ئهڤرۆ نيوز:
د سهر راگههاندنا گرتنا رۆژههلاتێ مووسل، بهلێ هێشتا چهكدارێن داعش ل تاخێن مهلايين، عهرهبى و رهشيديه يێن ماين و ههتا نوكه ل وان سێ تاخان شهر يێ بهردهوامه، چهكدارێن داعش ژى بهرهڤانيهكا ب هێز دكهن.
ب گۆرهى ئهو پێزانينێن ل بهر دهست ل ڤان ههرسێ تاخان شهر يێ بهردهوامه و هێزێن سۆپايێ عيراقێ ژى ل باكوورێ رۆژههلاتێ مووسل يێ پێشڤهچوونێ دكهن، وهكو سهركردێن سۆپايى ژى ددهنه زانين كو چهكدارێن داعش ل وان سێ تاخان چو رێيێن دهربازبوونێ نينن. فرۆكێن ههڤپهيمانان ژى يێن وان بهلهمان دكهنه ئارمانج يێن داعش بۆ دهربازبوونێ بۆ لايێ دى ب كار دئينن.
ئهڤرۆ نیوز:
سهرۆكێ سهنتهرێ پێزانین و ستراتیژیا كوردستان ئاشكرا كر كو دگهل پێداچوونێ د سیستهمێ مووچێ فهرمانبهران دا دێ گهۆرین ب سهر دهرمالێن فهرمانبهران دا هێت و گۆت: “هندهك فهرمانبهر دو جورێن دهرمالهی وهردگرن و ئێك ژ وان دێ هێته بڕین، چونكى ئهڤ چهنده ژدهرڤهی قانوونێ یه”.
دكتۆر ئاراس خۆشناو، سهرۆكێ سهنتهرێ پێزانین و ستراتیژیا كوردستان بۆ ئهڤرۆ نیوز دیار كر كو گهۆرینێن بهرچاڤ دێ د مووچێ فهرمانبهران دا هێنهكرن و ههر فهرمانبهرهكێ دو مووچه ههبن دێ ئێك ژێ هێته بڕین و سهرهرایى ڤێ چهندێ دێ پێداچوون د دهرمالێن فهرمانبهران دا ژی هێتهكرن و گۆت: “ل دهستپێكێ حوكمهتێ ل بهربوو دهرمالێن فهرمانبهران ب ئێكجاری ببڕیت، بهلێ پلان ههیه نه هێنه بڕین و پێداچوون تێدا بهێتهكرن، چونكى گهلهك فهرمانبهران دو مووچه ههنه و دبێژنێ دهرمالێ كارى و ئهڤ دهرماله ژ دهرڤهی قانوونێ یه و ههر فهرمانبهرهكێ دو دهرماله ههبن ئێك ژ وان دێ هێته بڕین و سهرهرایى ڤێ چهندێ پێدڤیه پێداچوون د دهرمالێ ههڤژین و زارۆیان دا ژی بهێتهكرن”.
ناڤهاتى ئاماژه دا وێ چهندێ كو مووچێ فهرمانبهران ل عیراقێ و ههرێما كوردستانێ ل سهر بنهمایهكێ دروست نههاتیه دانان، بهلێ ژبهركو ل سهر دهمێ برێمهر ئهڤ سیستهمه هاتیه دانان و د ناڤ دستووری دا هاتیه لهوڕا نه حوكمهتا ههرێما كوردستانێ نه یا فیدڕال نهشێن وهكو پێدڤی دهستكاریێ د مووچهی دا بكهن و گۆت: “بێ گۆمان ئهڤ سیستهمه یێ پێشكهفتى نینه و گهلهك كێماسى یێن تێدا ههین ژ بهر ڤێ چهندێ د ڤێ قهیرانێ دا بارگرانی بۆ حوكمهتێ پهیدابوو و نهشیا مووچێ فهرمانبهران وهكو خوه بدهت”.
ئهڤرۆ نیوز:
بڕیاره ئهڤرۆ لژنا روو ب روو بوونا گهندهلیێ كو ژ نوونهرێن پشكهكا دام و دهزگههێن جودا یێن ههرێمێ پێكدهێت ل گهل جێگرێ سهرۆكێ حوكمهتێ كۆم بببن و ئهندامهكێ لژنێ دبێژیت : ل سهر 7 بادهكێن جودا راپۆرت بۆ كۆمبوونێ هاتینه بهرههڤكرن.
د.فرسهت سوفى ئهندامێ لژنا دهستپاكیا پهرلهمانێ كوردستانێ كو ئهندامێ وێ لژنێ یه دیاركر كو ل سهر حهفت بادهكان كار دكهن و ب راپۆرت دێ پێشكێشى حوكمهتا ههرێمێ كهت كو ئهوژى بادهكێن، نهفت و داهاتێن ههرێمى یه كو ب د.ئامانج رهحیم وهكو سكرتێرێ جڤاتا وهزیران پێ هاتیه راسپاردن و ئامادهكرنا راپۆرتا بادهكا وهزیفێن گشتى ژ خانهنشینى و دو موچهى و دهرماله و پله بلندكرنێن نهقانوونى ب خوڤه دگریت ، نێچیرڤان ئهحمهد سهرۆكێ دیوانا سهرۆكایهتیا ئهنجومهنێ وهزیران هاتیه راسپاردن و ههروهسا راپۆرتا بادهكا داگیركرنا مولك و مالێ دهولهتێ ب دادوهر فهرهاد حاتهم داواكارێ گشتى ل سلێمانیێ هاتیه دان و راپۆرتا بادهكا دهرمان و پێدڤیێن نوشدارى ب د.محهمهد شكور ل وهزارهتا ساخلهمیێ هاتیه دان و ئامادهكرنا راپۆرتا بادهكا گوهۆرینێن كارگێرى و بچووككرنا ههیكهلێ ئیدارى یێ حكومهتێ ههر ب نێچیرڤان ئهحمهد هاتیه دان و راپۆرتا بادهكا بادهكا وهبهرهێنانێ ب من هاتیه دان و راپۆرتا خهرجیێن گشتى ب رابهر سدیق بریكارێ وهزارهتا دارایى و ئابوورى ب وهكالهت هاته دان.
كومبوونا ئێكێ یا لژنا بلندا روو ب رووبوونا گهندهلیێ ل 7/1/2017 ل گهل مهسعود بارزانى سهرۆكێ ههرێمێ كۆم ببوون.
ئهڤرۆ نيوز:
رێڤەبەرێکەمپا نێرگزلیە ئێک یا حەواندنا ئاوارێن پارێزگەھا نەینەوا بۆ ئەڤرۆ دیار کر کو ل دەستپێکا سالا نوو دەرگەھێ کەمپا نێرگزلیە ئێک ل قەزا شێخان ھاتیە ڤەکرن و دبێژت: ھەتا نھا ھژمارا خێزانێن ژ بەر شەڕێ مووسل ئاوارە دبن و د ڤێ کەمپێ دا دھێنە حەواندن گەھشتینە ھزار و 125 خێزانان کو ژ پێنج ھزار 658 کەسان پێک دھێن.
سەمیر کەبیر، رێڤەبەرێ کەمپا نێرگزلیە ئێک یا حەواندنا ئاوارێن پارێزگەھا نەینەوا ئاشکرا کر کو پشتی کۆنترولکرنا لایێ چەپێ یێ باژێرێ مووسل رێژا ھاتنا ئاوارێن وی باژێرێ بۆ کەمپا نێرگزلیە کێم بوویە، چونکو دەمێ ھندەک تاخ دھێنە رزگارکرن گەلەک ژ خێزانان ھەر ل جھێ خوە و ل سەر مالێن خوە دمینن و گۆت: “جھێ حەفت ھزار خێزانان د ڤێ کەمپێدا یێ ھەی و ھەتا نھا پتر ژ ھزار خێزانان لێ ھاتینە ئاکنجیکرن”.
سەمیر کەبیر ئاماژە ب وێ چەندێ ژی کر، ھژمارەکا زۆر یا ئاوارێن کورد یێن باژێرێ مووسل د ڤێ کەمپێدا ھاتینە ئاکنجیکرن.
سەرپەرشتا ھەوا ڤاکسیندانێ ل رێڤەبەریا گشتی یا ساخلەمیا دھۆکێ دیار کر، وان دەست ب ڤاکسیندانا 253 ھزار و 490 زارۆکان ل سەرانسەری پارێزگەھا دھۆکێ کریە ژ وان زارۆیان 60 ھزار یێن ئاوارە و پەنابەرانە و دبێژیت: ئەڤ ھەوە بۆ دەمێ پێنج رۆژان دێ یا بەردەوام بیت ھەموو زارۆکێن ئێک رۆژی ھەتا پێنج سالی دێ ھێنە ڤاکسیندان.
د. لوما حازم، سەرپەرشتا ھەوا ڤاکسیندانێ ل رێڤەبەریا گشتی یا ساخلەمیا دھۆکێ بۆ ئەڤرۆ ئاشکرا کر، ساخلەمیا دھۆکێ ب ھەڤکاریا رێکخراوا یونسیف و رێکخراوا ساخلەمیا جیھانی ھەوا ڤاکسیندانا ڤالنجا زارۆیان قورچا ئێکێ دەستپێکر، ل ھەیڤا ئادارێ یا ئەڤ سالە قورچا دویێ ژی دێ دەست پێ کەت و گۆت: “پێدڤیە زارۆ ھەردو قورچان بدانن، داکو ژ ڤالنجا زارۆیان بھێنە پاراستن، ئەڤ ھەوا ڤاکسیندانێ ژ زارۆکێن ئێک رۆژی ھەتا یێن پێنج سالی ڤەدگریت، تیمێن مە مال ب مال دێ گەرن و ل بنگەھێن ساخلەمیێ ژی دێ مە تیمێن بنەجە ھەبن و دڤێت د دەمێ پێنج رۆژان دا ھەموو زارۆ بھێنە ڤاکسیندان”.
خویا ژی کر، ل پارێزگەھا دھۆکێ 706 تیم یێن ھاتینە پێکئێنان و ل سەر دەڤەرێن جوداجودا یێن پارێزگەھا دھۆکێ ھاتینە بەلاڤکرن ل گەل 129 سەرپەرشتیاران بۆ ھەوا ڤاکسیندانێ و گۆت: “ئەم دخوازین وەلاتی ل گەل مە دھەڤکاربن بۆ پاراستنا پاشەرۆژا زارۆیێن خوە ژ مەترسیا نەخۆشیان و دەرگەھێن مالێن خوە بۆ تێمێن ڤاکسیندانێ ڤەکەن”.
ئەڤرۆ نيوز:
رۆژناما (ناشیۆنال ئینتیریست) یا ئەمریکی دبابەتەکێ خوەدا پرسیار دکەت، ئایا دێ سەرۆکێ ئەمریکی یێ نوو پشتەڤانیا دامەزراندنا دەولەتەکا کوردی یا سەربخوە کەت د چارچۆڤێ پرۆسا دوبارە کێشانا نەخشێ دەڤەرێ د کڤانێ ھەڤڕکیا نوکە ل سووریێ و عیراقێ ھەی.
رۆژناما ناڤبری د راپۆرتا خوەدا دبێژیت، ھندەک بۆ ۆ چەندێ دچن کو پشتی ژناڤبرنا داعشێ، ترامب دێ ھێزێن ئەمریکی ژپتریا دەڤەرێ ڤەکێشیت، بەلێ ھندەکێن بەرۆڤاژی وێ بووچونێ دچن ودبێژن ترامب دێ رۆلێ ئەمریکی ل رۆژھەلاتا ناڤین چەسپینیت و ئیرانێ و رووسیا دوور ئێخیت. زێدەتر تێدا ھاتیە کو دوان ھەردو حالەتان دا، پێدڤیە ل سەر ئەمریکا پشتەڤانیا دامەزراندنا دەولەتا کوردی بکەت، ھەکە خوە بەغدا و ئەنقەرە نەرازیبوونا خوە ژی ل سەر وێ پێنگاڤا ئەمریکی دیاربکەن.
ل دۆر مافێ کوردان د پێکئینانا دەولەتێ دا، رۆژناما ئەمریکی دبێژیت” کوردان ژ ھەموو مللەتێن دی پتر مافێ سەربخوەیێ یێ ھەی و پێکئینانا دەولەتا کوردی ژی دێ ھەڤپەیمانێن ئەمریکا ل دەڤەرێ و ئورۆپا و باشوورێ رۆژھەلاتا ئاسیا پشت راست کەت کو ئەمریکا دەست ژ پشتەڤانیکرنا وان بەرنادەت، وەکو گەلەک جاران ل گەل کوردان کری”.
دیارکر ژی، نوکە دەم یێ گونجایە بۆ دوبارە کێشانا نەخشێ سەختە یێ سنۆرێن عیراقێ کو پشتی شەڕێ جیھانیێ ئێکێ ھاتیە ھاتیە کێشان و تێدا کورد ل گەل ھندەک گرۆپێن نەژادی و مەزھەبی یێن دی تێکھەلکرین.
رۆژناما ئەمریکی بەحسێ رۆلێ پێشمەرگەی د شەڕێ دژی داعشێ دا دکەت و دبێژیت” ھێزا پێشمەرگەی سەلماند کو ھێزەکا گەلەک کاریگەرە دھەڤپەیمانیا خوە دا ل گەل ئەمریکا” . بەلێ دیارکر ژی” دبیت ئاریشەک ببیتە رێگر ل ھەمبەر دامەزراندنا دەولەتا کوردی یا سەربخوە ئەوژی سروشتێ پێکئینانا ھێزا پێشمەرگەی ب خوەیە”. زێدەتر تێدا ھاتیە کو سەرەرای وێ چەندێ کو دەزگەھێن راگەھاندنێ یێن وەلاتێن رۆژئاڤا ئاماژێ ب پێشمەرگەی دکەن وەکو ھێزەکا ئێکگرتی ب سەر حوکمەتا ھەرێما کوردستانێ ڤە، بەلێ پتریا پێشمەرگەیان ب سەر ھەردو حزبێن سەرەکی ڤەنە ل ھەرێما کوردستانێ ئەوژی پارتی دیموکراتی کوردستان و ئێکەتی نیشتمانی کوردستان کو ھەردو حزبان شەڕێ ناڤخوەیی د ناڤبەرا سالێن 1994 و 1998 کربوو.
رۆژناما ئەمریکی خویا دکەت کو پرسا پشتەڤانیا دەولەتا کوردی دێ ل بەرامبەر چەندین ھەڤڕکیان بیت، بەری ھەموویان ژی ھەکە ئەو پشتەڤانی یە ژلایێ ئەمریکا ڤە ھاتە کرن، بێگومان دێ دژایەتیکرن بیت بۆ حوکمەتا بەغدا، زێدەباری وێ چەندێ ژی دێ نەرازیبوونا تورکیا ل سەر دامەزراندنا دەولەتا کوردی ل سەر سنۆرێن وێ یا توند بیت.
ئهڤرۆ نیوز:
د ئێكهم رۆژا دهستبكاربوونا دۆنالد ترامپی وهك سهرۆكێ ئهمریكا، ب سهدان هزار خوهنیشاندهران ل سهرانسهری باژارێن مهزن یێن ئهمریكا دهستت ب خوهنیشاندانان كرن.
خوهنیشاندهران خوهنیشاندان ب ناڤێ رێپیڤانا ژنان رێكخستینه، لێ چارچووڤهیێ خوهنیشاندانان مهزنتر دهێته دیتن.
ل شیكاگۆ و واشنتۆن دوسهد هزار كهس رژیانه سهرجادهیان كو د ناڤ وان دا گهلهك ئهكتهر و كهسایهتیێن ناسیار ههنه.
دروشمێن خوهنیشاندهران نیشاندانا نهرازیبوونێ یه ل دژی ههلوهستێ ترامپی ل ههمبهر موسلمانان و كۆچبهران و ژنان.
جۆن كێری وهزیرێ دهرڤه یێ بهرێ ل ئهمریكا ئێكهم رۆژا خوه پشتی سالا 1985 وهك كهسایهتییهكێ ئاسایی و نهسیاسی و حكوومی بۆراند ئهو ژی ب پشكداریكرن د رێپیڤانێ دا.
ژ سهدهمێن نهرازیبوونا خوهنیشاندهران ژ ترامپی:
ترامپى داخویانیێن توند ل دژی موسلمانان داينه.
ترامپ داخویانیێن توند ل دژی كۆچبهران ددهت و سۆزا ئاڤاكرنا دیواران ددهت، د دهمهكی دا ئهمریكا ب كۆچبهران ئاڤابوویه و ب دههان ملیۆنان زارۆ ل وی وهلاتی دژین كو دایك یان باب یان ههردو كۆچبهرن.
تۆمارێن دهنگی یێن ترامپی بهلاڤ ببوون كو گۆتنێن بێرێز و كێم بها ههمبهری ژنان دكرن.
ترامپ نه د گهل هندێ یه ژنێ مافێ ژبهربرنا زارۆی ههبیت و بزاڤێ دكهت دادوهرێن دژی ژبهربرنێ بدامهزرینیت، رێكخستنێن ژنان ژی ب مافێ ژنێ دزانن د رهوشێن نهچاری دا مافێ هندێ ههبیت زارۆكی ژبهرخوه ببهت.
ترامپ وهك كهسهكێ كریستیان ههلوهستهكێ نهرازیبوونێ ل ههمبهری ههڤژینییا ههڤرهگهزبازان ههیه، د دهمهكی دا ب ملیۆنان كهس ب ئاشكرایی ل ئهمریكا ههڤرهگهزبازن.
ترامپ دێ سیستهمێ ساخلهمییا ئۆباماكێر ههلوهشینیت كو ژیانا بهزاران ئهمریكییان پاراستییه.
وهزارهتا دارایی یا ههرێما كوردستانێ راگههاندنهك بهلاڤ كر و تێدا خشتهیێ بهلاڤكرنا مووچهیێن چهندین وهزارهتان دڤێ ههفتیێ دا دیاركر.
لدوووڤ راگههاندنێ دێ مووچهیێ مهها 11 یێ سالا 2016 هێته بهلاڤكرن، و تا رۆژا پێنج شهمبێ ئهڤ وهزارهت و دهسته دێ مووچهی وهرگرن:
ئهڤرۆ نیوز:
دۆنالد ترامپ بوو سهرۆكێ 45ێ ێ ئهمریكا و سووندا یاسایی خوار، ههروهسا بۆ ب ملیۆنان ئهمریكییان گۆتارهك خواند كو وی بخوه نڤیسییه و ئهڤه دهقێ وێ یه:
سهرۆكێ دادگهها بلند رۆبهلات، سهرۆك كارتهر، سهرۆك كلنتۆن، سهرۆك بۆش، سهرۆك ئۆباما، ههڤوهلاتیێن ئهمریكی و خهلكێ جیهانێ، سوپاس.
ئهم خهلكێ ئهمریكا نها خرڤهبوویهنه د بزاڤهكا نیشتمانی دا بۆ ئاڤهدانكرنا وهلاتێ خوه و ڤهگهراندنا سۆزا وێ بۆ ههمی خهلكێ مه. ب ههڤرا ئهم دێ ئاراستهیێ ئهمریكا و جیهانێ بۆ چهنیدن سالێن بهێن دهستنیشان كهین. ئهم دێ رووبرووی زهحمهتییان بین لێ دێ كاری گههینینه بنهجهی. ههر چار سالان جارهكێ ئهم ل سهر ڤان گاڤكان كۆم دبین ب مهرهما ڤهگۆهاستنا رێكوپێك و ئاشتییانه یا دهستههلاتێ، ئهم سوپاسدارێن سهرۆك ئۆبامای و خاتینا ئێكێ میشێا ئۆباماینه ژبهر هاریكارییا وان د ڤێ ڤهگۆهاستنێ دا، گهلهك د هاریكاربوون، سوپاس.
مهراسیما ئهڤرۆ رامانهكا گهلهگ تایبهت ههیه، ژبهركو ئهڤرۆ ئهم نهبتنێ دهستههلاتێ ژ ئیدارهیهكێ بۆ ئیدارهیهكا دى ڤهدگۆهێزین، یان ژ پارتهكێ بۆ پارتهكا دی، بهلكو ئهم دهستههلاتێ ژ واشنتۆنا پایتهخت ڤهدگۆهێزین و رادهستی ههوه، مللهتی دكهین. بۆ دهمهكێ درێژ گرۆپهكێ بچووك ل پایتهختێ وهلاتێ مه بهرههمێ حكوومهتێ بدهستڤهدئینا و خهلكی بها ددا. واشنتۆن وهرار دكر لێ سامانێ وێ د گهل خهلكی نهدهاته دابهشكرن، رهوشا سیاسهتمهداران خوهش بوو، لێ دهلیڤێن كاری چوون و كارگههـ هاتنه گرتن. سازی و دامهزراوهیان خوه د پاراست، لێ وهلاتیێن وهلاتێ مه نهدپاراستن، سهركهفتن نه سهركهفتنێن ههوه بوون، دهستكهفتی نه دهستكهفتیێن ههوه بوون، د دهمهكی دا وان ئاههنگ ل پایتهختی دگێران، چ تشتهك نهبوو خێزانێن دهستكورت ل سهرانسهری وهلاتی ئاگهههنگان بۆ بگێرن.
ههر ژ ڤی دهمی و ل ڤێره ئهو ههمی هاته گۆهورین، ژبهركو ئهڤ دهمه دهمێ وهیه، دهمێ ههر كهسهكی یه ل ڤێره خرڤه بووی، و ههر كهسهكێ تهماشه دكهت ل ههر جههكێ ئهمریكا بیت، ئهڤه ئاههنگگێرانا وهیه و ئهمریكا وهلاتێ وهیه.
گرنگ نه ئهوه كیژان پارتی حكوومهتێ كۆنترۆل دكهت، بهلكو گرنگ ئهوه حكوومهت د بن كۆنترۆلا خهلكی دا بیت. 20ێ كانوونا دوێ 2017ێ دێ هێته بیرئینان وهك رۆژهك كو تێدا مللهت بوویه دهستههلاتدارێ ڤی وهلاتی، ژن و زهلامێن ژبیركری ل ڤی وهلاتی ئێدی ناهێنه ژبیركرن، ههمی نها گوهدارییا وه دكهن، هوون ب دههان ملیۆنان هاتن دا ببنه پشكهك ژ بزاڤهكا دیرۆكی، كو وهكی وێ د جیهانێ دا نههاتینه دیتن.
د ناڤهندا ڤێ بزاڤێ دا بیروباوهركا گرنگ ههیه، كو وهلاتهك ههیه بۆ خزمهتكرنا وهلاتیێن خوه، ئهمریكیا قوتابخانهیێن باش بۆ زارۆكێن خوه دڤێن، تاخێن ئارام و بسلامهت بۆ خێزانێن خوه، كارێن باش بۆ خوه. ئهڤه خواستێن سرۆشتی یێن خهلكی نه، لێ بۆ گهلهك ژ وهلاتیێن مه راستییهكا جیاواز ههیه. دایك و زارۆ د ناڤ باژارێن مه دا د ههژاریێ دا ئاسێ بووینه، د ژهنگا كارگههێن وهكی گۆرستانان دا ل ڤی وهلاتی ماینه، سیتهمهكێ پهروهردهیی كو ل دووڤ پارهیێ كاش كهفتییه، لێ گهنج و قوتابێن مه یێن جوان ژ ههمی زانستهكی بێ بههر كرینه، تاوان و گرۆپێن تاوانان و مادێن هۆشبهر ژیانا گهلهكا ژێ ستاندییه و وهلاتێ مه ژ گهلهك شیانێن نهدیاربووی كرییه. ئهڤ شێلوبێلییا ئهمریكییان ل ڤێره و نها رادوهستیت.
ئهم وهلاتهكین، ژانا وان ژانا مهیه، خهونێن وان یێن مهنه و سهركهفتنا وان یا مهیه، مه ئێك دل ههیه، ئێك نیشتمان و ئێك چارهنڤیسێ گهش. سووندا دهستبكاربوونێ ئهز ئهڤرۆ دخۆم، سووندا ههڤسۆزیێ یه بۆ ههمی ئهمریكییان. بۆ بدههان سالان، مه پیشهسازییا بیانی ل سهر كیستێ پیشهسازییا ئهمریكا زهنگین كرییه، سوپایێن وهلاتێن دی بهێزكرییه د دهمهكی دا ژ هێزا سوپایێ ئهمریكا كێم كرییه. مه بهرگری ژ سنۆرێن وهلاتێن دی كرییه لێ رهت كرییه بهرگریێ ژ سنۆرێن خوه بكهین. مه ب ترلیۆنا دۆلاران ل سهرانسهری جیهانێ مهزاختینه د دهمهكی دا ژێرخانهیا ئهمریكا لاوازبوویه و كهفتییه رهوشهكا خراب دا.
مه وهلاتێن دی زهنگین كرینه، ههڤدهم سهرۆهت و سامان و باوهری و هێزا وهلاتێ مه پووچ و بهلاڤه بوویه. ئێك ئێكه كارگههـ تێكچووینه و وهلاتێ مه بجههێلایه، بێی هزر د ملیۆنان كاركهرێن ئهمریكی دا بكهن یێن ل پشت خوه هێلاین. سامانێ تهخا ناڤین ژێ هاتییه ستاندن و دوباره ل سهرانسهری جیهانێ هاتییه مهزاختن، لێ ئهو رابۆری یه، نها ئهم تنێ ل پاشهرۆژێ دنێرین.
ئهم ئهڤرۆ ل ڤێره كۆم بووینه و مهرسوومهكی بهلاڤ دكهین دا ل ههمی باژاران بهێته بهیستن، ههروهسا ل ههمی پایتهختێن بیانی، ل ههر جههكێ دهستههلات لێ دهێته كرن، ژ ئهڤرۆ پێڤه بتنێ گرنگییا ئهمریكا دێ ل رێزا ئێكێ هێت، ئهمریكا دێ ل پێشیێ هێت، دیتنهكا نوو دێ دهستههلاتێ ل ئهردێ مه كهت، ههر بریارهكا ل دۆر بازرگانیێ، باجان، كۆچبهران و كارێن دهرڤه دێ د مفاێ كاركهر و خێزانێن ئهمریكیان دا هێته دان. پێتڤییه سنۆرێن خوه ژ خرابكارییا وهلاتێن دی بپارێزین كو بهرههمێن مه بۆ خوه چێدكهن، كۆمپانیێن مه ددزن، كارێن مه ژناڤ دبهن. پاراستن دێ گهشهكرن و هێزهكا مهزن ل دووڤ خوه ئینیت. د گهل ههر ههناسهیهكا جانێ خوه دێ خهباتێ كهم و ههوه بێهیڤی ناكهم، ئهمریكا دێ دهست پێ كهتهڤه و گهلهك باش سهركهڤیت، ئهم دێ كارێن خوه و سنۆرێن خوه ڤهگهرینین.
دێ سامان و خهونێن خوه ڤهگهرینین، رێ و پر و تونێل و فرۆكخانهیێن نوو ل ڤی وهلاتێ جوان چێكهین، دێ خهلكێ خوه ژ وهرگرتنا خوهشگۆزهرانیێ راكهین و ئێخنه د ناڤ كاری دا، دێ ب دهستێن ئهمریكییان وهلاتێ خوه نووژهن و ئاڤهدان كهینه ڤه، دێ دو قانوونێن ساده بكارئینین كو ئهو ژی: ژ ئهمریكییان بكره و ئهمریكییان بده شۆلی.
دێ ل ههڤالیێ و نیازپاكیێ گهرین د گهل وهلاتێن جیهانێ، لێ ل سهر وی بنهمایی كو مافێ ههر وهلاتهكی یه بهرژهوهندییا خوه ل دهستپێكێ دانیت، ئهم ل هندێ ناگهرین شێوازێ ژیانا خوه ل سهر كهسێ بسهپینین، لێ دێ وهسا لێ كهین كو گهش ببیت و وهك نموونهیهكا گهش لێ بهێته نێرین و دووڤ بهێن. دێ ههڤپهیمانیێن كهڤن بهێز ئێخین و ههڤپهیمانیێن نوو چێكهین، دێ جیهانا شارستانی ل دژی تیرۆرا ئیسلاما توندرهو كهینه ئێك و دێ ب تهمامی وێ تیرۆرێ ل سهر روويێ ئهردی ژناڤ بهین. ژ بنێ سیاسهتێن خوه مه ههڤسۆزی بۆ ویلایهتێن ئێكگرتی یێن ئهمریكا ههیه، برێیا وهفادارییا خوه دێ وهفادارییا ههڤدو بینینه ڤه. دهمێ دو دلێ خوه بۆ نیشتمانپهروهریێ ڤهدكهی، جهێ لایهنگری و لێنهبۆرینێ نامینیت.
ئنجیل دبێژیته مه چهند تشتهكێ جوانه دهمێ بهشهر ب ههڤرا د ئێكگرتنێ دا دژین، پێتڤییه یا د دلێ خوه دا ب ئاشكرایی بئینینه زمان، نهرازیبوونێن خوه ب راست و درستی ببێژین، لێ ههردهم ل دووڤ پشتگیریێ و ههڤخهمیێ بچین. ل دهمێ ئهمریكا یا ئێكگرتی بیت، كهس نهشێت وێ براوهستینیت. نابیت ترس ههبیت، ئهم دپاراستینه و ههردهم دێ د پاراستی بین، دێ ژ ئالیێ ژن و زهلامێن مه د لهشكهری و ئالیێن قانوونی هێینه پاراستن، یا گرنگتر دێ ژ ئالیێ خۆدێ ڤه هێینه پاراستن.
ل داویێ، پێتڤییه هزر ب مهزنی بكهین و خهونێن مهزنتر مه ههبن. ل ئهمریكا ئهم دزانین وهلاتهك هند دژیت هندی یێ لسهر خهباتێ بهردهوام بیت، ئهم ئێدی وان سیاسهتمهداران قهبوول ناكهین كو بتنێ د ئاخڤن و بێ كریار، ههردهم گازندهیان دكهن لێ چ تشتان ل دۆر وان گازندهیان ناكهن. دهمێ ئاخفتنێن ڤالا نهما، نها دهمێ بزاڤێ هات، نههێله كهس ببێژیت دشیان دا نینه، چ زهحمهتیی نهشێن خوه ل بهر دل و خهبات و روحا ئهمریكا بگرن.
ئهم شكهستنێ نائینین، وهلاتێ مه دێ گهشهكرنێ بینیته ڤه، ئهم ل ههمبهری ژدایكبوونا چاخهكێ نووینه، ئامادهینه مژهویێن ڤالاهییا ئاسمانی ڤهببینین، ئهردی ژ ئێشان رزگاركهین، پیشهسازی و تهكنهلۆجیا پاشهرۆژێ چێبكهین. شانازییهكا نو یا نشتمانی دێ د روحا مه دا گهریت و دیتنا مه بلند كهت، دابهشبوونێن مه چارهسهركهت، نها دهمه بئینینه بیرا خوه ئهو ژیرییا سهربازێن مه چ جار ژبیرناكهن، كو چ ئهم د رهش بین، یان قههوایی، یان سپی، مه ههمان خوینا نیشتمانپهروهریێ ههیه، دێ خوهشیێ ب ههمان ئازادیێ بهین، دێ سلاڤی ههمان ئالایێ ئهمریكا كهین.
چ زارۆكهك ل نهالێن دێترۆیت ژدایك ببیت، یان ل دهشتێن نیبراسكا، ئهو ل شهڤێ ل ههمان ئاسمان دنێرن، دلێ خوه ب ههمان خهون پر دكهن، ههناسا ژیانێ ژ ئالیێ ههمان خۆدایێ مهزن پێ هاتییه دان. ئهڤجا بۆ ههمی ئهمریكیان، ل ههمی باژارێن نێزیك و دوور، بچووك یان مهزن، ژ چیا بۆ چیا، ژ ئۆقیانۆس بۆ ئۆقیانۆس، گۆهداری ڤان پهیڤان بكهن، هوون چ جار ناهێنه پشتگوهـ هاڤێتن، دهنگێ وه، هیڤیێن وه، ههمی خهونێن وه دێ چارهنڤیسێ ئهمریكا پێناسه كهن، ئازایهتی و باشی و ئهڤینا وه دێ ب درێژییا رێیێ رێبهرییا مه كهت.
ب ههڤرا دی ئهمریكا بهێزكهینه ڤه، دێ زهنگین كهینه ڤه، دێ سهرفراز كهینه ڤه، دێ ئارامتر كهینه ڤه، و بهلێ ب ههڤرا دێ ئهمریكا مهزنتر كهینه ڤه. سوپاس، خۆدێ وه پارێزیت. و خۆدێ ئهمریكا ب پارێزیت. سوپاس.
نيشاندان