ئه‌ڤرۆ نيوز:
سه‌رۆك بارزانى سه‌را سه‌نگه‌ر و بنگه‌هـ و باره‌گايێن پێشمه‌رگه‌ى ل هێلا پێشيێ يێن شه‌رى ل هه‌ردو ميحوه‌رێن خازر و گوێر دا.
نووترين نووچه
- وەزارەتا دارایی بەرسڤا سەردابرنێن پەرلەمانتارەكێ ئێكەتیێ ل دۆر لیستا مووچەی ددەت
- رێباز حەملان: مە پەیاما سەرۆكێ حوكمەتا هەرێمێ ل دۆر مووچەیێ فەرمانبەرێن هەرێمێ گەهاندە سۆدانی
- پێشبینییا چەندین سیناریۆیان ل رۆژهەلاتا ناڤین دهێتە كرن كو ئیراقێ ژی دێ ڤەگرن
- نێچیرڤان بارزانی خواستا هەرێما كوردستانێ بۆ پێشڤەبرنا پەیوەندیان ل گەل هندستانێ دوپاتكر
- ل ئەینییا بهێت شاندێ هەڤپشكێ وەزارەتا داراییا ئیراقێ و هەرێمێ دێ كۆمبن
- ل ئیراقێ فیدرالی نەهاتییە بجهئینان
- فەوزی هەریری: تێكگەهشتنەكا باش بۆ پێكئینانا كابینەیا دەهێ هەیە
- ئەڤرۆ شاندێ تەكنیكیێ پارتی و ئێكەتی ل دۆر پێكئینانا كابینەیا نوو یا حوكمەتێ دێ كۆمبن
- دێ ل گەل ئەنەکەسێ دەست ب دانوستاندنان کەین
- پشكداریا مەسرور بارزانی ل كۆڕبەندێ ئابووریێ جیهانی دێ رەنگڤەدانا ئابووری و دیپلۆماسی ل سەر هەرێمێ هەبیت
سه‌ره‌كى نوچێن گرنگ
وێنه‌گرێ Kurdistan TV شه‌هيد بوو
ئه‌ڤرۆ نيوز:
ئه‌ڤرۆ د ئۆپه‌راسيۆنا رزگاركرنا 10 گۆندان ل سنورێ ميحوه‌رێ خازر و گوێر وێنه‌گره‌كێ كوردستان تى ڤى شه‌هيد بوو و په‌يامنێرێ وان ژى يێ برينداره.
مسته‌فا سه‌عيد په‌يامنێرێ كه‌نالێ كوردستان تى ڤى يێ سه‌ر ب پارتى ديموكراتى كوردستان ل ده‌مێ وێنه‌گرتنا ديمه‌نێن ئۆپه‌راسيۆنێ شه‌هيد بوو و په‌يامنێرێ وان ژى هێمن نانه‌كه‌لى يێ برينداره.
كوردستان تى ڤى ژى ئه نووچه پشت راست كر و ب ڤێ هه‌لكه‌فتا دلته‌زين سه‌ره‌خۆشى ل خوه كه‌سوكارێن شه‌هيدێ ناڤبرى كرن و داخوازا سلامه‌تيێ ژى بۆ په‌يامنێرێ خوه خواست.
مه‌ره‌ما ئۆپه‌راسيۆنا ئه‌ڤرۆ يا پێشمه‌رگه‌ى ئاشكه‌را بوو
ئه‌ڤرۆ نيوز:
به‌رپرسێ ميحوه‌رێ خازر راگه‌هاند كو ئارمانجا ئۆپه‌راسيۆنا ئه‌ڤرۆ يا هێزێن پێشمه‌رگه‌ى رزگاركرنا زێده‌تر ژ 140 كيلۆمه‌ترێن چارگۆشه‌يه كو زێده‌تره ژ 10 گۆندان.
عارف ته‌يفۆر بۆ ئاژانسا ئه‌نادۆل راگه‌هاند كو ئارمانجا وان د قووناغا ئێكێ يا ئۆپه‌راسيۆنان ب ده‌ست هاتيه و قووناغا دويێ ده‌سپێكريه كو پلانا رزگاركرنا گۆندێن دى هه‌يه.
ده‌رباره‌ى ب گرنگيا ئه‌وێ ئۆپه‌راسيۆنێ بۆ هێزێن پێشمه‌رگه‌ى گۆت: “مه‌ودايا ناڤبه‌را هێزێن پێشمه‌رگه‌ى ل هه‌ردو ميحوه‌رێن خازر و ميحوه‌رێ گوێر-مه‌خمور كێم دكه‌ت”.
ده‌رباره‌ى رۆلێ هه‌ڤپه‌يمانان، عارف ته‌يفۆر گۆت: “فرۆكێن شه‌ركه‌رێن هه‌ڤپه‌يمانان د به‌رده‌وامن د بۆردۆمانكرنا تيرۆرستان دا، به‌لێ ئه‌ڤا رۆلێ سه‌ره‌كى دبينيت د ئۆپه‌راسيۆنێ دا ب تنێ هێزێن پێشمه‌رگه‌ينه”.
بۆچوونا فراكسيۆنا پارتى ل سه‌ر كوشتنا ويدات حسێن
ئه‌ڤرۆ نيوز:
فراكسيۆنا پارتى ديموكراتى كوردستان ل په‌رله‌مانێ كوردستانێ راگه‌هاند كو ئه‌ڤا هاتيه روودان حاله‌ته‌كێ نه‌يێ ساخله‌مه و يێ مه‌ترسيداره، “دێ پشته‌ڤانيا هه‌موو ريێيێن قانوونى كه‌ين”.
د راگه‌هاندنا فراكسيۆنا پارتى ديموكراتى كوردستان دا هاتيه ژى كو د ماوێ رابۆرى دا ل گه‌ل ده‌زگه‌هێن ئه‌منى د په‌يوه‌نديێ دانه بۆ ديتنا بكوژان و گه‌هاندنا وان ب سزايى و دا زانين ژى كو دێ ڤه‌كولينان بۆ رايا گشتى ئاشكه‌را كه‌ن.
دوهى د روودانه‌كا مژه‌وى دا، په‌يامنێرێ رۆژ نيوز هايته ره‌ڤاندن و ته‌رمێ وى ل نێزيك سێمێل هاتيه ديتن و پشتى گه‌هاندنا وى نه‌خۆشخانا ته‌نگاڤيان گيانێ خوه ژ ده‌ست دايه و بۆ نوشداريا داد هاتيه ره‌وانه‌كرن.
ل سه‌ر لاشێ وى نيشانا ئێشتاندن و جهێن ئه‌شكه‌نجه‌دانێ ل سه‌ر يێ دياره و پۆليسێن پارێزگه‌ها دهۆكێ په‌رێن ڤه‌كولينێ ژى بۆ ڤێ تاوانێ ڤه‌كرينه.
ڕاگەیاندراوێك لە گوتەبێژی فراكسیۆنی پارتی دیموكراتی كوردستانەوە
لە بارەی كوشتنی (ویدات حسێن) كە هاونیشتیمانییەكی گەنجی شاری دهۆكە، وێڕای دەربڕینی هاوخەمی بۆ خانەوادە و هاوڕێكانی، ڕایدەگەیەنین: كە ئەو حاڵەتە بە حاڵەتێكی نا تەندرووست و مەترسیدار دەزانین و پاڵپشتی تەواوی ڕێككارە یاساییەكان دەبین، بۆ دۆزینەوەی بكوژانی و بە سزا گەیاندنیان.
هەروەها لە ماوەی ڕابردوودا، لەگەڵ دەزگە پەیوەندارەكان لە پەیوەندی بەردەوامدا بووین و تا ئێستایش لێكۆڵینەوە لەو كەیسە بەردەوامە، دوای تەواو بوونی لێكۆڵینەوەكانیش ڕای گشتی لە تەواوی كەیسەكە ئاگادار دەكرێنەوە.
د. محەمەد عەلی یاسین، گوتەبێژی فراكسیۆنی پارتی دیموكراتی كوردستان لە پەرلەمانی كوردستان
14/8/2016
سه‌رۆكێ جڤاتا نشتيمانيا كورد ل سوريا ژ رۆژئاڤايێ كوردستانێ ده‌رێخست
ئه‌ڤرۆ نيوز:
ئيبراهيم برۆ سه‌رۆكێ جڤاتا نشتيمانيا كورد ل سوريا پشتى دوهى ئێڤارى ژ لايێ هێزێن ئاسايشا قامشلۆڤه هاتيه ده‌سته‌سه‌ركرن، چه‌نده‌كێ به‌رى نوكه هاته ئازادكرن، به‌لێ ژ رۆژئاڤايێ كوردستانێ هاته ده‌رێخستن و ل سنورێ ناڤبه‌را رۆژائاڤايێ كوردستانێ و باشوورێ كوردستانێ هنارته هه‌رێما كوردستانێ.
ب كۆره‌ى پێزانينان چه‌نده‌كێ به‌رى نوكه سه‌رۆكێ “ئه‌نه‌كه‌س”ه ل خالا سنورى يا ره‌بيعه هنارته باشوورێ كوردستانێ و ده‌سته‌لاتدارێن رۆژئاڤايێ كوردستانێ رێ نه‌دا سه‌رۆكێ “ئه‌نه‌كه‌س”ێ ل رۆژئاڤايێ كوردستانێ بمينيت.
به‌رى نوكه ژى ده‌زگه‌هێ شه‌هيدێن رۆژئاڤا د كۆمبوونه‌كێ دا كه‌مپينه‌ك ل دژى “ئه‌نه‌كه‌س”ێ راگه‌هاند بوو كو تێدا “ئه‌نه‌كه‌س” ب دژايه‌تيكرنا شوره‌شا رۆژئاڤايێ كوردستانێ تۆمه‌تبار كربوو.
هێرشا ئه‌ڤرۆ يا پێشمه‌رگه‌ى ب سه‌رپه‌رشتيا سه‌رۆك بارزانى يه
ئه‌ڤرۆ نيوز:
ئه‌ڤرۆ رۆژا ئێكشه‌مبى رێكه‌فتى 14ى ته‌باخا 2016ێ و ل ده‌مژمێر 5:00ى سپێدێ ئۆپه‌راسيۆنا پێشمه‌رگه‌ى بۆ ئازادكرنا 11 گوندان ل سنورێن ميحوه‌رێن خازر و گوێر ده‌سپێكر و هێزێن پێشمه‌رگه‌ى يێ د پێشڤه‌چوونێ دا.
ئه‌ڤ ئۆپه‌راسيۆنا پێشمه‌رگێ كوردستانێ ب سه‌رپه‌رشتيا مه‌سعود بارزانى سه‌رۆكێ هه‌رێما كوردستانێ و فه‌رماندێ هێزێن چه‌كدارێن هه‌رێما كوردستانێ يه و هه‌تا نوكه زێده‌تر ژ 10 كيلۆمه‌تران پێشڤه‌چوون كريه.
ئه‌و گوندێن وان ده‌ڤه‌رێن ئۆپه‌راسيۆن تێدا دهێته ئه‌نجام دان ده‌ڤه‌رێن كوردستانى نه و خۆجهێن وێ توركمانێن شيعه مه‌زهه‌بن و هه‌تا نوكه چه‌ند گوند ئازادكرينه كو ب گۆره‌ى گۆتنێن فه‌رماندێن پێشمه‌رگه‌ى قوناغا ئێكێ يا ئۆپه‌راسيۆنێ ب سه‌ركه‌فتيانه ب رێڤه دچيت.
ئیران: مە دو جاران گۆتیە بەشاری وەرە ئیرانێ
ئەڤرۆ نیوز:
حسێن ئەمیر عەبدوللاھیان جێگرێ بەرێ یێ وەزیرێ دەرڤە یێ ئیرانێ د پرێس کۆنفرانسەکێ دا راگەھاند کو دەمێ شەرێ ل سووریێ گەلەک دژوار بوو و مەترسی ل سەر بەشاری و خێزانا وی ھەبوو من ل سەر ناڤێ ئیرانێ دو جاران داخواز ژ بەشاری کر کو ل گەل خێزانا خوە بھێنە ئیرانێ ھەتا رەوشا سووریێ ئارام دبیت و گۆت: (ب تایبەتی ژی پشتی کو گەلەک دەڤەرێن سووریێ کەفتنە دەستێ داعشێ و گرۆپێن دی یێن تیرۆرستی مە نەدخواست کو چو زیان بگەھنە بەشاری و خێزانا وی و ژ بەر ھندێ من دو جاران سەرەدانا بەشاری کر و ژێ خواست کو بھێنە ئیرانێ).
سەبارەت ب ھەلویستێ بەشار ئەسەدی ژی جێگرێ بەرێ یێ وەزیرێ دەرڤە یێ ئیرانێ راگەھاند کو بەشار رازی نەبوو ژ سووریێ دەرکەڤیت و دیار کر من دڤێت ل سووریێ ل گەل خەلکێ خوە بمینم و بەرەڤانیێ ل وەلاتێ خوە بکەم و ژ بەر ھندێ ژی بەشاری ھەر دو جاران پێشنیازا مە رەد کر و نەدڤیا ژ سووریێ دەرکەڤیت.
ل ئالیێ دی دو رۆژ بەری نھا بەرپرسێ دەزگەھێ ھەوالگیریا ئیرانێ مەحمود عەلەوی ژی راگەھاند کو قاسم سلێمانی چەندین جاران داخواز ژ بەشاری کربوو کو ل گەل خێزانا خوە ژ سووریێ دەرکەڤن و بھێنە ئیرانێ دا ئەو پێکڤە سەرپەرشتیا شەری بکەن، لێ بەشاری دیار کربوو ھەکە ئەز ژ سووریێ دەرکەڤم ئەو یەک دێ کارتێکرنێ ل لەشکری کەت و دێ تیرۆرست وێ یەکێ بۆ خوە بکار بینن و دێ کارتێکرنەکا خراب ل خەلکێ مە بکەت و ژ بەر ھندێ ژی بەشار رازی نەبوو ژ سووریێ دەرکەڤیت.
قاسم دربۆ: بەغدا ھارێکاریا دارایی بۆ پەکەکێ ل شنگالێ دابین دکەت
ئه‌ڤرۆ نيوز:
فەرماندەکێ ھێزێن ھێزێن پێشمەرگەی دبێژیت، بەغدا پارەی بۆ زێدەتر ژ ھزار چەکدارێن پەکەکێ دابیندکەت، پەکەکە درەوا بۆ خەلکێ ئێزدی دکەن ئەو ژی بۆیە سەدەما دژاتیا خەلکی بۆ پەکەکێ ل دەڤەرێ.
فەرماندێ ھێزا پێشمەرگەی و کەساتیا دیارا کوردێن ئێزدی ل شنگالێ قاسم دربۆی بۆ مالپەرێ فەرمیێ پارتی دیموکراتی کوردستان گۆت: بەغدا پارەیی بۆ زێەتر ژ ھزار چەکدارێن پەکەکێ دابین دکەت، ل جھێ بەغدا پارەیی بۆ ھێزا پێشمەرگەی دابین بکەت، وی پارەی ددەتە ھێزێن پەکەکێ، بۆ ھندێ دژی ھێزێن پێشمەرگەی بھێتە بکارئینان، ئەڤە ژی جھێ قەبوولکرنێ نینە.
قاسم دربۆ ئاماژەدا وێ چەندێ پێنچ کومەلگەە ل دەورۆبەرێن قەزا شنگالێ ماینە، ھەر دەمێ ھاتنە ئازادکرن، بەغدا چو ھێجەت نامینن و پەکەکە ژی دێ ب نەچاری ڤە دڤێت شنگالێ و دەوروبەرێن وێ چول بکەت.
ھەروەسا فەرماندێ ناڤبری گۆت: جھێ پەکەکێ باشوورێ کوردستانێ یە، پێدڤیە بچن وان دەڤەران ئازاد بکەن، نەک ب شێوەکێ نەیێ قانوونی بھێنە ڤان دەڤەران و رێگرییا خەلکێ و ھێزێن پێشمەرگەی بکەن.
قاسم دربۆی ل دووماھیێ ھوشداری دانە پەکەکێ و راگەھاند، کو خەلکێ شنگالێ دخوازن ب زووترین دەم پەکەکە شنگالێ چول بکەت، چونکی بەردەوام کێشە بۆ خەلکێ شنگالێ دروست دبن، ب تایبەتی ل کەمپان و کەمپا نەورۆز کێشە دروست دکەن و رێگرییا خەلکێ شنگالێ دکەن، ئەڤ چەندە یا بوویە ئەگەرێ ھندێ رۆژ بۆ رۆژێ زێدەتر خەلک دژی پەکەکێ راوەستیت.
پەرلەمانتارێن کورد: دێ بەڕەڤانیێ ژ ھشیار زێباری کەین
ئەڤرۆ نیوز:
بڕیارە ھشیار زێباری وەزیرێ دارایی و ئابوریا عێراقێ لسەر داخوازا پەرلەمانتارەکێ دەولەتا قانوونی، بۆ لێپرسینێ ب چیتە بەرامبەری پەرلەمانی و سەرۆکێ فڕاکسیۆنا کۆمەلا ئیسلامی ژی دبێژیت، ھەکە ژبەر کوردبوونێ ھشیار زێباری بھێتە گازیکرن دێ مە ھەلویست ھەبیت، پەرلەمانتارەکا پارتی ژی ئەشکرەکر، مەرەمێن سیاسی لپشت گازیکرنا ھشیار زێباری ھەنە و ب چو شێوەیەکی ژی قەبوول ناکەین.
زانا رۆستایی، سەرۆکێ فڕاکسیۆنا کۆمەلا ئیسلامی لپەرلەمانێ عێراقێ بۆ رۆژناما ئەڤرۆ گۆت” ئەو کەسا پرسیار بەرھەڤکرینەو ھشیار زێباری وەزیرێ دارایێ عێراقێ تۆمەتبارکری ب گەندەلیێ ئەنداما لیستا دەولەتا قانوونێ یە، وەکی ئەو دبێژیت بەلگە ھەنە لدۆر ڤێ تۆمەتبارکرنێ و ئەو بخوە ئەندامێ لیژنا دارایی و ئابوریە لپەرلەمانێ عێراقێ، ئەوێ پەرلەمانتارێ رێو جھێن قانوونی گرتینە بەر بۆ داخوازکرنا وەزیرێ دارایا عێراقێ، ھەتا ڤێرێ ئاسایە و زۆر وەزیرێن دیژی ھاتینە گازیکرن بۆ پەرلەمانی، ھەتا ھشیار زێباری نەھێتە پەرلەمانی و مە گوھداری پرسیار نەبیت، ئەم نەشێین بێژین گازیکرنا زێباری سیاسیە یان قانوونیە، ھەکە بھێت و بەلگەیێن دروست لبەر دەست نەبن، ئەڤە دیارە گازیکرنا وەزیرێ دارایی سیاسیە و ئەم وەکی فڕاکسیۆنا کۆمەلا ئیسلامی ب چو شێوەیەکی رازینابین ھشیار زێباری بۆ مەرەمێن سیاسی بھێتە گازیکرن، ھەکە دەرکەفت گەندەلی ھاتیەکرن، ئەڤە بێگومان ئەم بەڕەڤانیێ ژ کێماسیان ناکەین.
ژئالیەکێ دی ڤە دکتۆر ئەشواق جاف، پەرلەمانتارا پارتی دیموکراتی کوردستان بۆ رۆژناما ئەڤرۆ گۆت” مەرەمێن سیاسی لپشت گازیکرنا ھشیار زێباری ھەنە و ئەم وەک فڕاکسیۆنا پارتی و ھەموو فڕاکسیۆنێن کوردستانی دژی ھەر مەرەمەکا سیاسینە ھەمبەر وەزیرێن کورد ل حوکمەتا بەغدا، چونکو بەری نوکە ھشیار زێباری دەست ژکار ڤەکێشانا خوە پێشکەشی سەرۆک وەزیرێن عێراقێ کریە و ھەکە گەندەلی ھاتبیتەکرن، ئەڤە پرسیار ئەڤەیە بۆچی حەیدەر عەبادی دەست ژکار کێشانا وەزیرێ دارایی پەسەند نەکریە، لەوڕا دێ لڕۆژا گازیکرنا زێباری مە ھەلویست ھەبیت و ب چو شێوەیەکی ئەم دگەل گەندەلیێ نینە و ئەم کورد بۆ نەھێلانا گەندەلیێ چووینە بەغدا و ھەکە ھەرکەسەکێ تۆمەتباربیت ب گەندەلیێ بلا لێپرسین دگەلدا بھێتەکرن، بەرۆڤاژی بۆ مەرەمێن سیاسی نابیت وەزیرێن کورد بھێنە ناڤبرن.
پێشمه‌رگه 9 كيلومتران پێشره‌وى كريه
نيشاندان
WP Facebook Auto Publish Powered By : XYZScripts.com