ئه‌ڤرۆ نيوز:

سه‌رۆكێ هه‌رێما كوردستانێ هوشدارى دا كو مزاهيدێن حزبى د ناڤ پێشمه‌رگه‌ى دا نه‌هێنه‌ كرن و راگه‌هاند: هه‌ر كه‌س يان به‌رپرسه‌كێ له‌شكرى سه‌ر ب هه‌ر لايه‌نه‌كى بيت و حزبيانه‌ لڤينێ بكه‌ت، دێ ئيجراتات ژێ هێنه‌ وه‌رگرتن”، هوشدارى دا كه‌نالێن راگه‌هاندنێ ژى كو د ڤه‌گوهاستنا شه‌رى دا موزاهيدێن حزبى نه‌كه‌ن.

ده‌قێ په‌ياما مه‌سعود بارزانى سه‌رۆكێ هه‌رێما كوردستانێ ب زاراڤێ كرمانجى

ب ناڤێ خوەدایێ مەزن و دلۆڤان

ئەڤ دەمەکە درێژە ل راگھاندن و ناڤەندێن سیاسیێن ناڤخوەیی و دەرڤەیی بەھسا ئامادەکاریێن ئۆپەراسیۆنا ئازادکرنا موسلێ تێ کرن و تێکشکاندنا داعیش و ئازادکرنا موسلێ ژی ژ بۆ ھەرێما کوردستانێ گرینگیەکە خوەیا تایبەت ھەیە و ئەولەویەتا سیاسەتا ھەرێما کوردستانێیە.

ب پێویستی دزانم ل ڤی دەرباری دە ب ھەموو ئالیەک راگھینم کو ئامادەکاریێن تەڤاھییا دەستپێکا ئۆپەراسیۆنا ئازادکرنا موسل ھاتیە کرن و ل ڤێ چارچێوەیێ دا ژی رێککەفتن ل ناڤبەرا ھێزێن پێشمەرگە و ھێزێن ئارتێشا ئراقێ دا ھاتیە کرن. ل ڤێ رێککەفتنێ دا ژی چاواییا ئۆپەراسیۆنێ و کار و ئەرکێ سەربازییا ھەموو ھێز و یەکینەیێن بەشداربوویێن ئۆپەراسیۆنێ ب ھوری ھاتنە دیار کرن و پابەندبوونا تەڤاھییا ھێزێن پێشمەرگەیێن کوردستانێ ب جیھکرنا رێککەفتنێ دە دووپات دکین. ھەماھەنگیەکە تەڤاھی ل ناڤبەرا پێشمەرگە و ھێزێن ئارتێشا ئراقێ ھەیە و ھەموو ھەولەک ژی ددن کو پێکڤە نەھێلین ھیچ روودانەکە نەخواستی بێ پێش.

ھەر وھا ھەولێر و بەخدا ل سەر ئەوە رێککەفتنە کو کۆمیتەیەکی بلندا سیاسی و ھەڤبەش بێ پێکانین ژ بۆ کۆنترۆل و سەرپەرەشتیکرنا رەوش و پێشھاتێن ل پشتی ئازادکرنا موسلێ.

ھێڤیا وێ یەکێ دخوازم ئۆپەراسیۆنا ئازادکرنا موسل ب سەرکەفتی بێ ئەنجامدان و نیشتەجھێن باژارێ موسلێ ژی ژ زولما تەرۆریستێن داعیش رزگار ببن و خەلکێ کۆچبەرێن موسل و پارێزگەھا نینۆوا ب بەختەوەریێ دە ڤەگەرن باژار و ناڤچەیێن خوە.

مەسوود بارزانی
15.10.2016

ده‌قێ په‌ياما مه‌سعود بارزانى سه‌رۆكێ هه‌رێما كوردستانێ ب زاراڤێ سورانى

ئەڤرۆ نیوز:
سەرۆکێ کۆتلا برایەتی و پێکڤەژیانێ ل جڤاتا پارێزگەھا نەینەوا دیار کر کو بڕیار ھاتە دان دگەل ئۆپەراسیۆنا مووسلێ لیژنەکا ئێمناھیێ بھێتە دروستکرن بۆ دیارکرنا چارەنڤیسی رەڤاندیان و گۆت: “لیژنە دێ دگەل ئۆپەراسیۆنا مووسلێ دەست بکارێ خوە کەت”.
سەیدو چەتۆ، سەرۆکێ کۆتلا برایەتی و پێکڤەژیانێ ل جڤاتا پارێزگەھا نەینەوا بۆ رۆژناما ئەڤرۆ دیار کر کو ب ھەماھەنگی و پشتەڤانیا حوکمەتا ھەرێما کوردستانێ دێ لیژنەک دەست بکار بیت ل دەمێ ئۆپەراسیۆنا مووسلێ بۆ رزگارکرنا رەڤاندیان و دیتنا چارەنڤیسێ ھەموو رەڤاندیان و گۆت: “پارێزگەھا نەینەوا دگەل جڤاتا پارێزگەھا ناڤھاتی بڕیار دا لیژنەکا ئێمناھیێ بۆ دووڤچوونا چارەنڤیسێ کچ و ژن و زارۆیێن ئێزدیان یێن رەڤاندنی بھێتە دروستکرن”.
ناڤھاتی ئاماژە دا وێ چەندێ کو ھەموو بزاڤ دێ ھێنە کرن رێ ل تیرۆرستان بھێتە گرتن بۆ وێ چەندێ دەمێ تیرۆرست د رەڤن رەڤاندیان گەل خوە نەبن و گۆت: “جڤاتا پارێزگەھا نەینەوا ل سەر ھەموو میحوەرێن شەرێ دی ھێنە بەلاڤکرن بۆ دروستکرنا ھەماھەنگیێ دناڤبەرا دەستھەلاتا خوە جە یا پارێزگەھا نەینەوا و ھێزێن پشکدار د ئۆپەراسیۆنا کۆنترۆلکرنا مووسلێ دا”.
ل دووماھیێ ناڤھاتی دیار کر کو ل رۆژا 3/8/2014 ب ھزارەھا کچ و ژن و زارۆیێن ئێزدیان کەفتنە د دەستێن تیرۆرستێن داعش دا و ھەتا نوکە پتر ژ سێ ھزار کەسان رەڤاندنی ماینە و چارەنڤیسی وان یێ دیار نینە و گۆت: “پێدڤیە ھەموو ھێزێن پێشکداریێ د ئۆپەراسیۆنا مووسلێ دا دکەن ھشیاری رەڤاندیان بن و ب ھووری رزگار بکەن”.