ئه‌ڤرۆ نيوز:
جڤاتا نوونه‌رێن عيراقێ ئه‌ڤرۆ رۆژا چارشه‌مبى رێكه‌فتى 21ى ئيلۆنا 2016ێ و ب پتريا ده‌نگێن ئاماده‌بوويان باوه‌رى ژ وه‌زيرێ دارايى هشيار زێبارى وه‌رگرت.
د كۆمبوونا ئه‌ڤرۆ يا جڤاتا نوونه‌ران پشتى هاتيه داخوازكرن ده‌نگدان ب ره‌نگه‌كێ نهێنى هاته ئه‌نجام دان و 158 ئه‌ندامێن جڤاتا نوونه‌ران ده‌نگ ژ وه‌رگرتنا باوه‌ريێ دان و 77 كه‌س ژى ل گه‌ل نه‌بوون و 14 كه‌سان ژى ده‌نگ نه‌دابوو.
ئه‌ڤرۆ نيوز:
كۆمبوونا جڤاتا نوونه‌رێن عيراقێ بۆ رۆژا پێشنجه‌مبى رێكه‌فتى 22ى ئيلۆنا 2016ێ هاته پاشخستن.
جڤاتا نوونه‌رێن عيراقێ ئه‌ڤرۆ رۆژا چارشه‌مبى رێكه‌فتى 21ى ئيلۆنا 2016ێ و ب پتريا ده‌نگێن ئاماده‌بوويان باوه‌رى ژ وه‌زيرێ دارايى هشيار زێبارى وه‌رگرت.
د كۆمبوونا ئه‌ڤرۆ يا جڤاتا نوونه‌ران پشتى هاتيه داخوازكرن ده‌نگدان ب ره‌نگه‌كێ نهێنى هاته ئه‌نجام دان و 158 ئه‌ندامێن جڤاتا نوونه‌ران ده‌نگ ژ وه‌رگرتنا باوه‌ريێ دان و 77 كه‌س ژى ل گه‌ل نه‌بوون و 14 كه‌سان ژى ده‌نگ نه‌دابوو.
ئه‌ڤرۆ نيوز، نيوار محه‌مه‌د سه‌ليم:
سه‌رۆكێ جڤاتا نوونه‌ران ئه‌ڤرۆ رۆژا چارشه‌مبى راگه‌هاند كو داخوازيه‌ك ژ 100 نوونه‌ران گه‌هشتيه ده‌ستێ سه‌رۆكاتيا جڤاتێ كو رێگرن نه‌ينه‌وا بهێته پارچه‌كرن.
جبۆرى د چارچۆڤێ روونشتنا جڤاتا نوونه‌ران دا ئه‌وا نوكه ژى يا به‌رده‌وام گۆت: “داخوازيه‌ك ژ 100 نوونه‌رێن جڤاتا نوونه‌ران گه‌هشتيه ده‌ستي وان ره‌ت دكه‌ن كو نه‌ينه‌وا بهێته پارچه‌كرن”.
سه‌رۆكێ جڤاتا نوونه‌ران گۆتژى: “داخوازى ل سه‌ر ده‌ركه‌فتيه و بۆ لژنا قانوونى هاتيه ره‌وانه‌كرن دا كو بهێته دارێژتن و بكه‌ڤيته به‌رده‌نگدانێ”.
مه‌نسور به‌عيجى يێ نوونه‌ر ژى دوهى رۆژا سێشه‌مبى هنده‌ك سياسه‌تمه‌ندارێن نه‌ينه‌وا ب “دووپشك” وه‌سف كرن و ديار دكه‌ت كو ل سه‌ر حوكمه‌تا عيراقى پێدڤيه ژ ناڤ ببه‌ت.
ئه‌ڤرۆ نيوز:
وه‌زيرێ خواندنا بلند و ڤه‌كولينێن زانستى عه‌بدره‌زاق عيسى ره‌خنه ل وان گۆتگۆتكان گرتن يێن به‌حس ل ژێكجوداكرنا كوڕ و كچان ل زانكۆيێن عيراقێ دكه‌ن.
عيسى د چارچۆڤێ كۆمبوونه‌كا ده‌سته‌يا بۆچوونان دا گۆت: “ئامانجا ڤان ره‌نگه گۆتگۆتكان بێزاركرنا زانكۆيان ئه‌وێن خوه به‌رهه‌ڤ دكه‌ن دا كو ل سالا نوو يا خواندنێ قوتابيێن نوو وه‌رگرن”.
خواست ژى كو كار ل سه‌ر وان كێشان بهێنه كرن يێن كو د بنه رێگر ل هه‌مبه‌ر زانكۆيان بۆ وه‌رگرتنا قوتابيان ل سالا نوو يا خواندنێ ب ره‌نگه‌كى پيڤه‌رێن باشيێ ل به‌رچاڤ بهێنه وه‌رگرتن و پشت به‌ستن ل سه‌ر ئه‌كاديميان بهێته كرن و پشكێن ناڤخۆى بهێنه به‌رهه‌ڤكرن و د دوور بن ژ هه‌ر نه‌خۆشيه‌كێ ب تايبه‌ت ل وان جهێن نه‌ئارامى هه‌ين.
ئه‌ڤرۆ نيوز:
سپێده‌هيا ئه‌ڤرۆ رۆژا چارشه‌مبى 21ى ئيلۆنا 2016ێ سه‌لاحه‌دين ده‌ميرتاش هه‌ڤسه‌رۆكێ هه‌ده‌پێ ب سه‌رۆكاتيا شانده‌كێ پارتيا خوه گه‌هشته هه‌ولێرا پايته‌ختێ هه‌رێما كوردستانێ.
سه‌لاحه‌دين ده‌ميرتاش هه‌ڤسه‌رۆكێ هه‌ده‌پێ گه‌هشته سه‌رۆكاتيا هه‌رێما كوردستانێ ل پيرمام و ل گه‌ل مه‌سعود بارزانى سه‌رۆكێ هه‌رێما كوردستانێ كۆمبوو.
شاندێ هه‌ده‌پێ چه‌ند رۆژان دێ ل هه‌رێما كوردستانێ مينن و بڕياره پشتى هه‌ولێر بچنه سلێمانيێ و ل گه‌ل ئێكه‌تى و بزاڤا گۆڕان و ئێكگرتوو و كۆمه‌لا ئيسلامى كۆم ببن.
ئه‌ڤرۆ نيوز:
بڕيار بوو ده‌مژمێر 11ى به‌رى نيڤرۆيا ئه‌ڤرۆ روونشتنا جڤاتا نوونه‌رێن عيراقێ بهێته ئه‌نجام دان، به‌لێ بۆ نيڤ ده‌مژمێرێ هاته پاشخستن.
پشتى ڤێ پاشخستنێ، كۆمبوونا جڤاتا نوونه‌رێن عيراقێ ب ئاماده‌بوونا سه‌ليم جبۆرى سه‌رۆكێ جڤاتێ و ئاماده‌بوونا 174 ئه‌ندامان كۆمبوون ده‌سپێكر.
د. فه‌رهاد قادر، ئه‌ندامێ جڤاتا نوونه‌رێن عيراقێ پێشتر راگه‌هاند بوو كو برگه‌يه‌كا روونشتنێ يا تايبه‌ته ب ته‌مامكرنا قووناغ و رێيێن تايبه‌ت ب لێپرسينێ ژ وه‌زيرێ دارايێ عيراقێ ل سه‌ر ئه‌و تۆمه‌تێن ئاراسته‌ى وى كرين.
ئه‌ڤرۆ نيوز:
ب گۆره‌ى نوچه‌يه‌كێ “الشرق الاوسط” به‌رپرسه‌كێ شيعه راگه‌هاند، سه‌رۆك وه‌زيرێن به‌رێ يێن عيراقێ نورى مالكى ب پشت به‌ستن ب هنده‌ك گوهۆڕينان بزاڤا ڤه‌گه‌ريانێ بۆ ده‌سته‌لاتێ دده‌ت و ب ره‌نگه‌كى ب ڤه‌گه‌ريانا ئيرانێ دزانيت كو خزمه‌ته‌كا زۆر يا ته‌هرانێ كريه، ب تايبه‌ت د ماوێ سزايێن نێڤده‌وله‌تى دا ئاسانكارى بۆ ئيرانێ كرينه.
ئاماژه ب وێ چه‌ندێ ژى كريه كو هه‌لبژارتنا عه‌مار حه‌كيم سه‌رۆكێ جڤاتا بلندا ئيسلامى بۆ سه‌رۆكاتيا هه‌ڤپه‌يمانيا نشتيمانيا شيعا ل به‌رامبه‌ر دو به‌رپرسێن دى پێكڤه گرێدايه، يا ئێكێ سه‌رۆكاتيا هه‌ڤپه‌يمانيا سونه‌يه د ئاينده‌ى دا كو بده‌نه مالكى كو يا هه‌ڤده‌مه ل گه‌ل هه‌لبژارتنا په‌رله‌مانى و ل گه‌ل به‌رژه‌وه‌نديا مالكى دايه. دوو، بزاڤێن مالكى نه بۆ وێ چه‌ندێ كو ببيته سكرتێرێ گشتيێ جڤاتا بلندا سياسى يا عيراقێ يه كو هزرا وێ ل سالا 2010ێ خستيه‌ر به‌ر به‌حسى.
به‌رپرسێ شيعه هه‌روه‌سا به‌حس ل وێ چه‌ندێ دكه‌ت كو مالكى ب ده‌هان گرۆپێن چه‌كدار د چارچۆڤێ حه‌شه‌د شه‌عبى دا هه‌نه و سه‌ربارى زالبوونا وى ب سه‌ر وى به‌ره‌ى دا يێ دبێژنێ به‌ره‌يێ چاكسازيێ ل ناڤ په‌رله‌مانى و ژ ئه‌گه‌رێ وێ چه‌ندێ به‌رامبه‌ر نه‌يارێن خوه يێ ب هێزه و بزاڤێ دكه‌ت پێگه‌هه‌كێ سياسى يێ هه‌ڤشێوێ هه‌ڤركێ خوه پۆستێ سه‌رۆك وه‌زيران دروست بكه‌ت، ئه‌و ژى جڤاتا بلندا سياسى يه كو حه‌زا خوه د ديدارێن سياسى دا بۆ وه‌رگرتنا وى پۆستى نيشان دايه.
وه‌سان ژى دبينيت ده‌ستێ ئيرانێ ل پشت پالدانا مالكى يه كو به‌رامبه‌ر عه‌بادى وه‌كو به‌لانسه‌كێ ب كار دئينن و دشێن پشت به‌ستنێ ل سه‌ر بكه‌ن و ب ئاراستێ زۆرينه يێ عه‌بادى به‌ر ب ئه‌مريكا بگريت كو كونترۆلكرن ژ ده‌ست دايه.
ئه‌ڤرۆ نيوز:
سپێده‌هيا ئه‌ڤرۆ رۆژا چارشه‌مبى 21ى ئيلۆنا 2016ێ سه‌لاحه‌دين ده‌ميرتاش هه‌ڤسه‌رۆكێ هه‌ده‌پێ ب سه‌رۆكاتيا شانده‌كێ پارتيا خوه گه‌هشته هه‌ولێرا پايته‌ختێ هه‌رێما كوردستانێ و بڕياره ئه‌ڤرۆ ل گه‌ل سه‌رۆكێ هه‌رێمێ و سه‌رۆك وه‌زيرێن وێ كۆم ببيت.
سه‌لاحه‌دين ده‌ميرتاش، هه‌ڤسه‌رۆكێ پارتيا ديموكراتا گه‌لان “هه‌ده‌په” گۆت: “هه‌موو خه‌لكێ كوردستانێ و هه‌موو گه‌لێ كورد يێ ب ده‌مه‌كێ مێژووى و هه‌ستيار دا ده‌رباز دبيت، كورد ل هه‌ر چار پارچێن كوردستانێ پێدڤيه د ئێكرێز بن”.
ده‌ميرتاش گۆتژى: “پێدڤى ب هندێ هه‌يه د ڤێ قووناغێ دا كورد ل هه‌ر چار پارچێن كوردستانێ ده‌ستان بكه‌نه د ناڤ ئێك دا و رێكه‌فتنه‌كێ بۆ گه‌لێ كورد ئيمزا بكه‌ن، دخوازين بۆ گه‌لێ كود و خاترا گه‌لێ مه رێكه‌فتنه‌ك هه‌بيت ل سه‌ر بزاڤێن مه بۆ ئه‌وێ مه‌ره‌مێ د به‌رده‌وام بين”.
شاندێ هه‌ده‌پێ چه‌ند رۆژان دێ ل هه‌رێما كوردستانێ مينن و بڕياره پشتى هه‌ولێر بچنه سلێمانيێ و ل گه‌ل ئێكه‌تى و بزاڤا گۆڕان و ئێكگرتوو و كۆمه‌لا ئيسلامى كۆم ببن.
ئەڤرۆ نيوز:
سەرۆک وەزیرێن تورکیا دوھی راگەھاند کو نھا ئەو ل گەل روسیا و ئیرانێ سەبارەت ب نەخشێ سووریا نوو کار دکەن و دیار ژی کر کو روسیا ھێزا سەرەکی یە ل سووریێ و مە دڤێت ل گەل ئیرانێ و روسیا پرسا سووریێ چارە بکەین و ئیران ژی وەکو مە ل دژی ھندێ یە کو سووریا بھێتە پارچە کرن.
بینالی یلدرم سەرۆک وەزیرێن تورکیا دوھی د پرێس کۆنفرانسەکێ دا راگەھاند کو روسیا و ئیران ڤێ یەکێ باش دزانن کو تورکیا ھێزەک مەزن ل دەڤەرێ و ژ بەر ھندێ ژی وان دڤێت ئەم پێکڤە قەیرانا سووریێ چارە بکەین و ھەروەسا پێکڤە سووریا نوو ژی ئاڤا کەین و گۆت: (سەرەدانا بەرێز سەرۆک کۆماری بۆ روسیا و ھەروەسا سەرەدانا وەزیرێ دەرڤە یێ ئیرانێ بۆ تورکیا گرنگ بوون و د ھەر دو سەرەدانان دا مە ب رەنگەکێ بەرفرەە بەحسێ سووریا نوو کریە و بەرپرسێن ئیرانێ ژی وەکو مە دبێژن کو نابیت سووریا بھێتە پارچەکرن).
سەرۆک وەزیرێن تورکیا ھەروەسا دیار کر کو پەیوەندیێن مە ل گەل روسیا بێگومان دێ کارتێکرنا خوە ل سەر رەوشا سووریێ بکەن، د سەرەدانا خوە دا بۆ تورکیا سەرۆک کۆماری ژی ل گەل پوتینی ب گشتی بەحسێ سووریا کرینە و روسیا داخواز ژ مە کریە کو ئەم ھاریکار بین بۆ چارەکرنا قەیرانا سووریێ و گۆت: (د شەش مەھێن پێشیا مە دێ گوھۆرینێن مەزن ل سووریێ روو بدەن، نھا کارەک مەزن بۆ ھندێ دھێتە کرن، من نەڤێت زێدە تشتان دیار بکەم، لێ من دڤێت بێژم تورکیا ل گەل روسیا و ئیرانێ سەبارەت ب سووریا نوو گەھشتیە رێککەفتنەکێ و ئەو یەک دێ د ناڤ شەش مەھان دا دیار بیت).
سەبارەت ب کونترول کرنا باژێرێ منبجێ ژ ئالیێ ھێزێن سووریا یا دیموکراتیک ژی سەرۆک وەزیرێن تورکیا راگەھاند کو مە بەری نھا ژی بۆ بەرپرسێن ئەمریکی دیار کربوو کو پشتی منبج بھێتە ئازادکرن دڤێت ھێزێن کوردی ل منبجێ دەربکەڤن و خەلکێ عەرەب یێ منبجێ باژێرێ خوە برێڤە ببەن و ئەم نھا چاڤەرێ ھەلویستێ ئەمریکا نە و دڤێت ئەمریکا ژی سۆزا خوە بجە بینیت.
چاڤدێرێن سیاسی دیار دکەن کو ئەردۆگان ژ بەر بزاڤا کۆدەتایا سەربازی و شەرێ ل دژی جەماعەتا فەتحوللا گولەنی گەلەک تەنگاڤ بوویە و پێدڤی ھاریکاریا روسیایە و ژ بەر ھندێ ژی ئەردۆگان رازیە سەبارەت ب سووریێ تشتێن روسیا دڤێت بۆ بکەت و ل ھەمبەر دا داخواز دکەت کو روسیا پشتەڤانیێ ل کوردێن رۆژئاڤا نەکەت، لێ روسیا ژی ب ساناھی دەستان ژ کوردان بەرنادەت چونکو ژ بۆ شەرێ ل دژی تیرۆرێ و ھەروەسا بۆ پاشەرۆژا سووریێ ژی روسیا پێدڤی ب کوردانە.
نيشاندان