ئەڤرۆ، نیوار محەمەد سەلیم:

رێڤەبەریا گشتی یا کەشناسی و بیڤەلەرزێ ل ھەرێما کوردستانێ جوداھیا رێژا باران بارینا ئەڤ سالە ل گەل سالا بۆری راگەھاند و کەشناسیا دھۆکێ ژی دبێژیت: “ھێشتا زوویە پێشبینیا ھشکەسالیێ بکەین”.
ب گۆرەی راگەھاندنەکێ کو پشکا ئامارا رێڤەبەریێ ئامادەکریە و دانەک ب دەست ئەڤرۆ نیوز کەفتیە، ھەتا ئەڤرۆ رێژا باران بارینێ ل سەنتەرێ پارێزگەھا دھۆکێ 86ملم کێمتر بوویە ل گەل سالا بۆری و ل ھەولێر 100ملم و ل سلێمانیێ 257ملم و ل کەرکووک 91ملم و ل ھەلەبچە ژی 257ملم.
رێڤەبەرێ کەشناسی و بیڤەلەرزێ ل پارێزگەھا دھۆکێ بۆ رۆژناما ئەڤرۆ دیارکر کو ھێشتا دەسپێکا وەرزێ زڤستانێ یە و ھندێ ناگەھینیت کو ئەڤ سالە باران نابن، ھەر چەندە چ تشتێ فەرمی ل دۆر پێشبینیێن ئەڤ سالە نینە کو باران ل دووماھیا وەرزی ب رەنگەکێ باش ببارن.
ئومێد مایی دا زانین کو ئاڤا بن ئەرد یا ھەیی و بەھرا ھندێ دکەت ئەڤ سالە قەرەبوویا ھاتنا کێم بارانان بکەت، “ب رەنگەکێ گشتی ھێشتا نەگەھشتیە وی رادەی مەترسی ھەبیت”.
ھێشتا گۆت: ” گەلەک سالان رێژا باران بارینێ ب ڤی رەنگی بوویە، باران ئەڤ سالە ژی یێن ھاتین، بەلێ وەکو سالا بەری نوکە نەبوویە”.
دەربارەی ھشکەسالیێ ژی رێڤەبەرێ کەشناسی و بیڤەلەرزێ ل پارێزگەھا دھۆکێ دا زانین کو ھشکاتیێ چو جاران ناھێنە پێشبینی کرن، ھەتا دووماھیا وەرزی خشتەک یێ ھەی ل گەل ئێک دھێنە ھەڤبەر کرن ژ نوو دھێتە زانین کا سال یا ھشکەسالیێ یە یان ژی نە.
ب رەنگەکێ گشتی سەنتەرێ پارێزگەھا دھۆکێ سالانە پێدڤی ب 535ملم بارانێ یە و رێڤەبەریا گشتیا کەشنایێ دایە زانین کو ئەڤ سالە ھەتا نوکە 8.8ملم بارانێ بارینە ب رەنگەکی ل سالا بۆری ھەتا ڤی دەمی 94.6ملم بارانێ باریبوون.
“نەشێین ب رەنگەکێ بەردەوام پشت بەستنێ ل سەر مالپەرێن ئەنترنێتێ بکەین بۆ پێشبینیێن باران بارینێ، ژ بەر کو گەلەک جاران پشت بەستنێ ل سەر داتایێن کەڤن دکەن”، گۆتژی: “ژ بەر ھندێ ژی ھەموو جاران پێشبینیێن مالپەرێن ئەنترنێتێ دروست دەرناکەڤن”.
ئومێد مایی نەڤەشارت ژی کو د ڤان رۆژێن داھاتی دا پێلەکا دی یا باران بارینێ دێ باریت کو دھێتە پێشبینیکرن ژی ل شەڤا چارشەمبی ل سەر پێنجشەمبی بیت و گۆت: “دبیت د ماوێ ڤێ پێلێ دا نێزیکی 10ملم بارانێ ببارن”.

ئەڤرۆ نیوز:
نوونەرەکێ کورد لپەرلەمانێ عێراقێ ئیماژە بڤێ چەندێ دکەت، کو داخوازا گۆڕان و پشکەک ژ ئێکەتیێ بۆ ڤەگەڕیانا پارێزگەھان بۆسەر بەغدا پیلانەکا مەترسیدارە و ھەموو بزاڤان دێ کەین ئەف پیلانا چەپەل سەرنەگریت، ھەروەسا دیارکر، حەیدەر عەبادی سەرۆک وەزیرێن عێراقێ ژی ڤێ چەندێ رازینابیت و بودجە و موچێ ھەرێما کوردستانێ ب پێشنیارا ھندەک سەرکردەیێن کورد لسەر مالکی ھاتیە بڕین.
سیروان سیرینی، پەرلەمانتارێ پارتی ل پەرلەمانێ عێراقێ بۆ رۆژناما ئەڤرۆ گۆت: کو ئەف پڕۆژێ ھژمارەک پەرلەمانتارێن گۆڕان و ھندەک پەرلەمانتارێن ئێکەتیێ بەحس دکەن د بنەڕەتدا پڕۆژە نینە بەلکۆ سواری پێلا نەڕازیبوون خەلکێ مامۆستا و فەرمانبەران بووینە، کو داخوازیێن وان رەوانە و گورەی قانوون و دستوری داخوازا مافێن خوە دکەن، بەلێ ئەڤا گۆڕان و پشکەک ژ ئێکەتیێ دبێژن ڤەگەڕیان بۆ بەغدا پڕۆژەیەکێ مەترسیدارە و ب چو شێوەیەکی سەرناگریت، چونکە موچە و بودجێ ھەرێما کوردستانێ لسەر دەمێ نووری مالکی ھاتیە بڕین و ھەر سەرکردەیێن وان لایەنان بوینە پشتەڤانی و داخوازا بڕینا بودجێ ھەرێمێ دکرن، نوکە دێ چاوا موزایەدا فرۆشنە خەلکێ کوردستانێ بۆ ڤەگەڕیان لسەر بەغدا و خەلکی سلێمانیێ ژی ب درێژاھیا دیرۆکێ خەلکەکی شۆڕشگێربووینە و زەحمەتە بکەڤنە ژێر کاریگەریا وان لایەنێن سیاسی، کو دێ خیانەتێ ل وەلاتی کەن، ئەڤا نوکە تێتە رێڤەبرن تنێ موزایەدەیە ھەتا ل ھەلبژارتنێن داھاتی دەنگێ وەلاتیان بۆ خوە راکێشێن، ژبلی موزایەدەیێن سیاسی تشتەکێ دیکە نینە بناڤێ ڤەگەڕاندنا موچێ فەرمانبەران، چونکە عێراق ب خوە یا د قەیرانێ دا.
سیروان سیرینی گۆت: ددەمێ نڤیسینا دستوورێ عێراقێ سەرۆک بارزانی دو ھەیڤا ل بەغدا مایە بۆ زامنکرنا مافێن ھەرێما کوردستانێ دنا دستوورێ عێراقێ دا، لەوڕا رێک ب چو پارێزگەھەکێ ناھێتەدان سەر بخوە مامەلەیێدگەل بەغدا بکەت و ھەر تشتەکێ ھەبیت دڤێت ب رێیا سەرکردایەتیا کوردیڤە نەک کەیفا خەلکەکی، سەرۆک بارزانی رۆلەکێ مەزن دیتیە بۆ بدەستڤە ئینانا مافێن ھەرێما کوردستانێ دگەل بەغدا، ئەڤە چەندین سالە ھندەک کەس و لایەنێن کوردی ل بەغدا پیلانا دژی ھەرێما کوردستانێ دگێڕن و ببونە شیرەتکارێن نوری مالکی، بەلێ ب ئێک سەرەدانا سەرۆکێ ھەرێما کوردستانێ بۆ بەغدا ھەموو پیلانێن وانا ھاتنە ژناڤبرن، نوکە دخوازن بشێوەیەکێ دیکە پیلانا داڕێژن ئەڤەژی نەک ژلایێ کوردانڤە ژلایێ حەیدەر عەبادی سەرۆک وەزیرێن عێراقێ ژی ناھێتە قەبوولکرن، ئەم وەک نوونەرێن خەلکێ کوردستانێ ناھێلین پیلانا چەپەل سەربگریت و دێ ھەموو بزاڤان کەین بۆ ڤەگەڕاندنا موچە و بودجێ ھەرێما کوردستانێ، ئەف قەیرانا بسەر مەدا ھاتی پێدڤی ب خۆڕاگریێ ھەیە.

ئه‌ڤرۆ نيوز:

رێڤه‌به‌ريا گشتى يا كه‌شناسى و بيڤه‌له‌رزێ ل هه‌رێما كوردستانێ جوداهيا رێژا باران بارينا ئه‌ڤ ساله‌ ل گه‌ل سالا بۆرى به‌لاڤكر.

ب گۆره‌ى راگه‌هاندنه‌كێ كو پشكا ئامارا رێڤه‌به‌ريێ ئاماده‌كريه‌ هه‌تا ئه‌ڤرۆ رێژا باران بارينێ ل سه‌نته‌رێ پارێزگه‌ها دهۆكێ 86ملم كێمتر بوويه‌ ل گه‌ل سالا بۆرى و ل هه‌ولێر 100ملم و ل سلێمانيێ 257ملم و ل كه‌ركووك 91ملم و ل هه‌له‌بچه‌ ژى 257ملم.

ئەڤرۆ نيوز:
نوونەرەکێ پارێزگەھا کەرکووکێ ل جڤاتا نوونەرێن عیراقێ ئاشکرا کر، ئەو پرۆژێ گۆڕان داخواز دکەت کو سلێمانیێ ژ ھەرێما کوردستانێ بھێتە جوداکرن، پرۆژێ دۆژمنێن کوردانە و دبێژیت: گۆڕان دڤێت بجە بینیت، ئەڤە ژی د دەمەکی دایە، ل شوونا ڤەگەڕاندنا کەرکووکێ بۆ سەر ھەرێما کوردستانێ، ئەو یێ سنوورێ ھەرێمێ بچووک دکەن و سلێمانیێ ژ ھەرێمێ جودا دکەن.
شاخەوان عەبدوللا، ئەندامێ جڤاتا نوونەرێن عیراقێ یێ پارێزگەھا کورکووکێ دیار کر، گۆڕان بۆ دژایەتیکرنا مللەتێ کورد یا دروست بووی و بۆ مالپەرێ فەرمیێ پارتی دیموکراتی کوردستان گۆت: “گۆڕانێ ب ئازراندنا پرسا جوداکرنا سلێمانیێ ژ ھەرێما کوردستانێ و رادەستکرنا وێ بۆ بەغدا سەلماند کو دژی دەستکەفتێن گەلێ کوردە، چونکو گۆڕان ل گەل بچووککرنا ھەرێما کوردستانێ دایە، نە ل گەل بەرفرەھکرنا سنوورێ کوردستانێ نە”.
شاخەوانی ئاماژە ب وێ چەندێ ژی کر، دڤیا ئارام شێخ محەمەد کو ئەڤە دو سالە جێگرێ سەرۆکێ پەرلەمانێ عیراقێ یە، رۆل د ڤەگەراندنا زەڤیێن کوردان ل کەرکووکێ بۆ خودانێن وان ھەبا کو ب تنێ دەنگدان مایە ل سەر بھێتە کرن و گۆت: “من ل 26-9-2016 نڤیسارەک دایە ڤێ، دا کو بێخیتە بەر دەنگدانێ، لێ وی ئەڤ چەندە کریە، ژ بلی ڤێ ژی پێدڤی بوو، گۆڕان کار بۆ ڤەگەراندنا کەرکووکێ بۆ سەر ھەرێما کوردستانێ کربا، لێ گۆڕان ھەر مژوولی نەشرینکرنا ھەرێمێ و ڤەگەریان بۆ بەغدایێ بووینە، لەو نوکە گۆڕان یا بوویە ڤایرۆسەک و چوویە د ناڤ لەشێ ھەرێما کوردستانێ دا”.
وی پەرلەمانتارێ کورد دا زانین کو ھەکە ئەو ڤایرۆس ل سنوورێ سلێمانیێ بھێتە ژناڤبرن، ژ وێ چەندێ باشترە کو ل ناڤ ھەموو کوردستانێ بەلاڤ ببیت و گۆت: “ھزرا جوداکرنا سلێمانیێ یا گۆڕان نینە، بەلکو دۆژمنێن گەلێ کورد یا دایە وان”.
ئەڤ چەندە ژی د دەمەکی دایە، ئارام شێخ محەمەد، جێگرێ سەرۆکێ پەرلەمانێ عیراقێ ژ فراکسیۆنا گۆڕان داخواز دکەت ھەکە ھەرێم و بەغدا نەگەھنە رێککەفتنێ، دڤێت بەغدا جودا سەرەدەریێ ل گەل سلێمانیێ بکەت.

ئەڤرۆ نيوز:
ل گۆڕ بەلگەنامێن ل سەر مالپەرێ خوارکوک ھاتینە بەلاڤکرن، نوری مالکی کوژمێ (87) ملیۆن دۆلاران بناڤێ قەری بۆ کۆمپانیا چاڤی لاند داینە شاسوار عەبدلواحد، ل دووڤ نڤیسارا ژمارە یا (641) رێککەفتی 25/5/ 2014، نوری مالکی ل وی دەمی رازیبوونا خوە ل سەر دیارکریە کو کوژمێ ناڤبری بۆ کۆمپانیا چاڤی لاندە بھێتە مەزاختن.
ل گۆڕ پێزانینێن تایبەتێن مالپەرێ ناڤبری کو نوری مالکی ئەو کوژمێ پارەی بۆ کومپانیا چاڤی لاند مەزاخت، بەلێ ئەو پارە دبنەرەتدا بۆ مەرەمەکا دی بوویە، کو ئەو ژی بۆ کەنالێ (NRT) یا عەرەبی ھاتبیتە مەزاختن.
ھەروەسا ل گۆر پێزانیان ئەو رێککەفتنا کەنالێ عەرەبی دناڤبەرا سرەو عەبدواحد ئەنداما پەرلەمانێ عیراقێ یا سەرب لیستا گۆرانێ ڤە کو دبیتە خویشکا شاسواری و نوری مالکی ھاتیە کرن، کو پشکەکا مەزنا وی کەنالی بەھرا نوری مالکی تێدایە لەورا کاردێن برێڤەبرنا کەنالێ (NRT) عەرەبی برێیا کروپێن سەر ب نوری مالکی ڤە دھێتە برێڤەبرن.