مه‌ ژى ژێ خواستيه‌ ل دووڤ گۆتنێن خوه‌ سه‌ره‌ده‌ريێ بكه‌ن”.

هه‌لگۆرد حكمه‌ت، رێڤه‌به‌رێ راگه‌هاندنا وه‌زاره‌تا پێشمه‌رگه‌ى بۆ ئه‌ڤرۆ نيوز گۆت: “ئه‌وان وه‌كو وه‌زاره‌تا پێشمه‌رگه‌ى لايه‌نێ بجهئينانێ نه‌ و فه‌رماندێ گشتى يێ هێزێن چه‌كدار بڕيارێ دده‌ت و هه‌ر تشته‌كێ ئه‌و ب بێژيت ئه‌و دێ بجهـ ئينن و چاڤه‌رێ فه‌رمانا وى نه‌ د وێ ده‌ربارێ دا”.
هه‌لگۆرد ل گه‌ل هندێ كو بێ ئاگه‌هيا خوه‌ نيشان دا كو چو رێكه‌فتنێن ژ وى ره‌نگى هاتبيته‌ كرن كو پێشمه‌رگه‌ خوه‌ ژ وان ده‌ڤه‌ران ڤه‌كێشت و ته‌كست ل سه‌ر وێ چه‌ندێ كر”مه‌ بۆ ڤه‌كێشانێ سوز نه‌دايه‌ ئه‌مريكا”.

هه‌ر چه‌نده‌ به‌رى نوكه‌ پرۆتۆكوله‌كا لێكتێگه‌هشتنێ د ناڤبه‌را هه‌رێما كوردستانێ و ئه‌مريكا دا هاتبوو ئيمزاكرن و چه‌ندين خالا ب خوه‌ ڤه‌گرتبوون، به‌لێ ب گۆره‌ى نوونه‌رێ هه‌رێمێ د شانا راگه‌هاندنا شه‌رى يا هێزێن عيراقى د شه‌رێ مووسل دا، چ برگه‌يه‌كا ژ وى ره‌نگى تێدا نينه‌ كو دڤێت پشتى ئازادكرنێ پێشمه‌رگه‌ ژ وان ده‌ڤه‌ران خوه‌ ڤه‌كێشن، به‌لكو تێدا هاتيه‌ كو دڤێت رێكه‌فتنه‌كا سياسى ل سه‌ر بهێته‌ كرن.

ئه‌ڤه‌ د ده‌مه‌كى دايه‌ كو ل 8ى ڤێ هه‌يڤێ حه‌يده‌ر عه‌بادى سه‌رۆك وه‌زيرێن عيراقێ راگه‌هانديه‌ كو پشتى ب دووماهى هاتنا شه‌رێ ئازادكرنا مووسل، سۆپايێ عيراقێ دێ ژ ئاخا هه‌رێمێ ده‌ركه‌ڤيت و پێشمه‌رگه‌ ژى دێ چيته‌ وان ده‌ڤه‌رێن به‌رى نوكه‌، ب گۆره‌ى رێكه‌فتنا ل گه‌ل به‌رپرسێن پله‌ بلندێن هه‌رێمێ.
هێزێن پێشمه‌رگه‌ى ل شه‌رێ دژى داعش پێشڤه‌چوونێن مه‌زن كرينه‌ و هه‌موو ئه‌و ده‌ڤه‌ر كونترۆل كرينه‌ يێن ده‌ڤه‌رێن كوردستانى يێن ده‌رڤه‌ى ئيدارا هه‌رێما كوردستانێ دهێنه‌ ب ناڤكرن.

286

ئه‌ڤرۆ نيوز:

پێخەمەت ژ نێزیکڤە ئاگاهداربوون لسه ر برێڤەچوونا کارێ پروژێ جودسایدی دەمژمێر 4:30 یا ئیڤارئ ل روژا 2016/11/15(سردار یحیی عبدالعزیز)قائیمقامێ قەزا شێخان ب هەڤالینیا جێگرێ پارێزگارێ دهوک بو کاروبارێن هونەری سەرا پروژێ جودسایدێ کومەلگەها چرەی کرن، دگەل ئەندازیار و سەرپەرشت و باژێرڤانیا چرەی چەند دان و ستاندن و گه‌نگه‌شەکرن لسەر پروژێ ناڤهاتی بو هندێ پتر زال ببن لسەر سەروبەرێ برێڤەچونا کارێ وان و داخاز کرن کو ب شێوەیەکێ رێک و پێک کار لسەر بهێتەکرن چونکی رێکا سەرەکی هەولێر دهوک سلێمانیێ لسەرە و جادەیەکا سەرەکی یە، دست خوشى ل ئەندازیار و سەرپەرشتێن پروژەی کرن .

144

ئه‌ڤرۆ نيوز:

وه‌لاتێ توركيا ب فه‌رمێ كه‌نالێ TRT World ڤه‌كر كو دێ ب زمانێ ئينگليزى بيت، ره‌جه‌ب ته‌يب ئه‌ردوگان سه‌رۆك كومارێ توركيا ب ڤێ هه‌لكه‌فتێ راگه‌هاند، كو ئه‌و هيڤيخوازه‌ TRT World ببيته‌ باشترين كه‌نال و ره‌وشا راست يا توركيا و گه‌لێ توركيا ب جيهانێ بگه‌هينيت.

 

205

ئه‌ڤرۆ نيوز:

به‌شار ئه‌سه‌د سه‌رۆك كۆمارێ وه‌لاتێ سوريا راگه‌هاند كو هه‌كه‌ ئه‌و شه‌رێ تيرۆرێ بكه‌ت دشيان دايه‌ هه‌ڤپه‌يمانيه‌كا سرۆشتى دروست بكه‌ن مل ب ملێ ئيران و رۆسيا.

ئه‌سه‌د د چاڤپێكه‌فتنه‌كێ دا ل گه‌ل تله‌ڤزيۆنا فه‌رمى يا پرتۆگال راگه‌هاند كو نوكه‌ نه‌شێن ده‌رباره‌ى تره‌مپ چو تشتان بێژن كا دێ چ كه‌ت، به‌لێ هه‌كه‌ شه‌رێ تيرۆرێ بكه‌ت، ئه‌م دشێن پێكڤه‌ هه‌ڤپه‌يمانه‌كا سرۆشتى بين، هه‌ر وه‌كو چاوان ل گه‌ل رۆسيا و ئيران و هنده‌ك وه‌لاتێن دى ئه‌وى كارى بكه‌ين.

سه‌رۆكێ سوريا ئاماژه‌ ب هاريكاريا ل گه‌ل تره‌مپ كر كو چه‌ندين جاران گۆتيه‌ شه‌رێ دژى داعش ژ كارێن وى يێن ده‌سپێكێ يه‌، “يێ ب هيڤى مه‌” به‌لێ گۆمان ژى ل سه‌ر شيانێن تره‌مپ هه‌يه‌ و وه‌سان دبينيت كو “هێزێن ده‌ست بلندێن ناڤ ئيدارا ئه‌مريكا و راگه‌هاندن” ل دژى تره‌مپ بوون، “ل گه‌ل هندێ ژى دێ چاڤه‌رێ سۆزێن تره‌مپ بين”.

122

ئه‌ڤرۆ نيوز:
پەرلەمانتارەکێ کورد ل پەرلەمانێ عێراقێ دبێژیت، پڕۆژێ گۆڕان بۆ ڤەقەتاندنا سلێمانیێ ژ ھەرێما کوردستانێ تنێ بۆ دژایەتیکرنا پارتیە و گۆڕان ل ھەرێما کوردستانێ نەشێت وەک بەرێ ئاریشەیان چێکەت ل بەغدا دەستێ خوە ل گەل نەیارێن کوردا تێکەل کریە، ھەروەسا دیارکر، ل گورەی دستووری بەغدا تنێ دێ سەرەدەریێ ل گەل حوکمەتا ھەرێما کوردستانێ کەت.
دکتۆر عەرەفات کەرەم ئەندامێ پەرلەمانێ عێراقێ ل سەر فڕاکسیۆنا پارتی دیموکراتی کوردستان بۆ رۆژناما ئەڤرۆ گۆت” کو پێشنیازا بزاڤا گۆڕان و جێگرێ سەرۆکێ پەرلەمانێ عێراقێ ئارام شێخ محەمەدی بۆ ڤەگەڕیانە سەر بەغدا تنێ بۆ دژایەتیکرنا پارتیە و گۆڕان بۆ بدەستڤەئینانا دەنگێن وەلاتیان ل بەغدا دەستی خوە ل گەل نەیارێن کوردا تێکەل کریە و دخوازیت بڤێ چەندێ ھەستا وەلاتیان بۆ ھەلبژارتنێن داھاتی بۆخۆ راکێشیت، چونکە گۆڕان لسالێن بۆری نەشیا چو پێنگاڤا بۆ رازیکرنا جەماوەرێ پاڤێت و شکەستن ئینا، تنێ بزاڤا گۆڕان ددەمێ خۆنیشاندان و ئالۆزیان مفای دبینیت، لەوڕا بەردەوام دخوازیت ئالۆزی ھەبیت، پشتی گۆڕان لھەرێما کوردستانێ نەشیا چو بکەت، ل بەغدا ئاریشا بۆ ھەرێما کوردستانێ پەیدا دکەت و دەستێ خوە دگەل نەیارێن کورد تێکەلکریە و ل جیاتی دەڤەرێن کوردستانیێن دەرڤەی ئیدارەیا حوکمەتا ھەرێما کوردستانێ ڤەگەرینیت، دخوازیت سلێمانیێ ژی ڤەگەڕینیت سەر بەغدا تنێ دا پارتی پَ ئیحراج ببیت.
عەرەفاتی گۆتژی” داخوازا گۆڕان و ئێکەتیێ ب چو شێوەیەکی ژلایێ حوکمەتا عێراقێ ناھێتە قەبولکرن، چونکە گورەی دستووری ھەرێما کوردستانێ تایبەتمەندی و سەربەبخۆیا خۆ یا ھەی حوکمەتا بەغدا نەشێت ب جودا مامەلێ دگەل پارێزگەھێن ھەرێما کوردستانێ بکەت، ژبەرکو پرسەکا دستووری و کەس نەشێت دستوورێ عێراقێ بنپێکەت، مامەلەیا عێراقێ تنێ دێ دگەل حوکمەتا ھەرێما کوردستانێ بیت و پیلانا گۆڕان گۆڕان بۆ جوداکرنا سلێمانیێ سەرناگریت، ھەر پرسەکا ھەبیت راستەوخۆ بەغدا دێ دگەل ھەولێرێ بەحس بکەت کو پایتەختێ ھەرێما کوردستانێ یە، مەرەما گۆڕان ئەڤە ھەلبژارتن یێت نێزیک دبن، بھەر حالەکێ ھەبیت دخوازیت دەنگێ وەلاتیان بۆخۆ راکێشیت، لھەرێما کوردستانێ بێ ھیڤی بووینە بشێن جارەکادی خەلکێ کوردستانێ خاپینن ب پڕۆژە و بەرنامەیێن خوە نەچاربووینە دڤێت ل بەغدا ئەڤی کاری بکەن، لێ بلا پشتڕاستبن ل بەغداژی پڕۆژە و پیلانێن وان ھەر سەرناگرن.

نيشاندان1...1,0002,0001,8021,8031,804...2,769زێده‌تر لاپه‌ر 1,803 ژ 2,769
مالپه‌رێ فه‌رمى یێ رۆژناما ئه‌ڤرۆ یه‌ .
ئاگــــــه‌هــــــداری نـــــوویـــــــاتیـــــــان ببــــه‌ .
په‌یوه‌ندی : [email protected]
website security
© Copyright 2021 - Rojnameya Evro - Powered by Kurdo Plus
799 queries in 2.244 seconds.
WP Facebook Auto Publish Powered By : XYZScripts.com