ئه‌ڤرۆ نیوز:
سه‌عد حه‌دیسى په‌یڤدارێ سه‌رۆك وه‌زیرێن عیراقێ، ره‌ت كر كو حوكمه‌تا فیدرال ره‌فتارێ ل گه‌ل پارێزگه‌هێن هه‌رێمێ جودا بكه‌ت و گۆت” د دستورێ عیراقێ دا، ب رونى ئاماژه‌ ب وان پارێزگه‌هان هاتیه‌ كرن كو د چارچوڤێ هه‌رێمه‌كێ دا خوه‌ رێكخستینه‌، ژبه‌ر هندێ به‌غدا دێ ره‌فتارێ ل گه‌ل پارێزگه‌هێن هه‌رێمێ كه‌ت و دستوورێ پێشێل ناكه‌ت.
سه‌عد حه‌دیسى ئاماژه‌ ب وێ یه‌كێ ژى كر ئه‌و ره‌وشا نه‌سه‌قامگیر یا ژ ئالیێ سیاسى ڤه‌ ل هه‌رێما كوردستانێ هه‌ى، كارتێكرن بۆ سه‌ر عێراقێ ژى هه‌یه‌، له‌وما داخواز دكه‌ین لایه‌نێن سیاسیێن هه‌رێمێ ب سه‌ر ناكوكییان دا زال ببن.

ئه‌ڤرۆ نیوز:
ب مه‌ره‌ما دیف چونا كارێ‌ ئاڤاكرنا كه‌مپێن ئاوارێن شه‌رێ‌ ئازادكرنا باژێرێ‌ میسل ئه‌ڤرو ئێڤارێ‌ 15/11/2016 فه‌رهاد ئه‌مبن ئه‌تروشی پارێزگه‌رێ‌ دهوكێ‌ دگه‌لدا هاریكارێ‌ پارێزگه‌ری بو كاروبارێن مروڤایه‌تی و قایمقامێ‌ قه‌زا شێخان سه‌ره‌دانا كومپێن پێشوازی كرنا ئاوارا و جهێ‌ ئاكنجیكرن وان ل نێرگزلیێ‌ كر و سه‌حكره چاوانیا برێه‌ چونا كرێ‌ و گزهداریا ئه‌ندازیارێن سیه‌رپه‌رشت كرن بو نه‌هێلانا ئاسته‌نگێن كارێ‌ و له‌زكرنێ‌ دئاڤاكرنا واندا
دداخویانیه‌كێ‌ دا فه‌رهاد ئه‌مین پارێزگه‌رێ‌ دهوكێ‌ دیار كر كو ل سنورێ‌ پارێزگه‌ها دهوكێ‌ پلان هه‌یه‌ 7 كه‌مپ بهێنه‌ ئاڤاكرن بو ئاوارێن شه‌رێ‌ ئازاد كرنا باژێرێ‌ میسل و ده‌وروبه‌ران ل زێلكان و تا دگه‌هیته‌ سنورێ‌ ناحیا زمار و دڤان كه‌مپا دا هه‌می خزمه‌تێن پێدڤی وه‌كو ئاڤ و كاره‌ب و جاده‌ و ده‌ست و سه‌ر شو و جهێن لینانا خارنێ‌ هاتینه‌ دانان و پلان هاتیه‌ دانان بو بنگه‌هێن ساخله‌میێ‌ بهێنه‌ چێكرن ,,
هه‌روه‌سا گوت ل ڤان كه‌مپا نێزیكی 19 هزار یه‌كه‌یێن ئاكجنیكرنێ‌ دێ‌ هێنه‌ دانان و چه‌ند جهێن تایبه‌ت بو پێشوازی كرنێ‌ هاتینه‌ به‌رهه‌ف كرن وه‌كو قه‌یماوا ل زێلكا و نێرگزلیێ‌ بو كاروبارێن ئاسایشێ‌ و توماركرنا ڤان ئاوارا و كاروبارێن ساخله‌میێ‌ و ده‌رزیك دانانا وان و پێدڤیێن دی یێن ساخله‌میێ‌ هه‌روه‌سا ل ناف كه‌مپا ژی جهێن پێشوازیێ‌ و ئاسایشێ‌ و پولیسان و ساخله‌میێ‌
هه‌روه‌سا گوت كومپ به‌رده‌وام ژلایێ‌ كومپانیێن كه‌رتێ‌ تایبه‌ت دهێنه‌ دورستكرن ل ژێر سه‌رپه‌رشتیا كادرێ‌ ئه‌ندازیاریێ‌ پارێزگه‌ها دهوكێ‌ چ ژ لایێ‌ حكومه‌تا هه‌رێمێ‌ بیت یان نه‌ته‌وه‌یێن ئیكگرتی بیت لێ‌ باهرا پێتر پارێزگه‌ها دهوكێ‌ پێ‌ رادبیت و ژڤێ‌ رێژا مه‌دیار كری پێتر ژ 11 هزار یه‌كه‌یێن دهێنه‌ چێكرن یێن پارێزگه‌ها دهوكێ‌ كارگێریا خوجهی نه‌ نێزیكی 4 هزارا یێن UN ئێك كومپ ل زمار ئێك ل زێلكان و گوت ئه‌م دشێن نێزیكی 100 هزار كه‌سا وه‌رگرین بێ‌ ئلریشه‌ و جهێ‌ باش بو هاتیه‌ دورست كرن و بیێ‌ ئاریشه‌ ,
ل دوركونترول كرنا ڤان ئاوارا و نه‌ده‌ركه‌فتنا وان بو لایه‌نێ‌ ئێمناهیێ‌ پارێزگه‌رێ‌ دهوكێ‌ گوت: كه‌مپێن مه‌ بیێ‌ پولیس و ئاسایش و ئیدارا كه‌مپێ‌ و ل كه‌مپێن به‌ری نوكه‌ خه‌لك نه‌شێت ده‌ركه‌ڤیت و هه‌روه‌سا چه‌ندین فیلته‌ر هه‌نه‌ بو پاراستنا لایه‌نێ‌ ئیمناهیێ‌ و هه‌می دهێنه‌ تومار كرن و وێنێ‌ وان دهێته‌ گرتن زێده‌باری هه‌می زالكه‌ها هه‌نه‌ و نه‌شێن ده‌رباز ببن و ئه‌ڤه‌ چه‌ندین هه‌یڤه‌ كاره‌كێ‌ باش ب هه‌فكاریا ده‌زگایێن ئێمناهیێ‌ دهێته‌ كرن له‌وما ئه‌م خه‌لكێ‌ خو دلنیا دكه‌ین كو هیچ كاره‌كێ‌ خراب ناهیته‌ كرن و بابه‌ت یێ‌ كونترول كریه‌.

ئه‌ڤرۆ نیوز:
رودى جولینانى راوێژكارێ دونالد تره‌مپ سه‌رۆكێ هه‌لبژارتیێ ئه‌مریكا راگه‌هاند ئێك ژ حالێن سیاسه‌تا ده‌رڤه‌ یا ئیدارا نوو یا ئه‌مریكا دێ كاركرن بیت ل سه‌ر روى ب روى بوونا رێكخراوا داعش دكه‌ت و ده‌ستپێكا كارێ بهێت یێ ئیدارا ئه‌مریكا دێ ژناڤبرنا داعش بیت.
رودى جولینانى ئاماژه‌ ب وێ یه‌كێ كر كو تره‌مپ چه‌ندین جار به‌حسێ وێ یه‌كێ كریه‌ كو پلانا خوه‌ یا روى ب روى بوونا داعش دێ  ب نهێنى هێلێت هه‌تا ده‌ست ب كار دبیت.

ئه‌ڤرۆ،زنار تۆڤى:
فۆئاد مه‌عسۆم سه‌رۆك كۆمارێ عێراقێ كچا خوه‌ شرین فۆئاد مه‌عسۆم وه‌ك سكرتێرا سییێ یا وه‌زیرێ ده‌رڤه‌ یێ عێراقێ دامه‌زراندیه‌،لدووڤ به‌لگه‌نامه‌یه‌كێ كو تێدا هاتیه‌”لدووڤ وێ ده‌ستهه‌لاتا ب مه‌ هاتیه‌ دان ل ماددێ (5-1) ژ یاسایا خزمه‌تا ده‌رڤه‌ یا ژماره‌(45) یا سالا (2008) بیروبۆچوونا فه‌رمانگه‌ها یاسایى ل به‌روارا 29/9/2016 ئه‌ڤ بریاره‌ دهێته‌دان،ب دامه‌زراندنا خاتۆن شرین فۆئاد مه‌عسۆم خۆدانا برواناما ماسته‌رێ د زانستێن سیاسى دا ب پله‌یا سكرتێرا سێیێ و ل سه‌ر میلاكێ هه‌میشه‌یى دهێته‌ دامه‌زراندن،مووچێ بنه‌ره‌تى دهێته‌ دیاركرن ب رێژه‌یا 429 هزار دینارا ل چارچۆڤێ پله‌یا تایبه‌ت و رێزبه‌ندیا ئێكێ،هه‌روه‌سا ده‌رماله‌یا بروانامێ دێ بۆ هێته‌ مه‌زاختن ب رێژه‌یا 75% ژ مووچێ بنه‌ره‌تى.

دیسا ئه‌وژى دیاركریه‌”كو ده‌رماله‌یا برواناما بلند ب رێژه‌یا 50% ژ مووچێ بنه‌ره‌تى بۆ بهێته‌ مه‌زاختن لدووڤ بریارا ئه‌نجۆمه‌نێ وه‌زیران یا ژماره‌ 344 ێ یا سالا 2011،دیسا ئیمزا وه‌زیرێ ده‌رڤه‌ یێ عێراقێ ل سه‌ر وێ نڤێسینێ هه‌یه‌.